തിരുവനന്തപുരം നെയ്യാർ ഡാം പോലീസിന് നേരെ കഞ്ചാവ് മാഫിയയുടെ ആക്രമണം. പുലർച്ചെ പട്രോളിംഗിന് ഇറങ്ങിയ പോലീസുകാർക്ക് നേരെ പെട്രോൾ ബോംബ് എറിയുകയായിരുന്നു. ഒരു പോലീസ് ജീപ്പ് പ്രതികൾ അടിച്ചു തകർക്കുകയും ചെയ്തു ഇന്ന് പുലർച്ചെ മൂന്ന് മണിയോടെയാണ് സംഭവം. പ്രദേശത്തെ വീടുകൾക്ക് നേരെയും ഇവർ ആക്രമണം നടത്തി. ഒരു പോലീസുകാരന് ആക്രമണത്തിൽ പരുക്കേറ്റു. ആക്രമണത്തിന് ശേഷം പ്രതികൾ വനത്തിൽ കയറി ഒളിച്ചു. ഇവർക്കായുള്ള തെരച്ചിൽ തുടരുകയാണ്.

  മധ്യകേരളത്തിലും വടക്കൻ കേരളത്തിലും ശക്തമായ മഴയ്ക്ക് സാധ്യതയെന്ന് കേന്ദ്ര കാലാവസ്ഥാ വകുപ്പിന്റെ മുന്നറിയിപ്പ്. തൃശൂർ, പാലക്കാട്, മലപ്പുറം, കോഴിക്കോട്, വയനാട്, കണ്ണൂർ, കാസർഗോഡ് ജില്ലകളിൽ യെല്ലോ അലേര്‍ട്ട് പ്രഖ്യാപിച്ചു. കോഴിക്കോട്, വയനാട്, കണ്ണൂർ, കാസർഗോഡ് ജില്ലകളിൽ നാളെയും തിങ്കളാഴ്ച 12 ജില്ലകളിലും മഴ മുന്നറിയിപ്പുണ്ട്.ഇടിമിന്നലിനും ശക്തമായ കാറ്റോടും കൂടിയ മഴയ്ക്കാണ് സാധ്യത. ശക്തമായ കാറ്റിൽ മരങ്ങൾ കടപുഴകി വീണും ചില്ലകൾ ഒടിഞ്ഞു വീണും അപകടങ്ങൾ ഉണ്ടാകാനുള്ള സാധ്യത കൂടുതലായതിനാൽ പൊതു ജനങ്ങൾ ജാഗ്രത പാലിക്കണമെന്ന് സംസ്ഥാന…

  പത്തനാപുരത്തെ ഗണേഷ്‌കുമാർ എംഎൽഎയുടെ ഓഫീസിൽ ആക്രമണം. ഓഫീസ് ജീവനക്കാരന് വെട്ടേറ്റു. കേരളാ കോൺഗ്രസ് ബി പ്രവർത്തകൻ ബിജു പത്തനാപുരത്തിനാണ് വെട്ടേറ്റത്. മാനസികാസ്വസ്ഥ്യമുള്ള ആളാണ് ഓഫീസിലേക്ക് ഓടിക്കയറി ബിജുവിനെ വെട്ടിയത്. രാവിലെ ആറ് മണിയോടെയാണ് സംഭവം. കയ്യിലാണ് ബിജുവിന് വെട്ടേറ്റത്. അക്രമിയെ മറ്റ് ജീവനക്കാരും നാട്ടുകാരും ചേർന്ന് കീഴ്‌പ്പെടുത്തി പോലീസിന് കൈമാറി. വിഷയത്തിൽ രാഷ്ട്രീയമില്ലെന്നാണ് നിഗമനം

  സുഹൃത്തിനെ ഒരു സംഘം ബലാത്സംഗം ചെയ്തുവെന്ന ആരോപണം ഉന്നയിച്ച മയൂഖ ജോണിക്കെതിരെ കേസെടുക്കാൻ ചാലക്കുടി ഒന്നാം ക്ലാസ് മജിസ്‌ട്രേറ്റ് കോടതിയുടെ ഉത്തരവ്. മയൂഖ ജോണി, മൂരിയാട് എംപറർ ഇമ്മാനുവൽ ചർച്ചിന്റെ പരാമാധികാരി നിഷ സെബാസ്റ്റ്യൻ, മറ്റ് ട്രസ്റ്റികൾ അടക്കം പത്ത് പേർക്കെതിരെ കേസെടുക്കാനാണ് നിർദേശം ക്രിമിനൽ ഗൂഢാലോചനകൾ നടത്തിയ വ്യാജരേഖ ചമച്ച് സ്ഥാപനത്തിന്റെ മുൻ ട്രസ്റ്റി സി സി ജോൺസണെതിരെ ബലാത്സംഗത്തിന് കേസ് കൊടുക്കുകയും പത്രസമ്മേളനം വിളിച്ച് ആരോപണമുന്നയിക്കുകയും ചെയ്തുവെന്ന പരാതിയിലാണ് കോടതി നടപടി. ആളൂർ…

  കോട്ടയത്ത് മാനസിക പ്രശ്‌നങ്ങളുള്ള മകളെ പീഡിപ്പിച്ച പിതാവ് അറസ്റ്റിൽ. മുണ്ടക്കയം പൊലീസ് സ്റ്റേഷൻ പരിധിയിലെ താമസിക്കുന്നയാളാണ് അറസ്റ്റിലായിരിക്കുന്നത്. ദീർഘകാലമായി സ്വന്തം മകളെ ഇയാൾ പീഡിപ്പിച്ചുവരികയായിരുന്നു. പീഡന വിവരം പെൺകുട്ടി മാതാവിനെ അറിയിച്ചതിനെ തുടർന്ന് മാതാവ് മുണ്ടക്കയം പൊലീസിൽ പരാതി നൽകുകയായിരുന്നു. സി.ഐ എ. ഷൈൻ കുമാറിന്റെ നേതൃത്വത്തിലാണ് കേസിൽ അന്വേഷണം നടക്കുന്നത്. പ്രതിയെ വെളളിയാഴ്ച കോടതിയിൽ ഹാജരാക്കും.

  കടകൾ എല്ലാ ദിവസവും തുറക്കണമെന്നാവശ്യപ്പെട്ട് പ്രതിഷേധത്തിന് ഒരുങ്ങുന്ന വ്യാപാരി വ്യവസായി ഏകോപന സമിതി നേതാക്കളുമായി മുഖ്യമന്ത്രി പണറായി വിജയൻ ഇന്ന് ചർച്ച നടത്തും. മുഖ്യമന്ത്രിയമായുള്ള ചർച്ചയ്ക്ക് ശേഷം തുടർ നിലപാട് സ്വീകരിക്കാൻ വ്യാപാരി വ്യവസായി ഏകോപന സമിതിയുടെ സെക്രട്ടേറിയറ്റ് യോഗവും ഇന്ന് ചേരുന്നുണ്ട് ജൂലൈ 21ന് പെരുന്നാൾ വരെ എല്ലാ കടകളും എല്ലാ ദിവസവും തുറക്കണമെന്നാണ് വ്യാപാരികൾ ആവശ്യപ്പെടുന്നത്. ചില ഇളവുകൾ നൽകാൻ സർക്കാർ തയ്യാറായേക്കും. നാളെയാണ് മുഖ്യമന്ത്രിയുടെ അധ്യക്ഷതയിൽ കൊവിഡ് അവലോകന യോഗം ചേരുന്നത്….