തദ്ദശ തെരഞ്ഞെടുപ്പ് ഫലം വൈകില്ലെന്ന് തെരഞ്ഞെടുപ്പ് കമ്മീഷണര്‍ വി ഭാസ്‍കരന്‍. എല്ലാ ഫലവും ഉച്ചയ്ക്ക് മുന്‍പ് അറിയാനാകു. എല്ലാവര്‍ക്കും വോട്ട് ചെയ്യാന്‍ അവസരം ഉണ്ടാകും. എല്ലാ വീട്ടിലും ബാലറ്റ് എത്തിക്കാന്‍ ബുദ്ധിമുട്ടുണ്ട്. ഇക്കാര്യം ജില്ലാ കളക്ടര്‍മാര്‍ അറിയിച്ചു. അതിനാല്‍ തപാല്‍ ബാലറ്റ് കൂടി ഏര്‍പ്പെടുത്തിയെന്നും വി ഭാസ്‍കരന്‍ പറഞ്ഞു ഏകദേശം അമ്പതിനായരത്തോളം പേർ തപാൽ വോട്ടിന് കാത്തിരിക്കുന്നുണ്ടെങ്കിലും പതിനായിരത്തോളം പേരുടെ വോട്ട് മാത്രമാണ് കൊവിഡ് മാനദണ്ഡങ്ങൾ പാലിച്ച് ഉദ്യോഗസ്ഥർക്ക് വീട്ടിലെത്തി ശേഖരിക്കാൻ കഴിഞ്ഞിട്ടുള്ളത്. എന്നാൽ അക്കാര്യത്തിൽ ആശങ്ക…

തിരുവനന്തപുരം: കോവിഡ് ഭീക്ഷണി നില നില്‍ക്കുന്ന തെരഞ്ഞെടുപ്പില്‍ എല്ലാവരും ജാഗ്രത പാലിക്കണമെന്ന് ആരോഗ്യമന്ത്രി കെ.കെ.ശൈലജ. കോവിഡ് മാനദണ്ഡങ്ങള്‍ പാലിച്ച് എല്ലാവര്‍ക്കും വോട്ട് ചെയ്യാനുള്ള സൗകര്യങ്ങള്‍ തെരഞ്ഞെടുപ്പ് കമ്മിഷന്‍ ഒരുക്കിയിട്ടുണ്ടെങ്കിലും പൊതുജനങ്ങളും ഉദ്യോഗസ്ഥരും രാഷ്ട്രീയ പാര്‍ട്ടി പ്രവര്‍ത്തകരും ഉള്‍പ്പെടെ എല്ലാവരും ഒരുപോലെ ജാഗ്രത പാലിക്കണമെന്നും ആരോഗ്യ വകുപ്പ് അറിയിച്ചു. തെരഞ്ഞെടുപ്പിനു ശേഷം കോവിഡ് വ്യാപനത്തിനു സാധ്യതയുണ്ടെന്നാണ് വിദഗ്ധര്‍ ചൂണ്ടിക്കാട്ടുന്നത്. എന്നാല്‍ വോട്ടെടുപ്പില്‍ പങ്കെടുക്കുന്ന ഓരോരുത്തരും ശ്രദ്ധിച്ചാല്‍ ആ വ്യാപനത്തോത് കുറയ്ക്കാന്‍ സാധിക്കും. പ്രതിദിന രോഗികളുടെ എണ്ണം കുറഞ്ഞു വരുന്നെങ്കിലും ഇപ്പോഴും…

കരിപ്പൂര്‍: കരിപ്പൂര്‍ വിമാനത്താവളത്തില്‍ 22 ലക്ഷം രൂപ വിലവരുന്ന സ്വര്‍ണം പിടിച്ചെടുത്തു. കഴിഞ്ഞ ദിവസം രാത്രി പതിനൊന്നരയ്ക്ക് ദുബയില്‍ നിന്ന് കോഴിക്കോട് ഫ്‌ലൈ ദുബയ് വിമാനത്തില്‍ വന്ന കാസര്‍കോഡ് സ്വദേശിയില്‍ നിന്നാണ് കസ്റ്റംസ് പ്രവന്റീവ് വിഭാഗം സ്വര്‍ണം പിടികൂടിയത്. 57 വയസ്സുള്ള യാത്രക്കാരന്‍ സ്വര്‍ണമിശ്രിതം ക്യാപ്‌സൂള്‍ രൂപത്തിലാക്കി ശരീരത്തിനുളളില്‍ സൂക്ഷിച്ചിരിക്കുകയായിരുന്നു. ക്യാപ്‌സൂളിന്റെ തൂക്കം 433 ഗ്രാമാണ്. കൂടാതെ 29.99 ഗ്രാം തൂക്കമുള്ള സ്വര്‍ണ നാണയവും 30.11 ഗ്രാം തൂക്കമുള്ള സ്വര്‍ണമോതിരവും പഴ്‌സില്‍ നിന്ന് കണ്ടെത്തി.    

അറബി കടലിൽ രൂപം കൊണ്ട പുതിയ ന്യൂനമർദത്തിന്റെയും സ്വാധീനഫലമായി സംസ്ഥാനത്ത് അതിശക്തമായ മഴയ്ക്ക് സാധ്യത. ഇന്ന് തിരുവനന്തപുരം, കൊല്ലം, പത്തനംതിട്ട, ഇടുക്കി, മലപ്പുറം, കോഴിക്കോട്, വയനാട് ജില്ലകളിൽ യെല്ലോ അലർട്ട് പ്രഖ്യാപിച്ചു. തിങ്കളാഴ്ച എറണാകുളം ജില്ലയിലും ശക്തമായ മഴയുണ്ടാകുമെന്നാണ് കേന്ദ്ര കാലാവസ്ഥ വകുപ്പിന്റെ പ്രവചനം. ഒറ്റപ്പെട്ടയിടങ്ങളിൽ 24 മണിക്കൂറിൽ 64.5 മില്ലിമീറ്റർ മുതൽ 115.5 മില്ലിമീറ്റർ വരെ മഴ ലഭിക്കാൻ സാധ്യതയുണ്ട്. തിങ്കളാഴ്ച വരെ കേരള തീരത്ത് പൊഴിയൂർ മുതൽ കാസർകോട് വരെ ഉയർന്ന തിരമാലയ്ക്ക് സാധ്യതയുണ്ടെന്നും…

യശ്വന്ത്പൂർ-കണ്ണൂർ സ്‌പെഷ്യൽ എക്‌സ്പ്രസ്(06537-06538) സർവീസ് പുനരാരംഭിക്കുന്നു. ദീപാവലികാലത്ത് ഒക്ടോബറിൽ സ്‌പെഷ്യൽ ട്രെയിനായി ഓടിയ എക്‌സ്പ്രസ് നവംബർ 30ന് സർവീസ് അവസാനിപ്പിച്ചിരുന്നു. യാത്രക്കാരുടെ ആവശ്യം കണക്കിലെടുത്ത് ഡിസംബർ ഏഴ് മുതൽ 31 വരെ സർവീസ് നടത്താൻ ദക്ഷിണ റെയിൽവേ തീരുമാനിച്ചു ക്രിസ്മസ്-പുതുവത്സര അവധിയോടനുബന്ധിച്ചാണ് സർവീസ് നടത്തുക. യാത്രക്കാർ കുറവാണെന്ന കാരണം ചൂണ്ടിക്കാട്ടിയാണ് നേരത്തെ ട്രെയിന്റെ സർവീസ് നിർത്തിവെച്ചത്. കൊവിഡ് വ്യാപനത്തെ തുടർന്ന് മാർച്ചിലാണ് യശ്വന്ത്പൂർ എക്‌സ്പ്രസിന്റെ സർവീസ് അവസാനിപ്പിച്ചത്. പിന്നീട് ഒക്ടോബറിൽ സ്‌പെഷ്യൽ ട്രെയിനായി ഓടുകയായിരുന്നു.