Kerala

തിരുവനന്തപുരം: സർക്കാർ സർവ്വീസിൽ മുന്നാക്ക സംവരണം നടപ്പാക്കാൻ പിഎസ് സി തീരുമാനിച്ചിരിക്കുന്നു. മുന്നാക്കക്കാരിൽ സാമ്പത്തികമായി പിന്നാക്കം നിൽക്കുന്നവ‍ർക്ക് പത്ത് ശതമാനം സംവരണത്തിനായി സർക്കാർ ഉത്തരവിറങ്ങിയ ഒക്ടോബർ 23 മുതൽ നടപ്പാക്കാനാണ് തീരുമാനം അറിയിച്ചിരിക്കുന്നത്. 23 മുതൽ നാളെ വരെ അപേക്ഷ നൽകാൻ സമയപരിധിയുള്ള റാങ്ക് പട്ടികകൾക്കും സംവരണം ബാധകമാക്കും. അർഹരായവർക്ക് അപേക്ഷിക്കാൻ പത്ത് ദിവസം കൂടി നീട്ടിനൽകാനും ഇന്ന് ചേർന്ന പിഎസ് സി യോഗം തീരുമാനിക്കുകയുണ്ടായി.  

തിരുവനന്തപുരം: സംസ്ഥാനത്ത് നാളെ റേഷന്‍ കട വ്യാപാരികള്‍ കട അടച്ച് കരിദിനം ആചരിക്കും. ഉച്ചകഴിഞ്ഞ് മൂന്ന് മുതല്‍ ഏഴ് വരെ കടകള്‍ അടച്ചിടും. സിവില്‍ സപ്ലൈസ് കോര്‍പ്പറേഷന്‍ നേരിട്ട് നടത്താന്‍ തീരുമാനിച്ച റേഷന്‍ കട ഉദ്ഘാടനം ചെയ്യുന്നതില്‍ പ്രതിഷേധിച്ചാണ് തീരുമാനം. സമരം മൂലം കടയടച്ച് റേഷന്‍ മുടങ്ങുന്ന സ്ഥലങ്ങളില്‍ സപ്ലൈകോ ഔട്ട്ലെറ്റുകളോട് ചേര്‍ന്ന് റേഷന്‍ കടകള്‍ തുറക്കാനാണ് സര്‍ക്കാരിന്റെ തീരുമാനം. ഈ നീക്കത്തോടാണ് വ്യാപാരികളുടെ എതിര്‍പ്പ്. തിരുവനന്തപുരത്ത് പുളിമൂട്ടിലാണ് ആദ്യത്തെ സപ്ലൈക്കോ റേഷന്‍ കടയുടെ ഉദ്ഘാടനം. സര്‍ക്കാര്‍…

കൊച്ചി: ദുബായില്‍ നിന്നും തിരുവനന്തപുരം വിമാനത്താവളം വഴി ഡിപ്ലോമാറ്റിക് ബാഗിലൂടെ സ്വര്‍ണക്കടത്ത് നടത്തിയ കേസില്‍ അറസ്റ്റിലായ റബിന്‍സിനെ കോടതി റിമാന്റു ചെയ്തു.ഈ മാസം അഞ്ചുവരെയാണ് കൊച്ചിയിലെ എന്‍ ഐ എ പ്രത്യേക കോടതി റിമാന്റ് ചെയ്തത്.നേരത്തെ ദുബായില്‍ നിന്നും കൊച്ചിയില്‍ എത്തിച്ച് അറസ്റ്റു ചെയ്ത കേസിലെ പത്താം പ്രതിയായ റബിന്‍സിനെ കോടതി ഏഴുദിവസത്തേക്ക് എന്‍ ഐ എയുടെ കസ്റ്റഡിയില്‍ വിട്ടു നല്‍കിയിരുന്നു.റബിന്‍സ് സ്വര്‍ണ്ണക്കടത്തിനായി കൂട്ടു പ്രതികളായ ഫൈസല്‍ ഫരീദ്,കെ ടി റമീസ്,ജലാല്‍,മുഹമ്മദ് ഷാഫി,പി ടി അബ്ദു, മുഹമ്മദ്…

പെരിയ ഇരട്ടക്കൊലപാതക കേസിൽ സംസ്ഥാന സർക്കാരിനെതിരെ സിബിഐയുടെ സത്യവാങ്മൂലം സുപ്രീം കോടതിയിൽ. അന്വേഷണ വിവരങ്ങൾ സിബിഐ കോടതിയിൽ സമർപ്പിച്ചു. അന്വേഷണത്തിന് സർക്കാർ സഹകരിക്കുന്നില്ലെന്നും കേസ് ഡയറി ഉൾപ്പെടെ കൈമാറിയിട്ടില്ലെന്നും സിബിഐ പറയുന്നു സർക്കാരിന്റെ ഭാഗത്ത് നിന്ന് നിസഹകരണമുണ്ട്. എങ്കിലും അന്വേഷണവുമായി മുന്നോട്ടു പോകുകയാണ്. നിരവധി പേരുടെ ഫോൺ വിവരങ്ങൾ ശേഖരിച്ചിട്ടുണ്ടെന്നും സിബിഐ അറിയിച്ചു. കേസ് നാളെ സുപ്രീം കോടതി പരിഗണിക്കും. അതേസമയം സുപ്രീം കോടതിയുടെ അന്തിമ വിധി വന്നിട്ടില്ലെന്ന് ചൂണ്ടിക്കാട്ടിയാണ് രേഖകൾ പോലീസ് കൈമാറാത്തത്. 2019 ഫെബ്രുവരി…

നടിയെ ആക്രമിച്ച കേസിൽ വിചാരണ കോടതിക്കെതിരെ ഗുരുതര ആരോപണങ്ങൾ വീണ്ടുമുന്നയിച്ച് സർക്കാർ. കേസിന്റെ വിചാരണ നിലവിലെ കോടതിയിൽ നിന്ന് മാറ്റണമെന്ന് ആവശ്യപ്പെട്ട് ഹൈക്കോടതിയിൽ നൽകിയ സത്യവാങ്മൂലത്തിലാണ് സർക്കാരിന്റെ ആരോപണങ്ങൾ   മൊഴി രേഖപ്പെടുത്തുന്നതിൽ വീഴ്ച പറ്റി. നടിയുടെയും മഞ്ജു വാര്യരുടെയും മൊഴികളിലെ ചില കാര്യങ്ങൾ രേഖപ്പെടുത്തുന്നതിലാണ് വീഴ്ച. മകളെ ഉപയോഗിച്ച് സ്വാധീനിക്കാൻ ശ്രമിച്ചുവെന്ന മഞ്ജുവിന്റെ മൊഴി രേഖപ്പെടുത്തിയിട്ടില്ല. നടിയെ വകവരുത്തുമെന്ന മൊഴിയും രേഖപ്പെടുത്തിയിട്ടില്ലെന്നും സത്യവാങ്മൂലത്തിൽ പറയുന്നു   ആക്രമിക്കപ്പെട്ട നടിയാണ് ഹൈക്കോടതിയെ സമീപിച്ചത്. വിചാരണ കോടതി പക്ഷപാതപരമായി…

ബംഗളൂരുവിലെ പിഎസി ഗവേർണൻസ് ഇൻഡക്‌സ് പ്രകാരം കേരളം ഭരണമികവിൽ രാജ്യത്ത് ഒന്നാം സ്ഥാനം നേടിയത് യുഡിഎഫ് സർക്കാരിന്റെ നേട്ടത്തിന്റെ തുടർച്ച മാത്രമെന്ന് മുൻ മുഖ്യമന്ത്രി ഉമ്മൻ ചാണ്ടി. 2016 മുതൽ 2019 വരെയുള്ള നാല് റിപ്പോർട്ടുകളിലും കേരളത്തിനാണ് ഈ അംഗീകാരം ലഭിച്ചത്. യുഡിഎഫ് സർക്കാരിന്റെ കാലത്തുള്ള 2015 ലെ ഡാറ്റ ഉപയോഗിച്ചാണ് 2016ലെ ഇൻഡക്‌സ് പ്രസിദ്ധീകരിച്ചത്. യുഡിഎഫ് സർക്കാരിന്റെ നേട്ടം എൽഡിഎഫ് സർക്കാർ നിലനിർത്തിയെന്നും ഉമ്മൻ ചാണ്ടി ഫേസ്ബുക്ക് പോസ്റ്റിൽ പറഞ്ഞു കുറിപ്പിന്റെ പൂർണരൂപം ബംഗളൂരുവിലെ പബ്ലിക്…

പതിനൊന്ന് ആവശ്യങ്ങള്‍ ഉന്നയിച്ച്‌ കൊണ്ട് നവംബര്‍ മൂന്നിന് സംസ്ഥാന വ്യാപകമായി പത്ത് ലക്ഷത്തിലധികം വ്യാപാരികള്‍ വിവിധ കേന്ദ്രങ്ങളില്‍ പ്രതിഷേധ ധര്‍ണ്ണ നടത്തും. പ്രതിഷേധ സമരത്തിന്റെ ഭാഗമായി അന്നേ ദിവസം രാവിലെ 10 മണി മുതല്‍ 12 മണി വരെ കടതുറന്ന് വില്‍പന നിര്‍ത്തി തൊഴില്‍ ബഹിഷ്കരിച്ച്‌ പ്രതിഷേധ സമരത്തില്‍ എല്ലാ വ്യാപാരികളും വ്യാപാര സ്ഥാപനത്തിന്റെ മുൻപിലും വിവിധ കേന്ദ്രങ്ങളിലും പ്രതിഷേധ ധര്‍ണ്ണയില്‍ അണിചേരുമെന്ന് കേരള വ്യാപാരി വ്യവസായി ഏകോപനസമിതി സംസ്ഥാന പ്രസിഡന്റ് ടി.നസ്റുദ്ദീനും ജനറല്‍ സെക്രട്ടറി രാജു…

തൃശ്ശൂർ മെഡിക്കൽ കോളജിൽ കൊവിഡ് രോഗി തൂങ്ങിമരിച്ചു. മുതുവറ സ്വദേശി ശ്രീനിവാസനാണ് മരിച്ചത്. കൊവിഡ് വാർഡിലെ ശുചിമുറിക്ക് സമീപമാണ് ഇയാൾ തൂങ്ങിയത്   പിത്താശയ രോഗത്തെ തുടർന്ന് ചികിത്സയിൽ കഴിയവെയാണ് ശ്രീനിവാസന് കൊവിഡ് സ്ഥിരികരിച്ചത്. തുടർന്ന് മെഡിക്കൽ കോളജിലേക്ക് മാറ്റുകയായിരുന്നു. ഇന്ന് രാവിലെയാണ് തൂങ്ങിമരിച്ച നിലയിൽ കണ്ടെത്തിയത്.    

കോട്ടയം തെള്ളകത്ത് ഭർത്താവ് ഭാര്യയെ ചുറ്റിക കൊണ്ടു തലയ്ക്കടിച്ചു കൊലപ്പെടുത്തി. കുടുംബവഴക്കിനെ തുടർന്നാണ് സംഭവം. തെള്ളകം നെടുമലക്കുന്നേൽ ടോമിയുടെ ഭാര്യ മേരി(50)യാണ് കൊല്ലപ്പെട്ടത്.   മദ്യപിച്ചെത്തിയ ടോമി മേരിയുമായി വഴക്കിടുകയും ഇതിനിടയിൽ ചുറ്റിക കൊണ്ട് അടിച്ചു വീഴ്ത്തുകയുമായിരുന്നു. ഇരുമ്പ് കമ്പി കൊണ്ടും തലയ്ക്ക് അടിച്ചതായി പോലീസ് പറയുന്നു. മേരി മരിച്ചെന്ന് ഉറപ്പിച്ചതോടെ കണ്ണൂരിലുള്ള തന്റെ സഹോദരനെ ഇയാൾ വിളിച്ചറിയിക്കുകയും ചെയ്തു സഹോദരൻ വേദഗിരിയിലുള്ള മറ്റൊരു സഹോദരനെ വിവരം അറിയിക്കുകയും തുടർന്ന് പോലീസിനെ വിവരം അറിയിക്കുകയുമായിരുന്നു. ടോമിയെ പോലീസ്…

തിരുവനന്തപുരം: സാമൂഹിക മാധ്യമങ്ങളിലൂടെ അപകീര്‍ത്തിപരമായ പരാമര്‍ശങ്ങള്‍ നടത്തുന്നവര്‍ക്കെതിരെ പൊലീസ് ആക്ട് ഭേദഗതി ചെയ്യുമെന്ന് മുഖ്യമന്ത്രി പിണറായി വിജയന്‍. അപകീര്‍ത്തിപരമായ പരാമര്‍ശങ്ങള്‍ നടത്തുന്നവര്‍ക്കെതിരെ കൃത്യമായ ശിക്ഷ ഉറപ്പുവരുത്തുക സര്‍ക്കാരിന്റെ ഉത്തരവാദിത്തമാണ്. പൊലീസ് ആക്ട് ഭേദഗതി ചെയ്യുന്നതോടെ സൈബര്‍ കേസുകളില്‍ നടപടി എടുക്കാനുളള പരിമിതി നീങ്ങുമെന്നും മുഖ്യമന്ത്രി പറഞ്ഞു.   സൈബര്‍ ക്രൈം പൊലീസ് സ്റ്റേഷനുകള്‍ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. പൊലീസ് രൂപീകരണ ദിനത്തോടനുബന്ധിച്ച് ഓണ്‍ലൈനായി നടന്ന പരിപാടിയില്‍ മുഖ്യമന്ത്രി സേനാംഗങ്ങളുടെ അഭിവാദ്യവും സ്വീകരിച്ചു