തിരുവനന്തപുരം: ഗ്യാനേഷ് കുമാർ കേരളത്തിൽ പൊതുമരാമത്തു വകുപ്പ് സെക്രട്ടറി ആയിരിക്കെ കെഎസ്ടിപി പദ്ധതിയിലെ അഴിമതിയും, എഞ്ചിനീയറുടെ ആത്മഹത്യയും ചൂണ്ടിക്കാട്ടി ലഭിച്ച പരാതിയിൽ വിജിലൻസ് അന്വേഷണം ഉടൻ തുടങ്ങും. അന്വേഷണ സംഘത്തെ ഇന്ന് തീരുമാനിച്ചേക്കും. എസ് ഐ ആർ ക്രമക്കേടിൽ രാജ്യ വ്യാപകമായി ഗ്യാനേഷ് കുമാറിന്റെ രാജി ആവശ്യപ്പെട്ടുള്ള പ്രക്ഷോഭം ശക്തമാകുന്നതിനിടെയാണ് 20 വർഷം മുൻപുള്ള സംഭവത്തിൽ ആഭ്യന്തര വകുപ്പ് വിജിലൻസ് അന്വേഷണത്തിന് നിർദ്ദേശം നൽകിയത്.
ആഭ്യന്തരമന്ത്രിക്ക് ലഭിച്ച പരാതി വിജിലൻസ് ഡയറക്ടർക്ക് കൈമാറുകയായിരുന്നു. കെ എസ് ടി പി പദ്ധതിയിലെ ക്രമക്കേട്, ഉദ്യോഗസ്ഥ തലത്തിലെ ഇടപെടൽ, മലേഷ്യൻ കമ്പനിയിലെ എഞ്ചിനീയർ ലീ സീ ബീനിന്റെ ആത്മഹത്യയിൽ പൊതുമരാമത്ത് സെക്രട്ടറിയായിരുന്ന ഗ്യാനേഷ് കുമാറിന്റെ പങ്ക് തുടങ്ങിയ കാര്യങ്ങളാവും അന്വേഷിക്കുക.ഉദ്യോഗസ്ഥരുടെ ഇടപെടലിനെ തുടർന്നാണ് 13 കോടിയോളം രൂപ തടഞ്ഞുവച്ചത് എന്നായിരുന്നു ആരോപണം. തുക ലഭിക്കാത്തതിനെത്തുടർന്നായിരുന്നു ലീ സീ ബീൻ ആത്മഹത്യ ചെയ്തത്.അന്ന് പ്രാഥമിക അന്വേഷണം നടത്തിയിരുന്നെങ്കിലും കാര്യമായ തെളിവുകൾ ലഭിച്ചിരുന്നില്ല. അന്വേഷണം അട്ടിമറിക്കപ്പെട്ടതാണെന്ന ആരോപണവും ഉയരുന്നുണ്ട്. 20 വർഷം മുമ്പ് നടന്ന അന്വേഷണത്തിന്റെ വിശദാംശങ്ങൾ വിജിലൻസ് ശേഖരിച്ചിരുന്നു. ഗ്യാനേഷ്കുമാറിനെതിരെ നേരത്തെയും കേരളത്തിൽ വിജിലൻസ് പരിശോധനകൾ നടന്നിട്ടുണ്ടെന്ന് കെപിസിസി നിർവാഹസമിതി അംഗവും പരാതിക്കാരനുമായ മലയൻകീഴ് വേണുഗോപാൽ പറഞ്ഞു. ഇപ്പോഴത്തെ പരാതിയിലൂടെ ഗ്യാനേഷ്കുമാറിനെ കുറിച്ചുള്ള യഥാർത്ഥ ചിത്രം ജനങ്ങൾക്ക് വ്യക്തമാകുമെന്ന് മലയൻകീഴ് വേണുഗോപാൽ പറഞ്ഞു.
Read More
കേരളത്തിൽ പ്രവർത്തിച്ച കാലത്ത് അഴിമതി നടത്തിയെന്ന പരാതി; ഗ്യാനേഷ് കുമാറിനെതിരെ വിജിലൻസ് അന്വേഷണം
മോദിയുടെ ഹീറോ, ഗ്യാനേഷ് കുമാറിനെ വെറുക്കുന്നവർ ഒന്നിക്കണം; വീണ്ടും സമര സൂചന നൽകി കോക്രോച്ച് ജനതാ പാർട്ടി
ഗ്യാനേഷ് കുമാറിന്റെ രാജി: പ്രതിഷേധം പ്രഖ്യാപിച്ച് സിജെപി, ഒക്ടോബര്‍ 2ന് മുംബൈയില്‍ പ്രതിഷേധം; വീണ്ടും ഇംപീച്ച്‌മെന്റ് പ്രമേയം കൊണ്ടുവരാന്‍ കോണ്‍ഗ്രസ്
മോദിയും അമിത് ഷായും ഗ്യാനേഷ് കുമാറിനെ ‘അമ്പയര്‍’ ആക്കി; തിരഞ്ഞെടുപ്പുകളില്‍ ഒത്തുകളിക്കാന്‍ ചുമതലപ്പെടുത്തി; രാഹുല്‍ ഗാന്ധി
