ഇന്ധനവില വർധനവിനെതിരെ കോൺഗ്രസ് റോഡ് ബ്ലോക്ക് ചെയ്തുള്ള സമരം ജനങ്ങളെ വലച്ചത് ചോദ്യം ചെയ്ത നടൻ ജോജു ജോർജിനെതിരെ ഹൈബി ഈഡൻ എംപി. മോദി-പിണറായി കൂട്ടുകെട്ടിൽ രാജ്യത്തും സംസ്ഥാനത്തും വർധിക്കുന്ന ഇന്ധനവിലയിൽ പ്രതിഷേധിക്കേണ്ടത് അനിവാര്യതയാണെന്ന് ഹൈബി പറഞ്ഞു ജോജു ജോർജിന്റെ സമരമാണ് മാധ്യമങ്ങളിൽ കണ്ടത്. നികുതി അടയ്ക്കുന്ന പൗരനെന്ന നിലയിൽ പ്രതികരിക്കാനുള്ള അധികാരം അദ്ദേഹത്തിനുണ്ട്. എന്നാൽ ലക്ഷക്കണക്കിനാളുകളുടെ പ്രയാസവും പ്രശ്‌നവുമാണ് കോൺഗ്രസ് ഉയർത്തിക്കാട്ടിയത്. ജനജീവിതം തടസ്സപ്പെട്ടെങ്കിൽ അതിനെയും അംഗീകരിക്കില്ലെന്ന് ഹൈബി പറഞ്ഞു

  മുല്ലപ്പെരിയാർ വിഷയത്തിൽ സംസ്ഥാന സർക്കാരിനെ വിമർശിച്ച് പ്രതിപക്ഷം. സർക്കാരിന് വിഷയത്തിൽ ഒരു നയവുമില്ല. ജലനിരപ്പ് 139.5 അടിയായി നിശ്ചയിച്ചുള്ള തീരുമാനം വന്നപ്പോൾ തമിഴ്‌നാട് മന്ത്രിയെ പോലെയാണ് റോഷി അഗസ്റ്റിൻ സംസാരിച്ചതെന്ന് രമേശ് ചെന്നിത്തല പറഞ്ഞു. അടിയന്തര പ്രമേയത്തിന് അനുമതി തേടി സംസാരിക്കുകയായിരുന്നു ചെന്നിത്തല ഇടുക്കിയിലെ ജനങ്ങൾക്ക് ഇപ്പോൾ രണ്ട് ഭീഷണിയാണ്. ഡാമിന്റെ സുരക്ഷയും കൂടാതെ ആശങ്കപ്പെടേണ്ടെന്ന മുഖ്യമന്ത്രിയുടെ നിലപാടിനെതിരെ സംസാരിച്ചാലുള്ള നിയമനടപടിയും. കേരളത്തിന്റെ താത്പര്യങ്ങൾ ഉയർത്തിപ്പിടിക്കുന്ന ഒന്നും കേരള സർക്കാരിന്റെ ഭാഗത്തു നിന്നുണ്ടായില്ല. രണ്ട് സംസ്ഥാനങ്ങളിലെ…

  മുൻ ഡിജിപി ജേക്കബ് തോമസിനെതിരായ അഴിമതി കേസ് ഹൈക്കോടതി റദ്ദാക്കി. ഡ്രെഡ്ജർ അഴിമതിക്കേസാണ് ഹൈക്കോടതിയുടെ സിംഗിൾ ബെഞ്ച് റദ്ദാക്കിയത്. നൂറ് ശതമാനം കളവായ കേസായിരുന്നു ഇതെന്നും ചില ഉദ്യോഗസ്ഥരാണ് ഇതിന് പിന്നിൽ പ്രവർത്തിച്ചതെന്നും ജേക്കബ് തോമസ് പ്രതികരിച്ചു. സത്യം ജയിക്കുമെന്നതിന്റെ തെളിവാണ് കോടതി വിധിയെന്നും ജേക്കബ് തോമസ് പറഞ്ഞു അഴിമതിക്കെതിരെ നിലപാട് എടുത്ത എല്ലാവർക്കും വേണ്ടിയാണ് പോരാടിയത്. കേരളത്തിലെ അഴിമതിക്കെതിരെ പോരാടിയതിനാണ് ഒരു വർഷം സസ്‌പെൻഷനിലായത്. ഇപ്പോഴും പെൻഷൻ പോലും നിഷേധിക്കുകയാണ്. അതെല്ലാം തിരിച്ചുപിടിക്കുമെന്നും ജേക്കബ്…

മുതിർന്ന സിപിഎം നേതാവും മുൻ മുഖ്യമന്ത്രിയുമായ വി എസ് അച്യുതാനന്ദനെ ആശുപത്രിയിൽ പ്രവേശിപ്പിച്ചു. ശ്വാസതടസ്സത്തെ തുടർന്നാണ് വി എസിനെ ഉള്ളൂരിലെ സ്വകാര്യ ആശുപത്രിയിൽ പ്രവേശിപ്പിച്ചത്. തീവ്രപരിചരണ വിഭാഗത്തിൽ ചികിത്സയിലാണ് അദ്ദേഹം. ഒക്ടോബർ 20ന് ആയിരുന്നു വി എസ് 98ാം പിറന്നാൾ ആഘോഷിച്ചത്.    

2021ലെ എഴുത്തച്ഛൻ പുരസ്‌കാരം നോവലിസ്റ്റും ചെറുകഥാകൃത്തുമായ പി വത്സലക്ക്. സാഹിത്യത്തിനുള്ള കേരള സർക്കാരിന്റെ പരമോന്നത പുരസ്‌കാരമാണിത്. അഞ്ച് ലക്ഷം രൂപയും പ്രശസ്തി പത്രവും ശിൽപവും അടങ്ങുന്നതാണ് പുരസ്‌കാരം. കേരള സഹിത്യ അക്കാദമി പുരസ്‌കാരം, പത്മപ്രഭാ പുരസ്‌കാരം, സി എച്ച് അവാർഡ്, കഥ അവാർഡ്, മുട്ടത്തുവർക്കി പുരസ്‌കാരം എന്നീ അംഗീകാരങ്ങൾ നേരത്തെ പി വത്സലക്ക് ലഭിച്ചിട്ടുണ്ട്. എന്റെ പ്രിയപ്പെട്ട കഥകൾ, ഗൗതമൻ, മരച്ചോട്ടിലെ വെയിൽച്ചീളുകൾ, വത്സലയുടെ സ്ത്രീകൾ, പേമ്പി, വിലാപം തുടങ്ങിയവയാണ് പ്രധാന കൃതികൾ

20 മാസത്തെ നീണ്ട ഇടവേളക്ക് ശേഷം സംസ്ഥാനത്ത് ഇന്ന് സ്‌കൂളുകൾ തുറക്കും. എല്ലാ സ്‌കൂളുകളിലും രാവിലെ പ്രവേശനോത്സവം നടക്കും. കൊവിഡ് പ്രോട്ടോക്കോൾ പാലിച്ചാണ് കുട്ടികളെ സ്‌കൂളുകളിലേക്ക് വരവേൽക്കുന്നത്. സംസ്ഥാനതല പ്രവേശനോത്സവം രാവിലെ എട്ടരക്ക് തിരുവനന്തപുരം കോട്ടൺഹിൽ സ്‌കൂളിൽ നടക്കും കുട്ടികളെ സ്‌കൂളിലേക്ക് വിടുന്നതിൽ രക്ഷിതാക്കൾക്ക് ആശങ്ക വേണ്ടെന്ന് മുഖ്യമന്ത്രി പിണറായി വിജയനും വിദ്യാഭ്യാസ മന്ത്രി വി ശിവൻകുട്ടിയും അറിയിച്ചിരുന്നു. സ്‌കൂളിലെത്തുന്ന കുട്ടികളുടെ മാനസികാരോഗ്യം ഉറപ്പുവരുത്തുമെന്നും മുഖ്യമന്ത്രി പറഞ്ഞു. ആദ്യത്തെ രണ്ടാഴ്ച ഉച്ച വരെയാണ് ക്ലാസുകൾ. ഹാജർ രേഖപ്പെടുത്തില്ല….

സംസ്ഥാനത്ത് ഇന്നും ശക്തമായ മഴയ്ക്ക് സാധ്യത. 12 ജില്ലകളിൽ യെല്ലോ അലർട്ട് പ്രഖ്യാപിച്ചിട്ടുണ്ട്. കണ്ണൂർ, കാസർകോട് ജില്ലകൾ ഒഴികെയുള്ള മറ്റ് ജില്ലകളിലാണ് യെല്ലോ അലർട്ടുള്ളത്. നാളെയും ഈ ജില്ലകളിൽ യെല്ലോ അലർട്ടായിരിക്കും ബുധനാഴ്ച വരെ മത്സ്യത്തൊഴിലാളികൾ കടലിൽ പോകരുതെന്നാണ് മുന്നറിയിപ്പ്. ബംഗാൾ ഉൾക്കടലിലെ ന്യൂനമർദമാണ് കേരളത്തിൽ മഴ തുടരാൻ കാരണം. അതേസമയം മുല്ലപ്പെരിയാർ ഡാമിൽ ജലനിരപ്പ് താഴ്ന്നു തുടങ്ങി. രാവിലെ ജലനിരപ്പ് 138.40 അടിയിലേക്ക് താഴ്ന്നു. ജലനിരപ്പ് താഴുന്ന സാഹചര്യത്തിൽ സ്പിൽവേ ഷട്ടറുകൾ ഇന്ന് അടച്ചേക്കും.