Kerala

നിയമസഭാ തെരഞ്ഞെടുപ്പിനുള്ള പരസ്യപ്രചാരണങ്ങൾ ഇന്ന് അവസാനിക്കും. പതിവ് കൊട്ടിക്കലാശത്തിന് വിലക്കുണ്ടെങ്കിലും ആവേശം ഒട്ടും ചോരാതെയാകും മുന്നണികൾ പരസ്യ പ്രചാരണം അവസാനിപ്പിക്കുക. നാളെ നിശബ്ദ പ്രചാരണമാണ്. വോട്ടുകൾ ഉറപ്പിക്കാനുള്ള അവസാനവട്ട ഓട്ടത്തിലാകും സ്ഥാനാർഥികളും പ്രവർത്തകരും പതിനഞ്ചാം കേരള നിയമസഭയിലേക്കുള്ള 140 മണ്ഡലങ്ങളിലേക്കാണ് ചൊവ്വാഴ്ച തെരഞ്ഞെടുപ്പ് നടക്കുന്നത്. പരസ്യപ്രചാരണത്തിന്റെ അവസാന ദിവസമായ ഇന്ന് രാഹുൽ ഗാന്ധി, അമിത് ഷാ, വൃന്ദ കാരാട്ട് തുടങ്ങിയ ദേശീയ നേതാക്കളാണ് കേരളത്തിൽ ആവേശം തീർക്കാനുള്ളത്. രാഷ്ട്രീയ പോരും ചൂടുപിടിക്കുകയാണ്. ആരോപണ പ്രത്യാരോപണങ്ങളുമായി മുന്നണികൾ വാർത്തകളിൽ…

ക്യാപ്റ്റന്‍ വിവാദത്തില്‍ പ്രതികരണവുമായി സിപിഐ സംസ്ഥാന സെക്രട്ടറി കാനം രാജേന്ദ്രന്‍. ഞങ്ങള്‍ പിണറായിയെ സഖാവെന്നാണ് വിളിക്കാറുള്ളതെന്ന് കാനം രാജേന്ദ്രന്‍ പറഞ്ഞു. കമ്മ്യൂണിസ്റ്റുകാര്‍ ക്യാപ്റ്റന്‍ എന്ന് വിളിക്കാറില്ലെന്നും കാനം പറഞ്ഞു. സര്‍ക്കാരിന്റെ നേട്ടം മുന്നണിയുടെ നേട്ടമാണ്.ക്യാപ്റ്റനെന്ന് വിളിക്കുന്നവരാണ് അത് സംബന്ധിച്ച് പറയേണ്ടതെന്നും കാനം പറഞ്ഞു. പാര്‍ട്ടിയാണ് ക്യാപ്റ്റനെന്ന് നേരത്തെ പി ജയരാജന്‍ പ്രതികരിച്ചിരുന്നു. പാര്‍ട്ടിയില്‍ എല്ലാവരും സഖാക്കളാണെന്നും പി ജയരാജന്‍ പറഞ്ഞു. ക്യാപ്റ്റന്‍ വിശേഷണം സ്വാഭാവികമെന്നായിരുന്നു വിജയരാഘവന്റെ പ്രതികരണം. പിണറായി പാര്‍ട്ടിക്ക് ക്യാപ്റ്റന്‍ തന്നെയാണെന്ന് കോടിയേരി ബാലകൃഷ്ണനും പ്രതികരിച്ചു.

അരൂര്‍ നിയോജക മണ്ഡലത്തില്‍ വെബ് കാസ്റ്റിംഗ് സാധ്യമാണോയെന്ന് പരിശോധിക്കാന്‍ തെരഞ്ഞെടുപ്പ് കമ്മീഷന് ഹൈക്കോടതിയുടെ നിര്‍ദേശം. 39 ബൂത്തുകളിലും വെബ് കാസ്റ്റിംഗ് നടത്തണമെന്നാവശ്യപ്പെട്ട് യുഡിഎഫ് സ്ഥാനാര്‍ഥി ഷാനിമോള്‍ ഉസ്മാന്‍ നല്‍കിയ ഹര്‍ജിയിലാണ് ഹൈക്കോടതി നിര്‍ദേശം നല്‍കിയത്. സ്വന്തം ചെലവില്‍ വെബ് കാസ്റ്റിംഗ് നടത്താമെന്നായിരുന്നു ഷാനിമോള്‍ ഉസ്മാന്‍ പറഞ്ഞിരുന്നത്. ഇത് അനുവദിക്കാനാകില്ലെന്ന് തെരഞ്ഞെടുപ്പ് കമ്മീഷന്‍ കോടതിയെ അറിയിച്ചു. കോടതിയും ഷാനിമോളുടെ നിര്‍ദേശത്തോട് യോജിച്ചില്ല. തുടര്‍ന്നാണ് തെരഞ്ഞെടുപ്പ് കമ്മീഷനോട് വെബ് കാസ്റ്റിംഗ് പരിഗണിക്കാന്‍ കോടതി നിര്‍ദേശം നല്‍കിയത് ഇടുക്കിയിലെ മൂന്ന് മണ്ഡലങ്ങളിലെ…

തിരുവനന്തപുരം: തെരഞ്ഞെടുപ്പ് നടപടികളില്‍ കോടതി ഇടപെടാന്‍ പാടില്ലെന്ന് സംസ്ഥാന തിരഞ്ഞെടുപ്പ് കമ്മിഷന്‍. സ്ഥാനാര്‍ഥികള്‍ ആഗ്രഹിക്കുന്ന ബൂത്തുകളില്‍ സ്വന്തം ചിലവില്‍ വിഡീയോ ചിത്രീകരണം അനുവദിക്കില്ല. ഇരട്ടവോട്ടുള്ളവര്‍ തമിഴ്‌നാട്ടില്‍ നിന്നെത്തുമെന്ന ഹര്‍ജിയിലാണ് തിരഞ്ഞെടുപ്പ് കമ്മിഷന്‍ നിലപാട് വ്യക്തമാക്കിയത്. പോളിങ് ദിവസം അതിര്‍ത്തി ചെക്‌പോസ്റ്റുകള്‍ അടയ്ക്കും. അതിര്‍ത്തികളിലെ നിയന്ത്രണം കേന്ദ്രസേനയ്ക്ക് നല്‍കും. സിസിടിവി സംവിധാനം ഉണ്ടാവുമെന്നും കമ്മിഷന്‍ അറിയിച്ചു. അരൂര്‍ മണ്ഡലത്തിലെ 39 പോളിങ് ബൂത്തുകളില്‍ വീഡിയോ വെബ്കാസ്റ്റിങ് പരിഗണിക്കണമെന്ന് തിരഞ്ഞെടുപ്പ് കമ്മിഷന് ഹൈക്കോടതി നിര്‍ദ്ദേശം നല്‍കി.

മുഖ്യമന്ത്രി പിണറായി വിജയനെ ക്യാപ്റ്റൻ എന്ന് വിശേഷിപ്പിച്ചു കൊണ്ടുള്ള പ്രചാരണങ്ങൾ വിമർശനങ്ങൾക്ക് ഇടയാക്കുന്ന സാഹചര്യത്തിൽ പ്രതികരണവുമായി പി ജയരാജൻ. പാർട്ടിയാണ് ക്യാപ്റ്റനെന്നും വലതുപക്ഷവും മാധ്യമങ്ങളും മുഖ്യമന്ത്രിക്ക് കിട്ടുന്ന ജനപിന്തുണയിൽ അസ്വസ്ഥരായിട്ട് കാര്യമില്ലെന്നും പി ജയരാജൻ ഫേസ്ബുക്കിൽ കുറിച്ചു ജനങ്ങളോട് ചേർന്നു നിൽക്കുമ്പോൾ ചിലർ പാട്ടെഴുതി ഇഷ്ടം പ്രകടിപ്പിക്കും. ചിലർ ഫോട്ടോ വെച്ച് ഇഷ്ടം പ്രകടിപ്പിക്കും, ചിലർ ടാറ്റൂ ചെയ്ത് ഇഷ്ടം പ്രകടിപ്പിക്കും. എന്നാൽ കമ്മ്യൂണിസ്റ്റുകാർ വ്യക്തിപൂജയിൽ അഭിരമിക്കുന്നവരല്ല. ഈ പാർട്ടിയിൽ എല്ലാവരും സഖാക്കളാണ്. പാർട്ടിയാണ് ക്യാപ്റ്റനെന്നും ജയരാജൻ…

നേമത്ത് കോൺഗ്രസും സിപിഎമ്മും തമ്മിൽ വോട്ട് കച്ചവടം നടത്തിയെന്ന് എൻഡിഎ സ്ഥാനാർഥി കുമ്മനം രാജശേഖരൻ. ബിജെപിയെ തോൽപിക്കാൻ നേമത്ത് സിപിഎം കോൺഗ്രസിന് വോട്ട് മറിക്കും. നേമത്തെ ബിജെപി വോട്ടുകൾ എങ്ങോട്ടും പോകില്ല. നേമം ബിജെപിയുടെ ഗുജറാത്ത് തന്നെയാണെന്നും കുമ്മനം രാജശേഖരൻ പറഞ്ഞു. യുഡിഎഫും സിപിഎമ്മും മുഖ്യ എതിരാളികൾ തന്നെയാണ്. കഴിഞ്ഞ തെരഞ്ഞെടുപ്പുകളിൽ യുഡിഎഫിന്റെയും സിപിഎമ്മിന്റെയും പാളയത്തിലാണ് വോട്ട് ചോർച്ച ഉണ്ടായിട്ടുള്ളത്. ബിജെപിയെ തോൽപിക്കാൻ ഇരുപക്ഷവും ശ്രമിക്കുമെന്നും കുമ്മനം രാജശേഖരൻ പറഞ്ഞു.

ശരണം വിളി തെരഞ്ഞെടുപ്പ് പ്രചാരണ മുദ്രവാക്യമെന്ന രീതിയിലാക്കിയ പ്രധാനമന്ത്രി നരേന്ദ്രമോദിയെ പരിഹസിച്ച് മുഖ്യമന്ത്രി പിണറായി വിജയൻ. പ്രധാനമന്ത്രി നേരത്തെ ഇവിടെ വന്ന് പല കാര്യങ്ങളും പറഞ്ഞിട്ടുണ്ടല്ലോ. അക്കാര്യങ്ങൾ ഓർത്തായിരിക്കും ശരണം വിളിച്ചതെന്നായിരുന്നു മുഖ്യമന്ത്രിയുടെ പ്രതികരണം കോൺഗ്രസ് സഹായിച്ചതു കൊണ്ടാണ് നേമത്ത് കഴിഞ്ഞ തവണ ബിജെപി വിജയിച്ചത്. ആ അക്കൗണ്ട് എൽ ഡി എഫ് ഇത്തവണ ക്ലോസ് ചെയ്യും. പ്രധാനമന്ത്രി അടക്കം വന്നിട്ടും സംഘ്പരിവാറിന് ഇവിടെ സ്വാധീനമുറപ്പിക്കാൻ കഴിയാതിരുന്നത് ഇടതുപക്ഷം ശക്തമായതു കൊണ്ടാണ്. വികസന കാര്യങ്ങളിൽ ഒപ്പം നിൽക്കാൻ…

രാഹുൽ ഗാന്ധിയുടെ അകമ്പടി വാഹനം കാലിൽ കയറി വടകര ഡി വൈ എസ് പിക്ക് പരുക്ക്. രാഹുൽ ഗാന്ധി കൊയിലാണ്ടിയിൽ പ്രസംഗം കഴിഞ്ഞ് മടങ്ങി പോകുമ്പോഴാണ് അകമ്പടി വാഹനം ഡി വൈ എസ് പിയുടെ കാലിൽ കയറിയത്. ഡി വൈ എസ് പി മൂസ വള്ളിക്കാടനാണ് പരുക്കേറ്റത്. ഇദ്ദേഹത്തെ കൊയിലാണ്ടി താലൂക്കാശുപത്രിയിൽ പ്രവേശിപ്പിച്ചു. പരിശോധനയിൽ കാൽവിരലിന്റെ എല്ലിൽ പൊട്ടലുണ്ടെന്ന് കണ്ടെത്തി.

ആറൻമുളയിലെ എൽഡിഎഫ് സ്ഥാനാർഥിയും സിറ്റിംഗ് എംഎൽഎയുമായ വീണ ജോർജിന്റെ പ്രചാരണ വാഹനം അപകടത്തിൽപ്പെട്ടു. പത്തനംതിട്ട റിംഗ് റോഡിൽ വെച്ച് എതിരെ വന്ന വാഹനവുമായി പ്രചാരണ വാഹനം കൂട്ടിയിടിക്കുകയായിരുന്നു. എംഎൽഎക്കും ഡ്രൈവർക്കും നിസാര പരുക്കുകളുണ്ട്. ഇരുവരെയും പ്രാഥമിക ചികിത്സക്കായി പത്തനംതിട്ട ജനറൽ ആശുപത്രിയിൽ പ്രവേശിപ്പിച്ചു.