നെടുമ്പാശ്ശേരി നെടുവണ്ണൂരിൽ കെ റെയിലിനെതിരെ ഒരു വിഭാഗത്തിന്റെ പ്രതിഷേധം. കല്ലിടാനെത്തിയ ഉദ്യോഗസ്ഥരെ സ്ത്രീകളടക്കമുള്ളവർ ചേർന്ന് ഗേറ്റ് അടച്ച് പ്രതിഷേധിച്ചു. പ്ലക്കാർഡുകളും മുദ്രവാക്യം വിളികളുമായാണ് പ്രതിഷേധം നടന്നത്. ഒരാളെ പോലീസ് അറസ്റ്റ് ചെയ്തു അതേസമയം ഈ വിഭാഗത്തിന്റെ എതിർപ്പ് വകവെക്കാതെ തന്നെ റവന്യു ഉദ്യോഗസ്ഥരും പോലീസും കല്ലിടൽ നടപടിയുമായി മുന്നോട്ടു പോകുകയാണ്. നെടുമ്പാശ്ശേരി-ചെങ്ങമനാട് പഞ്ചായത്തുകളുടെ അതിർത്തി പ്രദേശമാണ് നെടുവണ്ണൂർ. രണ്ട് ദിവസം മുമ്പും പ്രദേശത്ത് അടയാള കല്ല് സ്ഥാപിക്കാനെത്തിയ ഉദ്യോഗസ്ഥരെ കുറച്ചുപേർ തടഞ്ഞിരുന്നു.

  കോവളം എംഎൽഎ എം വിൻസെന്റിന്റെ കാർ അടിച്ചുതകർത്തു. സംഭവത്തിൽ ഉച്ചക്കട സ്വദേശി സന്തോഷ് എന്നയാളെ പോലീസ് കസ്റ്റഡിയിലെടുത്തു. ഇന്ന് രാവിലെയാണ് എംഎൽഎ ഓഫീസിന് മുന്നിൽ നിർത്തിയിട്ടിരുന്ന കാർ അടിച്ചു തകർത്തത് അക്രമം നടക്കുമ്പോൾ എംഎൽഎ ഓഫീസിലുണ്ടായിരുന്നു. സന്തോഷിന് മാനസികാസ്വാസ്ഥ്യമുള്ളതായി പോലീസ് പറയുന്നു. ശബരിമല സ്ത്രീപ്രവേശനം തടഞ്ഞില്ല, മുല്ലപ്പെരിയാർ ഡാം പൊട്ടാതിരിക്കാൻ നടപടി എടുക്കണമെന്നീ ആവശ്യങ്ങൾ ഉന്നയിച്ചായിരുന്നു പ്രതിയുടെ ആക്രമണം.

  സിപിഐഎം സംസ്ഥാന സമ്മേളനത്തിന് നാളെ എറണാകുളത്ത് കൊടി ഉയരും. മൂന്നര പതിറ്റാണ്ടിന് ശേഷമാണ് എറണാകുളം സംസ്ഥാന സമ്മേളനത്തിന് വേദിയാകുന്നത്. ഇന്ന് കൊച്ചിയിൽ സംസ്ഥാന സെക്രട്ടേറിയറ്റ് യോഗം ചേരുന്നുണ്ട്. യോഗത്തിൽ പ്രവർത്തന റിപ്പോർട്ട് അംഗീകരിക്കും. സമ്മേളനത്തിന്റെ അന്തിമ ഒരുക്കങ്ങളും യോഗം വിലയിരുത്തും മറൈൻ ഡ്രൈവിലാണ് സമ്മേളന നഗരി സജ്ജീകരിച്ചിരിക്കുന്നത്. ചെങ്കോട്ടയുടെ മാതൃകയിൽ ഒരുക്കിയ നഗരിയിൽ നാല് ദിവസമാണ് സംസ്ഥാന സമ്മേളനം തുടരുക. പാർട്ടി ജനറൽ സെക്രട്ടറി സീതാറാം യെച്ചൂരി പ്രതിനിധി സമ്മേളനം ഉദ്ഘാടനം ചെയ്യും. നാനൂറ് പ്രതിനിധികളും…

  കോഴിക്കോട് കുറ്റ്യാടി ചുരം റോഡരികിൽ അജ്ഞാത മൃതദേഹം കണ്ടെത്തി. കത്തിക്കരിഞ്ഞ നിലയിലാണ് മൃതദേഹം ചുരം റോഡിൽ കണ്ടെത്തിയത്. മരിച്ചയാളെ തിരിച്ചറിയാനുള്ള ശ്രമങ്ങൾ പോലീസ് ആരംഭിച്ചിട്ടുണ്ട്. മൃതദേഹത്തിന് സമീപത്തായി ഒരു സ്‌കൂട്ടറും പോലീസ് കകണ്ടെത്തിയിട്ടുണ്ട്. തൊട്ടിൽപ്പാലം പോലീസ് കേസെടുത്ത് അന്വേഷണം ആരംഭിച്ചു.

  എൽ ഡി എഫിൽ പുതിയ കക്ഷികളെ എത്തിക്കാൻ ചർച്ചകളൊന്നും നടക്കുന്നില്ലെന്ന് സിപിഎം സംസ്ഥാന സെക്രട്ടറി കോടിയേരി ബാലകൃഷ്ണൻ. പിജെ ജോസഫിന്റെ പ്രവേശന സാധ്യത കോടിയേരി തള്ളി. കൂടുതൽ കക്ഷികളെ എത്തിക്കുന്നതിനല്ല സിപിഎമ്മിന്റെ ബഹുജന അടിത്തറ ശക്തിപ്പെടുത്താനാണ് പാർട്ടി പ്രാമുഖ്യം കൊടുക്കുന്നത് പാർട്ടിയിൽ വ്യക്തിപൂജ അനുവദിക്കില്ല. നേതാക്കളെ പ്രശംസിക്കുന്ന പാട്ടുകൾ പാർട്ടിയുടെ അറിവോടെ അല്ല. പാർട്ടിയിൽ വിഭാഗീയത ഇല്ലാതായി. മത്സരം നടന്ന കമ്മിറ്റികളിൽ സംസ്ഥാന സമ്മേളനത്തിന് ശേഷം പരിശോധന നടത്തുമെന്നും കോടിയേരി പറഞ്ഞു. സംസ്ഥാന കമ്മിറ്റിയിൽ 75…