National

  ന്യൂഡല്‍ഹി: പുലിറ്റ്സര്‍ നേടിയ ഇന്ത്യന്‍ ഫോട്ടോ ജേർണലിസ്റ്റ് ഡാനിഷ് സിദ്ദീഖി അഫ്ഗാനിസ്ഥാനിൽ കൊല്ലപ്പെട്ടു. അഫ്‌ഗാനിസ്ഥാനില്‍ താലിബാന്‍ നടത്തിയ ആക്രമണത്തിലാണ് കൊല്ലപ്പെട്ടത്. റോയിട്ടേഴ്സ് ഫോട്ടോ ജേണലിസ്റ്റ് ആയിരുന്നു ഡാനിഷ് സിദ്ദീഖി. ആദിത്യ രാജ് കൗൾ ആണ് ഈ വിവരം ട്വീറ്റ് ചെയ്തത്. അദ്ദേഹത്തിന്റെ ട്വീറ്റ് ഇങ്ങനെ, വളരെ ഞെട്ടിക്കുന്ന വാർത്ത. ഞങ്ങളുടെ പ്രിയപ്പെട്ട ഡാനിഷ് സിദ്ദിഖി, റോയിട്ടേഴ്സ് ചീഫ് ഫോട്ടോ ജേർണലിസ്റ്റ്, അഫ്ഗാനിസ്ഥാനിലെ കാന്ദഹാറിൽ സ്പിൻ ബോൾഡക് ജില്ലയിൽ നടന്ന ഏറ്റുമുട്ടലിൽ കൊല്ലപ്പെട്ടു. താലിബാൻ ആക്രമണത്തിനിരയായ അഫ്ഗാൻ സേനയുടെ…

  കേരളമടക്കമുള്ള സംസ്ഥാനങ്ങളിലെ കൊവിഡ് വ്യാപനത്തിൽ ആശങ്കയുണ്ടെന്ന് പ്രധാനമന്ത്രി നരേന്ദ്രമോദി. മൂന്നാം തരംഗത്തിന്റെ ഭീഷണി വർധിക്കുകയാണ്. വൈറസിന്റെ തുടർ ജനിതകമാറ്റത്തിന് വലിയ സാധ്യതയുണ്ടെന്നും ആറ് സംസ്ഥാനങ്ങളിലെ മുഖ്യമന്ത്രിമാരുമായി നടത്തിയ ചർച്ചയിൽ പ്രധാനമന്ത്രി പറഞ്ഞു നിലവിൽ രാജ്യത്തെ രോഗികളിൽ 80 ശതമാനവും ആറ് സംസ്ഥാനങ്ങളിലായാണ്. കേരളത്തിലെയും മഹാരാഷ്ട്രയിലെയും സ്ഥിതി നിയന്ത്രണവിധേയമായിട്ടില്ല. കൂടുതൽ നിയന്ത്രണങ്ങൾ ഏർപ്പെടുത്തണം. ആഘോഷങ്ങൾ നടത്താനുള്ള സമയമായിട്ടില്ല. വാക്‌സിനേഷന്റെയും രോഗ നിർണ പരിശോധനകളുടെയും നിരക്ക് കൂട്ടണം. ഗ്രാമീണ മേഖലകളിൽ കൂടുതൽ ശ്രദ്ധ നൽകണം. മൈക്രോ കണ്ടെയ്ൻമെന്റ് സോണുകളിൽ…

  രാജ്യത്ത് കഴിഞ്ഞ 24 മണിക്കൂറിനിടെ 38,949 പേർക്ക് കൂടി കൊവിഡ് സ്ഥിരീകരിച്ചതായി കേന്ദ്ര ആരോഗ്യ മന്ത്രാലയം അറിയിച്ചു. 542 പേരാണ് ഒരു ദിവസത്തിനിടെ കൊവിഡ് ബാധിച്ച് മരിച്ചത്. രാജ്യത്ത് ഇതിനോടകം 3,10,26,829 പേർക്കാണ് കൊവിഡ് സ്ഥിരീകരിച്ചത്. 24 മണിക്കൂറിനിടെ 40,026 പേർ രോഗമുക്തി നേടി. ഇതുവരെ 3,01,83,876 പേർ രോഗമുക്തി നേടി. 4,12,531 പേരാണ് കൊവിഡ് ബാധിച്ച് രാജ്യത്ത് ഇതിനോടകം മരിച്ചത്. നിലവിൽ 4,30,422 പേർ ചികിത്സയിൽ കഴിയുന്നു. അതേസമയം 39.53 കോടി ഡോസ് വാക്‌സിൻ…

  ബീഹാറിൽ വിഷമദ്യ ദുരന്തത്തിൽ പതിനാറ് പേർ മരിച്ചു. വടക്കൻ ചമ്പാരൻ ജില്ലയിലെ ലോരിയ സ്‌റ്റേഷൻ പരിധിയിലാണ് സംഭവം. ഇന്നലെയാണ് വിഷമദ്യം കഴിച്ചയാളുകൾ കുഴഞ്ഞുവീഴാൻ തുടങ്ങിയതും മരിച്ചതും. സമ്പൂർണ മദ്യനിരോധനമുള്ള സംസ്ഥാനമാണ് ബീഹാർ. സംഭവത്തിൽ പോലീസ് കേസെടുത്ത് അന്വേഷണം ആരംഭിച്ചിട്ടുണ്ട്.  

മധ്യപ്രദേശിലെ വിദിഷയിൽ 30 പേർ കിണറ്റിൽ വീണു. കിണറ്റിൽ വീണ കുട്ടിയെ രക്ഷിക്കാൻ ശ്രമിക്കുന്നതിനിടെയാണ് സംഭവം. കിണറ്റിൽ വീണ 20 പേരെ രക്ഷപ്പെടുത്തി. മൂന്ന് മൃതദേഹങ്ങൾ കണ്ടെത്തിയിട്ടുണ്ട്. രക്ഷപ്രവർത്തനം തുടരുകയാണ് നിരവധി പേർ കിണറ്റിൽ കുടുങ്ങിക്കിടക്കുകയാണ്. കുട്ടിയെ രക്ഷപ്പെടുത്താനായി ആളുകൾ കൂട്ടത്തോടെ എത്തിയപ്പോൾ കിണറിന്റെ ചുറ്റുമതിൽ ഇടിഞ്ഞ് വീഴുകയായിരുന്നു. സംഭവത്തിൽ മുഖ്യമന്ത്രി ശിവരാജ് സിംഗ് ചൗഹാൻ ഉന്നതതല അന്വേഷണത്തിന് ഉത്തരവിട്ടു.

രാജ്യത്തെ കൊവിഡ് സാഹചര്യം വിലയിരുത്തുന്നതിനായി പ്രധാനമന്ത്രി ഇന്ന് കേരളമടക്കമുള്ള ആറ് സംസ്ഥാനങ്ങളിലെ മുഖ്യമന്ത്രിമാരുമായി ചർച്ച നടത്തും. കേരളം, ആന്ധ്ര, കർണാടക, ഒഡീഷ, മഹാരാഷ്ട്ര, തമിഴ്‌നാട് സംസ്ഥാനങ്ങളിലെ മുഖ്യമന്ത്രിമാരുമായാണ് ചർച്ച. മുഖ്യമന്ത്രി പിണറായി വിജയനും ഓൺലൈനായി ചർച്ചയിൽ പങ്കെടുക്കും. കഴിഞ്ഞ ദിവസം വടക്കുകിഴക്കൻ സംസ്ഥാനങ്ങളിലെ മുഖ്യമന്ത്രിമാരുമായി പ്രധാനമന്ത്രി കൂടിക്കാഴ്ച നടത്തിയിരുന്നു. കൊവിഡിന്റെ മൂന്നാം തരംഗം ഓഗസ്റ്റ് അവസാനത്തോടെയുണ്ടാകുമെന്ന മുന്നറിയിപ്പിന്റെ പശ്ചാത്തലത്തിലാണ് പ്രധാനമന്ത്രിയുടെ കൂടിക്കാഴ്ച

രാജ്യത്ത് കോവിഡ് മൂന്നാം തരംഗം ഉടൻ; മുന്നറിയിപ്പുമായി ഐസിഎംആർ രാജ്യത്ത് കോവിഡ് മൂന്നാം തരംഗം ഉടനുണ്ടാകുമെന്ന് ഇന്ത്യൻ കൗൺസിൽ ഓഫ് മെഡിക്കൽ റിസർച്ച്(ഐസിഎംആർ) മുന്നറിയിപ്പ്. ഓഗസ്റ്റ് അവസാനത്തോടെ മൂന്നാം തരംഗം പ്രതീക്ഷിക്കുന്നുണ്ട്. എന്നാൽ രണ്ടാം തരംഗത്തിന്റെ അത്ര രൂക്ഷമാകില്ല മൂന്നാം തരംഗമെന്നും ഐസിഎംആർ അറിയിച്ചു. മൂന്നാം തരംഗത്തിൽ ജനിതകമാറ്റം വന്ന വൈറസിന്റെ സാന്നിധ്യം കൂടും. നേരത്തെ ഐഎംഎയും മുന്നറയിപ്പ് നൽകിയിരുന്നു. നിലവിലുള്ള നിയന്ത്രണങ്ങൾ പിൻവലിക്കുന്നത് കൂടുതൽ അപകടകരമാകുമെന്നും ഐസിഎംആർ മുന്നറിയിപ്പ് നൽകിയിട്ടുണ്ട്. രാജ്യവ്യാപക തരംഗമായിരിക്കും വരാൻ പോകുന്നതെങ്കിലും…

  ഗോവയുടെ പുതിയ ഗവർണറായി പി എസ് ശ്രീധരൻ പിള്ള സത്യപ്രതിജ്ഞ ചെയ്തു. രാജ്ഭവനിൽ നടന്ന ചടങ്ങിൽ മുംബൈ ഹൈക്കോടതി ചീഫ് ജസ്റ്റിസ് ദീപാങ്കർ ദത്തയാണ് സത്യവാചകം ചൊല്ലിക്കൊടുത്തത്. സംസ്ഥാനത്തെ 33ാമത് ഗവർണറാണ് ശ്രീധരൻ പിള്ള മിസോറാം ഗവർണറായിരുന്ന പി എസ് ശ്രീധരൻ പിള്ളയെ കഴിഞ്ഞ ദിവസമാണ് ഗോവയിലേക്ക് മാറ്റി നിയമിച്ചത്. ഗോവ മുഖ്യമന്ത്രി പ്രമോദ് സാവന്ത്, ഉപമുഖ്യമന്ത്രി മനോഹർ ഹസ്‌നോക്കർ, കേന്ദ്രമന്ത്രി ശ്രീപദ് നായിക് തുടങ്ങിയവർ ചടങ്ങിൽ പങ്കെടുത്തു.

  ഇന്ത്യയിലെ രാജ്യദ്രോഹ നിയമം കൊളോണിയൽ കാലത്തേതാണെന്ന് സുപ്രീം കോടതി. സ്വാതന്ത്ര്യം ലഭിച്ച് 75 വർഷം കഴിഞ്ഞിട്ടും ഈ നിയമം ഇപ്പോഴും ആവശ്യമാണോയെന്ന് കോടതി ചോദിച്ചു. വളരെയധികം ദുരുപയോഗം ചെയ്യുന്ന നിയമാണിത്. ഗുരുതരമായ ഭീഷണിയാണ് ഇത് സൃഷ്ടിക്കുന്നതെന്നും കോടതി പറഞ്ഞു രാജ്യദ്രോഹ നിയമത്തിന്റെ സാധുത പരിശോധിക്കുമെന്ന് സുപ്രീം കോടതി പറഞ്ഞു. കേസിൽ മറുപടി നൽകാൻ കേന്ദ്രസർക്കാരിനോട് കോടതി നിർദേശിച്ചു. ഈ നിയമം ഉപയോഗിച്ചാണ് ഗാന്ധിയെ ബ്രിട്ടീഷുകാർ നിശബ്ദനാക്കാൻ ശ്രമിച്ചതെന്നും ചീഫ് ജസ്റ്റിസ് എൻ വി രമണ പറഞ്ഞു…

  രാജ്യത്ത് 24 മണിക്കൂറിനിടെ 41,806 പുതിയ കൊവിഡ് കേസുകൾ സ്ഥിരീകരിച്ചു. 581 മരണങ്ങളും റിപ്പോർട്ട് ചെയ്തു. പ്രതിദിന പോസിറ്റിവിറ്റി നിരക്ക് 2.15 ശതമാനം ആണ്. ഇതോടെ രാജ്യത്തെ ആകെ രോഗബാധിതരുടെ എണ്ണം 3,09,87,880 ആയി. ഇതുവരെ 3,01,43,850 പേരാണ് രോഗമുക്തരായത്. നിലവിൽ 4,32,041 പേരാണ് ചികിത്സയിലുള്ളത്. 4,11,989 ആണ് ആകെ മരണസംഖ്യ. രാജ്യത്താകെ 39,13,40,491 പേർക്ക് വാക്സിനേഷൻ നൽകി. ഇന്നലെ 19,43,488 സാംപിളുകൾ പരിശോധിച്ചതായി ഇന്ത്യൻ കൗൺസിൽ ഓഫ് മെഡിക്കൽ റിസർച് (ഐസിഎംആർ) അറിയിച്ചു. ജൂലൈ…