Kerala

അർജുൻ ആയങ്കി സ്വർണക്കടത്തിലെ പ്രധാന കണ്ണിയെന്ന് കസ്റ്റംസ്. കോടിതിയിൽ നൽകിയ റിമാൻഡ് റിപ്പോർട്ടിലാണ് ഇക്കാര്യം പറയുന്നത്. ഇയാൾ കരിപ്പൂരിൽ എത്തിയത് സ്വർണക്കടത്തിനാണെന്ന് തെളിയിക്കുന്ന നിരവധി ഡിജിറ്റൽ തെളിവുകൾ ഇതിനോടകം ശേഖരിച്ചുകഴിഞ്ഞുവെന്ന് കസ്റ്റംസ് അറിയിച്ചു സ്വർണക്കടത്തിൽ നിരവധി ചെറുപ്പക്കാർക്ക് പങ്കുണ്ട്. സ്വർണം കടത്താനും കടത്തി കൊണ്ടുവന്ന സ്വർണം തട്ടിയെടുക്കാനും നിരവധി ചെറുപ്പക്കാരെ ഉപയോഗിക്കുന്ന സ്ഥിതിയാണ്. അർജുൻ ഉപയോഗിച്ച മാരുതി സ്വിഫ്റ്റ് കാർ അയാളുടേത് തന്നെയാണ്. കാറിന്റെ ആർ സി ഉടമയായ സജേഷ് അർജുന്റെ ബിനാമി മാത്രമാണ് തന്റെ ഫോൺ…

  സ്വർണക്കടത്തുകാരെയും സ്ത്രീ പീഡകരെയും കമ്മ്യൂണിസ്റ്റ് പാർട്ടി സംരക്ഷിക്കുകയാണെന്ന് പ്രതിപക്ഷ നേതാവ് വി ഡി സതീശൻ. ഓരോ ക്രിമിനൽ കേസുകളിലും ആസൂത്രകർ സിപിഎം സൈബർ പോരാളികളാണ്. കൊടകര കുഴൽപ്പണ കേസ്, വനം കൊള്ളക്കേസ്, സ്വർണക്കടത്ത് കേസ് എന്നിവ പ്രതിപക്ഷം നിരീക്ഷിക്കുന്നുണ്ട്. കൊവിഡ് പശ്ചാത്തലത്തിൽ സമരപരിപാടികൾക്ക് പരിമിതിയുണ്ടെന്നും സതീശൻ പറഞ്ഞു പരിമിതികൾക്കുള്ളിൽ നിന്നുകൊണ്ട് തന്നെ വിഷയം ജനങ്ങളിലേക്ക് എത്തിക്കും. സിപിഎം എല്ലാവിധ ക്രിമിനൽ പ്രവർത്തനങ്ങളെയും സംരക്ഷിക്കുന്ന പാർട്ടിയാണ്. സൈബറിടങ്ങളിൽ സിപിഎം ഗുണ്ടായിസത്തിന് നേതൃത്വം നൽകുന്ന ആളുകൾ തന്നെയാണ് ഓരോ…

  തെരഞ്ഞെടുപ്പ് സ്ഥാനാർഥിത്വം പിൻവലിക്കാൻ മഞ്ചേശ്വരത്തെ ബി എസ് സി സ്ഥാനാർഥി കെ സുന്ദരക്ക് ബിജെപി കോഴ നൽകിയെന്ന കേസിൽ സുന്ദരയുടെ രഹസ്യമൊഴി ഇന്ന് രേഖപ്പെടുത്തും. രണ്ടര ലക്ഷം രൂപയും 15,000 രൂപ വില വരുന്ന ഫോണും കെ സുരേന്ദ്രന്റെ നിർദേശപ്രകാരം പ്രാദേശിക ബിജെപി നേതാക്കൾ നൽകിയെന്നാണ് കേസ് ജില്ലാ ക്രൈംബ്രാഞ്ചാണ് കേസ് അന്വേഷിക്കുന്നത്. കെ സുന്ദര അടക്കം അഞ്ച് പേരുടെ രഹസ്യമൊഴിയാണ് ഹോസ്ദുർഗ് കോടതി ഇന്നും നാളെയുമാണ് രേഖപ്പെടുത്തുക. പോലീസിൽ നൽകിയ മൊഴി സുന്ദര കോടതിക്ക്…

  കൊട്ടാരക്കര : മുത്തശ്ശനൊപ്പം വീട്ടുമുറ്റത്ത് കളിച്ചുകൊണ്ടുനിന്ന രണ്ടര വയസുകാരി പാമ്പ് കടിയേറ്റ് മരിച്ചു. കൊട്ടാരക്കര പള്ളിയ്ക്കൽ റാണി ഭവനത്തിൽ രതീഷ്-ആർച്ച ദമ്പതികളുടെ മകൾ നീലാംബരിയാണ് മരിച്ചത്. ഇന്നലെ രാത്രി എട്ടിന് വീട്ടുമുറ്റത്ത് അമ്മയുടെ അച്ഛൻ ശ്രീജയനൊപ്പം കളിച്ചുകൊണ്ട് നിൽക്കുകയായിരുന്നു കുട്ടി. ഫോൺ വന്നതോടെ ശ്രീജയന്റെ ശ്രദ്ധ മാറി. തിരികെ നോക്കിയപ്പോൾ പാമ്പ് മതിലിനോട് ചേർന്ന ദ്വാരത്തിലേക്ക് കയറുന്നത് കണ്ടു. കുട്ടിയുടെ കാലിൽ കടിയേറ്റ പാട് കണ്ടതോടെ ഉടനെ കൊട്ടാരക്കര താലൂക്ക് ആശുപത്രിയിലും അവിടെ നിന്നും തിരുവനന്തപുരം…

  കൊല്ലം ശാസ്താംകോട്ടയിലെ വിസ്മയയുടെ മരണവുമായി ബന്ധപ്പെട്ട് അറസ്റ്റിലായ ഭർത്താവ് കിരൺ കുമാറിനെതിരെ തൊണ്ണൂറ് ദിവസത്തിനകം കുറ്റപത്രം സമർപ്പിക്കാൻ ഐജി ഹർഷിത അട്ടല്ലൂരി നിർദേശം നൽകി. അന്വേഷണ ഉദ്യോഗസ്ഥനായ ഡിവൈഎസ്പിക്കാണ് നിർദേശം നൽകിയത് വിസ്മയയുടേത് കൊലപാതകമോ ആത്മഹത്യയോ എന്ന അന്തിമ നിഗമനത്തിലേക്ക് പോലീസ് ഇനിയും എത്തിയിട്ടില്ല. ജീവപര്യന്തം ശിക്ഷയെങ്കിലും കിരൺ കുമാറിന് ഉറപ്പിക്കും വിധം അന്വേഷണവും കോടതി നടപടികളും മുന്നോട്ടു കൊണ്ടുപോകാനാണ് പോലീസിന്റെ തീരുമാനം. 90 ദിവസത്തിനുള്ളിൽ കുറ്റപത്രം സമർപ്പിച്ചിട്ടില്ലെങ്കിൽ കിരൺ കുമാർ ജാമ്യം നേടാനുള്ള സാധ്യതയുണ്ട്….

സ്വർണക്കടത്ത് കേസിലെ പ്രധാന തെളിവായ മൊബൈൽ ഫോൺ പുഴയിലെറിഞ്ഞെന്ന് അർജുൻ ആയങ്കിയുടെ വെളിപ്പെടുത്തൽ. കസ്റ്റംസ് ചോദ്യം ചെയ്യലിലാണ് അർജുൻ ഇക്കാര്യം അറിയിച്ചത്. കരിപ്പൂർ വഴി കടത്തുന്ന സ്വർണം തട്ടിയെടുക്കുന്ന സംഘത്തിലെ പ്രധാനിയാണ് അർജുൻ ആയങ്കി. ഇന്നലെയാണ് കസ്റ്റംസ് അർജുൻ ആയങ്കിയെ അറസ്റ്റ് ചെയ്തത്. എട്ട് മണിക്കൂറോളം നീണ്ട ചോദ്യം ചെയ്യലിനൊടുവിലായിരുന്നു അറസ്റ്റ്. ഇയാളെ ഇന്ന് കൊച്ചിയിലെ കോടതിയിൽ ഹാജരാക്കിയ ശേഷം കസ്റ്റംസ് കസ്റ്റഡിയിൽ വാങ്ങും കേസുമായി ബന്ധപ്പെട്ട് കണ്ണൂരിലെ ഡിവൈഎഫ്‌ഐ മുൻ ഭാരവാഹി സി സജേഷിന് കസ്റ്റംസ്…

  തട്ടിയെടുക്കുന്ന സ്വർണം പങ്കുവെക്കുന്നതിൽ ടി പി വധക്കേസ് പ്രതികളുമുണ്ടെന്ന് ശബ്ദരേഖ. കള്ളക്കടത്ത് സ്വർണം പൊട്ടിക്കാനായി ക്വട്ടേഷൻ സംഘം തയ്യാറെടുക്കുന്നതിന്റെ ഫോൺ സംഭാഷണമാണ് പുറത്തുവന്നത്. സ്വർണം എങ്ങനെ കൊണ്ടുവരണം, എന്ത് ചെയ്യണം, ആർക്ക് വേണ്ടിയാണ് കൊണ്ടുവരുന്നത് തുടങ്ങിയ കാര്യങ്ങളാണ് പുറത്തുവന്ന സംഭാഷണത്തിലുള്ളത്. ഒരു ഭാഗം പൊട്ടിക്കുന്നവർക്ക്, ഒരു പങ്ക് കടത്തുന്നവർക്ക്, മൂന്നാമത്തെ പങ്ക് കൊടി സുനി, മുഹമ്മദ് ഷാഫി എന്നിവരടങ്ങുന്ന ടീമിന് എന്നാണ് പറയുന്നത്. ഇതിൽ കൊടി സുനി, മുഹമ്മദ് ഷാഫി തുടങ്ങിയ സംഘത്തെ പാർട്ടിയെന്നാണ് സംഭാഷണത്തിൽ…

കൊല്ലം മയ്യനാട് യുവതിയെയും യുവാവിനെയും ട്രെയിൻ തട്ടി മരിച്ച നിലയിൽ കണ്ടെത്തി. ഇരവിപുരം സ്വദേശികളായ പ്രിൻസ്, സ്വപ്‌ന എന്നിവരെയാണ് മരിച്ച നിലയിൽ കണ്ടെത്തിയത്. ഇരുവരും അയൽവാസികളാണ്. രാവിലെ ആറ് മണിയോടെയാണ് മൃതദേഹങ്ങൾ കണ്ടത്. ആത്മഹത്യയെന്നാണ് സൂചന.  

  കണ്ണൂർ അന്താരാഷ്ട്ര വിമാനത്താവളത്തിൽ വീണ്ടും സ്വർണവേട്ട. യാത്രക്കാരനിൽ നിന്ന് 43 ലക്ഷം രൂപ വില മതിക്കുന്ന 894 ഗ്രാം സ്വർണമാണ് പിടികൂടിയത്. കണ്ണൂർ ആലക്കോട് സ്വദേശി ഷിബിൻ സ്റ്റീഫനാണ് സ്വർണം കൊണ്ടുവന്നത്. ബഹ്‌റൈനിൽ നിന്നാണ് ഷിബിൻ വന്നത്.  

  രാജ്യത്ത് ഇന്ധനവില ഇന്നും വർധിപ്പിച്ചു. പെട്രോൾ ലിറ്ററിന് 35 പൈസയും ഡീസലിന് 29 പൈസയുമാണ് വർധിപ്പിച്ചത്. ഈ മാസം മാത്രം 17ാം തവണയാണ് ഇന്ധനവില വർധിപ്പിക്കുന്നത് തിരുവനന്തപുരത്ത് പെട്രോൾ വില 100.80 രൂപയായി. ഡീസലിന് 95.75 രൂപയുമായി. ആറ് മാസത്തിനിടെ 58 തവണയാണ് പെട്രോൾ, ഡീസൽ വില വർധിപ്പിച്ചത്.