ജനങ്ങളോടുള്ള യുദ്ധ പ്രഖ്യാപനമായി സിൽവർ ലൈൻ പദ്ധതി മാറില്ലെന്ന് റവന്യൂ മന്ത്രി കെ. രാജൻ. ജനങ്ങളുടെ ആശങ്ക പൂർണമായി പരിഹരിക്കും. പദ്ധതി സംബന്ധിച്ച് മുന്നണിയിലെ ഘടകകക്ഷികൾക്കിടയിൽ അഭിപ്രായ ഭിന്നതയില്ല. പ്രശ്‌നങ്ങൾ പരിഹരിച്ച ശേഷമെ പദ്ധതി നടപ്പാക്കൂവെന്നും കെ. രാജൻ പറഞ്ഞു. പൊതുസമൂഹത്തിന് വേണ്ടിയുള്ളതാണ് സിൽവർ ലൈൻ പദ്ധതി. പൊതു സമൂഹത്തെ വിശ്വാസത്തിലെടുത്തും അവരുടെ അഭിപ്രായങ്ങൾ സ്വീകരിച്ചുമായിരിക്കും പദ്ധതി നടപ്പാക്കുകയെന്നും മന്ത്രി പറഞ്ഞു.

കേരളത്തിൽ 6238 പേർക്ക് കോവിഡ്-19 സ്ഥിരീകരിച്ചു. തിരുവനന്തപുരം 1507, എറണാകുളം 1066, കോഴിക്കോട് 740, തൃശൂർ 407, കണ്ണൂർ 391, കോട്ടയം 364, കൊല്ലം 312, പത്തനംതിട്ട 286, മലപ്പുറം 256, പാലക്കാട് 251, ആലപ്പുഴ 247, കാസർഗോഡ് 147, ഇടുക്കി 145, വയനാട് 119 എന്നിങ്ങനേയാണ് ജില്ലകളിൽ ഇന്ന് രോഗ ബാധ സ്ഥിരീകരിച്ചത്. കഴിഞ്ഞ 24 മണിക്കൂറിനിടെ 54,108 സാമ്പിളുകളാണ് പരിശോധിച്ചത്. പ്രതിവാര ഇൻഫെക്ഷൻ പോപ്പുലേഷൻ റേഷ്യോ (WIPR) പത്തിന് മുകളിലുള്ള 5 തദ്ദേശ സ്വയംഭരണ…

  കോഴിക്കോട് നഗരത്തിലെ ലോഡ്ജിൽ യുവതിയെ തൂങ്ങിമരിച്ച നിലയിൽ കണ്ടെത്തി. പാലക്കാട് ഒറ്റപ്പാലം സ്വദേശി റംഷീനയാണ്(28) മരിച്ചത്. റെയിൽവേ സ്റ്റേഷന് സമീപത്തുള്ള ലോഡ്ജിൽ ഭർത്താവ് സുൽഫിക്കറിനൊപ്പമാണ് ഇവർ മുറിയെടുത്തത്. ഭർത്താവ് ഭക്ഷണം വാങ്ങാനായി പുറത്തുപോയി വന്നപ്പോൾ റൂം അകത്തുനിന്ന് പൂട്ടിയ നിലയിലായിരുന്നു വിളിച്ചിട്ടും തുറക്കാതെ വന്നതോടെ ഹോട്ടൽ ജീവനക്കാരുടെ സഹായത്തോടെ മുറി തുറന്നു അകത്ത് കടന്നപ്പോഴാണ് റംഷീനയെ തൂങ്ങിയ നിലയിൽ കണ്ടത്. ജോലി തേടിയാണ് കോഴിക്കോട് എത്തിയതെന്ന് സുൽഫിക്കർ പോലീസിനോട് പറഞ്ഞു  

  പാലക്കാട് ഉമ്മിനിയിൽ അടഞ്ഞുകിടന്ന വീട്ടിൽ രണ്ട് പുലിക്കുട്ടികളെ കണ്ടെത്തി. ജനിച്ച് അധികം ദിവസമാകാത്ത പുലിക്കുഞ്ഞുങ്ങളെയാണ് കണ്ടെത്തിയത്. തള്ളപ്പുലിയെ കണ്ടെത്താനായില്ല. വനംവകുപ്പ് പ്രദേശത്ത് പരിശോധന നടത്തുകയാണ് അകത്തേത്തറ പഞ്ചായത്തിലെ രണ്ടാം വാർഡിലെ ആളൊഴിഞ്ഞ വീട്ടിലാണ് പുലിക്കുഞ്ഞുങ്ങളെ കണ്ടെത്തിയത്. മാധവൻ എന്നയാളുടെ വീടാണിത്. പതിനഞ്ച് വർഷമായി ഈ വീട് അടഞ്ഞുകിടക്കുകയാണ്. പുലിക്കുഞ്ഞുങ്ങളെ പാലക്കാട് മൃഗാശുപത്രിയിലേക്ക് മാറ്റി.

  പങ്കാളികളെ പരസ്പരം കൈമാറുന്ന സംഘം കോട്ടയം കറുകച്ചാലിൽ പിടിയിൽ. ആറ് പേരാണ് പിടിയിലായത്. ചങ്ങനാശ്ശേരി സ്വദേശിയായ യുവതിയുടെ പരാതിയിലാണ് അറസ്റ്റ്. സംഭവത്തിൽ കൂടുതൽ പേർ പിടിയിലാകാനുണ്ടെന്ന് പോലീസ് അറിയിച്ചു. ആലപ്പുഴ, കോട്ടയം, എറണാകുളം ജില്ലകളിൽ നിന്നുള്ളവരാണ് നിലവിൽ പിടിയിലായത്. ഫേസ്ബുക്ക് മെസഞ്ചർ, ടെലഗ്രാം ഗ്രൂപ്പുകൾ വഴിയാണ് സംഘം പ്രവർത്തിച്ചിരുന്നത്. പങ്കാളികളെ പരസ്പരം കൈമാറുന്നതടക്കമുള്ള കാര്യങ്ങളാണ് ഈ ഗ്രൂപ്പുകളിൽ ചർച്ച ചെയ്തിരുന്നത്. ആയിരത്തഞ്ഞൂറോളം പേരാണ് ഗ്രൂപ്പിലുള്ളത്.

  നടൻ ദിലീപടക്കം ആറ് പേർക്കെതിരെ പുതിയ കേസ് ക്രൈംബ്രാഞ്ച് രജിസ്റ്റർ ചെയ്തു. അന്വേഷണ ഉദ്യോഗസ്ഥരെ ഭീഷണിപ്പെടുത്തിയതായുമായി ബന്ധപ്പെട്ടാണ് കേസ്. സംവിധായകൻ ബാലചന്ദ്രകുമാറിന്റെ വെളിപ്പെടുത്തലിന് പിന്നാലെ ചില ഓഡിയോ ക്ലിപ്പുകളും പുറത്തുവന്നിരുന്നു. ഈ ഓഡിയോ ക്ലിപ്പുകളിൽ അന്വേഷണ ഉദ്യോഗസ്ഥർക്ക് മേൽ ഭീഷണി മുഴക്കുന്ന സന്ദേശങ്ങളുണ്ടായിരുന്നു അഞ്ച് അന്വേഷണ ഉദ്യോഗസ്ഥരെ അപായപ്പെടുത്താൻ ദിലീപ് ഗൂഢാലോചന നടത്തിയെന്നാണ് ബാലചന്ദ്രകുമാറിന്റെ മൊഴി. ഇതിന്റെ അടിസ്ഥാനത്തിലാണ് ദിലീപടക്കം ആറ് പേർക്കെതിരെ കേസ്. ഭീഷണിപ്പെടുത്തൽ, ഗൂഢാലോചന കുറ്റങ്ങൾ ചുമത്തിയാണ് കേസ് ദിലീപിന്റെ സഹോദരൻ അനൂപാണ്…

സംസ്ഥാനത്ത് കോവിഡ് ബാധിച്ച് മരണപ്പെട്ടവരുടെ ആകെ എണ്ണം അമ്പതിനായിരത്തിലേക്ക് കടക്കുന്നു. ഇന്നലെ വരെയുള്ള കണക്കുകൾ പ്രകാരം 49,547 പേരുടെ ജീവനാണ് കോവിഡ് എടുത്തത്. ഇതിൽ അപ്പീൽ വഴി മാത്രം സ്ഥിരീകരിച്ച മരണങ്ങൾ 15126 ആണ്. കോവിഡ് മരണങ്ങളുടെ എണ്ണത്തിൽ മഹരാഷ്ട്രക്ക് ശേഷം രണ്ടാമതെത്തിയിരിക്കുകയാണ് കേരളം. രാജ്യത്തെ ആകെ മരണ നിരക്ക് 1.37 ശതമാനത്തിൽ എത്തി നിൽക്കുമ്പോൾ കേരളത്തിലേത് നിലവിൽ 0.93 ശതമാനത്തിലേക്ക് എത്തിയിരിക്കുകയാണ്. സുപ്രീംകോടതി നിർദേശ പ്രകാരം കൂടുതൽ മരണങ്ങൾ പട്ടികയിൽ ഉൾപ്പെടുകയും ആദ്യ തരംഗ കാലത്ത്…