സി കെ ജാനുവിന് ബിജെപി സംസ്ഥാന പ്രസിഡന്റ് കെ സുരേന്ദ്രൻ കോഴ നൽകിയെന്ന വെളിപ്പെടുത്തലിൽ ജെആർപി സംസ്ഥാന ട്രഷറർ പ്രസീതയെ ക്രൈംബ്രാഞ്ച് വീണ്ടും വിളിപ്പിച്ചു. തെളിവ് ശേഖരണത്തിനായാണ് പ്രസീതയോട് രാവിലെ 11 മണിക്ക് ഹാജരാകാൻ ക്രൈംബ്രാഞ്ച് നിർദേശം നൽകിയത്. ശബ്ദരേഖയടക്കമുള്ള ഡിജിറ്റൽ തെളിവുകളുടെ വിശദാംശങ്ങൾ ക്രൈംബ്രാഞ്ച് ശേഖരിക്കും. കേസിൽ സി കെ ജാനുവിന്റെയോ കെ സുരേന്ദ്രന്റെയോ മൊഴി ഇതുവരെയെടുത്തിട്ടില്ല. കെ സുരേന്ദ്രൻ ജാനുവിന് ലക്ഷങ്ങൾ കൈമാറാൻ തയ്യാറെടുക്കുന്നതിന്റെ ഫോൺ സംഭാഷണം പ്രസീത പുറത്തുവിട്ടിരുന്നു.

  സംസ്ഥാനത്തിന്റെ പുതിയ പോലീസ് മേധാവിയായി അനിൽകാന്ത് ചുമതലയേറ്റതിന് പിന്നാലെ ട്രോളൻമാർ നടൻ ചെമ്പിൽ അശോകനെയും ഏറ്റെടുത്തു. ലോക്‌നാഥ് ബെഹ്‌റ ചുമതല വഹിച്ചിരുന്നപ്പോൾ ട്രോളൻമാരുടെ ഇഷ്ടതാരം സാജു നവോദയ(പാഷാണം ഷാജി) ആയിരുന്നു. പുതിയ ഡിജിപിയുമായി സാമ്യമുള്ളത് ചെമ്പിൽ അശോകനാണ്. പാഷാണം ഷാജി മാറി ചെമ്പിൽ അശോകൻ ചുമതലയേറ്റു എന്നായിരുന്നു കഴിഞ്ഞ ദിവസം വാട്‌സാപ്പ് വഴിയും ഫേസ്ബുക്ക് വഴിയും പ്രചരിച്ച ട്രോളുകൾ. ചെമ്പിൽ അശോകനെ പോലീസ് വേഷമണിയിച്ചാണ് ട്രോളുകളേറെയും പ്രത്യക്ഷപ്പെട്ടത്. ഡിജിപിക്കൊപ്പം ട്രോളുകളുടെ ഭാഗമാകാൻ സാധിച്ചതിൽ സന്തോഷമുണ്ടെന്നായിരുന്നു ചെമ്പിൽ…

തളിപറമ്പിനു സമീപം കുറുമാത്തൂരില്‍ തോണി മറിഞ്ഞു വിദ്യാര്‍ത്ഥി മരിച്ചു. തൃശൂര്‍ കുന്നംകുളം വടക്കേക്കാട് സ്വദേശി ഇര്‍ഫാദ് (21) ആണ് മരിച്ചത്. കുറുമത്തൂര്‍ ചൊറുക്കളയിലെ സുഹൃത്തിന്റെ വീട് സന്ദര്‍ശിക്കാനെത്തിയതായിരുന്നു ഇര്‍ഫാദ്. മംഗലാപുരത്തെ യെനെപ്പോയ മെഡിക്കല്‍ കോളജ് വിദ്യാര്‍ത്ഥിയാണ്. അപകടത്തില്‍പ്പെട്ട മറ്റു മൂന്നുപേരെ നാട്ടുകാര്‍ രക്ഷപ്പെടുത്തി.  

ആലുവയില്‍ ഗര്‍ഭിണിക്കും പിതാവിനും ക്രൂര മര്‍ദ്ദനമേറ്റ സംഭവത്തില്‍ പൊലീസ് കേസെടുത്തു. നൗലത്ത്, പിതാവ് സലിം എന്നിവര്‍ക്കാണ് മര്‍ദ്ദനമേറ്റത്. യുവതിയുടെ ഭര്‍ത്താവ് ജൗഹര്‍, മാതാവ് സുബൈദ എന്നിവര്‍ക്കെതിരെ ആലങ്ങാട് പൊലീസ് കേസെടുത്തു.ഗാര്‍ഹിക പീഡനം, ക്രൂരമായ മര്‍ദ്ദനം എന്നീ കുറ്റങ്ങള്‍ ചുമത്തിയാണ് കേസെടുത്തത്. ഏഴ് മാസം മുന്‍പായിരുന്നു ജൗഹറുമായുള്ള നൗലത്തിന്റെ വിവാഹം. പത്ത് ലക്ഷം രൂപയാണ് നൗലത്തിന് സ്ത്രീധനമായി കുടുംബം നല്‍കിയത്. ഇതില്‍ രണ്ട് ലക്ഷം രൂപ സ്വര്‍ണമായും എട്ട് ലക്ഷം രൂപ പണമായുമാണ് നല്‍കി. ഈ പണം ഉപയോഗിച്ച്…

  കള്ളക്കടത്തിന് ഉപയോഗിച്ച കാർ തന്റെ പേരിലെങ്കിലും ലോൺ അടച്ചു കൊണ്ടിരുന്നത് അർജുന്ന് എന്ന് ഡിവൈഎഫ്ഐ മുൻ നേതാവ് സജേഷിന്റെ മൊഴി. അർജുന് സിബിൽ സ്‌കോർ കുറവായതു കൊണ്ടാണ് തന്റെ പേരിൽ കാർ എടുത്തതെന്നും അർജുന്റെ സ്വർണക്കള്ളക്കടത്ത് ഇടപാടുകളെക്കുറിച്ച് അറിയില്ലായിരുന്നുവെന്നും സജേഷ് മൊഴി നൽകി. അർജുനെ സജേഷ് പരിചയപ്പെട്ടത് ഫേസ്ബുക്കിലൂടെയാണെന്നും മൊഴിയിൽ പറയുന്നു. പിന്നീട് ഇത് അടുത്ത സൗഹൃദമായി വളരുകയായിരുന്നു. അർജുന്റെ ബിനാമിയാണ് താനെന്ന ആരോപണം സജേഷ് നിഷേധിച്ചു. ചോദ്യം ചെയ്യലിന് ശേഷം സജേഷിനെ ഇന്നലെ രാത്രി…

കൊച്ചി മെട്രോ സർവീസ് ഇന്ന് മുതൽ പുനരാരംഭിക്കും. രാവിലെ എട്ട് മണി മുതൽ രാത്രി എട്ട് മണി വരെയാണ് സർവീസുണ്ടാകുക. തുടക്കത്തിൽ 10 മുതൽ 15 മിനിറ്റ് വരെ ഇടവേളകളിലാണ് സർവീസ്. യാത്രക്കാരുടെ എണ്ണം വർധിക്കുന്നത് അനുസരിച്ച് സമയം പുനക്രീകരിക്കും. 53 ദിവസത്തിന് ശേഷമാണ് കൊച്ചി മെട്രോ വീണ്ടും സർവീസ് ആരംഭിക്കുന്നത്. ലോക്ക് ഡൗൺ ഇളവുകൾ പ്രഖ്യാപിച്ച സാഹചര്യത്തിൽ മെട്രോ സർവീസ് തുടങ്ങണമെന്ന് നിരവധി പേർ ആവശ്യപ്പെട്ടിരുന്നു. കൊവിഡ് മാനദണ്ഡങ്ങൾ പാലിച്ചാകും സർവീസ്

  സ്വർണക്കടത്ത് ക്വട്ടേഷൻ സംഘങ്ങളുമായി പരിചയമില്ലെന്നും ക്വട്ടേഷൻ നടത്തിയിട്ടില്ലെന്നും ടിപി കേസിൽ ശിക്ഷ അനുഭവിക്കുന്ന മുഹമ്മദ് ഷാഫി. കൊടി സുനിയും ഷാഫിയും പാർട്ടി ക്രിമിനലുകളാണെന്ന് ഇപ്പോഴുള്ള പിള്ളേരൊക്കെ കരുതുന്നു. ഇവർക്ക് സെൽഫി എടുക്കാൻ നിന്നു കൊടുത്തു എന്നതുമാത്രമാണ് ചെയ്ത തെറ്റ് ക്വട്ടേഷന് കൂട്ട് നിന്നു എന്ന് തെളിഞ്ഞാൽ പരോൾ റദ്ദ് ചെയ്യട്ടെ. ആകാശ് തില്ലങ്കേരിയുമായി ഫേസ്ബുക്ക് പരിചയം മാത്രമാണ് ഉള്ളത്. തന്റെ കല്യാണത്തിന് ആകാശ് വന്നിരുന്നു. ജയിലിനുള്ളിൽ നിന്ന് കൊടി സുനിയും മുഹമ്മദ് ഷാഫിയും അടക്കമുള്ളവർ ആകാശ്…

സംസ്ഥാനത്ത് ഇന്ന് മുതൽ ഒരാഴ്ച്ചത്തേക്ക് കർശന നിയന്ത്രണങ്ങൾ. ടെസ്റ്റ് പോസിറ്റിവിറ്റി നിരക്ക് 18ന് മുകളിലുള്ള സ്ഥലങ്ങളിൽ ട്രിപ്പിൾ ലോക്ക് ഡൗൺ ആയിരിക്കും. ടിപിആർ 12നും 18നും ഇടയിലുള്ള സ്ഥലങ്ങളിൽ ലോക്ക് ഡൗണും 6നും 12നും ഇടയിലുള്ള സ്ഥലങ്ങളിൽ സെമി ലോക്ക് ഡൗണുമായിരിക്കും   ടിപിആർ ആറ് ശതമാനത്തിൽ താഴെയുള്ള സ്ഥലങ്ങളിൽ മാത്രമാണ് ഇളവുകളുണ്ടാകുക. നേരത്തെ ടിപിആർ 24ന് മുകളിലുള്ള സ്ഥലങ്ങളിൽ മാത്രമായിരുന്നു ട്രിപ്പിൾ ലോക്ക് ഡൗൺ ഏർപ്പെടുത്തിയിരുന്നത്. എന്നാൽ സംസ്ഥാനത്ത് കൊവിഡ് വ്യാപനം പ്രതീക്ഷിച്ച രീതിയിൽ കുറയാത്ത…