കോട്ടയം അതിരമ്പുഴ പഞ്ചായത്തിൽ ഭീതി പരത്തി സായുധരായ മോഷണ സംഘം. അടിവസ്ത്രങ്ങൾ മാത്രം ധരിച്ച് കൈയ്യിൽ വടിവാളും കോടാലിയുമായി നീങ്ങുന്ന മോഷണ സംഘത്തിന്റെ ദൃശ്യങ്ങൾ സിസിടിവിയിൽ പതിഞ്ഞു. പ്രദേശത്തെ ചില വീടുകളിൽ മോഷണശ്രമവും നടന്നിട്ടുണ്ട് പഞ്ചായത്തിലെ തൃകേൽ, മനയ്ക്കപ്പാടം പ്രദേശങ്ങളിൽ ശനിയാഴ്ച പുലർച്ചെയോടെയാണ് അജ്ഞാത സംഘമെത്തിയത്. തമിഴ്‌നാട്ടിലെ അതി ഭീകരരായ കുറവ സംഘമാണോയെന്ന സംശയത്തിലാണ് പോലീസ്. രാത്രികാലങ്ങളിൽ ജനങ്ങൾ ജാഗ്രത പാലിക്കണമെന്ന് പോലീസ് നിർദേശം നൽകിയിട്ടുണ്ട്. വാർഡുകളിൽ മൈക്ക് അനൗൺസ്‌മെന്റും നടത്തിയിട്ടുണ്ട്.

വാക്‌സിനെടുക്കാതെ സ്‌കൂളിൽ വരരുതെന്നാണ് സർക്കാർ മാർഗരേഖയെങ്കിലും അയ്യായിരത്തിലധികം അധ്യാപകർ വാക്‌സിനെടുക്കാത്തവരാണെന്ന് പൊതുവിദ്യാഭ്യാസ മന്ത്രി വി ശിവൻകുട്ടി. വാക്‌സിനെടുക്കാത്ത അധ്യാപകരോട് അനുഭാവപൂർണമായ നിലപാടാണ് സർക്കാർ സ്വീകരിച്ചതെങ്കിലും വിദ്യാർഥികളുടെ ആരോഗ്യത്തിനാണ് മുൻഗണനയെന്ന് മന്ത്രി വ്യക്തമാക്കി. പുതിയ വകഭേദം കണ്ടെത്തിയ സാഹചര്യത്തിൽ മുൻകരുതൽ ശക്തമാക്കണമെന്നും വാക്സിൻ എടുക്കാതിരിക്കുന്നത് ഒരു തരത്തിലും ഗവൺമെന്റ് പ്രോത്സാഹിപ്പിക്കില്ലെന്നും മന്ത്രി ഓർമിപ്പിച്ചു. സ്‌കൂളുകളുടെ സമയം നീട്ടുന്നതിൽ ഉടൻ തീരുമാനമുണ്ടാകുമെന്നും നല്ല രീതിയിലാണ് ക്ലാസുകൾ മുന്നോട്ട് പോകുന്നതെന്നും അദ്ദേഹം പറഞ്ഞു. വാക്സിനേഷൻ ചെയ്യാത്ത അധ്യാപകരെ സ്‌കൂളിൽ എത്താൻ അധികൃതർ…

  കൊച്ചിയിൽ മോഡലുകളുടെ മരണവുമായി ബന്ധപ്പെട്ട കേസിലെ രണ്ടാം പ്രതി സൈജു തങ്കച്ചൻ നിരവധി പെൺകുട്ടികളെ ചൂഷണം ചെയ്തിരുന്നതായി പൊലീസ്. സൈജുവിന്റെ ഫോണിൽ നിന്ന് ലഭിച്ച ദൃശ്യങ്ങൾ കോടതിക്ക് കൈമാറി. ഹൈക്കോടതിയിൽ മുൻകൂർ ജാമ്യാപേക്ഷ നൽകിയ ശേഷം സൈജു പോയത് ഡിജെ പാർട്ടിയിൽ പങ്കെടുക്കാനാണെന്ന് പൊലീസ് പറയുന്നു. ബംഗളൂരു, ഗോവ എന്നിവിടങ്ങളിലാണ് ഡിജെ പാർട്ടികളിൽ പങ്കെടുത്തത്. നമ്പർ 18 ഹോട്ടലിൽ സൈജു സ്ഥിരമായി പ്രൈവറ്റ് ഡിജെ പാർട്ടി നടത്തിയിരുന്നതായും പൊലീസ് കണ്ടെത്തി. പൊലീസ്, ഹോട്ടൽ ഉടമ റോയിയെയും…

  ചക്രവാത ചുഴി അറബിക്കടലിൽ പ്രവേശിക്കാൻ സാധ്യതയുള്ളതിനാൽ സംസ്ഥാനത്ത് മഴ ശക്തമാകും. ബംഗാൾ ഉൾക്കടലിൽ പുതിയ ന്യൂനമർദം നവംബർ 29ഓടെ രൂപപ്പെടാൻ സാധ്യതയുണ്ടെന്നും അറിയിപ്പുണ്ട്. സംസ്ഥാനത്ത് 29 വരെ ഒറ്റപ്പെട്ട ശക്തമായ മഴയ്ക്കും ഞായറാഴ്ച അതിശക്തമായ മഴക്കും സാധ്യതയുണ്ടെന്നാണ് മുന്നറിയിപ്പ് ഇന്ന് ഇടുക്കി ജില്ലയിൽ ഓറഞ്ച് അലർട്ട് പ്രഖ്യാപിച്ചു. പത്ത് ജില്ലകളിൽ യെല്ലോ അലർട്ടും പ്രഖ്യാപിച്ചിട്ടുണ്ട്. ആലപ്പുഴ, കണ്ണൂർ, കാസർകോട് ഒഴികെയുള്ള ജില്ലകളിലാണ് യെല്ലോ അലർട്ട്. മലയോര പ്രദേശങ്ങളിൽ ശക്തമായ മഴയ്ക്ക് സാധ്യതയുണ്ട് തിങ്കളാഴ്ച എറണാകുളം, ഇടുക്കി,…

ശബരിമല സന്നിധാനത്ത് കോവിഡ് നിയന്ത്രണങ്ങളിൽ കൂടുതൽ ഇളവ് ഉണ്ടായേക്കും. നിബന്ധനകൾക്ക് വിധേയമായി ഭക്തർക്ക് വിരിവെക്കാൻ അനുമതി നൽകും. താമസ സൗകര്യം ഒരുക്കുന്നതിനുള്ള മുന്നൊരുക്കം സന്നിധാനത്ത് ആരംഭിച്ചു. കോവിഡ് നിബന്ധനകളെ തുടർന്നാണ് സന്നിധാനത്ത് വിരിവെക്കാനും നേരിട്ട് നെയ് അഭിഷേകം നടത്താനും നിയന്ത്രണം ഏർപ്പെടുത്തിയിരുന്നത്. സന്നിധാനത്ത് കഴിഞ്ഞ ദിവസം ചേർന്ന ഉന്നതതല യോഗത്തിന്റെ നിർദേശാനുസരണമാണ് ഗസ്റ്റ്ഹൗസുകൾ, വിരിഷെഡ്ഡുകൾ അടക്കമുള്ളവ വൃത്തിയാക്കാൻ ആരംഭിച്ചത്. 500 മുറികളാണ് സജ്ജമാക്കുന്നത്. 17,000 പേർക്ക് വിരിവെക്കാനുള്ള സൗകര്യമാണ് സന്നിധാനത്ത് ഉള്ളത്. അതേസമയം പ്രതികൂല കാലാവസ്ഥയിൽ സന്നിധാനത്ത്…