കാസർകോട് കാഞ്ഞങ്ങാട് വൻ മദ്യവേട്ട. കാറിൽ കടത്താൻ ശ്രമിച്ച 345 ലിറ്റർ മദ്യം എക്‌സൈസ് പിടികൂടി. വ്യാഴാഴ്ച രാത്രി ഹോസ്ദുർഗ് ബല്ല കൊഴക്കുണ്ടിൽ കാറിൽ കടത്തിക്കൊണ്ടുവന്ന കർണാടക നിർമിത വിദേശമദ്യമാണ് പിടികൂടിയത്. ഓണത്തോടനുബന്ധിച്ചാണ് പരിശോധന കർശനമാക്കിയത്. ഹോസ്ദുർഗ് റെയ്ഞ്ച് ഇൻസ്‌പെക്ടർ വി വി പ്രസന്നകുമാറിന്റെ നേതൃത്വത്തിലുള്ള സംഘമാണ് മദ്യം പിടിച്ചത്. കാറിലുണ്ടായിരുന്ന ആൾ എക്‌സൈസ് സംഘത്തെ കണ്ടതോടെ ഇറങ്ങിയോടി.

സംസ്ഥാനത്ത് കൊവിഡ് മരണം റിപ്പോർട്ട് ചെയ്യുന്നതിൽ ആരോഗ്യവകുപ്പിന് വീഴ്ച സംഭവിച്ചിട്ടില്ലെന്ന് ആരോഗ്യമന്ത്രി വീണ ജോർജ്. യുഡിഎഫ് എംഎൽഎമാരുടെ ചോദ്യത്തിനാണ് മന്ത്രിയുടെ മറുപടി. സർക്കാർ കണക്കും ഇൻഫർമേഷൻ കേരളാ മിഷൻ കണക്കും തമ്മിൽ ഏഴായിരം മരണങ്ങളുടെ അന്തരമുണ്ടെന്ന് ചൂണ്ടിക്കാട്ടിയുള്ള ചോദ്യത്തിന് വ്യക്തത വരുത്താതെയാണ് മന്ത്രിയുടെ മറുപടി സംസ്ഥാനതല ഡെത്ത് ഓഡിറ്റ് സമിതിയെ കുറിച്ച് മറുപടിയിൽ പരാമർശിക്കുന്നില്ല. കൊവിഡ് ബാധിതരുടെ മരണം സംബന്ധിച്ച വിവരം സർക്കാർ മറച്ചുവെക്കുന്നുവെന്ന് പ്രതിപക്ഷം ആരോപിച്ചിരുന്നു. മുഖ്യമന്ത്രി പുറത്തുവിട്ട കണക്കും കേരളാ മിഷന്റെ കണക്കുകളും തമ്മിലുള്ള…

  തൃക്കാക്കരയിലെ ഓണ സമ്മാന വിവാദം അന്വേഷിക്കാൻ ഡിസിസിയോട് ആവശ്യപ്പെട്ടതായി പ്രതിപക്ഷ നേതാവ് വി ഡി സതീശൻ. ഡിസിസിയോട് റിപ്പോർട്ട് ആവശ്യപ്പെട്ടിട്ടുണ്ട്. കുറ്റം ചെയ്‌തെന്ന് കണ്ടെത്തിയാൽ നടപടിയുണ്ടാകുമെന്നും സതീശൻ പറഞ്ഞു. ഓണക്കോടിക്കൊപ്പം കൗൺസിലർമാർക്ക് ചെയർപേഴ്‌സൺ പതിനായിരം രൂപ കൂടി സമ്മാനം നൽകിയാണ് വിവാദത്തിലായത്. പണത്തിന്റെ ഉറവിടത്തിൽ സംശയം തോന്നിയ പ്രതിപക്ഷ കൗൺസിലർമാർ പണം തിരികെ നൽകി. അധ്യക്ഷയുടെ നടപടിയിൽ അന്വേഷണം ആവശ്യപ്പെട്ട് കൗൺസിലർമാർ വിജിലൻസ് ഡയറക്ടർക്ക് പരാതി നൽകി. ഓരോ അംഗങ്ങൾക്കും 15 ഓണക്കോടിക്കൊപ്പമാണ് കവറിൽ പതിനായിരം…

  യുവതിക്ക് നേരെ അതിക്രമം നടത്തിയയാളെ ചോദ്യം ചെയ്ത യുവാവിനെ അറസ്റ്റ് ചെയ്ത് പൊലീസ്. കൊല്ലം ശക്തികുളങ്ങര പോലീസിന്റേതാണ് നടപടി. കൊല്ലം രാമൻകുളങ്ങര സ്വദേശി അനന്ദുവിനെയാണ് പൊലീസ് അറസ്റ്റ്ചെയ്തത്. തന്റെ സഹപ്രവർത്തകയായ യുവതിക്കെതിരെ അതിക്രമം നടത്തിയാളെ അനന്ദു തടയുകയും വാക്കേറ്റം ഉണ്ടാവുകയും ചെയ്തിരുന്നു. കേരള പ്രവാസി അസോസിയേഷൻ ജില്ലാ പ്രസിഡന്റ് ഹരിധരനായിരുന്നു യുവതിക്കെതിരെ അതിക്രമം നടത്തിയത്. തുടർന്ന് തൊട്ടടുത്ത ദിവസം യുവതി ശക്തികുളങ്ങര പൊലീസിൽ പരാതി നൽകുകയും ചെയ്തു. എന്നാൽ ഹരിധരനെ അറസ്റ്റ് ചെയ്യാതെ അനന്ദുവിനെ പൊലീസ്…

  കൊവിഡ് മഹാമാരി തീർത്ത പ്രതിസന്ധികളിലും പകിട്ട് കുറയാതെ ഓണം ആഘോഷിക്കാൻ തയ്യാറെടുക്കാമെന്ന് മുഖ്യമന്ത്രി പിണറായി വിജയൻ. ഉത്രാട ദിനത്തിൽ ഫേസ്ബുക്കിൽ പോസ്റ്റ് ചെയ്ത കുറപ്പിലാണ് മുഖ്യമന്ത്രി ഓണാശംസകൾ നേരുന്നത്. തിരുവോണനാളിനെ വരവേൽക്കാനായി ഉത്രാടം പിറന്നിരിക്കുന്നു. കോവിഡ് മഹാമാരി തീർത്ത പ്രതിസന്ധികളിൽ പകിട്ടു കുറയാതെ ഓണം ആഘോഷിക്കാൻ നമുക്ക് തയ്യാറെടുക്കാം. ഓണക്കാലം വറുതിയില്ലാതെ കടന്നുപോകാൻ സർക്കാർ നിരവധി സഹായപദ്ധതികളാണ് ആവിഷ്‌കരിച്ചത്. ലോക്ഡൗൺ കാരണം കടുത്ത പ്രതിസന്ധി നേരിട്ട ചെറുകിട മേഖലയ്ക്കായി 5650 കോടി രൂപയുടെ പ്രത്യേക സാമ്പത്തികാശ്വാസ…

എറണാകുളത്ത് ജോലി തേടിയെത്തിയ സ്ത്രീയെ പീഡിപ്പിച്ച് ദൃശ്യങ്ങൾ പകർത്തുകയും പ്രചരിപ്പിക്കുമെന്ന് ഭീഷണിപ്പെടുത്തുകയും ചെയ്ത കടയുടമ അറസ്റ്റിൽ. തൊടുപുഴ കാരിക്കോട് മുതലക്കുടം വിസ്മയ വീട്ടിൽ സനീഷിനെയാണ്(43) അറസ്റ്റ് ചെയ്തത്. വൈറ്റിലയിൽ വസ്ത്രവ്യാപാര സ്ഥാപനം നടത്തുന്ന പ്രതി ജോലിക്കെത്തിയ സ്ത്രീയെ വിവാഹം ചെയ്യാമെന്ന് പറഞ്ഞാണ് പീഡിപ്പിച്ചത് പരാതിക്കാരുടെ പക്കൽ നിന്ന് അമ്പതിനായിരം രൂപയും മോതിരവും ഭീഷണിപ്പെടുത്തി ഇയാൾ വാങ്ങിയിരുന്നു. പണം തിരികെ ചോദിച്ചപ്പോൾ ഇയാൾ മുമ്പ് ചിത്രീകരിച്ച ദൃശ്യങ്ങൾ പ്രചരിപ്പിക്കുമെന്ന് ഭീഷണിപ്പെടുത്തി. തുടർന്ന് യുവതി പോലീസിൽ പരാതി നൽകുകയായിരുന്നു