രാജ്യത്തെ കൊവിഡ് നിയന്ത്രണങ്ങൾ ഡിസംബർ 31 വരെ നീട്ടി. കേന്ദ്ര ആരോഗ്യമന്ത്രാലയമാണ് ഇതുസംബന്ധിച്ച ഉത്തരവിറക്കിയത്. കൊവിഡിന്റെ വകഭേദമായ ഒമിക്രോണിന്റെ ഭീഷണി നിലനിൽക്കുന്ന സാഹചര്യത്തിലാണ് തീരുമാനം. ഇതിനോടകം 13ലധികം രാജ്യങ്ങളിലാണ് ഒമിക്രോൺ റിപ്പോർട്ട് ചെയ്തിട്ടുള്ളത്. അതേസമയം കൊവിഡ് വകഭേദമായ ഒമിക്രോൺ രാജ്യത്ത് ഇതുവരെ ആർക്കും സ്ഥിരീകരിച്ചിട്ടില്ലെന്ന് കേന്ദ്ര ആരോഗ്യമന്ത്രി പാർലമെന്റിനെ അറിയിച്ചു. അടിയന്തര സാഹചര്യത്തെ നേരിടാൻ രാജ്യം സജ്ജമാണെന്നും ആരോഗ്യമന്ത്രി മൻസൂഖ് മാണ്ഡവ്യ രാജ്യസഭയിൽ പറഞ്ഞു. ഒമിക്രോൺ വകഭേദത്തെ ആർടിപിസിആർ, ആന്റിജൻ പരിശോധനകളിൽ നിന്ന് തിരിച്ചറിയാൻ സാധിക്കുമെന്നും കേന്ദ്രസർക്കാർ…

  യുപിയിലെ അസംഗഢിൽ ദമ്പതികൾ കൊല്ലപ്പെട്ട നിലയിൽ. സർക്കാരുദ്യോഗസ്ഥനായ നഗിന(55), ഭാര്യ എന്നിവരാണ് കൊല്ലപ്പെട്ടത്. തിങ്കളാഴ്ച രാവിലെയാണ് മൃതദേഹങ്ങൾ സമീപവാസികൾ കണ്ടത്. മൗ ജില്ലയിലെ റവന്യു റെക്കോർഡ്‌സ് കീപ്പറായിരുന്നു നഗിന വീട്ടിൽ കിടന്നുറങ്ങുന്നതിനിടെയാണ് അക്രമികൾ വീട്ടിൽ അതിക്രമിച്ച് കയറി കഴുത്തുറുത്ത് കൊലപ്പെടുത്തിയത്. ദളിത് വിഭാഗത്തിൽപ്പെട്ടവരാണ് നഗിനയും ഭാര്യയും.

  കൊവിഡ് സാഹചര്യം വിലയിരുത്താന്‍ കേന്ദ്ര ആരോഗ്യമന്ത്രാലയം സംസ്ഥാനങ്ങളുടെ യോഗം വിളിച്ചു. പുതിയ വകഭേദമായ ഒമിക്രോണ്‍ കണ്ടെത്തിയ സാഹചര്യത്തില്‍ എടുക്കേണ്ട മുന്‍കരുതലുകള്‍ യോഗത്തില്‍ ചര്‍ച്ചയാകും. കേന്ദ്ര ആരോഗ്യ സെക്രട്ടറി രാജേഷ് ഭൂഷണാണ് യോഗം വിളിച്ചത്. ഓരോ സംസ്ഥാനവും എന്തൊക്കെ നടപടി സ്വീകരിച്ചു എന്നതടക്കം യോഗം വിശദമായി പരിശോധിക്കും. സംസ്ഥാനത്തെ ആരോഗ്യവകുപ്പ് ഉദ്യോഗസ്ഥരും യോഗത്തില്‍ പങ്കെടുക്കും. ദക്ഷിണാഫ്രിക്കയില്‍ നിന്നും മുബൈയില്‍ എത്തിയ ആളുടെ പരിശോധനാഫലവും, ദക്ഷിണാഫ്രിക്കയില്‍ നിന്നും കര്‍ണാടകയില്‍ എത്തിയ ആളുടെ പരിശോധനാഫലവും ലഭിക്കാനുണ്ട്. ഒമിക്രോണ്‍ റിപ്പോര്‍ട്ട് ചെയ്ത…

രാജ്യത്ത് കഴിഞ്ഞ 24 മണിക്കൂറിനിടെ 6,990 പേർക്ക് കൂടി കോവിഡ് പോസിറ്റിവ് സ്ഥിരീകരിച്ചു. 551 ദിവസത്തിനിടെയുള്ള കുറഞ്ഞ കണക്കാണിത് .കഴിഞ്ഞ ദിവസത്തെ അപേക്ഷിച്ച് 15.9 ശതമാനത്തിൻറെ കുറവാണ് ഇന്ന് രേഖപ്പെടുത്തിയത്. രാജ്യത്ത് 3,45,87,822 പേരാണ് ഇതുവരെ കോവിഡ് ബാധിതരായത്. കഴിഞ്ഞ 24 മണിക്കൂറിൽ 190 പേർ കോവിഡ് ബാധിച്ച് മരിച്ചതോടെ ആകെ മരണ സംഖ്യ 4,68,980 ആയി ഉയർന്നു. നിലവിൽ 1,00,543 പേരാണ് കോവിഡ് ബാധിച്ച് ചികിത്സയിൽ തുടരുന്നത്. 10,116 പേർ കഴിഞ്ഞ ദിവസം രോഗ മുക്തരായതോടെ…

  ഇന്ത്യൻ നാവികസേനയുടെ മേധാവിയായി അഡ്മിറൽ ആർ ഹരികുമാർ ചുമതലയേറ്റു. അഡ്മിറൽ കരംബീർ സിംഗ് സ്ഥാനമൊഴിഞ്ഞതോടെയാണ് തിരുവനന്തപുരം സ്വദേശിയായ ആർ ഹരികുമാർ നാവികസേനയുടെ തലപ്പത്ത് എത്തുന്നത്. ഈ സ്ഥാനത്ത് എത്തുന്ന ആദ്യ മലയാളി കൂടിയാണ് ആർ ഹരികുമാർ സേനാ മേധാവിയായി ചുമതലയേറ്റതിൽ അഭിമാനവും സന്തോഷവുമുണ്ടെന്ന് അദ്ദേഹം പറഞ്ഞു. ഏറെ നിർണായകമായ സമയത്താണ് ചുമതലയേറ്റതെന്നും ഏറെ അഭിമാനത്തോടെയാണ് സ്ഥാനമൊഴിയുന്നതെന്നും അഡ്മിറൽ കരംബീർ സിംഗ് പറഞ്ഞു.