മുഖ്യമന്ത്രി പിണറായി വിജയനും ഗവർണർ ആരിഫ് മുഹമ്മദ് ഖാനും മണ്ണിടിച്ചിൽ ദുരന്തമുണ്ടായ പെട്ടിമുടിയിലേക്ക് തിരിച്ചു. മൂന്നാർ ആനച്ചാലിലെ ഹെലിപാഡിൽ ഇറങ്ങിയ ഇരുവരും റോഡ് മാർഗം പെട്ടിമുടിയിലേക്ക് പോകുകയാണ്. വൈദ്യുതി മന്ത്രി എംഎം മണിയും കെ കെ ജയചന്ദ്രൻ എംഎൽഎയും ഉദ്യോഗസ്ഥരും ചേർന്ന് ഇവരെ സ്വീകരിച്ചു. റോഡ് മാർഗം ഒന്നര മണിക്കൂർ യാത്രയാണ് പെട്ടിമുടിയിലേക്കുള്ളത്. സന്ദർശനം പൂർത്തിയാക്കി മൂന്നാറിലെത്തുന്ന മുഖ്യമന്ത്രി ഉന്നതതല യോഗത്തിൽ പങ്കെടുക്കും. ഇതിന് ശേഷം മാധ്യമങ്ങളെ കാണും. റവന്യു മന്ത്രി ഇ ചന്ദ്രശേഖരനും മുഖ്യമന്ത്രിക്കൊപ്പമുണ്ട്.

കാസർകോട്: കൊറോണാ കാലത്ത് വീട്ടിലിരിക്കുന്നവർക്ക് പുസ്തകം എത്തിച്ചു വായനയെ പ്രോത്സാഹിപ്പിക്കുന്നതിന്റെ ഭാഗമായി കേരളപൗരാവകാശ സംരക്ഷണ സമിതിയുടെ പുസ്തക കിറ്റ് പരിപാടിയുടെ സംസ്ഥാനതല ഉൽഘാടനം സംസ്ഥാന പ്രസിഡൻറ് ഷാഫി മാപ്പിളക്കുണ്ട് റഷീദ് ചേരങ്കൈയ്ക്ക് നൽകിക്കൊണ്ട് നിർവ്വഹിക്കുന്നു. പ്രമുഖ എഴുത്തുകാരൻ കുട്ടിയാനം മുഹമ്മദ് കുഞ്ഞിയുടെ “പ്രവാസികളുടെ കാണാ കഥ കൾ ,ജുനൈദ് കൈപ്പാണിയുടെ “രാപ്പാർത്ത നഗരങ്ങൾ” എന്നീ പുസ്തകങ്ങളാണ് ആദ്യഘട്ടത്തിൽ കൈമാറിയത് ഉബൈദുല്ല കടവത്ത്, നാരായണൻ അശോക് നഗർ എന്നിവർ ചടങ്ങിൽ സംബന്ധിച്ചു.

സംസ്ഥാന സർക്കാരിന്റെ ഓണക്കിറ്റ് വിതരണം ഇന്ന് മുതൽ ആരംഭിക്കും. 88 ലക്ഷം റേഷൻ കാർഡ് ഉടമകൾക്ക് 11 ഇനം പലവ്യഞ്ജനങ്ങളടങ്ങിയ കിറ്റാകും നൽകുക. അന്ത്യോദയ വിഭാഗത്തിൽപ്പട്ട 5.95 ലക്ഷം കാർഡ് ഉടമകൾക്കാണ് ആദ്യ ഘട്ടത്തിൽ കിറ്റ് ലഭിക്കുന്നത്. കിറ്റ് വിതരണത്തിന്റെ സംസ്ഥാനതല ഉദ്ഘാടനം മന്ത്രി കടകംപള്ളി സുരേന്ദ്രൻ തലസ്ഥാനത്ത് നിർവഹിക്കും. ഭക്ഷ്യമന്ത്രി പി തിലോത്തമനും പങ്കെടുക്കും. സപ്ലൈകോ കേന്ദ്രത്തിൽ നിന്ന് പായ്ക്ക് ചെയ്യുന്ന കിറ്റ് റേഷൻ കട വഴി വിതരണം ചെയ്യും. 31 ലക്ഷം മുൻഗണന കാർഡുകൾക്ക്…

സംസ്ഥാനത്ത് സര്‍ക്കാര്‍ അംഗീകൃത സ്വകാര്യ ലാബുകള്‍ക്ക്, സ്വമേധയാ വരുന്ന ആര്‍ക്കും ‘വാക്ക് ഇന്‍ കൊവിഡ്19 ടെസ്റ്റ്’ നടത്താന്‍ അനുമതി നല്‍കിയതായി ആരോഗ്യ മന്ത്രി കെ.കെ. ശൈലജ അറിയിച്ചു. ആര്‍ടിപിസിആര്‍, എക്‌സ്‌പെര്‍ട്ട് നാറ്റ്, ട്രൂനാറ്റ്, റാപ്പിഡ് ആന്റിജന്‍ ടെസ്റ്റ് തുടങ്ങിയ കോവിഡ് പരിശോധനകള്‍ സര്‍ക്കാര്‍ നിശ്ചയിച്ച നിരക്കില്‍ നടത്താന്‍ സ്വകാര്യ ആശുപത്രികള്‍ക്കും ലബോറട്ടറികള്‍ക്കും അനുമതി നല്‍കിയിരുന്നു. ഇതിന് പിന്നാലെ ‘വാക്ക് ഇന്‍ കൊവിഡ്19 ടെസ്റ്റ് ‘ നടത്താനുള്ള അനുമതിയ്ക്കായി പലരും മുന്നോട്ടു വന്നു. ഇക്കാര്യം വിശദമായി പരിശോധിച്ചാണ് സ്വകാര്യ…