കൊവിഡ് വ്യാപനം കുറയുന്നതിന് അനുസരിച്ച് മാത്രമേ ക്ഷേത്രങ്ങളിൽ ഭക്തർക്ക് പ്രവേശനം നൽകൂവെന്ന് മന്ത്രി കെ രാധാകൃഷ്ണൻ. ഭക്തജനങ്ങളെ തടയുന്നത് സർക്കാർ ലക്ഷ്യമല്ല. ആരെയും ദ്രോഹിക്കാനല്ല, രോഗവ്യാപനം തടയാനാണ് ശ്രമം. ഭക്തസരുടെ സുരക്ഷയാണ് പ്രധാനം ആരാധനാലയങ്ങളിൽ ആളുകൾ തടിച്ചു കൂടുന്നത് രോഗവ്യാപനത്തിന് കാരണമാകും. കൊവിഡ് നിയന്ത്രണവിധേയമാകുന്നതിന് അനുസരിച്ച് ഇളവുകൾ നൽകുമെന്നും മന്ത്രി അറിയിച്ചു.

  ഹോട്ടലിലെ ചില്ലു മേശ കൈ കൊണ്ട് തല്ലിത്തകർത്ത യുവാവ് ഞരമ്പ് മുറിഞ്ഞ് രക്തം വാർന്നുമരിച്ചു. പാലക്കാട് കൂട്ടുപാതയിൽ ഇന്നലെ അർധരാത്രിയിലാണ് സംഭവം. കല്ലിങ്കൽ കളപ്പക്കാട് ശ്രീജിത്ത് എന്ന 25കാരനാണ് മരിച്ചത്. അഞ്ച് സുഹൃത്തുക്കൾക്കൊപ്പമാണ് ശ്രീജിത്ത് ഭക്ഷണം കഴിക്കാനെത്തിയത്. മീൻ കറിയെ ചൊല്ലി തർക്കമുണ്ടാകുകയും ശ്രീജിത്ത് ചില്ലു കൊണ്ടുള്ള തീൻ മേശ തല്ലി തകർക്കുകയുമായിരുന്നു. ഗുരുതരമായി പരുക്കേറ്റ ഇയാളെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. സുഹൃത്തുക്കളെ പോലീസ് കസ്റ്റഡിയിലെടുത്തു. സംഭവം നടന്ന ഹോട്ടൽ പോലീസ് പൂട്ടിച്ചു

മുൻ പ്രതിപക്ഷ നേതാവ് രമേശ് ചെന്നിത്തലയും രാഹുൽ ഗാന്ധിയും തമ്മിലുള്ള കൂടിക്കാഴ്ച ഇന്ന്. ചെന്നിത്തല ഇന്നലെ ഉച്ചയോടെ തന്നെ ഡൽഹിയിൽ എത്തിയിരുന്നു. ഉച്ചയോടെയാണ് ഇരുവരും തമ്മിലുള്ള കൂടിക്കാഴ്ച. പ്രതിപക്ഷ നേതൃസ്ഥാനത്ത് നിന്ന് തന്നെ നീക്കിയതിലുള്ള അതൃപ്തി ചെന്നിത്തല തുറന്നുപറഞ്ഞ സാഹചര്യത്തിലാണ് കൂടിക്കാഴ്ച വി ഡി സതീശനെ പ്രതിപക്ഷ നേതാവാക്കിയ സാഹചര്യം രാഹുൽ വിശദീകരിക്കും. ചെന്നിത്തലക്ക് പുതിയ ചുമതലകൾ നൽകുന്ന കാര്യത്തിലും കൂടിക്കാഴ്ചയിൽ തീരുമാനമായേക്കും.

തിരുവനന്തപുരം വിമാനത്താവളം ഏറ്റെടുക്കാൻ ഡിസംബർ വരെ സമയം അനുവദിക്കണമെന്ന് ആവശ്യപ്പെട്ട് അദാനി ഗ്രൂപ്പ് എയർപോർട്ട് ഓഫ് ഇന്ത്യക്ക് കത്ത് നൽകി. കൊവിഡ് രണ്ടാം വ്യാപനത്തെ തുടർന്നുണ്ടായ പ്രതിസന്ധികൾ കാരണമാണ് ഏറ്റെടുക്കൽ വൈകുന്നതെന്ന് അദാനി ഗ്രൂപ്പ് കത്തിൽ പറയുന്നു. ജയ്പൂർ, ഗുവാഹത്തി വിമാനത്താവളങ്ങൾ ഏറ്റെടുക്കാനും കൂടുതൽ സമയം വേണമെന്ന് ആവശ്യപ്പെട്ടിട്ടുണ്ട് കരാർ പ്രകാരം 180 ദിവസത്തിനുള്ളിൽ വിമാനത്താവളങ്ങൾ ഏറ്റെടുക്കണമെന്നതായിരുന്നു. ജനുവരി 19നാണ് എയർപോർട്ട് ഓഫ് ഇന്ത്യയുമായി അദാനി ഗ്രൂപ്പ് കരാർ ഒപ്പിടുന്നത്. സമയപരിധി ഈ മാസം അവസാനിക്കാനിരിക്കെയാണ് കത്ത്…