National

നീലച്ചിത്രം നിർമിച്ച് മൊബൈൽ ആപ്പുകളിൽ വിൽപന നടത്തിയ കേസിൽ അറസ്റ്റിലായ വ്യവസായിയും നടി ശിൽപ ഷെട്ടിയുടെ ഭർത്താവുമായ രാജ് കുന്ദ്രയെ 14 ദിവസത്തെ ജുഡീഷ്യൽ കസ്റ്റഡിയിൽ വിട്ടു. കുന്ദ്ര നൽകിയ ജാമ്യാപേക്ഷ കോടതി ബുധനാഴ്ച പരിഗണിക്കും. അതിനിടെ, നടിമാരായ പൂനം പാണ്ഡെ, ഷെർലിൻ ചോപ്ര എന്നിവർക്ക് ബോംബെ ഹൈക്കോടതി മുൻകൂർ ജാമ്യം അനുവദിച്ചു. സെപ്റ്റംബർ 20 വരെ ഇവരുടെ പേരിൽ നടപടി സ്വീകരിക്കരുതെന്ന് കോടതി നിർദേശിച്ചു. കുന്ദ്ര ഉൾപെട്ട നീലച്ചിത്ര റാക്കറ്റ് കേസിൽ ഹാജരാകാൻ ഷെർലിൻ ചോപ്രക്ക്…

പഞ്ചാബിൽ കോവിഡ് നിയന്ത്രണങ്ങളോടെ സ്‌കൂളുകൾ തുറന്നു. തിങ്കളാഴ്ച മുതലാണ് 10,12 ക്ലാസുകൾ ആരംഭിച്ചത്. മാസ്‌ക് ധരിച്ചും സാമൂഹിക അകലം പാലിച്ചുമാണ് ക്ലാസുകൾ പുരോഗമിക്കുന്നത്. കോവിഡ് നിയന്ത്രണത്തിൽ ഓഗസ്റ്റ് 2 മുതൽ മറ്റു ക്ലാസുകളും തുറന്ന് പ്രവർത്തിച്ചേക്കും. മാർച്ച് മാസത്തിൽ കോവിഡ് കേസുകൾ ഉയർന്നതിനെത്തുടർന്ന് അടച്ച സ്‌കൂളുകൾ നാലുമാസങ്ങൾക്ക് ശേഷമാണ് തുറന്നുപ്രവർത്തിക്കുന്നത്. വാക്സിനേഷൻ സ്വീകരിച്ച അധ്യാപകർക്കും സ്റ്റാഫുകൾക്കുമാണ് സ്‌കൂളിൽ പ്രവേശനമുള്ളത്. വിദ്യാർഥികൾക്ക് സ്‌കൂളിലേക്ക് എത്തണമെങ്കിൽ മാതാപിതാക്കളുടെ അനുമതി പത്രവും ആവശ്യമാണ്.

പെഗാസസ് ഫോൺ ചോർത്തൽ വിവാദത്തിൽ പ്രതിപക്ഷത്തിന് ഇരട്ടത്താപ്പെന്ന് പ്രധാനമന്ത്രി നരേന്ദ്രമോദി. പ്രതിപക്ഷ ബഹളത്തെ തുടർന്ന് പാർലമെന്റിന്റെ ഇരുസഭകളും ഇന്നും സ്തംഭിച്ചു. അന്വേഷണം ആവശ്യപ്പെട്ടാണ് പ്രതിപക്ഷം പാർലമെന്റിന്റെ ഇരുസഭകളും സ്തംഭിപ്പിച്ചത്. എന്നാൽ പ്രതിപക്ഷത്തെ തുറന്നുകാണിക്കാൻ പ്രധാനമന്ത്രി എംപിമാർക്ക് നിർദേശം നൽകി ചാരപ്പണി നിർത്തുകയെന്ന പ്ലക്കാർഡുമേന്തിയാണ് പ്രതിപക്ഷം നടുത്തളത്തിലിറങ്ങി പ്രതിഷേധിച്ചത്. തൃണമൂൽ കോൺഗ്രസിന്റെ നേതൃത്വത്തിലായിരുന്നു പ്രതിഷേധം. എന്നാൽ ബിജെപി പാർലമെന്ററി പാർട്ടി യോഗത്തിൽ പ്രതിപക്ഷ നിലപാടിനെതിരെ രൂക്ഷ വിമർശനമാണ് നരേന്ദ്രമോദി ഉയർത്തിയത്. ചർച്ചയ്ക്ക് സർക്കാർ തയ്യാറാണ്. ഇത് അംഗീകരിക്കാത്ത നിലപാട്…

പെഗാസസ് ഫോൺ ചോർത്തലിൽ ജുഡീഷ്യൽ അന്വേഷണം ആവശ്യപ്പെട്ട് മാധ്യമപ്രവർത്തകരായ എൻ റാം, ശശികുമാർ എന്നിവർ സുപ്രീം കോടതിയിൽ റിട്ട് ഹർജി ഫയൽ ചെയ്തു. സുപ്രീം കോടതിയിലെ സിറ്റിംഗ് ജഡ്ജിയോ വിരമിച്ച ജഡ്ജിയോ അന്വേഷണത്തിന് മേൽനോട്ടം വഹിക്കണമെന്നും ഇവർ ആവശ്യപ്പെടുന്നു. പെഗാസസ് ഏതെങ്കിലും സർക്കാർ ഏജൻസികൾ ഉപയോഗിക്കുന്നുണ്ടോയെന്ന് കേന്ദ്രസർക്കാർ വ്യക്തമാക്കണം. സൈനിക തലത്തിൽ ഉപയോഗിക്കുന്ന സോഫ്റ്റ് വെയർ ഉപയോഗിച്ച് വ്യക്തികളുടെ ഫോൺ ചോർത്തുന്നത് സ്വകാര്യതയിലേക്കുള്ള കടന്നുകയറ്റമാണെന്നും ഹർജിയിൽ ആരോപിക്കുന്നു പെഗാസസ് വിഷയത്തിൽ സുപ്രീം കോടതിയിൽ എത്തുന്ന മൂന്നാമത്തെ ഹർജിയാണിത്….

മുഖ്യമന്ത്രി സ്ഥാനത്ത് നിന്ന് യെദ്യൂരപ്പ രാജിവെച്ചതോടെ കർണാടകയിൽ പുതിയ മുഖ്യമന്ത്രിക്കായുള്ള ചർച്ചകൾ സജീവം. ബിജെപി ദേശീയ നിരീക്ഷകരായി അരുൺ സിംഗും ധർമേന്ദ്ര പ്രധാനും ഇന്ന് ബംഗളൂരുവിലെത്തും. ബിജെപി സംഘടനാ ജനറൽ സെക്രട്ടറി ബി എൽ സന്തോഷ്, ഉപമുഖ്യമന്ത്രിയും ലിംഗായത്ത് നേതാവുമായ ലക്ഷ്മൺ സുവാധി, മന്ത്രി മുരുകേശ് നിരാനി എന്നിവരുടെ പേരുകളാണ് പരിഗണിക്കുന്നത്. മുഖ്യമന്ത്രി സ്ഥാനം ലിംഗായത്ത് വിഭാഗത്തിൽ നിന്നുള്ള ആളാണെങ്കിൽ വൊക്കലിംഗ, ദളിത് വിഭാഗത്തിൽ നിന്നുള്ളവർ ഉപമുഖ്യമന്ത്രിമാരാകും എല്ലാ വിഭാഗങ്ങൾക്കും പ്രാതിനിധ്യം നൽകി മന്ത്രിസഭയിൽ വൻ അഴിച്ചുപണി…

അസം-മിസോറം അതിർത്തിയിൽ സംഘർഷം അതീവ രൂക്ഷാവസ്ഥയിലേക്ക്. മിസോറം പോലീസ് നടത്തിയ വെടിവെപ്പിൽ ആറ് അസം പോലീസുകാർ കൊല്ലപ്പെട്ടു. നിരവധി നാട്ടുകാർക്കും പരുക്കേറ്റിട്ടുണ്ട്. അസം മുഖ്യമന്ത്രി ഹിമന്ദ ബിശ്വാസ് ശർമയാണ് ഇക്കാര്യമറിയിച്ചത്. മിസോറം അതിർത്തിയിലെ ചില നിർമാണങ്ങൾ അസം സർക്കാർ പൊളിച്ചുനീക്കിയതിനെ തുടർന്നാണ് സംഘർഷത്തിന് തുടക്കമായത്. പ്രശ്‌ന പരിഹാരത്തിനായി കേന്ദ്രം നേരിട്ട് ഇടപെട്ടിരുന്നുവെങ്കിലും സംഘർഷത്തിന് അയവുവന്നിട്ടില്ല. കഴിഞ്ഞ ദിവസം കേന്ദ്ര ആഭ്യന്തര മന്ത്രി അമിത് ഷാ ഇരു സംസ്ഥാനങ്ങളിലെയും മുഖ്യമന്ത്രിമാരുമായി സംസാരിച്ചിരുന്നു.

  അസം-മിസോറാം അതിർത്തിയിൽ വീണ്ടും ഏറ്റുമുട്ടൽ. അതിർത്തിയിൽ വെടിവെപ്പുണ്ടായതായും സർക്കാർ വാഹനങ്ങൾ അഗ്നിക്കിരയാക്കിയതായുമാണ് റിപ്പോർട്ടുകൾ. കേന്ദ്ര ആഭ്യന്തര മന്ത്രി അമിത് ഷാ ഇരു സംസ്ഥാനങ്ങളിലെയും മുഖ്യമന്ത്രിമാരെ വിളിച്ച് സ്ഥിതിഗതികൾ വിലയിരുത്തി. അസമിലെ ചാച്ചാർ ജില്ലയും മിസോറാമിലെ കോലാസിബ് ജില്ലയും തമ്മിൽ അതിർത്തി പങ്കിടുന്നിടത്താണ് സംഘർഷമുണ്ടായത്. അതിർത്തി കടന്നുള്ള കയ്യേറ്റം തടയാനെത്തിയ അസം സർക്കാർ ഉദ്യോഗസ്ഥർക്ക് നേരെ മിസോറമിൽ നിന്നുള്ള ആളുകൾ കല്ലെറിയുകയായിരുന്നുവെന്ന് അസം പോലീസ് ആരോപിച്ചു

ഒളിമ്പിക്‌സിൽ വെള്ളിമെഡൽ സ്വന്തമാക്കി രാജ്യത്തിന്റെ അഭിമാന താരമായ മീരാബായ് ചാനുവിന് മണിപ്പൂർ സർക്കാരിന്റെ അംഗീകാരം. മീരാബായിയെ മണിപ്പൂർ പോലീസ് സേനയിൽ അഡീഷണൽ സൂപ്രണ്ട് ആയി നിയമിച്ചതായി മുഖ്യമന്ത്രി ബീരേൻ സിംഗ് അറിയിച്ചു. സമ്മാനമായി ഒരു കോടി രൂപയും ബീരേൻ സിംഗ് പ്രഖ്യാപിച്ചു വനിതകളുടെ 49 കിലോ വിഭാഗം ഭാരോദ്വഹനത്തിലാണ് മീരാബായി ചാനു വെള്ളിമെഡൽ സ്വന്തമാക്കിയത്. പി വി സിന്ധുവിന് ശേഷം ഒളിമ്പിക്‌സിൽ വെള്ളി മെഡൽ നേടുന്ന ഇന്ത്യൻ വനിത കൂടിയാണ് മീരാബായി ചാനു

  പെഗാസസ് ഫോൺ ചോർത്തലിൽ ജുഡീഷ്യൽ അന്വേഷണം പ്രഖ്യാപിച്ച് പശ്ചിമ ബംഗാൾ മുഖ്യമന്ത്രി മമതാ ബാനർജി. രണ്ട് റിട്ട. ജസ്റ്റിസുമാരടങ്ങുന്ന കമ്മീഷനെയാണ് അന്വേഷണത്തിന് നിയോഗിച്ചിരിക്കുന്നത്. കൊൽക്കത്ത ഹൈക്കോടതി മുൻ ചീഫ് ജസ്റ്റിസ് ജ്യോതിർമയ് ഭട്ടാചാര്യ, സുപ്രീം കോടതി മുൻ ജഡ്ജി ജസ്റ്റിസ് എംബി ലോകൂർ എന്നിവരാണ് കമ്മീഷൻ അംഗങ്ങൾ ചോർത്തൽ വിവരം പുറത്തുവന്ന് ഇത്രയും ദിവസമായിട്ടും കേന്ദ്രം നിഷ്‌ക്രിയമാണെന്നും അതുകൊണ്ടാണ് സ്വന്തം നിലയ്ക്ക് അന്വേഷണം പ്രഖ്യാപിച്ചതെന്നും മമത പറയുന്നു. തങ്ങളുടെ മാതൃക മറ്റുള്ളവരും സ്വീകരിക്കുമെന്നാണ് പ്രതീക്ഷയെന്നും മമത…

കാർഷിക നിയമങ്ങൾക്കെതിരെ ഡൽഹി നഗരത്തിലൂടെ ട്രാക്ടറോടിച്ച് രാഹുൽ ഗാന്ധിയുടെ പ്രതിഷേധം. തീർത്തും അപ്രതീക്ഷിതമായാണ് രാഹുലിന്റെ ട്രാക്ടർ യാത്ര രാജ്യതലസ്ഥാനത്ത് നടന്നത്. രാവിലെ പാർലമെന്റിലേക്ക് പുറപ്പെട്ട രാഹുൽ ഗാന്ധി എഐസിസി ആസ്ഥാനത്ത് നിന്ന് ട്രാക്ടറിലേക്ക് കയറി ഇതോടിച്ചാണ് പാർലമെന#്റിന് സമീപത്തേക്ക് എത്തിയത് സുരക്ഷാ ഉദ്യോഗസ്ഥർ അപ്രതീക്ഷിതമായ ഈ നീക്ത്തിൽ അമ്പരന്നു. പിന്നീട് രാഹുലിന് സുരക്ഷയൊരുക്കുകയായിരുന്നു. കെ സി വേണുഗോപാലും രാഹുൽ ഗാന്ധിക്കൊപ്പമുണ്ടായിരുന്നു. പോലീസിനോ സുരക്ഷാ ഉദ്യോഗസ്ഥർക്കോ ഇത്തരമൊരു പ്രതിഷേധത്തെ കുറിച്ച് അറിവുണ്ടായിരുന്നില്ല പാർലമെന്റിന് മുന്നിൽ മാധ്യമങ്ങളോട് രാഹുൽ ഗാന്ധി…