പിഡിപി നേതാവ് പൂന്തുറ സിറാജ് ഗുരുതരാവസ്ഥയില്: പ്രാര്ത്ഥിക്കാന് ആവശ്യപ്പെട്ട് മഅ്ദനി
ബാംഗ്ലൂർ: പി.ഡി.പി നേതാവ് പൂന്തുറ സിറാജ് ഗുരുതരാവസ്ഥയില് ആശുപത്രിയില് ചികിത്സയില് കഴിയുന്നതായി പി.ഡി.പി ചെയര്മാന് മഅ്ദനി. ഫെയ്സ്ബുക്ക് കുറിപ്പിലൂടെയാണ് പൂന്തുറ സിറാജിന്റെ ആരോഗ്യാവസ്ഥ മഅ്ദനി അറിയിച്ചത്. ഗുരുതരമായ രോഗാവസ്ഥയിലാണ് പൂന്തുറ സിറാജുള്ളതെന്നും എല്ലാവരും അദ്ദേഹത്തിന്റെ രോഗശമനത്തിന് വേണ്ടി ആത്മാര്ത്ഥമായി പ്രാര്ത്ഥിക്കണമെന്നും മഅ്ദനി പറഞ്ഞു. അതേസമയം പി.ഡി.പി വൈസ് ചെയര്മാനായി പൂന്തുറ സിറാജിനെ നോമിനേറ്റ് ചെയ്തു. പാര്ട്ടി ചെയര്മാന് അബ്ദുൽ നാസിര് മഅ്ദനിയാണ് നോമിനേറ്റ് ചെയ്തത്. പാര്ട്ടിയില് തിരിച്ചെടുക്കണമെന്ന് ആവശ്യപ്പെട്ട് പൂന്തുറ സിറാജ് നേരത്തെ ചെയര്മാന് കത്ത് നല്കിയിരുന്നു….
