ബ്ലാക്ക് ഫംഗസ് ബാധ; മുംബൈയില് മൂന്ന് കുട്ടികളുടെ ഓരോ കണ്ണ് വീതം നീക്കം ചെയ്തു
മുംബൈ: ബ്ലാക്ക് ഫംഗസ് (മ്യൂക്കോമൈക്കോസിസ്) രോഗബാധയെത്തുടര്ന്ന് മുംബൈയില് മൂന്ന് കുട്ടികളുടെ ഓരോ കണ്ണുകള് വീതം നീക്കം ചെയ്തതായി റിപോര്ട്ട്. 4, 6, 14 വയസ് പ്രായമുള്ള കുട്ടികളുടെ കണ്ണുകളാണ് നീക്കം ചെയ്യേണ്ടിവന്നത്. മുംബൈയിലെ രണ്ട് ആശുപത്രികളിലായാണ് മൂന്നുപേരുടെയും ശസ്ത്രക്രിയ നടത്തിയത്. മൂന്ന് പേരില് നാലും ആറും വയസ്സുമുള്ള കുട്ടികള് പ്രമേഹബാധിതരായിരുന്നില്ല. 14കാരി മാത്രമാണ് പ്രമേഹബാധിതയായിരുന്നത്. 16 വയസ്സുള്ള പ്രമേഹബാധിതയായ മറ്റൊരു പെണ്കുട്ടിയെ കൂടി ബ്ലാക്ക് ഫംഗസ് ബാധയെത്തുടര്ന്ന് ആശുപത്രിയില് പ്രവേശിപ്പിച്ചിരുന്നു. കൊവിഡ് മുക്തയായതിനുശേഷമാണ് ആ കുട്ടിക്ക് പ്രമേഹബാധയുണ്ടായത്….