കൽപറ്റ: മാനന്തവാടി ഗവ.മെഡിക്കൽ കോളേജ് ജീവനക്കാരി കൊവിഡ് ബാധിച്ചു മരിച്ചു. ലാസ്റ്റ് ഗ്രേഡ് ജീവനക്കാരിയായ മാനന്തവാടി പരിയാരംകുന്ന് സ്വദേശിനി പി ടി ജമീല(54) യാണ് ചികിൽസയിലിരിക്കെ ഇന്നു രാലിലെ മരണപ്പെട്ടത്. ഭർത്താവ്: ഹസൻ. മകൻ: റാഷിദ്.
പശ്ചിമ ബംഗാളിലെ മുത്തൂറ്റ് ഫിനാൻസിൽ വൻ കവർച്ച. ഇന്ന് രാവിലെയാണ് അസൻസോളി മേഖലയിലെ മുത്തൂറ്റ് ഗ്രൂപ്പിൽ കവർച്ച നടന്നത്. മൂഖംമൂടിയണിഞ്ഞെത്തിയവർ ജീവനക്കാരെ തോക്കു ചൂണ്ടി ഭയപ്പെടുത്തിയ ശേഷം സ്വർണവും പണവും കവർന്ന് കടന്നുകളയുകയായിരുന്നു. പൊലീസ് അന്വേഷണം ആരംഭിച്ചു. സിസിടിവി ദൃശ്യങ്ങൾ കേന്ദ്രീകരിച്ച് അന്വേഷണം പുരോഗമിക്കുകയാണ്. കവർച്ചാ സംഘം തോക്കുചൂണ്ടി ജീവനക്കാരെ ഭീഷണിപ്പെടുത്തിയ ശേഷം പണവും സ്വർണവും തട്ടിയെടുക്കുകയായിരുന്നു. സെക്ക്യൂരിറ്റി ജിവനക്കാർക്ക് മർദ്ദനമേറ്റിട്ടുണ്ട്. പന്ത്രണ്ട് കിലോ സ്വർണ്ണവും മൂന്ന് ലക്ഷം രൂപയുമാണ് മുത്തൂറ്റ് ഫിനാൻസിൽ നിന്നും നഷ്ടപ്പെട്ടത്.
കരിപ്പൂർ വിമാനത്താവളത്തിൽ വൻ സ്വർണവേട്ട. ഒരു കോടി 81 ലക്ഷം രൂപയുടെ സ്വർണമാണ് കസ്റ്റംസ് പിടികൂടിയത്. മൂന്ന് കിലോ 763 ഗ്രാം സ്വർണവുമായി മൂന്ന് പേരെ അറസ്റ്റ് ചെയ്തു. ശരീരത്തിനുള്ളിൽ ഒളിപ്പിച്ച് കടത്തിയ സ്വർണമാണ് പിടിച്ചെടുത്തത്. മലപ്പുറം സ്വദേശികളാണ് അനധികൃതമായി സ്വർണം കടത്താൻ ശ്രമിച്ചത്. ദുബൈയിൽ നിന്നും അബൂബാദിയിൽ നിന്നുമാണ് ഇവർ കരിപ്പൂരിൽ വിമാനം ഇറങ്ങിയത്. കഴിഞ്ഞ ദിവസവും കരിപ്പൂരിൽ അനധികൃതമായി കടത്തിയ സ്വർണം പിടിച്ചെടുത്തിരുന്നു.
മഹാരാഷ്ട്രയിലെ ഉല്ലാസ് നഗർ റെയിൽവേ സ്റ്റേഷനിൽ പതിനാലുകാരിയെ ഭീഷണിപ്പെടുത്തി പീഡിപ്പിച്ച കേസിലെ പ്രതി അറസ്റ്റിൽ. 35കാരനാണ് അറസ്റ്റിലായത്. കഴിഞ്ഞ വെള്ളിയാഴ്ചയാണ് സംഭവം റെയിൽവേ സ്റ്റേഷനിലെത്തിയ പെൺകുട്ടിയെ ഇയാൾ റെയിൽവേ ക്വാർട്ടേഴ്സിലെ ആളൊഴിഞ്ഞ മുറിയിലേക്ക് ഭീഷണിപ്പെടുത്തി കൊണ്ടുപോകുകയും പീഡിപ്പിക്കുകയുമായിരുന്നു. എതിർത്ത പെൺകുട്ടിയെ ചുറ്റിക ഉപയോഗിച്ച് അടിക്കുകയുംചെയ്തു. കുട്ടിയുടെ തലയ്ക്കും പരുക്കേറ്റിരുന്നു. കുടുംബം നൽകിയ പരാതിയിലാണ് റെയിൽവേ പോലീസ് പ്രതിയെ അറ്സറ്റ് ചെയ്തത്.
മലപ്പുറം മങ്കടയില് ഒറ്റയ്ക്ക് താമസിച്ചിരുന്ന ആഷിയെന്ന 70കാരിയെ കൊലപ്പെടുത്തിയ കേസില് പേരക്കുട്ടിയുടെ ഭര്ത്താവ് അറസ്റ്റില്. രാമുപുരം ബ്ലോക്കുപടി മുട്ടത്തില് ആയിഷ കൊല്ലപ്പെടുന്നത് ജൂലൈ 16നാണ്. ഇവരുടെ പേരക്കുട്ടിയുടെ ഭര്ത്താവും ഐടി അധ്യാപകനുമായ മമ്പാട് സ്വദേശി നിഷാദ് അലിയാണ് അറസ്റ്റിലായത് ആയിഷയുടെ ആഭരണങ്ങള് നഷ്ടപ്പെട്ടിരുന്നു. സംഭവദിവസം പേരക്കുട്ടികള് വീട്ടിലെത്തിയപ്പോഴാണ് ആയിഷയെ രക്തംവാര്ന്ന് മരിച്ച നിലയില് കണ്ടെത്തിയത്. പോസ്റ്റുമോര്ട്ടം റിപ്പോര്ട്ടില് ശ്വാസംമുട്ടിച്ചാണ് കൊലപാതകം നടത്തിയതെന്ന് വ്യക്തമായി. ബന്ധുക്കളെ കേന്ദ്രീകരിച്ച് നടത്തിയ അന്വേഷണത്തിലാണ് നിഷാദ് അലി പിടിയിലാകുന്നത്. എം എസ്…
രാജ്യത്ത് കഴിഞ്ഞ 24 മണിക്കൂറിനിടെ 28,591 പേർക്ക് കൂടി കൊവിഡ് സ്ഥിരീകരിച്ചു. ഇതിൽ ഇരുപതിനായിരത്തിലേറെ കേസുകളും കേരളത്തിൽ നിന്നുള്ളതാണ്. സംസ്ഥാനത്ത് ഇന്നലെ 20,487 പേർക്കാണ് കൊവിഡ് സ്ഥിരീകരിച്ചത് 338 പേരാണ് ഒരു ദിവസത്തിനിടെ രാജ്യത്ത് കൊവിഡ് ബാധിച്ച് മരിച്ചത്. രാജ്യത്ത് ഇതിനോടകം 3,32,36,921 പേർക്കാണ് കൊവിഡ് സ്ഥിരീകരിച്ചത്. ഇതിൽ 3,24,13,345 പേർ രോഗമുക്തി നേടി. രാജ്യത്ത് ഇതുവരെ 4,42,655 പേരാണ് കൊവിഡ് ബാധിച്ച് മരിച്ചത്.
കല്പ്പറ്റ: തോല്പ്പെട്ടിയില് എക്സൈസ് സംഘത്തിന് നേരെ കാട്ടാനയുടെ ആക്രമണം. ഉദ്യോഗസ്ഥര് സഞ്ചരിച്ച വാഹനത്തിന് നേരെ പാഞ്ഞടുത്ത കാട്ടാന വാഹനം കൊമ്പില് കോര്ത്തു. തലനാരിഴക്കാണ് വാഹനത്തിലുള്ളവര് രക്ഷപ്പെട്ടത്. മാനന്തവാടി എക്സൈസ് സര്ക്കിള് ഓഫിസിലെ പ്രിവന്റീവ് ഓഫിസര് അജയ കുമാര്, സി.ഇ.ഒമാരായ മന്സൂര് അലി, അരുണ് കൃഷ്ണന്, ഡ്രൈവര് രമേശന് എന്നിവരാണ് വാഹനത്തിലുണ്ടായിരുന്നത്. ഇവര് കഴിഞ്ഞ രാത്രി സഞ്ചരിച്ച ഡിപ്പാര്ട്ട്മെന്റ് വാഹനത്തിന് നേരെയാണ് ആനയുടെ ആക്രമണം ഉണ്ടായത്. തിരുനെല്ലി തെറ്റ് റോഡിന് സമീപത്തായിരുന്നു സംഭവം. മറ്റൊരു വാഹനത്തിന് അരിക് നല്കുന്നതിനിടെ…
കോഴിക്കോട്: നിപ മരണം റിപ്പോര്ട്ട് ചെയ്തതിനു ശേഷം ജില്ലയില് കൊവിഡ് മരണങ്ങള് കൂടിയെന്ന വാര്ത്ത തെറ്റിദ്ധാരണാജനകമെന്ന് ജില്ലാ മെഡിക്കല് ഓഫീസര് (ആരോഗ്യം ) ഡോ. ജയശ്രീ വി അറിയിച്ചു. കൊവിഡ് മൂലമെന്ന് സ്ഥിരീകരിച്ച് റിപ്പോര്ട്ട് ലഭിക്കുന്ന മരണങ്ങളാണ് അതാത് ദിവസം റിപ്പോര്ട്ട് ചെയ്യുന്നത്. അത് അന്നേ ദിവസം തന്നെ നടന്ന മരണങ്ങളാകണമെന്നില്ല എന്നും ഡി എം ഒ കൂട്ടിച്ചേര്ത്തു. കൊവിഡ് കണ്ട്രോള് റൂമില് നിന്ന് ആരെയും മാറ്റിയിട്ടില്ല. സുപ്രധാന കൊവിഡ് പ്രതിരോധ പ്രവര്ത്തനങ്ങളുടെ ചുമതലയുള്ള ആര്ക്കും നിപ…
ജോര്ഹട്ട്: അസമിലെ ബ്രഹ്മപുത്ര നദിയിലുണ്ടായ ബോട്ട് ദുരന്തത്തില്പ്പെട്ട് കാണാതായ ഒരാളുടെ മൃതദേഹം കൂടി കണ്ടെത്തി. ലഖിംപൂര് ജില്ലയില്നിന്നുള്ള അധ്യാപകന് ഇന്ദ്രേശ്വര് ബോറ എന്നയാളുടെ മൃതദേഹമാണ് കസിരംഗ നാഷനല് പാര്ക്കിനുള്ളിലെ ജലാശയത്തില്നിന്ന് കണ്ടെത്തിയത്. മൃതദേഹം പോസ്റ്റുമോര്ട്ടത്തിനുശേഷം ബന്ധുക്കള്ക്ക് വിട്ടുനല്കും. വെള്ളിയാഴ്ച ബിശ്വനാഥ് ഘട്ടില്നിന്ന് ബോറയുടെ ബാഗ് കണ്ടെടുത്തിരുന്നു. ബ്രഹ്മപുത്രയില് ബോട്ട് മുങ്ങിത്താഴുന്നതിനു മുമ്പ് ഭാര്യയെയും മറ്റ് യാത്രക്കാരെയും ബോറ സുരക്ഷിതസ്ഥലങ്ങളിലെത്തിച്ചിരുന്നു. ഭാര്യ രുപ്രേഖയ്ക്കൊപ്പം ബുധനാഴ്ച ധെകികാഹോവ നംഘര് സന്ദര്ശിച്ച ശേഷം ബോട്ടില് യാത്ര ചെയ്യുകയായിരുന്നു ബോറ. ബിശ്വനാഥ് ഘട്ടിനടുത്തുള്ള…
പന്ത്രണ്ട് വർഷത്തിന് ശേഷം മാഞ്ചസ്റ്റർ യുനൈറ്റഡിലേക്കുള്ള തിരിച്ചുവരവ് രാജകീയമാക്കി ക്രിസ്റ്റ്യാനോ റൊണാൾഡോ. രണ്ടാംവരവിലെ അരങ്ങേറ്റ മത്സരത്തിൽ തന്നെ ഇരട്ട ഗോളുകൾ നേടിയാണ് ക്രിസ്റ്റിയാനോ ഓൾഡ് ട്രാഫോഡിനെ ചെങ്കടലാക്കി മാറ്റിയത്. ന്യൂകാസിൽ യുനൈറ്റഡിനെതിരായ മത്സരത്തിൽ ഒന്നിനെതിരെ നാല് ഗോളുകൾക്കായിരുന്നു ചുവന്ന ചെകുത്താൻമാരുടെ വിജയം ആദ്യപകുതിയുടെ ഇഞ്ചുറി ടൈമിലായിരുന്നു ആരാധകർ കാത്തിരുന്ന ഗോൾ പിറന്നത്. മേസൺ ഗ്രീൻവുഡിന്റെ തകർപ്പൻ ഷോട്ട് ന്യൂകാസിൽ ഗോൾ കീപ്പറുടെ കയ്യിൽ തട്ടി തിരിച്ചുവരികയും ഇത് റൊണാൾഡോ വലയിലേക്ക് മറിച്ചിടുകയും ചെയ്തതോടെ സ്റ്റേഡിയം പൊട്ടിത്തെറിച്ചു….