തിരുവനന്തപുരം വലിയതുറ പോലീസ് സ്‌റ്റേഷനിലെ ജീപ്പ് എറിഞ്ഞു തകർത്ത ശേഷം മുങ്ങിയ പ്രതി പിടിയിൽ. വള്ളക്കടവ് ഫിഷർമെൻ കോളനിയിലെ സൂരജ് സുരേഷ് എന്ന 18കാരനാണ് പിടിയിലായത്. കൊല്ലം സിറ്റി പോലീസാണ് റെയിൽവേ സ്‌റ്റേഷൻ പരിസരത്ത്  നിന്ന് ഇയാളെ പിടികൂടിയത് കാറിൽ ഇയാൾക്കൊപ്പമുണ്ടായിരുന്ന മൂന്ന് പേരെയും പോലീസ് കസ്റ്റഡിയിലെടുത്തു. തിരുവനന്തപുരത്ത് നിന്ന് രക്ഷപ്പെട്ട പ്രതി കൊല്ലത്ത് എത്തിയതായി പോലീസിന് വിവരം ലഭിച്ചിരുന്നു. തുടർന്നാണ് പോലീസ് സംഘം റെയിൽവേ സ്‌റ്റേഷനിൽ കാത്തുനിന്നത്. അറസ്റ്റ് ചെയ്ത പ്രതിയെ കോടതിയിൽ ഹാജരാക്കി…

  തിരുവനന്തപുരം പോത്തൻകോട് യുവാവിനെ വീട്ടിൽ കയറി വെട്ടിക്കൊന്ന സ്ഥലം മന്ത്രി ജി ആർ അനിൽ സന്ദർശിച്ചു. കല്ലൂർ പാണൻവിളയിൽ സുധീഷ് കൊല്ലപ്പെട്ട സ്ഥലമാണ് മന്ത്രി സന്ദർശിച്ചത്. നാടിന്റെ ക്രമസമാധാനം തകർക്കുന്ന ക്രിമിനൽ സംഘങ്ങൾക്കെതിരെ ശക്തമായ നിയമ നടപടികൾ സ്വീകരിക്കണമെന്ന് മന്ത്രി പറഞ്ഞു. പ്രദേശത്തെ സമാധാന അന്തരീക്ഷം പുനഃസ്ഥാപിക്കാനുള്ള നടപടികൾ സ്വീകരിക്കാൻ പോലീസിനും മന്ത്രി നിർദേശം നൽകി

കോട്ടയം വട്ടമൂട് പാലത്തിന് സമീപം കൊശമറ്റം കടവിൽ കുളിക്കാനിറങ്ങിയ യുവാവ് മുങ്ങിമരിച്ചു. പുതുപ്പള്ളി മാങ്ങാനം സ്വദേശി വിഷ്ണു(22)വാണ് മരിച്ചത്. സുഹൃത്തുക്കൾക്കൊപ്പം കുളിക്കാനെത്തിയ വിഷ്ണു വെള്ളത്തിൽ ഇറങ്ങിയതിന് പിന്നാലെ മുങ്ങിത്താഴുകയായിരുന്നു. സുഹൃത്തുക്കൾ രക്ഷപ്പെടുത്താൻ ശ്രമിച്ചെങ്കിലും സാധിച്ചില്ല. തുടർന്ന് അഗ്നിരക്ഷാ സേനയെ വിവരം അറിയിച്ചു. ഇവർ നടത്തിയ തെരച്ചിലിലാണ് മൃതദേഹം കണ്ടെത്തിയത്‌  

  തലസ്ഥാനത്ത് വീണ്ടും ഗുണ്ടാ ആക്രമണം. നെയ്യാറ്റിൻകരയിൽ ഗൃഹനാഥനെ ഗുണ്ടാസംഘം വീട്ടിൽ കയറി വെട്ടി. ആറാലുംമൂട് സ്വദേശി സുനിലിനെയാണ് രണ്ടംഗ സംഘം വീട്ടിൽ കയറി വെട്ടിയത്. തലയ്ക്ക് ഗുരുതരമായി പരുക്കേറ്റ സുനിലിനെ ആശുപത്രിയിൽ പ്രവേശിപ്പിച്ചു. ഓട്ടോ ഡ്രൈവറാണ് സുനിൽ നെയ്യാറ്റിൻകര ഓട്ടോ സ്റ്റാൻഡിൽ വെച്ച് രഞ്ജിത്ത്, അഭിലാഷ് എന്നിവരുമായി സുനിൽ തർക്കത്തിലേർപ്പെട്ടിരുന്നു. ഇതിന് പിന്നാലെ ഇന്നലെ രാത്രി 11 മണിയോടെ ഇരുവരും സുനിലിന്റെ വീട്ടിൽ കയറി ആക്രമണം നടത്തുകയായിരുന്നു. പ്രതികളായ രഞ്ജിത്തും അഭിലാഷും ഒളിവിലാണ്.

  ഗവർണർ ആരിഫ് മുഹമ്മദ് ഖാനെതിരെ രൂക്ഷ വിമർശനവുമായി സിപിഐ സംസ്ഥാന സെക്രട്ടറി കാനം രാജേന്ദ്രൻ. ചാൻസലർ പദവിയിൽ നിന്ന് മാറ്റാനുള്ള സാഹചര്യം ഗവർണറായിട്ട് ഉണ്ടാക്കരുതെന്ന് കാനം തുറന്നടിച്ചു ആശയവിനിമയത്തിൽ ഗവർണർ മാന്യത പുലർത്തണം. എന്നാൽ ഗവർണർ അത് ലംഘിച്ചു. ചാൻസലർ പദവിയിൽ നിന്ന് ഗവർണറെ മാറ്റാൻ സർക്കാരിന് ആലോചനയില്ല. പക്ഷേ അതിന് നിർബന്ധിക്കരുതെന്നും കാനം പറഞ്ഞു നേരത്തെ കോടിയേരിയും ഗവർണർക്കെതിരെ രംഗത്തുവന്നിരുന്നു. വിവേചനാധികാരമുള്ള ഗവർണർ ഒപ്പിട്ട ശേഷം അത് മാറ്റിപ്പറയുന്നത് ദുരൂഹമാണെന്ന് കോടിയേരി ചൂണ്ടിക്കാട്ടിയിരുന്നു.

  കണ്ണൂർ, കാലടി സർവകലാശാലാ വി.സി നിയമനങ്ങളിൽ സർക്കാരിനോട് ഇടഞ്ഞ ഗവർണർ ആരിഫ് മുഹമ്മദ് ഖാനെതിരെ വിമർശനവുമായി സി.പിഎം സംസ്ഥാന സെക്രട്ടറി കോടിയേരി ബാലകൃഷ്ണൻ. ഗവർണറുമായി ഏറ്റുമുട്ടലിന് സർക്കാർ ഉദ്ദേശിക്കുന്നില്ല. സ്വതന്ത്രമായി പ്രവർത്തിക്കാനുള്ള എല്ലാ അധികാരവും ചാൻസലർക്ക് സർക്കാർ അനുവദിച്ചു കൊടുക്കുമെന്നും അദ്ദേഹം വ്യക്തമാക്കി. ചാൻസലർ പദിവിയിലിരിക്കുന്ന ആൾക്ക് വിവേചനാധികാരമുണ്ട്. സമ്മർദ്ദങ്ങൾക്ക് വഴങ്ങേണ്ട ആളല്ല ചാൻസലർ. എന്തിനാണ് അദ്ദേഹം സമ്മർദ്ദങ്ങൾക്ക് വഴങ്ങിയത്. ഗവർണറുടെ നിലപാട് ദുരൂഹമെന്നും കോടിയേരി കൂട്ടിച്ചേർത്തു. സമ്മർദങ്ങൾക്ക് താൻ വഴങ്ങിയെന്ന് ഗവർണർ പറയുന്നത് ശരിയല്ലല്ലോ….

  തിരുവനന്തപുരം പോത്തൻകോട് സുധീഷ് എന്ന യുവാവിനെ വെട്ടിക്കൊലപ്പെടുത്തിയ ശേഷം കാൽ മുറിച്ചെടുത്ത് റോഡിൽ വലിച്ചെറിഞ്ഞ സംഭവത്തിൽ കൂടുതൽ വിവരങ്ങൾ പുറത്ത്. കൊലയാളി സംഘത്തിൽ സുധീഷിന്റെ സഹോദരി ഭർത്താവും ഉൾപ്പെടുന്നുണ്ടെന്നതാണ് പുതിയ വിവരം. കഞ്ചാവ് വിൽപ്പനയെ ചൊല്ലിയുള്ള തർക്കമാണ് കൊലപാതകത്തിൽ കലാശിച്ചത് പ്രതികളിലൊരാളായ ഉണ്ണിയെയും രണ്ട് സുഹൃത്തുക്കളെയും കൊല്ലപ്പെട്ട സുധീഷ് നേരത്തെ ആക്രമിച്ചിരുന്നു. ഇതിന്റെ പ്രതികാരമായിരുന്നു കൊലപാതകം. കൊലപാതകത്തിന് മുമ്പ് സംഘം ശാസ്തവട്ടത്ത് ഒത്തുചേർന്ന് മദ്യപിച്ചു. കൊല നടത്തിയതിന് ശേഷവും സംഘം മദ്യപിച്ചു. കൊലപാതകത്തിന് ഉപയോഗിച്ച ആയുധങ്ങൾ…

  കണ്ണൂർ സർവകലാശാല വിസി നിയമന വിവാദത്തിൽ പ്രതിഷേധിച്ച് മുഖ്യമന്ത്രി പിണറായി വിജയനെതിരെ യൂത്ത് കോൺഗ്രസിന്റെ കരിങ്കൊടി. കണ്ണൂർ മമ്പറത്ത് വെച്ചാണ് മുഖ്യമന്ത്രിയെ യൂത്ത്കോൺഗ്രസ് സംഘം കരിങ്കൊടി കാണിച്ചത്. വിമാനത്താവളത്തിലേക്കുള്ള യാത്രയിലായിരുന്നു മുഖ്യമന്ത്രി ചട്ടങ്ങളും കീഴ് വഴക്കങ്ങളും ലംഘിച്ച് യുജിസി മാനദണ്ഡങ്ങൾ മറികടന്നുമുള്ള വി സി നിയമനങ്ങളിൽ ജുഡീഷ്യൽ അന്വേഷണം നടത്തണമെന്ന് പ്രതിപക്ഷ നേതാവ് വി ഡി സതീശൻ ആവശ്യപ്പെട്ടു. ആരോപണ വിധേയമായ എല്ലാ നിയമനങ്ങളും റദ്ദാക്കണം. കണ്ണൂർ വിസിയുടെ പുനർനിയമനം ചട്ടവിരുദ്ദമാണെന്ന് പ്രതിപക്ഷം നേരത്തെ ചൂണ്ടിക്കാട്ടിയതാണ്….