നിയമസഭാ തെരഞ്ഞെടുപ്പിൽ എൽ ഡി എഫ് ടിക്കറ്റിൽ മത്സരിക്കാൻ ഒരുങ്ങുന്നുവെന്ന വാർത്ത നൽകിയ മാതൃഭൂമിക്കെതിരെ നടി പാർവതി തിരുവോത്ത്. തെരഞ്ഞെടുപ്പിൽ മത്സരിക്കുന്നതിനെ കുറിച്ച് താൻ ഒന്നും പറഞ്ഞിട്ടില്ല. ഒരു രാഷ്ട്രീയ പാർട്ടിയും ഇക്കാര്യത്തിനായി തന്നെ സമീപിച്ചിട്ടില്ലെന്ന് മാതൃഭൂമി ഇംഗ്ലീഷിനെ ടാഗ് ചെയ്ത് പാർവതി ട്വീറ്റ് ചെയ്തു അടിസ്ഥാനരഹിതവും തെറ്റിദ്ധരിപ്പിക്കപ്പെടുന്നതുമായ വാർത്ത നൽകുന്നത് നാണക്കേടാണ്. ഒരു പാർട്ടിയും എന്നെ സമീപിച്ചതായി ഞാൻ പറഞ്ഞിട്ടില്ല. ഈ വാർത്തയിൽ തിരുത്തൽ ആവശ്യമാണ് എന്നായിരുന്നു പാർവതിയുടെ ട്വീറ്റ്‌

തിരുവനന്തപുരം: അടുപ്പില്‍ തീ കത്തിക്കുന്നതിനിടെ പൊള്ളലേറ്റ 19കാരി മരിച്ചു. കാട്ടാക്കട കാപ്പിക്കാട് അജ്മല്‍ മന്‍സിലില്‍ അല്‍ഫിനയാണ്  മരിച്ചത്. തിരുവനന്തപുരം മെഡിക്കല്‍ കോളേജ് ആശുപത്രിയിലെ തീവ്രപരിചരണ വിഭാഗത്തില്‍ ചികിത്സയിലായിരുന്നു. ചികിത്സയിലിരിക്കെയാണ് അല്‍ഫിന മരണപ്പെട്ടത്. കഴിഞ്ഞദിവസമാണ് അടുപ്പില്‍ തീ കത്തിക്കുന്നതിനിടെ അല്‍ഫിനയ്ക്ക് പൊള്ളലേറ്റത്. വിറക് വെച്ചശേഷം മണ്ണെണ്ണ ഒഴിച്ച് കത്തിച്ചതോടെ അല്‍ഫിനയുടെ വസ്ത്രത്തിലേക്ക് തീപടരുകയായിരുന്നു. തീ അതിവേഗം ശരീരത്തിലേയ്ക്ക് പടര്‍ന്ന് പിടിക്കുകയും ചെയ്തു. രക്ഷിക്കാന്‍ ശ്രമിക്കുന്നതിനിടെ അല്‍ഫിനയുടെ മാതാവ് സനൂജ(39) ബന്ധു സീനത്ത്(37) എന്നിവര്‍ക്കും തീപൊള്ളലേല്‍ക്കുകയായിരുന്നു. ഇരുവരും തിരുവനന്തപുരം മെഡിക്കല്‍…

നിയമസഭാ തെരഞ്ഞെടുപ്പിൽ 12 സീറ്റുകൾ വേണമെന്ന് പി ജെ ജോസഫ് വിഭാഗം. ഇക്കാര്യം യുഡിഎഫ് യോഗത്തിൽ ഉന്നയിക്കും. ജോസഫ് വിഭാഗത്തിന് ശക്തിയില്ലെന്ന വാദം തെറ്റാണ്. കോട്ടയത്ത് പാലാ ഒഴികെ കഴിഞ്ഞ തവണ മത്സരിച്ച എല്ലാ സീറ്റിലും സ്ഥാനാർഥികളെ നിർത്തും കേരളാ കോൺഗ്രസിന് കോട്ടയത്തുണ്ടായിരുന്ന മുൻതൂക്കം ലഭിക്കേണ്ടത് മുന്നണിയുടെ ആവശ്യമാണ്. കോൺഗ്രസിലെ ഗ്രൂപ്പ് തർക്കം പരിഹരിച്ചാൽ യുഡിഎഫ് വിജയിക്കും. ഉമ്മൻ ചാണ്ടി നേതൃനിരയിലെത്തിയത് മുതൽക്കൂട്ടാണ്. കോൺഗ്രസ് പാർട്ടിയിലെ യോജിപ്പില്ലായ്മ പല സീറ്റുകളുടെയും പരാജയത്തിന് കാരണമാകും. തർക്കങ്ങൾ പരിഹരിച്ച് മുന്നോട്ടു…

കേരളത്തിലെ പ്രതിപക്ഷ നേതാവാണ് 140 മണ്ഡലങ്ങളിലും മത്സരിക്കുന്നതെന്ന് രമേശ് ചെന്നിത്തല. പൊന്നാനിയിലും തവനൂരിലും മത്സരിക്കുന്നോ എന്ന സിപിഎം നേതാക്കളുടെ വെല്ലുവിളിക്കെതിരെ പ്രതികരിക്കുകയായിരുന്നു ചെന്നിത്തല കെ ടി ജലീലും മറ്റും ഉന്നയിക്കുന്ന ആരോപണങ്ങളോട് പ്രതികരിക്കാനില്ല. ജനം ഇതെല്ലാം വിലയിരുത്തും. ശബരിമല പ്രധാനപ്പെട്ട വിഷയമാണ്. അതൊരു രാഷ്ട്രീയ പ്രശ്‌നമായി ഉയർത്താനില്ല. പ്രതിപക്ഷമെന്ന നിലയിൽ വിഷയത്തിൽ ഇടപെടാൻ പാർലമെന്റിലും നിയമസഭയിലും ശ്രമിച്ചിട്ടുണ്ട് എൻ എസ് എസ് നടത്തിയ പ്രതികരണം തെറ്റിദ്ധാരണ കൊണ്ടാണ്. തെറ്റിദ്ധാരണ മാറ്റുന്നതിനായി എൻ എസ് എസ് നേതാക്കളെ കാണുമെന്നും…

മുന്നണി മാറ്റത്തെ ചൊല്ലി എൻസിപിയിൽ തർക്കം രൂക്ഷമാകുന്നു. മാണി സി കാപ്പൻ ഏകപക്ഷീയമായി മുന്നണി മാറ്റം പ്രഖ്യാപിച്ചെന്നും പാർട്ടിയിൽ കൂടിയാലോചനകൾ നടത്തിയിട്ടില്ലെന്നും ആരോപിച്ച് മന്ത്രി എ കെ ശശീന്ദ്രൻ ദേശീയ നേതൃത്വത്തിന് പരാതി അറിയിച്ചു. പാർട്ടിയിലെ ഭൂരിപക്ഷത്തിനും മുന്നണി മാറ്റത്തിൽ താത്പര്യമില്ലെന്നും ശശീന്ദ്രൻ പറയുന്നു ദേശീയ നേതൃത്വത്തിന് പരാതി നൽകിയതായി ശശീന്ദ്രൻ സ്ഥിരീകരിച്ചിട്ടുണ്ട്. ഇടത് മുന്നണി വിടേണ്ട സാഹചര്യമില്ല. ഇത് സംബന്ധിച്ച് ഔദ്യോഗിക ചർച്ചകൾ നടന്നിട്ടില്ല. യുഡിഎഫിലേക്ക് പോകുമെന്ന പ്രചാരണത്തിലാണ് പരാതി അറിയിച്ചത്. പ്രഫുൽ പട്ടേൽ മുഖ്യമന്ത്രിയുമായി…

സംസ്ഥാനത്ത് സ്വർണവിലയിൽ കുറവ്. പവന് ഇന്ന് 160 രൂപയാണ് കുറഞ്ഞത്. ഇതോടെ ഒരു പവൻ സ്വർണത്തിന്റെ വില 35,640 രൂപയായി. ഗ്രാമിന് 20 കുറഞ്ഞ് 4455 രൂപയിലെത്തി ആഗോള വിപണിയിൽ സ്‌പോട്ട് ഗോൾഡ് ഔൺസിന് 1837 ഡോളറായി. ദേശീയ വിപണിയിൽ പത്ത് ഗ്രാം തനി തങ്കത്തിന് 47,857 രൂപയിലെത്തി.

തെരഞ്ഞെടുപ്പ് കമ്മീഷന് മുന്നിൽ തെറ്റായ സത്യവാങ്മൂലം നൽകിയെന്ന പരാതിയിൽ മാണി സി കാപ്പന് ഹൈക്കോടതി നോട്ടീസ് അയച്ചു. ആദായനികുതി വിവരങ്ങൾ മറച്ചുവെച്ചെന്നാണ് ആരോപണം. മുംബൈയിൽ വ്യവസായി ആയ ദിനേശ് മേനോനാണ് ഹർജിക്കാരൻ നേരത്തെ പാലാ മജിസ്‌ട്രേറ്റ് കോടതി ഇതേ ആവശ്യം തള്ളിയിരുന്നു. തുടർന്നാണ് ഇയാൾ ഹൈക്കോടതിയെ സമീപിച്ചത്. നേരത്തെ കണ്ണൂർ വിമാനത്താവളത്തിന്റെ ഓഹരി നൽകാമെന്ന് പറഞ്ഞ് മൂന്ന് കോടി തട്ടിയെന്ന കേസിൽ എറണാകുളം ഫസ്റ്റ് ക്ലാസ് മജിസ്‌ട്രേറ്റ് കോടതി കാപ്പനെതിരെ കേസെടുത്തിരുന്നു.