നിലമ്പൂർ മണ്ഡലത്തിൽ പി വി അൻവറിനെ വീണ്ടും മത്സരിപ്പിക്കാൻ സിപിഎം നീക്കം. മണ്ഡലത്തിൽ കഴിഞ്ഞ രണ്ട് മാസമായി അൻവറിന്റെ അസാന്നിധ്യം ചർച്ചയാകുമ്പോൾ തന്നെയാണ് വീണ്ടും മത്സരിപ്പിക്കാനൊരുങ്ങുന്നത്. അൻവറിന് ഒരു അവസരം കൂടി നൽകണമെന്നാണ് മലപ്പുറം ജില്ലാ നേതൃത്വത്തിന്റെ നിലപാട് മറ്റ് ആളുകളുടെ പേരും എൽ ഡി എഫ് മണ്ഡലത്തിൽ പരിഗണിക്കുന്നുണ്ട്. സിപിഎം ജില്ലാ നേതാവ് വി എം ഷൗക്കത്തിന്റെ ഉൾപ്പെടെ പേരുകളും ഉയർന്നുവരുന്നുണ്ട്. എന്നാൽ വിജയസാധ്യത കൂടുതൽ പി വി അൻവറിന് തന്നെയാണെന്ന് ജില്ലാ നേതൃത്വം പറയുന്നു….

  തിരുവനന്തപുരം: ആറ്റിങ്ങലില്‍ ഇന്ന് പുലര്‍ച്ചെ മൂന്ന് കടകള്‍ കത്തി നശിച്ച സംഭവത്തില്‍ 35 ലക്ഷം രൂപയുടെ നശനഷ്ടം സംഭവിച്ചതായി പ്രാഥമിക നിഗമനം. കച്ചേരി ജംഗ്ഷനിലെ മധുര അലുമിനിയം എന്ന കടക്കാണ് ആദ്യം തീപിടിച്ചത്. തുടര്‍ന്ന് തൊട്ടടുത്ത തുണിക്കടയടക്കം മൂന്ന് കടകളിലേക്ക് തീ വ്യാപിക്കുകയായിരുന്നു. പുലര്‍ച്ചെ നാലുമണിയോടെയാണ് അപകടമുണ്ടായത്. ഷോര്‍ട്ട് സര്‍ക്ക്യൂട്ടാണ് തീപിടുത്തത്തിന് കാരണമെന്നാണ് പ്രാഥമിക നിഗമനം. അഗ്നിശമന വിഭാഗം മണിക്കൂറുകളോളം എടുത്ത് നടത്തിയ ശ്രമഫലമായാണ് തീ നിയന്ത്രണ വിധേയമായത്.

തിരുവനന്തപുരം ആഴിമലയിൽ കടലിൽ കുളിക്കുന്നതിനിടെ രണ്ട് പേരെ കാണാതായി. ഇതിൽ ഒരാളുടെ മൃതദേഹം ലഭിച്ചു. പേയാട് സ്വദേശി പ്രശാന്ത് കുമാറിന്റെ മൃതദേഹമാണ് കണ്ടെത്തിയത്. രാവിലെ ഏഴ് മണിയോടെയാണ് അപകടമുണ്ടായത് പ്രശാന്തും സുഹൃത്തും കുളിക്കാനിറങ്ങിയപ്പോൾ തിരയിൽ അകപ്പെടുകയായിരുന്നു. മത്സ്യത്തൊഴിലാളികൾ ഉടനെ രക്ഷാപ്രവർത്തനം നടത്തിയെങ്കിലും പാറയുള്ള മേഖലയായതിനാൽ ഇരുവരെയും കണ്ടെത്താൻ സാധിച്ചില്ല കോസ്റ്റൽ പോലീസുമെത്തി പിന്നീട് തെരച്ചിൽ നടത്തിയപ്പോഴാണ് പ്രശാന്തിന്റെ മൃതദേഹം ലഭിച്ചത്. കപ്പ ടിവി ജീവനക്കാരനാണ് പ്രശാന്ത്‌

  സംസ്ഥാനത്ത് കൊവിഡ് പരിശോധന വർധിപ്പിക്കുമെന്ന് ചീഫ് സെക്രട്ടറി വി പി ജോയ്. ടെസ്റ്റിംഗ് ക്യാമ്പയിൻ ആരംഭിക്കും. നാളെയും മറ്റന്നാളുമായി രണ്ടര ലക്ഷം പേരെ പരിശോധിക്കുമെന്ന് ചീഫ് സെക്രട്ടറി അറിയിച്ചു. ഇതുവരെ 50 ലക്ഷം പേർക്ക് ആദ്യ ഡോസ് വാക്‌സിൻ നൽകി. വാക്‌സിനേഷൻ ക്യാമ്പയിൻ ശക്തമാക്കും. സംസ്ഥാനത്ത് പൊതുയോഗങ്ങൾ രണ്ട് മണിക്കൂറായി ചുരുക്കണം. പരമാവധി യോഗങ്ങൾ ഓൺലൈൻ ആക്കണം. വാക്‌സിൻ കിട്ടുന്ന മുറയ്ക്ക് വാക്‌സിൻ ക്യാമ്പയിനുകൾ ഊർജിതമാക്കുമെന്നും ചീഫ് സെക്രട്ടറി പറഞ്ഞു.