National

കേന്ദ്ര പെട്രോളിയം, ഭവന, നഗരകാര്യ മന്ത്രി ഹർദീപ് സിംഗ് പുരിയുമായി മുഖ്യമന്ത്രി പിണറായി വിജയൻ കൂടിക്കാഴ്ച നടത്തി. സംസ്ഥാനത്തെ വിവിധ വികസന പദ്ധതികളിലെ നടത്തിപ്പിലെ പുരോഗതിയെ കുറിച്ച് ഇരുവരും ചർച്ച നടത്തിയെന്ന് കേന്ദ്രമന്ത്രി ട്വീറ്റ് ചെയ്തു. കേരളത്തിലെ ജനങ്ങൾക്ക് ഹർദിപ് സിംഗ് പുരി ആശംസകളും നേർന്നു ഡൽഹിയിലുള്ള മുഖ്യമന്ത്രി ഇന്ന് വൈകുന്നേരം നാല് മണിക്ക് പ്രധാനമന്ത്രി നരേന്ദ്രമോദിയുമായി കൂടിക്കാഴ്ച നടത്തുന്നുണ്ട്. ഇതിന് മുന്നോടിയായി പ്രധാനമന്ത്രിയുടെ പ്രിൻസിപ്പൽ സെക്രട്ടറി പി കെ മിശ്രയുമായി മുഖ്യമന്ത്രി കൂടിക്കാഴ്ച നടത്തുകയാണ്. കെ…

രാജ്യത്ത് കൊവിഡ് കേസുകൾ കുറഞ്ഞതിനെ തുടർന്ന് വിനോദ സഞ്ചാര കേന്ദ്രങ്ങളിലേക്ക് ആളുകൾ കൂട്ടമായി എത്തുന്നതിനെ വിമർശിച്ച് പ്രധാനമന്ത്രി നരേന്ദ്രമോദി. കൊവിഡിന്റെ മൂന്നാം തരംഗം സംഭവിക്കാതിരിക്കാൻ എല്ലാവരും ഒന്നിച്ച് പ്രതിരോധം തീർക്കണമെന്ന് പ്രധാനമന്ത്രി പറഞ്ഞു വിനോദസഞ്ചാര മേഖലയെയും വ്യാപാര മേഖലയെയും കൊവിഡ് പ്രതികൂലമായി ബാധിച്ചുവെന്നത് സത്യമാണ്. എന്നാൽ മാർക്കറ്റുകളിലും ടൂറിസ്റ്റ് കേന്ദ്രങ്ങളിലും ആളുകൾ മാസ്‌ക് ധരിക്കാതെ കൂട്ടംകൂടുന്നത് ശരിയല്ല. മൂന്നാം തരംഗം വരുന്നതിന് മുമ്പ് യാത്ര പോയി ആസ്വദിച്ച് വരാമെന്ന ചിന്ത പാടില്ല. നിലവിലെ സാഹചര്യത്തെ കുറിച്ച് ചിന്തിക്കുകയും…

  രാജ്യത്തെ കൊവിഡ് പ്രതിദിന കണക്കുകളിൽ കുറവ്. കഴിഞ്ഞ 24 മണിക്കൂറിനിടെ 31,443 പേർക്ക് കൂടി കൊവിഡ് സ്ഥിരീകരിച്ചു. കഴിഞ്ഞ 11 ദിവസത്തിനിടെയുള്ള ഏറ്റവും കുറഞ്ഞ പ്രതിദിന വർധനവാണിത്. ടെസ്റ്റ് പോസിറ്റിവിറ്റി നിരക്ക് 1.81 ശതമാനമായി കുറഞ്ഞു. രോഗമുക്തി നിരക്ക് 97.28 ശതമാനമായി ഉയരുകയും ചെയ്തിട്ടുണ്ട്. 2020 പേരാണ് ഒരു ദിവസത്തിനിടെ കൊവിഡ് ബാധിച്ച് മരിച്ചത്. മധ്യപ്രദേശിൽ വിട്ടുപോയ കൊവിഡ് മരണങ്ങളുടെ കണക്കു കൂടി വിട്ടു ചേർത്തതിനാലാണ് രാജ്യത്തെ പ്രതിദിന മരണനിരക്ക് ഉയർന്നത് രാജ്യത്ത് ഇതിനോടകം 3,08,74,376…

മുഖ്യമന്ത്രി പിണറായി വിജയൻ ഡൽഹിയിലെത്തി. പ്രധാനമന്ത്രി നരേന്ദ്രമോദിയുമായി വൈകുന്നേരം മുഖ്യമന്ത്രി കൂടിക്കാഴ്ച നടത്തും. തുടർഭരണം ലഭിച്ചതിന് ശേഷം ഇതാദ്യമായാണ് മുഖ്യമന്ത്രി ഡൽഹിയിലെത്തുന്നത്. കേരളത്തിലെ കൊവിഡ് സാഹചര്യങ്ങൾ, വികസന പദ്ധതികൾ എന്നിവ സംബന്ധിച്ച് കൂടിക്കാഴ്ചയിൽ ചർച്ചയാകും. സഹകരണ മന്ത്രാലയം രൂപീകരണം സംബന്ധിച്ച കേരളത്തിന്റെ ആശങ്ക മുഖ്യമന്ത്രി അറിയിക്കും. കേന്ദ്ര നഗരവികസന, പെട്രോളിയം മന്ത്രി ഹർദീപ് സിംഗ് പുരി, ഉപരിതല ഗതാഗത മന്ത്രി നിതിൻ ഗഡ്ഗരി എന്നിവരുമായും മുഖ്യമന്ത്രി കൂടിക്കാഴ്ച നടത്തും

  ന്യൂഡൽഹി: ഇത്തവണത്തെ നീറ്റ് പരീക്ഷ സെപ്തംബർ 12 ന്. കോവിഡ് മാനദണ്ഡങ്ങൾ പാലിച്ച് നീറ്റ് പരീക്ഷ നടത്തുമെന്ന് കേന്ദ്ര വിദ്യാഭ്യാസ മന്ത്രി ധർമേന്ദ്ര പ്രധാൻ അറിയിച്ചു. ചൊവ്വാഴ്ച (ജൂലായ് 13) വൈകീട്ട് അഞ്ചു മുതൽ പരീക്ഷയ്ക്ക് ഓൺലൈനായി അപേക്ഷിക്കാമെന്നും അദ്ദേഹം വ്യക്തമാക്കി. പരീക്ഷാ കേന്ദ്രങ്ങളുടെ എണ്ണം 198 ആയി വർധിച്ചിട്ടുണ്ടെന്നും അദ്ദേഹം അറിയിച്ചു. രാജ്യത്തെ മുഴുവൻ പരീക്ഷാ കേന്ദ്രങ്ങളിലും സാമൂഹിക അകലം ഉറപ്പുവരുത്താനാണ് പരീക്ഷാ കേന്ദ്രങ്ങളുടെ എണ്ണം വർധിപ്പിച്ചത്. എല്ലാ പരീക്ഷാ കേന്ദ്രങ്ങളിലും വിദ്യാർഥികൾക്ക് മാസ്‌ക്…

  കൊവിഡിന്റെ മൂന്നാം തരംഗം നേരിടാനിരിക്കെ കേന്ദ്ര, സംസ്ഥാന സർക്കാരുകൾ കൊവിഡ് നിയന്ത്രണത്തിൽ വിട്ടുവീഴ്ച വരുത്തരുതെന്ന് ഇന്ത്യൻ മെഡിക്കൽ അസോസിയേഷൻ. രാജ്യത്തെ പലയിടുത്തും അധികൃതരും പൊതുജനങ്ങളും കൊവിഡ് മാനദണ്ഡങ്ങളിൽ കാണിക്കുന്ന അലംഭാവത്തിൽ ഐഎംഎ ആശങ്ക പ്രകടിപ്പിച്ചു ആഗോളതലത്തിൽ ലഭ്യമായ തെളിവുകളും ചരിത്രവും പരിശോധിച്ചാൽ ഏതൊരു മഹാമാരിക്കും മൂന്നാം തരംഗം ഉറപ്പാണ്. രാജ്യത്തിന്റെ വിവിധ ഭാഗങ്ങളിൽ പൊതുജനങ്ങൾ കൊവിഡ് മാനദണ്ഡങ്ങൾ പാലിക്കാതെ വലിയ തോതിൽ കൂട്ടംചേരുന്നത് വേദനാജനകമാണെന്നും ഐഎംഎ പ്രസ്താവനയിൽ പറഞ്ഞു. വിനോദ സഞ്ചാരം, തീർഥാടനം, മതപരമായ ആഘോഷങ്ങൾ…

  രാഷ്ട്രീയത്തിലേക്കില്ലെന്ന പ്രഖ്യാപനവുമായി രജനികാന്ത്. രാഷ്ട്രീയ പ്രവേശനത്തിനായി രൂപീകരിച്ച രജനി മക്കൾ മൻട്രം പിരിച്ചുവിടുകയും ചെയ്തു. സംഘടന പഴയതുപോലെ രജനി രസികർ മൻട്രമായി പ്രവർത്തിക്കും. ഭാവിയിൽ രാഷ്ട്രീയത്തിൽ സജീവമാകാൻ ആഗ്രഹമില്ല. ഒരുകാലത്ത് ഇങ്ങനെ ചിന്തിച്ചിരുന്നു. എന്നാൽ സമയം അത്തരമൊന്നിന് സാധ്യമല്ലാത്ത തരത്തിലാണ്. അതിനാൽ ജനങ്ങളുടെ പ്രയോജനത്തിനായി രജനി മക്കൾ മൻട്രം ഒരു ഫാൻ ചാരിറ്റി ഫോറമായി പ്രവർത്തിക്കും എന്ന് രജനി പ്രസ്താവനയിലൂടെ അറിയിച്ചു 2017ലാണ് രാഷ്ട്രീയത്തിലേക്കുള്ള പ്രവേശനം രജനികാന്ത് പ്രഖ്യാപിച്ചത്. എന്നാൽ മാറിയ രാഷ്ട്രീയ സാഹചര്യങ്ങളും കൊവിഡ്…

  രാജ്യത്ത് കഴിഞ്ഞ 24 മണിക്കൂറിനിടെ 37,154 പേർക്ക് കൂടി കൊവിഡ് സ്ഥിരീകരിച്ചു. 724 പേരാണ് കൊവിഡ് ബാധിച്ച് മരിച്ചത്. ഇതോടെ രാജ്യത്തെ ആകെ രോഗബാധിതരുടെ എണ്ണം 3,08,74,376 ആയി ഉയർന്നു 39,649 പേർ 24 മണിക്കൂറിനിടെ രോഗമുക്തരായി. നിലവിൽ 4,50,899 പേരാണ് ചികിത്സയിൽ കഴിയുന്നത്. ഇതിനോടകം 3,00,14,713 പേർ രോഗമുക്തരായി. 4,08,764 പേരാണ് കൊവിഡ് ബാധിച്ച് മരിച്ചത് രാജ്യത്ത് കഴിഞ്ഞ ദിവസം റിപ്പോർട്ട് ചെയ്ത കേസുകളിൽ മൂന്നിലൊന്നും കേരളത്തിലാണ്. അതേസമയം രാജ്യത്ത് 37.73 കോടി പേർക്ക്…

  വാച്ച് ടവറിൽ കയറി സെൽഫിയെടുക്കുന്നതിനിടെ ജയ്പൂരിൽ ആറ് പേർ മിന്നലേറ്റ് മരിച്ചു. ജയ്പൂർ അമേർ കൊട്ടാരത്തിലെ വാച്ച് ടവറിൽ വെച്ചാണ് ഇവർക്ക് മിന്നലേറ്റത്. നിരവധി പേർക്ക് പരുക്കേൽക്കുകയും ചെയ്തു. ഇടിമിന്നൽ വീഴുന്ന സമയത്ത് നിരവധി പേർ വാച്ച് ടവറിലുണ്ടായിരുന്നു. പ്രാണരക്ഷാർഥം വാച്ച് ടവറിൽ നിന്ന് താഴേക്ക് ചാടി കാടിനുള്ളിൽ വീണ 29 പേരെ കാണാതായി. മരിച്ചവർക്ക് രാജസ്ഥാൻ സർക്കാർ നാല് ലക്ഷം രൂപ ധനസഹായം പ്രഖ്യാപിച്ചു.

മുഖ്യമന്ത്രി പിണറായി വിജയൻ ഔദ്യോഗിക സന്ദർശനത്തിനായി നാളെ ഡല്‍ഹിക്ക് പോകും. പ്രധാനമന്ത്രി നരേന്ദ്രമോദിയുമായുള്ള കൂടിക്കാഴ്‌ചയാണ് പ്രധാന അജണ്ട. സംസ്ഥാനത്തിന്റെ വികസന കാര്യങ്ങൾ ഉന്നയിക്കാനാണ് പ്രധാനമന്ത്രിയെ സന്ദർശിക്കുന്നത്. കേരളത്തിൽ നടപ്പിലാക്കാൻ ഉദ്ദേശിക്കുന്ന അതിവേഗ റെയിൽ പദ്ധതിയടക്കമുള്ള വിഷയങ്ങളിൽ കേന്ദ്രസർക്കാരിന്റെ പിന്തുണ പ്രധാനമന്ത്രിയുമായുള്ള കൂടിക്കാഴ്ചയിൽ തേടും.