സോളാർ പീഡന കേസിൽ സിബിഐ പ്രാഥമിക വിവര ശേഖരണം ആരംഭിച്ചു. പരാതിക്കാരി ഇന്ന് ഡൽഹി സിബിഐ ഓഫീസിൽ ഹാജരാകും. കോൺഗ്രസിലെ ഉന്നത നേതാക്കൾക്കും ബിജെപിയുടെ ദേശീയ വൈസ് പ്രസിഡന്റിനുമെതിരെയാണ് കേസ് ഉമ്മൻ ചാണ്ടി, കെ സി വേണുഗോപാൽ, അടൂർ പ്രകാശ്, ഹൈബി ഈഡൻ, എ പി അനിൽകുമാർ എന്നീ കോൺഗ്രസ് നേതാക്കളും ബിജെപി നേതാവ് എ പി അബ്ദുള്ളക്കുട്ടിക്കുമെതിരെയാണ് പരാതി. മുഖ്യമന്ത്രിക്ക് പരാതിക്കാരി നൽകിയ കത്തിന്റെ അടിസ്ഥാനത്തിലാണ് കേസ് സിബിഐക്ക് കൈമാറിയത് നിയമസഭാ തെരഞ്ഞെടുപ്പ് അടുത്തിരിക്കെയാണ് സിബിഐ…

മാര്‍ച്ച് മാസത്തിലെ അവസാന ദിനങ്ങളിലെ ബാങ്കുകളുടെ പ്രവര്‍ത്തി ദിനങ്ങളെ സംബന്ധിച്ച് സമൂഹമാധ്യമങ്ങളിലെ പ്രചാരണം തെറ്റ്. മാര്‍ച്ച് 27 മുതല്‍ ഏപ്രില്‍ നാലുവരെ രണ്ടുദിവസമേ ബാങ്കുകള്‍ പ്രവര്‍ത്തിക്കുകയുള്ളൂ എന്നാണ് വ്യാജപ്രചാരണങ്ങള്‍. മാര്‍ച്ച് മാസം അവസാനത്തോടെ തുടര്‍ച്ചയായി ബാങ്കുകള്‍ അവധിയായിരിക്കില്ല. ബാങ്കിങ് ഇടപാടുകള്‍ മാര്‍ച്ച് അവസാനത്തെ മൂന്നുദിവസവും തടസ്സമില്ലാതെ നടക്കും. മാര്‍ച്ച് 27 നാലാം ശനിയാഴ്ചയായതിനാല്‍ പതിവുപോലെ ബാങ്ക് അവധിയാണ്. പിറ്റേന്ന് ഞായറാഴ്ചയും അവധി. 29, 30, 31 തീയതികളില്‍ പ്രവര്‍ത്തിക്കും. 29ന് ഹോളി ആയതിനാല്‍ ബാങ്കുകള്‍ക്ക് അവധിയായിരിക്കില്ല. ഹോളി…

കൊച്ചി: കലോറി കുറഞ്ഞ ഷുഗര്‍ ഫ്രീ സ്വീറ്റുകള്‍ വിപണിയില്‍ എത്തിക്കുന്ന കേരളത്തിലെ ആദ്യ കമ്പനി കൊച്ചി ആസ്ഥാനമായ സ്യൂഗര്‍, തൃശൂര്‍, കോഴിക്കോട് എന്നിവിടങ്ങളിലേക്ക് കൂടി പ്രവര്‍ത്തനം വ്യാപിപ്പിച്ചു. തൃശൂരില്‍ പൂങ്കുന്നം, കോഴിക്കോട് തൊണ്ടയാട് എന്നിവിടങ്ങളിലാണ് കമ്പനി ഔട്ട്‌ലെറ്റുകള്‍ ആരംഭിച്ചത്. ആരോഗ്യത്തെക്കുറിച്ച് ജനങ്ങള്‍ കൂടുതല്‍ ബോധവാന്‍മാരാകുകയും കലോറി കുറഞ്ഞതും പഞ്ചസാരയില്ലാത്തുമായ സ്വീറ്റുകള്‍ക്ക് ആവശ്യക്കാരേറുകയും ചെയ്ത സാഹചര്യത്തില്‍ പുതിയ വിപണി സാധ്യത പ്രയോജനപ്പെടുത്തുക എന്നതാണ് ഐഐഎം ബംഗലൂരു, എന്‍ഐടി കോഴിക്കോട് എന്നിവിടങ്ങളിലെ പൂര്‍വ വിദ്യാര്‍ഥികള്‍ സ്ഥാപകരായ സ്റ്റാര്‍ട്ടപ്പിന്റെ ലക്ഷ്യം. കേരളത്തിലെ…

സംസ്ഥാനത്ത് ഇടിയോടുകൂടിയ മഴയ്ക്ക് സാധ്യതയെന്ന് കാലാവസ്ഥാ നിരീക്ഷണ കേന്ദ്രം. കാസർഗോഡ്, കണ്ണൂർ ജില്ലകൾ ഒഴികെ വേനൽ മഴയ്ക്ക് സാധ്യതയെന്നാണ് മുന്നറിയിപ്പ്. ഉച്ചയ്ക്ക് ശേഷം ഇടിയോട് കൂടിയ മഴയ്ക്ക് സാധ്യതയുള്ളതിനാൽ ജനം ജാഗ്രത പാലിക്കണമെന്നും കാലാവസ്ഥാ നിരീക്ഷണ കേന്ദ്രം അറിയിച്ചു. മലയോര മേഖലകളിലുള്ളവർ കൂടുതൽ ജാഗ്രത പാലിക്കണം. ഇടിമിന്നലിന് സാധ്യതയുള്ളതിനാൽ പുറത്തിറങ്ങുന്നവർ ശ്രദ്ധിക്കണം. ഉച്ചയ്ക്ക് രണ്ട് മണി മുതൽ രാത്രി പത്ത് മണിവരെ അന്തരീക്ഷം മേഘാവൃതമാണെങ്കിൽ തുറസായ സ്ഥലത്തും ടെറസിലും കുട്ടികൾ കളിക്കുന്നത് ഒഴിവാക്കണമെന്നും മുന്നറിയിപ്പിൽ പറയുന്നു  …

ഐ ഫോൺ വിവാദവുമായി ബന്ധപ്പെട്ട് കോടിയേരി ബാലകൃഷ്ണന്റെ ഭാര്യ വിനോദിനിക്ക് കസ്റ്റംസ് വീണ്ടും നോട്ടീസ് നൽകി. ചോദ്യം ചെയ്യലിന് ഹാജരാകാൻ ആവശ്യപ്പെട്ട് ഇത് മൂന്നാം തവണയാണ് വിനോദിനിക്ക് നോട്ടീസ് നൽകുന്നത്. ഈ മാസം 30ന് ഹാജരാകാനാണ് നിർദേശം. കഴിഞ്ഞ രണ്ട് തവണ നോട്ടീസ് നൽകിയിട്ടും വിനോദിനി ഹാജരായിരുന്നില്ല. 30ന് ഹാജരായില്ലെങ്കിൽ കോടതി വഴി വാറണ്ട് അയക്കുമെന്ന് കസ്റ്റംസ് പറഞ്ഞിട്ടുണ്ട് ലൈഫ് മിഷൻ കോഴയുടെ ഭാഗമായി യൂനിടാക് എംഡി സന്തോഷ് ഈപ്പൻ നൽകിയ ഐ ഫോണുകളിൽ ഒന്ന് വിനോദിനി…

പത്തനംതിട്ട എ ആർ ക്യാമ്പിൽ പോലീസുദ്യോഗസ്ഥർ തമ്മിൽ ഏറ്റുമുട്ടി. മദ്യപിച്ചെത്തിയ എസ് ഐ ജയകുമാർ ഡ്യൂട്ടിയിലുണ്ടായിരുന്ന സിവിൽ പോലീസ് ഉദ്യോഗസ്ഥനെ മർദിക്കുകയായിരുന്നു. ഇതോടെ ക്യാമ്പിൽ സംഘർഷമുണ്ടായി. ഡോഗ് സ്‌ക്വാഡ് എസ്‌ഐയാണ് ജയകുമാർ. മുമ്പും തല്ല് കേസിൽ ഇയാൾ നടപടി നേരിട്ടിട്ടുണ്ട്. സംഭവത്തിൽ ജില്ലാ പോലീസ് മേധാവി റിപ്പോർട്ട് തേടിയിട്ടുണ്ട്.

വോട്ടർ പട്ടികയിൽ കൂടുതൽ ക്രമക്കേടുകളുണ്ടെന്ന ആരോപണവുമായി പ്രതിപക്ഷ നേതാവ് രമേശ് ചെന്നിത്തല. ഒരു മണ്ഡലത്തിൽ വോട്ടുള്ള വോട്ടറുടെ പേരിൽ പല മണ്ഡലങ്ങളിൽ വ്യാജ വോട്ടുകൾ സൃഷ്ടിക്കപ്പെടുകയും തിരിച്ചറിയൽ കാർഡ് വിതരണം ചെയ്യുകയും ചെയ്തതായി ചെന്നിത്തല ആരോപിക്കുന്നു ഒരു വോട്ടർക്ക് തന്നെ പല മണ്ഡലങ്ങളിലും വോട്ടുണ്ട്. ഇവർക്കെല്ലാം തെരഞ്ഞെടുപ്പ് കമ്മീഷന്റെ പേരിലുള്ള തിരിച്ചറിയൽ കാർഡുകളുമുണ്ട്. ഈ വോട്ടർക്ക് രാവിലെ യഥാർഥ മണ്ഡലത്തിൽ വോട്ട് ചെയ്ത ശേഷം മഷി മായ്ച്ച് കളഞ്ഞ് അടുത്ത മണ്ഡലത്തിൽ പോയി വോട്ട് ചെയ്യാം. ആകെ…

തിരുവനന്തപുരത്ത് യുവതിയും കാമുകനും ചേർന്ന് ഭർത്താവായ യുവാവിനെ കുത്തിക്കൊലപ്പെടുത്തി. ആനാട് സ്വദേശി അരുണാണ്(36) കൊല്ലപ്പെട്ടത്. ഭാര്യയായ അഞ്ജുവുമായി ഇയാൾ വേർപിരിഞ്ഞ് താമസിക്കുകയായിരുന്നു അടുത്തിടെ അഞ്ജു ശ്രീജുവെന്ന യുവാവുമായി അടുപ്പത്തിലായി. തുടർന്ന് ഇരുവരും ഒന്നിച്ച് താമസിക്കാൻ തീരുമാനിച്ചു. ഇത് അരുൺ എതിർത്തതാണ് കൊലപാതകത്തിന് കാരണമായത്. ചൊവ്വാഴ്ച രാത്രി ശ്രീജുവും അഞ്ജുവും ചേർന്ന് അരുണിനെ വിളിച്ചു വരുത്തുകയും കുത്തിക്കൊലപ്പെടുത്തുകയുമായിരുന്നു.