തിരുവനന്തപുരം മൃഗശാലയിൽ രാജവെമ്പാലയുടെ കടിയേറ്റ് ജീവനക്കാരൻ മരിച്ചു. കാട്ടാക്കട സ്വദേശി അർഷാദാണ് മരിച്ചത്. കൂട് വൃത്തിയാക്കുന്നതിനിടെ അർഷാദിന് പാമ്പുകടിയേൽക്കുകയായിരുന്നു. ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. ഉച്ചയ്ക്ക് ഒരു മണിയോടെയാണ് സംഭവം. മൃഗശാലയിലെ അനിമൽ കീപ്പറാണ് അർഷാദ്. സംഭവം നടന്നതിന് പിന്നാലെ അർഷാദിനെ മെഡിക്കൽ കോളജ് ആശുപത്രിയിലേക്ക് എത്തിച്ചെങ്കിലും മരിക്കുകയായിരുന്നു.
കരിപ്പൂരിൽ വീണ്ടും വൻ സ്വർണവേട്ട. വ്യാഴാഴ്ച വിമാനത്താവളത്തിലിറങ്ങിയ മൂന്ന് യാത്രക്കാരിൽ നിന്നായി മൂന്ന് കിലോയിലേറെ സ്വർണ മിശ്രിതം കസ്റ്റംസ് പിടികൂടി. വിപണിയിൽ 1.2 കോടി രൂപയിലേറെ വില വരുന്ന സ്വർണ മിശ്രിതമാണ് പിടികൂടിയത്. വടകര സ്വദേശി കുനിയത്ത് മുസ്തഫയിൽ നിന്ന് 1320 ഗ്രാം സ്വർണ മിശ്രിതം പിടികൂടി. കാസർകോട് ഉപ്പള സ്വദേശി ഷാഫിയിൽ നിന്ന് 1030 ഗ്രാം സ്വർണ മിശ്രിതം പിടിച്ചെടുത്തു. മലപ്പുറം സ്വദേശി ലുഖ്മാനിൽ നിന്ന് 1086 ഗ്രാം സ്വർണ മിശ്രിതവും 50 ഗ്രാമിന്റെ…
ആരോപണങ്ങൾ ഉയർത്തി വീണ്ടും വേദനിപ്പിക്കരുതെന്ന് മുൻ മന്ത്രി ജി സുധാകരൻ. ആലപ്പുഴ ജില്ലാ കമ്മിറ്റിയിൽ ഉയർന്ന വിമർശനം സംബന്ധിച്ച ചോദ്യത്തിന് മറുപടി നൽകുകയായിരുന്നു സുധാകരൻ. ആരോപണങ്ങൾ പാർട്ടി പരിശോധിച്ചോളും. അവയെ കുറിച്ച് ചോദിച്ച് വീണ്ടും വേദനിപ്പിക്കരുത് പത്ര വാർത്ത കണ്ട് കൂടുതൽ പ്രതികരിക്കാനില്ല. അത് ശരിയല്ല. തനിക്കെതിരെ ഉയർന്ന ആരോപണങ്ങൾ നന്നായി കൊടുത്ത മാധ്യമങ്ങൾക്ക് അഭിനന്ദനമെന്നും ജി സുധാകരൻ പറഞ്ഞു. നേരത്തെ തെരഞ്ഞെടുപ്പ് ഫലം അവലോകനം ചെയ്യാൻ സംസ്ഥാന സെക്രട്ടറി എ വിജയരാഘവന്റെ സാന്നിധ്യത്തിൽ ചേർന്ന…
കൊവിഷീൽഡ് വാക്സിൻ ഗ്രീൻ പാസ്പോർട്ടിൽ ഉൾപ്പെടുത്തി യൂറോപ്യൻ രാജ്യങ്ങൾ. ഇന്ത്യയുടെ കടുത്ത സമ്മർദത്തിന് പിന്നാലെയാണ് നടപടി. ഓസ്ട്രിയ, ഗ്രീസ്, സ്ലോവേനിയ, ഐസ് ലാൻഡ്, സ്പെയിൻ, അയർലാൻഡ്, സ്വിറ്റ്സർലാൻഡ് തുടങ്ങിയ ഏഴ് രാജ്യങ്ങളാണ് കൊവിഷീൽഡിന് അംഗീകാരം നൽകിയത്. ഇന്ത്യയുടെ അംഗീകൃത വാക്സിനുകൾക്ക് യൂറോപ്യൻ യൂനിയൻ അംഗികാരം നൽകിയില്ലെങ്കിൽ കടുത്ത നടപടികളിലേക്ക് നീങ്ങുമെന്ന് വിദേശകാര്യ മന്ത്രാലയം മുന്നറിയിപ്പ് നൽകിയിരുന്നു. ഇതിന് പിന്നാലെയാണ് നടപടി. യൂറോപ്യൻ രാജ്യങ്ങളിൽ നിന്ന് ഇന്ത്യയിലെത്തുന്ന യാത്രക്കാർക്ക് നിർബന്ധിത ക്വാറന്റൈൻ അടക്കമുള്ള നടപടികളിലേക്ക് കടക്കുമെന്ന് മുന്നറിയിപ്പ്…
മഞ്ജുവാര്യരെ കേന്ദ്രകഥാപാത്രമായി എത്തിയ ചതുർമുഖം കൊറിയൻ ചലച്ചിത്ര മേളയിലേക്ക്. ഇരുപത്തിയഞ്ചാമത് ബുച്ചൺ ഇന്റർനാഷണൽ ഫന്റാസ്റ്റിക്ക് ഫിലിം ഫെസ്റ്റിവലിലേക്കാണ് ചിത്രം തെരഞ്ഞെടുക്കപ്പെട്ടിരിക്കുന്നത്. മലയാളത്തിലെ ആദ്യത്തെ ടെക്നോ ഹൊറർ സിനിമയാണ് ചതുർമുഖം. രഞ്ജിത്ത് കമല ശങ്കർ, സലിൽ വി. എന്നീ നവാഗതർ ആണ് ചതുർമുഖം സംവിധാനം ചെയ്തത്. വിവിധ രാജ്യങ്ങളിൽ നിന്നും ഹൊറർ, മിസ്റ്ററി, ഫാന്റസി വിഭാഗങ്ങളിലുള്ള സിനിമകൾക്കായി നടത്തുന്ന മേളയാണിത്. വേൾഡ് ഫന്റാസ്റ്റിക്ക് റെഡ് കാറ്റഗറിയിലാണ് ചതുർമുഖം പ്രദർശിപ്പിക്കുന്നത്. മൂന്നു ചിത്രങ്ങളാണ് ഇന്ത്യയിൽ നിന്ന് ഫെസ്റ്റിവലിൽ ഉള്ളത്….
കൊവിഡ് മരണം അടക്കം എല്ലാത്തരം മരണങ്ങളും റിപ്പോർട്ട് ചെയ്യാൻ സംസ്ഥാനത്ത് പുതിയ സംവിധാനം ഏർപ്പെടുത്തിയതായി ആരോഗ്യമന്ത്രി വീണ ജോർജ്. കൊവിഡ് മരണം റിപ്പോർട്ട് ചെയ്യുന്നതിനായി വികേന്ദ്രീകൃത ഓൺലൈൻ സംവിധാനം ഏർപ്പെടുത്തിയിട്ടുണ്ടെന്ന് മന്ത്രി പറഞ്ഞു ആശുപത്രിയിൽ ഒരാൾ മരിച്ചാൽ ചികിത്സിക്കുന്ന ഡോക്ടറോ അല്ലെങ്കിൽ ആശുപത്രി സൂപ്രണ്ടോ ഈ മരണം സംബന്ധിച്ച് അതിന്റെ റിപ്പോർട്ട് ഓൺലൈനായി അപ്ലോഡ് ചെയ്യണം. രോഗി മരിച്ച് 24 മണിക്കൂറിനിനുള്ളിൽ തന്നെ ആശുപത്രികളിൽ നിന്ന് ഓൺലൈൻ അപ്ഡേഷൻ നടക്കണം. ഈ വിവരങ്ങൾ ക്രോഡീകരിച്ച് ജില്ലാതലത്തിൽ…
ദുബൈയിൽ ഗർഭിണികൾക്ക് കൊവിഡ് വാക്സിനേഷൻ ആരംഭിച്ചു. ദുബൈ ഹെൽത്ത് അതോറിറ്റിയാണ് ഇക്കാര്യം അറിയിച്ചത്. ഗർഭകാലം 13 ആഴ്ച കഴിഞ്ഞവർക്ക് ദുബൈ ഹെൽത്ത് അതോറിറ്റിയുടെ സ്മാർട്ട് ആപ്ലിക്കേഷൻ വഴിയോ 800342 എന്ന വാട്സാപ് നമ്പറിലോ മുൻകൂട്ടി രജിസ്റ്റർ ചെയ്ത് അപ്പോയിന്റ്മെന്റ് ബുക്ക് ചെയ്യുന്നവർക്കാണ് വാക്സിൻ ലഭിക്കുക. ദുബൈ ഹെൽത്ത് അതോറിറ്റിക്ക് കീഴിലുള്ള എല്ലാ കേന്ദ്രങ്ങളിലും ഗർഭിണികൾക്ക് വാക്സിൻ ലഭിക്കും.
ചാരായം വാറ്റിയ കേസിൽ യുവമോർച്ച ആലപ്പുഴ ജില്ലാ വൈസ് പ്രസിഡന്റ് അനൂപ് അസ്റ്റിൽ. ഒളിവിലായിരുന്ന ഇയാളെ രഹസ്യ വിവരത്തിന്റെ അടിസ്ഥാനത്തിൽ എത്തിയാണ് പോലീസ് പിടികൂടിയത്. ചാരായ വിൽപ്പന നടത്തുന്ന അനൂപിന്റെ ബന്ധുക്കളെ പിടികൂടിയതോടെയാണ് ഇയാളിലേക്കുള്ള വഴി തുറന്നത്. യുവമോർച്ചയുടെ കൊവിഡ് പ്രതിരോധ പ്രവർത്തനങ്ങളുടെ പാസ് ഉപയോഗിച്ചായിരുന്നു ചാരായ വിൽപ്പന നടത്തിയത്. കുട്ടനാട് റെസ്ക്യൂ ടീം എന്ന സന്നദ്ധ സംഘടനയുടെ പ്രസിഡന്റ് കൂടിയായിരുന്നു ഇയാൾ. സംഘടനയുടെ പ്രവർത്തനങ്ങളെ ചാരായ വിൽപ്പനക്കായി ഉപയോഗിക്കുകയായിരുന്നു.
സർക്കാർ സ്ഥാപനങ്ങളിലെ താത്കാലിക ജീവനക്കാരെ സ്ഥിരപ്പെടുത്തുന്നത് വിലക്കിയ ഹൈക്കോടതി വിധിക്കെതിരെ കേരളം സുപ്രീം കോടതിയെ സമീപിച്ചു. ചീഫ് സെക്രട്ടറി മുഖാന്തരമാണ് സുപ്രീം കോടതിയെ സമീപിച്ചത്. തന്റെ വാദം കേൾക്കാതെയാണ് ഹൈക്കോടതി വിധി പറഞ്ഞതെന്ന് ചീഫ് സെക്രട്ടറി പറയുന്നു. ജസ്റ്റിസുമാരായ ഇന്ദിരാ ബാനർജി, വി രാമസുബ്രഹ്മണ്യം എന്നിവരടങ്ങിയ ബഞ്ച് ഹർജി ഇന്ന് പരിഗണിക്കും. താത്കാലിക ജീവനക്കാരെ സ്ഥിരപ്പെടുത്തരുതെന്ന നിർദേശം മൂന്നാഴ്ചക്കുള്ളിൽ എല്ലാ വകുപ്പുകൾക്കും നൽകണമെന്ന് ഹൈക്കോടതി വിധിയിൽ പറഞ്ഞിരുന്നു സർക്കാർ സ്ഥാപനങ്ങൾ, സർക്കാരിന്റെ നിയന്ത്രണത്തിലുള്ള സ്ഥാപനങ്ങൾ, കോർപറേഷനുകൾ,…
രാജ്യത്ത് കഴിഞ്ഞ 24 മണിക്കൂറിനിടെ 48,786 പേർക്ക് കൂടി കൊവിഡ് സ്ഥിരീകരിച്ചു. 24 മണിക്കൂറിനിടെ 1005 പേർ മരിക്കുകയും ചെയ്തു. ഇതിനോടകം 3,04,11,634 പേർക്കാണ് രാജ്യത്ത് കൊവിഡ് സ്ഥിരീകരിച്ചത്. 24 മണിക്കൂറിനിടെ 61,588 പേർ രോഗമുക്തരായി. ഇതുവരെ 2,94,88,918 പേർ രോഗമുക്തി നേടിയിട്ടുണ്ട്. 96.97 ശതമാനമാണ് രാജ്യത്ത് രോഗമുക്തി നിരക്ക്. നിലവിൽ 5,23,257 പേരാണ് ചികിത്സയിൽ കഴിയുന്നത്. കൊവിഡ് ബാധിച്ച് രാജ്യത്ത് ഇതിനോടം 3,99,459 പേരാണ് മരിച്ചത്. 33.57 കോടി പേർ കൊവിഡ് വാക്സിൻ സ്വീകരിച്ചതായി…