National

കൊവിഡ് നിയന്ത്രണങ്ങളിൽ കൂടുതൽ ഇളവുകൾ പ്രഖ്യാപിച്ച് ഡൽഹി സർക്കാർ. തിങ്കളാഴ്ച മുതൽ ബസ്, മെട്രോ സർവീസുകൾക്ക് അനുമതിയുണ്ട്. ബസുകളിൽ കയറുന്ന യാത്രക്കാർ പുറകുവശത്ത് കൂടി കയറി മുൻ വാതിൽ വഴി ഇറങ്ങണം. സീറ്റിൽ ഇരുന്നുള്ള യാത്രക്ക് മാത്രമാണ് അനുമതി സിനിമാ തീയറ്ററുകൾക്കും മൾട്ടിപ്ലക്‌സുകൾക്കും പ്രവർത്തിക്കാം. അമ്പത് ശതമാനം ആളുകൾക്ക് മാത്രമാകും പ്രവേശനാനുമതി. വിവാഹങ്ങൾ, മരണാനന്തര ചടങ്ങുകൾ എന്നിവക്ക് നൂറ് പേർക്ക് പങ്കെടുക്കാം. ഓഡിറ്റോറിയങ്ങളും അസംബ്ലി ഹാളുകളും തുറക്കാം. അമ്പത് ശതമാനം പേർക്ക് മാത്രമാണ് ഇവിടെയും അനുമതി

ന്യൂഡൽഹി: കേരളം ഉൾപ്പെടെയുള്ള സംസ്ഥാനങ്ങളിൽ 18 സൈബര്‍ ഫോറെന്‍സിക് പരിശീലന കേന്ദ്രങ്ങള്‍ സ്ഥാപിക്കാനൊരുങ്ങി കേന്ദ്രസര്‍ക്കാര്‍. ലാബുകളുടെ നിര്‍മ്മാണ പ്രവര്‍ത്തനങ്ങള്‍ ഘട്ടം ഘട്ടമായാണ് നടത്തുക. കേരളം, ഉത്തരാഖണ്ഡ്, മുംബൈ, പുനെ, ഗാസിയാബാദ് (സിബിഐ അക്കാദമി), കൊല്‍ക്കൊത്ത, വടക്കു കിഴക്കന്‍ സംസ്ഥാനങ്ങള്‍ എന്നിവടങ്ങളിലാണ് പരിശീലനകേന്ദ്രങ്ങള്‍ ആരംഭിക്കുന്നത്. ഉത്തര്‍പ്രദേശ്, തമിഴ്‌നാട്, ബംഗാള്‍, ജമ്മുകശ്മീര്‍, മഹാരാഷ്‌ട്ര, പഞ്ചാബ്, രാജസ്ഥാന്‍, മിസോറാം, മണിപ്പൂര്‍, ത്രിപുര, ഡല്‍ഹി എന്നിവിടങ്ങളിലാണ് ആദ്യഘട്ട നിര്‍മ്മാണം പുരോഗമിക്കുന്നത്. ഇന്ത്യയിലുടനീളം 18 സൈബര്‍ ഫോറെന്‍സിക് കം ട്രെയിനിംഗ് ലാബുകള്‍ കമ്മീഷന്‍ ചെയ്തിട്ടുണ്ട്….

ഗ്യാസ് സിലിണ്ടർ പൊട്ടിത്തെറിച്ച് ഒരു കുടുംബത്തിലെ ഒമ്പത് പേർ മരിച്ചു. അഹമ്മദാബാദ് അസ്ലാലിയ എന്ന പ്രദേശത്താണ് ദാരുണ സംഭവം. മരിച്ചവരിൽ നാല് പേർ കുട്ടികളാണ്. മധ്യപ്രദേശ് സ്വദേശികളാണിവർ. ഗുരുതരമായി പരുക്കേറ്റ ഇവർ രണ്ട് ദിവസത്തിനിടെ ചികിത്സയിലിരിക്കെയാണ് മരിച്ചത്. ജൂലൈ 20ന് രാത്രി ഉറങ്ങുന്ന സമയത്താണ് ഗ്യാസ് ചോർന്നത്. മണം പുറത്തേക്ക് വന്നതോടെ അയൽവാസി വിവരം അറിയിക്കാനായി ഇവരുടെ വാതിലിൽ മുട്ടി. വാതിൽ തുറക്കാനെത്തിയ ആൾ അകത്ത് ലൈറ്റ് ഓൺ ചെയ്തതോടെ സിലിണ്ടർ പൊട്ടിത്തെറിക്കുകയായിരുന്നു.

കർണാടകയിലെ ചിത്രദുർഗയിൽ പതിമൂന്ന് വയസ്സുകാരിയെ ബലാത്സംഗം ചെയ്തു കൊലപ്പെടുത്തി. ഇസ്സാമുദ്ര ഗ്രാമത്തിലെ എട്ടാം ക്ലാസുകാരിയായ വിദ്യാർഥിനിയെയാണ് വീടിന് സമീപത്തെ ചോളപ്പാടത്ത് കൊല്ലപ്പെട്ട നിലയിൽ കണ്ടെത്തിയത്. കുട്ടിയെ വീട്ടിലാക്കി മാതാപിതാക്കൾ ഇളയ സഹോദരിയുമായി ആശുപത്രിയിലേക്ക് പോയതായിരുന്നു. തിരികെ വന്നപ്പോൾ കുട്ടിയെ കാണാതായതിനെ തുടർന്ന് അന്വേഷിച്ചിറങ്ങുകയായിരുന്നു. തുടർന്നാണ് ചോളപ്പാടത്ത് മൃതദേഹം ലഭിച്ചത്. കഴുത്തിലും മുഖത്തുമടക്കം മാരകമായ മുറിവുകളും മൃതദേഹത്തിലുണ്ട്.

ജമ്മു കാശ്മീരിലെ ബന്ദിപോരയിൽ നടന്ന ഏറ്റുമുട്ടലിൽ രണ്ട് ഭീകരരെ സൈന്യം വധിച്ചു. സൊക്ബാബ വനമേഖലയിലാണ് ഏറ്റുമുട്ടൽ നടന്നത്. മൂന്ന് സൈനികർക്ക് ഏറ്റുമുട്ടലിൽ പരുക്കേറ്റിട്ടുണ്ട് വനമേഖലയിൽ ഭീകരർ ഒളിച്ചിരിക്കുന്നുണ്ടെന്ന രഹസ്യ വിവരത്തിന്റെ അടിസ്ഥാനത്തിൽ മേഖലയിൽ തെരച്ചിൽ നടത്തുകയായിരുന്നു. ഇന്നലെ കൃഷ്ണഗാട്ടിയിൽ നടന്ന ഏറ്റുമുട്ടലിൽ ഒരു സൈനികൻ വീരമൃത്യു വരിച്ചിരുന്നു.

ടോക്യോ ഒളിമ്പിക്‌സിൽ ഇന്ത്യക്ക് വേണ്ടി ആദ്യ മെഡൽ സ്വന്തമാക്കിയ മീരാബായ് ചാനുവിനെ അഭിനന്ദിച്ച് പ്രധാനമന്ത്രി നരേന്ദ്രമോദി. മീരാബായിയുടെ വിജയം എല്ലാ ഇന്ത്യക്കാർക്കും പ്രചോദനമാണെന്ന് നരേന്ദ്രമോദി ട്വീറ്റ് ചെയ്തു. മീരാബായിക്കൊപ്പമുള്ള ചിത്രം സഹിതമാണ് ട്വീറ്റ് മീരാബായി ചാനുവിന്റെ പ്രകടനം ഇന്ത്യയെ ആവേശഭരിതമാക്കുകയാണ്. ഭാരോദ്വഹനത്തിൽ വെള്ളി മെഡൽ നേട്ടത്തെ അഭിനന്ദിക്കുന്നു. ചാനുവിന്റെ ഈ നേട്ടം എല്ലാ ഇന്ത്യക്കാർക്കും പ്രചോദനമാണെന്നും പ്രധാനമന്ത്രി ട്വീറ്റ് ചെയ്തു. രാഷ്ട്രപതി രാംനാഥ് കോവിന്ദും ചാനുവിനെ അഭിനന്ദിച്ചു. മീരാബായി ചാനുവിന് ഹൃദയം നിറഞ്ഞ അഭിനന്ദനങ്ങളെന്ന് രാഷ്ട്രപതി ട്വീറ്റ്…

അശ്ലീല വീഡിയോ നിർമാണത്തിൽ രാജ് കുന്ദ്ര അറസ്റ്റിലായതിന് പിന്നാലെ ഇയാളുടെ ഭാര്യയും നടിയുമായ ശിൽപ ഷെട്ടിയെ പോലീസ് ചോദ്യം ചെയ്തു. ആറ് മണിക്കൂറോളം നേരമാണ് ശിൽപയെ മുംബൈ ക്രൈംബ്രാഞ്ച് ചോദ്യം ചെയ്തത്. ജുഹുവിലെ വസതിയിൽ വെച്ചായിരുന്നു ചോദ്യം ചെയ്യൽ ഭർത്താവിന്റെ നീലിചിത്ര നിർമാണ ബിസിനസ്സിനെ കുറിച്ച് അറിവുണ്ടായിരുന്നോ എന്നാണ് പോലീസ് പ്രധാനമായും ചോദിച്ചത്. ശിൽപയുടെ ലാപ്‌ടോപ്പും പോലീസ് കണ്ടെടുത്തു. അതേസമയം രാജ് കുന്ദ്രയുടെ ബിസിനസ്സിൽ തനിക്ക് പങ്കില്ലെന്ന് ശിൽപ്പ പറയുന്നു.

ഇന്ത്യയിൽ കുട്ടികൾക്കുള്ള കൊവിഡ് വാക്‌സിനേഷൻ സെപ്റ്റംബറോടെ ആരംഭിക്കുമെന്ന് എയിംസ് മേധാവി ഡോ. രൺദീപ് ഗുലേറിയ. സൈഡസ് പരീക്ഷണങ്ങൾ പൂർത്തിയാക്കി അടിയന്തര അംഗീകാരത്തിന് കാത്തിരിക്കുകയാണ്. കൊവാക്‌സിൻ പരീക്ഷണം സെപ്റ്റംബറോടെ അവസാനിക്കും ഫൈസർ വാക്‌സിന് ഇതിനകം അമേരിക്കൻ റെഗുലേറ്റർ ഫുഡ് ആൻഡ് ഡ്രഗ് അഡ്മിനിസ്‌ട്രേഷന്റെ അംഗീകാരമുണ്ട്. സെപ്റ്റംബറോടെ കുട്ടികൾക്കുള്ള വാക്‌സിനേഷൻ ആരംഭിച്ചാൽ കൊവിഡ് വ്യാപനത്തെ വലിയ തോതിൽ തടയാൻ സാധിക്കുമെന്ന് ഗുലേറിയ പറഞ്ഞു ഇന്ത്യയിൽ നിലവിൽ 42 കോടി ഡോസ് വാക്‌സിനാണ് നൽകിയിട്ടുള്ളത്. ഈ വർഷം അവസാനത്തോടു കൂടി ജനസംഖ്യയിലെ…

മഹാരാഷ്ട്രയിൽ കനത്ത മഴയിലും മണ്ണിടിച്ചിലിലുമായി മരിച്ചവരുടെ എണ്ണം 136 ആയി. ഇതിൽ 47 പേരും മരിച്ചത് റായ്ഗഢിലെ മണ്ണിടിച്ചിലിലാണ്. കോലാപൂർ, റായ്ഗഢ്, രത്‌നഗിരി, പാൽഘർ, താനെ, നാഗ്പൂർ എന്നിവിടങ്ങളിൽ വെള്ളപ്പൊക്ക സാഹചര്യം നിലനിൽക്കുകയാണ്. സതാര ജില്ലയിൽ മാത്രം 27 പേർ മരിച്ചു. ഗോണ്ടിയ, ചന്ദ്രപൂർ എന്നിവിടങ്ങളിലും നിരവധി പേര് മരിച്ചിട്ടുണ്ട്. റായ്ഗഡിൽ മണ്ണിടിച്ചിൽ ദുരന്തത്തെ തുടർന്ന് 70 പേരെ കാണാതായി. സതാരയിലെ നാല് ഗ്രാമങ്ങളിൽ വീടുകൾ വെള്ളത്തിനടിയിലായി. രത്‌നഗിരിയിലെ ചിപ്ലൂൺ കൊവിഡ് ആശുപത്രിയിൽ വൈദ്യുതി വിതരണം തടസ്സപ്പെട്ടതിനെ…

അതിശക്തമായി തുടരുന്ന മഴയിൽ മഹാരാഷ്ട്രയിലും കൊങ്കൺ മേഖലയിലും വ്യാപക നാശനഷ്ടം. നിരവധി വീടുകളും കൃഷിയിടങ്ങളും തകർന്നു. ആയിരക്കണക്കിനാളുകളെ മാറ്റിപ്പാർപ്പിച്ചു. മഹാരാഷ്ട്രയിലെ റായ്ഗഢിലാണ് കൂടുതൽ നാശനഷ്ടങ്ങൾ റിപ്പോർട്ട് ചെയ്തിരിക്കുന്നത്. റായ്ഗഢിൽ മണ്ണിടിച്ചിലിൽ മരിച്ചവരുടെ എണ്ണം 36 ആയി തലായിൽ 32 പേരും സുതർവാഡിയിൽ നാല് പേരുമാണ് മരിച്ചത്. മുപ്പതോളം പേർ കുടുങ്ങിക്കിടക്കുന്നതായും റിപ്പോർട്ടുകളുണ്ട്. ദേശീയ ദുരന്തനിവാരണ സേനയുടെ നേതൃത്വത്തിലാണ് രക്ഷാപ്രവർത്തനം നടത്തുന്നത്. മഹാരാഷ്ട്രക്ക് ആവശ്യമായ എല്ലാ സഹായങ്ങളും പ്രധാനമന്ത്രി നരേന്ദ്രമോദി വാഗ്ദാനം ചെയ്തിട്ടുണ്ട്. ഉത്തരകന്നഡയിലെ ഹൂബ്ലിയിൽ ആറ് യുവാക്കളെ…