മഴ തീരുന്ന മുറയ്ക്ക് റോഡിന്റെ അറ്റകുറ്റപണികൾ അടിയന്തരമായി ആരംഭിക്കുമെന്ന് പൊതുമരാമത്ത് മന്ത്രി പിഎ മുഹമ്മദ് റിയാസ്. അറ്റകുറ്റപണികൾക്കായി മാത്രം 119 കോടി രൂപയാണ് അനുവദിച്ചിരിക്കുന്നത്. അതേസമയം, കരാറുകാരന്റെ ചുമതല റോഡുപണി കഴിയുന്നതോടെ അവസാനിക്കുന്നില്ലെന്നും പരിപാലന കാലയളവിലുണ്ടാകുന്ന തകരാറുകൾ കരാറുകാരൻ തന്നെ പരിഹരിക്കണമെന്നും മന്ത്രി പറഞ്ഞു. പരിപാലന കാലവധി കഴിഞ്ഞ റോഡുകൾ എന്താണ് ചെയ്യേണ്ടതെന്ന് ആലോചിക്കുകയാണെന്നും ഭാവിയിൽ നന്നായി പ്രശ്‌നങ്ങൾ പരിഹരിക്കാൻ സാധിക്കുമെന്നും മന്ത്രി വ്യക്തമാക്കി. നിലവിൽ കാലാവധി കഴിഞ്ഞ റോഡിന് റണ്ണിംഗ് കോൺട്രാക്ട് നൽകാനാണ് തീരുമാനം….

  ഗുരുതരാവസ്ഥയിൽ പാലക്കാട് ജില്ലാ ആശുപത്രിയിലെത്തിച്ച ആദിവാസി യുവാവ് മരിച്ചു. അട്ടപ്പാടി കൊളപ്പടി ഊരിലെ ദോഡത്തൻ (30) ആണ് മരിച്ചത്. ഇന്നലെ ഉച്ച തിരിഞ്ഞാണ് കോട്ടത്തറ ട്രൈബൽ സ്പെഷ്യാലിറ്റി ആശുപത്രിയിൽ നിന്ന് പാലക്കാട് ജില്ലാ ആശുപത്രിയിലേക്ക് മാറ്റിയത്. നിരീക്ഷണത്തിലിരിക്കേ രാത്രി എട്ടുമണിയോടെ മരിച്ചു. പോസ്റ്റ് മോർട്ടത്തിനു ശേഷമേ മരണകാരണം വ്യക്തമാകൂ എന്ന് ഡോക്ടർമാർ അറിയിച്ചു.

ആലപ്പുഴ കോർത്തുശ്ശേരിയിൽ ഒരു കുടുംബത്തിലെ മൂന്ന് പേരെ മരിച്ച നിലയിൽ കണ്ടെത്തി. ആനി രഞ്ജിത്ത്(60), മക്കളായ ലെനിൻ(35), സുനിൽ(30) എന്നിവരെയാണ് മരിച്ച നിലയിൽ കണ്ടെത്തിയത്. ആനിയെ തൂങ്ങിമരിച്ച നിലയിലും മക്കളെ മുറിക്കുള്ളിൽ നിലത്ത് മരിച്ച നിലയിലുമാണ് കണ്ടെത്തിയത്. മത്സ്യത്തൊഴിലാളികളാണ് ഇവർ. ഇന്നലെയും ജോലിക്ക് പോയിരുന്നതായി അയൽവാസികൾ പറയുന്നു. രാത്രി വീട്ടിൽ നിന്ന് ബഹളം കേട്ടിരുന്നതായും പ്രദേശവാസികൾ അറിയിച്ചു.  

  സംസ്ഥാനത്ത് കൊവിഡ് വാക്‌സിൻ എടുക്കാത്ത അയ്യായിരത്തോളം അധ്യാപകരുണ്ടെന്ന് വിദ്യാഭ്യാസ മന്ത്രി വി ശിവൻകുട്ടി. അധ്യാപകർ വാക്‌സിൻ എടുക്കാത്തത് ഒരുതരത്തിലും സർക്കാർ പ്രോത്സാഹിപ്പിക്കില്ല. വാക്‌സിനെടുക്കാത്ത അധ്യാപകരെ സ്‌കൂളിലെത്താൻ മാനേജ്‌മെന്റുകൽ നിർബന്ധിക്കുന്നുണ്ട് മതപരവും ആരോഗ്യപരവുമായ കാരണങ്ങൾ ചൂണ്ടിക്കാട്ടിയാണ് ചില അധ്യാപകർ വാക്‌സിനെടുക്കാൻ വിമുഖത കാണിക്കുന്നത്. സ്‌കൂൾ തുറക്കുന്നതിന് മുമ്പ് എല്ലാ അധ്യാപകരും വാക്‌സിനെടുക്കണമെന്ന് സർക്കാർ നിർദേശം നൽകിയതാണ്. സ്‌കൂൾ തുറന്ന് ഒരു മാസമായിട്ടും അയ്യായിരത്തോളം അധ്യാപകർ വാക്‌സിനെടുക്കാൻ തയ്യാറായിട്ടില്ല ഇവർ വാക്‌സിനെടുത്തില്ലെങ്കിൽ ആരോഗ്യ വകുപ്പിനെയും കൊവിഡ് ഉന്നതതല സമിതിയെയും…

  മൊഫിയ പർവീൺ ആത്മഹത്യാ കേസിൽ സിഐ സുധീറിനെതിരെ ഗുരുതര ആരോപണങ്ങളുമായി എഫ് ഐ ആർ. സുധീറിന്റെ പെരുമാറ്റമാണ് മൊഫിയയുടെ ആത്മഹത്യയിലേക്ക് നയിച്ചതെന്ന് എഫ് ഐ ആറിൽ പറയുന്നു. ജില്ലാ പോലീസ് മേധാവിക്ക് കിട്ടിയ പരാതി പരിഹരിക്കുന്നതിനായാണ് ഇരു കൂട്ടരെയും സ്റ്റേഷനിലേക്ക് വിളിച്ചു വരുത്തിയത്.സംസാരത്തിനിടെ ദേഷ്യം വന്ന മൊഫിയ ഭർത്താവ് സുഹൈലിനെ അടിച്ചു. ഇതുകണ്ട സി ഐ സുധീർ മൊഫിയയോട് കയർത്തു സംസാരിച്ചു ഒരിക്കലും സിഐയിൽ നിന്ന് നീതി കിട്ടില്ലെന്ന മനോവിഷമമാണ് ആത്മഹത്യയിലേക്ക് നയിച്ചതെന്ന് എഫ് ഐ…

  സീറോ മലബാർ സഭയിൽ പുതുക്കിയ ആരാധനാക്രമം നിലവിൽ വന്നു. തൃശ്ശൂർ അതിരൂപതയിൽ പുതിയ രീതിയിൽ കുർബാന തുടങ്ങി. ആദ്യ ഭാഗം ജനാഭിമുഖമായും പ്രധാന ഭാഗം അൾത്താരക്ക് അഭിമുഖവുമായാണ് കുർബാന അർപ്പിക്കേണ്ടത്. അതേസമയം പഴയ രീതി തന്നെ തുടരുമെന്ന് എറണാകുളം അങ്കമാലി രൂപത നിലപാട് സ്വീകരിച്ചു എന്നാൽ പരിഷ്‌കരിച്ച കുർബാനയുമായി മുന്നോട്ടു പോകണമെന്നാണ് കർദിനാളിന്റെ തീരുമാനം. ആലുവ പ്രസന്നപുരം പള്ളിയിൽ പുതിയ ബലിയർപ്പണ രീതി നടപ്പാക്കുമെന്ന് വികാരി അറിയിച്ചു. മേജർ ആർച്ച് ബിഷപിന്റെ സർക്കുലർ പള്ളിയിൽ വായിച്ചു.