World

ടെഹ്റാന്‍: ഇറാനിയന്‍ യാത്രാവിമാനവും അമേരിക്കയുടെ എഫ് 15 യുദ്ധവിമാനം നേര്‍ക്കുനേര്‍ എത്തിയെങ്കിലും പൈലറ്റിന്റെ അവസരോചിതമായ ഇടപെടലില്‍ വൻ ദുരന്തം ഒഴിവായതായി റിപ്പോര്‍ട്ട്. വ്യാഴാഴ്ച സിറിയയുടെ മുകളിലായിരുന്നു സംഭവം. മഹന്‍ എയറിന്റെ ഉടമസ്ഥതയിലുള്ള ഇറാനിയന്‍ വിമാനം ടെഹ്റാനില്‍ നിന്ന് ബെയ്റൂട്ടിലേക്ക് പോവുകയായിരുന്നു. നേര്‍ക്കുനേര്‍ പാഞ്ഞടുത്ത യുദ്ധവിമാനവുമായുള്ള കൂട്ടിയിടി ഒഴിവാക്കാന്‍ പൈലറ്റ് ഉയരം മാറ്റിയതിനെ തുടര്‍ന്ന് ഇറാനിയന്‍ വിമാനത്തിലെ നിരവധി യാത്രക്കാര്‍ക്ക് പരിക്കേറ്റതായും ഇറാനിയന്‍ മാധ്യമങ്ങള്‍ റിപ്പോര്‍ട്ട് ചെയ്യുന്നു. എഫ് 15 സുരക്ഷിതമായ അകലം പാലിച്ചിരുന്നതായാണ് യു.എസ് സൈനിക ഭാഷ്യം….

ഭീതിയും ആശങ്കയും പരത്തി ലോകത്ത് കോവിഡ് ബാധിതരുടെ എണ്ണം കുത്തനെ കൂടുന്നു. ഏറ്റവും പുതിയ കണക്കനുസരിച്ച് രോഗബാധിതരുടെ എണ്ണം ഒരുകോടി അമ്പത്തൊമ്പത് ലക്ഷം കവിഞ്ഞു. 641,868 പേരാണ് ഇതുവരെ മരണമടഞ്ഞത്. 97 ലക്ഷത്തിലധികം പേര്‍ രോഗമുക്തി നേടി. അമേരിക്കയില്‍ സ്ഥിതി അതീവ ഗുരുതരമാണ്. പുതുതായി 76,000ത്തിലധികം പേര്‍ക്കാണ് യു.എസില്‍ കോവിഡ് ബാധിച്ചത്. ഇതോടെ ആകെ രോഗബാധിതരുടെ എണ്ണം 4,248,304 ആയി ഉയര്‍ന്നു. ഇന്നലെ മാത്രം ആയിരത്തില്‍ കൂടുതല്‍ പേര്‍ മരിച്ചു. ഇതോടെ ആകെ മരണസംഖ്യ 148,483 ആയി….

ഒക്കലോഹമ: കീസ്‌റ്റോണ്‍ തടാകത്തില്‍ മീന്‍ പിടിക്കാനിറങ്ങിയ കോറിവാട്ടേഗ്‌സിന് വല ഉയര്‍ത്തിയപ്പോള്‍ തലചുറ്റിപ്പോയി. ലോകറെക്കോര്‍ഡും തകര്‍ത്ത പാഡില്‍ ഫിഷാണ് തന്റെ വലയില്‍ കുരങ്ങിയതെന്ന് അദ്ദേഹം അറിയാന്‍ അല്‍പം കൂടി നേരമെടുത്തു. പാഡില്‍ ഫിഷിന്റെ തൂക്കം 151.9 പൗണ്ടായിരുന്നു. ആറടിയായിരുന്നു നീളം. ഒക്കലഹോമ വൈല്‍ഡ് ലൈഫ് കണ്‍സര്‍വേഷന്‍ നോര്‍ത്ത് ഈസ്റ്റ് ഫിഷറീസ് സ്റ്റാഫിനെ വിവരം അറിയിച്ചതോടെയാണ് തന്റെ വലയില്‍ കുരുങ്ങിയ മീന്‍ ലോക റെക്കോര്‍ഡിന് ഉടമയാണെന്ന് അദ്ദേഹമറിഞ്ഞത്. ഇതേ തടാകത്തില്‍ നിന്നുതന്നെയാണ് ഇതിനുമുമ്പും റെക്കോര്‍ഡുകാരന്‍ മീനിനെ പിടികൂടിയത്. അന്നത്തെ പാഡില്‍…

ജനീവ: 2021ന് മുമ്പ് കോവിഡ് വാക്‌സിന്‍ പ്രതീക്ഷിക്കരുതെന്ന് ലോകാരോഗ്യ സംഘടന. ലോകത്ത് വാക്‌സിന്‍ പരീക്ഷണങ്ങള്‍ നല്ല രീതിയിലാണ് പുരോഗമിക്കുന്നത് എല്ലാവര്‍ക്കും ഒരേപോലെ വാക്‌സിന്‍ ലഭ്യമാക്കുകയാണ് സംഘടയുടെ ലക്ഷ്യമെന്നും എമര്‍ജന്‍സി പ്രോഗ്രാം തലവന്‍ മൈക്ക് റയാന്‍ പറഞ്ഞു. ലോകത്തെ മിക്ക വാക്‌സിന്‍ പരീക്ഷണങ്ങളും നിര്‍ണായകമായ മൂന്നാം ഘട്ടത്തിലാണ്. ഇതുവരെ ഒരു ഘട്ടത്തിലും പരീക്ഷണം പരാജയപ്പെട്ടിട്ടില്ല. അടുത്തവര്‍ഷം ആരംഭത്തില്‍ ജനങ്ങള്‍ക്ക് കോവിഡ് വാക്‌സിന്‍ ലഭ്യമാകുമെന്നാണ് പ്രതീക്ഷിക്കുന്നത്. പാവപ്പെട്ടവരെന്നോ പണക്കാരെന്നോ ഇല്ല. എല്ലാവര്‍ക്കും ഒരുപോലെ വാക്‌സിന്‍ ലഭ്യമാക്കുമെന്നും അദ്ദേഹം കൂട്ടിച്ചേര്‍ത്തു.

മിഷിഗണ്‍: കൊവിഡ് ബാധിച്ച് അമേരിക്കയിലെ ഒരു കോണ്‍വെന്റില്‍ മരിച്ചത് 13 കന്യാസ്ത്രീകള്‍. മിഷിഗണിലെ ഒരു കോണ്‍വെന്റിലാണ് സംഭവം നടന്നത്. 12 പേരും മരിച്ചത് ഒരു മാസത്തിനിടയിലാണ്. ഏപ്രില്‍ 10 മുതല്‍ മേയ് 10 വരെയുള്ള കാലയളവിലാണ് 12 പേരും മരിച്ചത്. 99 വയസ് മുതല്‍ 69 വയസ് വരെയുള്ള കന്യാസ്ത്രീമാരാണ് മരിച്ചത്. ഇതില്‍ ഒരു കന്യാസ്ത്രീ കൊവിഡ് മുക്തയായതിന് ശേഷമാണ് മരിച്ചത്. ഇവര്‍ ജൂണിലാണ് മരിക്കുന്നത്.

വാഷിങ്ടണ്‍: കോവിഡിനു കാരണക്കാരനായ കൊറോണ വൈറസിന്റെ അപരനെ ശാസ്ത്രജ്ഞര്‍ ലാബില്‍ സൃഷ്ടിച്ചു. സെന്റ് ലൂയിസിലെ വാഷിങ്ടണ്‍ സ്‌കൂള്‍ ഓഫ് മെഡിസിന്‍ ആണ് അപകടകാരിയല്ലാത്ത വെസികുലാര്‍ സ്‌റ്റോമാറ്റിറ്റിസ് വൈറസ് വികസിപ്പിച്ചെടുത്തത്. കൊറോണ വൈറസിനെപ്പോലെ മനുഷ്യശരീരത്തില്‍ ആന്റിബോഡികള്‍ സൃഷ്ടിക്കാന്‍ പുതിയ വൈറസിന് സാധിക്കും. SV-SARS-CoV-2 എന്നാണ് വൈറസിന് പേര് നല്‍കിയിരിക്കുന്നത്. കോവിഡ് വാക്‌സിന്‍, മരുന്ന് നിര്‍മാണത്തിന് അപരന്റെ കണ്ടെത്തല്‍ വളരെ സഹായകമാകുമെന്ന് സെല്‍ ഹോസ്റ്റ് ആന്‍ഡ് മൈക്രോബ് ജേര്‍ണലില്‍ പ്രസിദ്ധീകരിച്ച പഠനത്തില്‍ പറയുന്നു.

അലാസ്‌ക: അമേരിക്കയിലെ അലാസ്‌കയിലെ നഗരമായ ചിഗ്നിക്കിന്റെ ദക്ഷിണ ഭാഗത്ത് വന്‍ ഭൂമികുലുക്കം അനുഭവപ്പെട്ടതായി റിപ്പോര്‍ട്ട്. റിക്ടര്‍ സ്‌കെയിലില്‍ 7.8 തീവ്രത രേഖപ്പെടുത്തിയതിനെ തുടര്‍ന്ന് അധികൃതര്‍ സുനാമി മുന്നറിയിപ്പും പുറപ്പെടുവിച്ചിട്ടുണ്ട്. സൗത്ത് അലാസ്‌ക, അലാസ്‌കന്‍ ഉപദ്വീപ് എന്നിവിടങ്ങളാണ് സുനാമി മുന്നറിയിപ്പ് പ്രഖ്യാപിച്ചത്. അടുത്ത ഏതാനും മണിക്കൂറുകള്‍ക്കുള്ളില്‍ അലാസ്‌കന്‍ തീരത്ത് സുനാമി ആഞ്ഞടിക്കുമെന്നാണ് മുന്നറിയിപ്പില്‍ പറയുന്നത്.

മസാച്ചുസെറ്റ്‌സ്: എന്‍ 95 മാസ്‌ക് പോലെ ഏറെ ഫലപ്രദമായ മുഖമുറ ഡിസൈന്‍ ചെയ്തതായി മസാച്ചുസെറ്റ്‌സ് ഇന്‍സ്റ്റിറ്റ്യൂട്ട് ഓഫ് ടെക്‌നോളജിയിലേയും ബ്രിഗ്ഹാം ആന്റ് വിമന്‍സ് ഹോസ്പിറ്റലിലേയും ഗവേഷകര്‍ അറിയിച്ചു. ആരോഗ്യ പ്രവര്‍ത്തകര്‍ക്ക് ഏറെ ഉപകാരപ്രദമായിരിക്കും ഇത്തരം മാസ്‌കുകളെന്നാണ് കണ്ടെത്തല്‍. കോവിഡ് രോഗികള്‍ ഉള്‍പ്പെടെയുള്ളവരെ ചികിത്സിക്കുമ്പോള്‍ ഇത്തരം മാസ്‌കുകള്‍ ആരോഗ്യ പ്രവര്‍ത്തകര്‍ക്ക് വലിയ തോതില്‍ പ്രതിരോധം സൃഷ്ടിക്കുമെന്നാണ് കണ്ടെത്തല്‍. എന്‍ 95 മാസ്‌കുകള്‍ അഞ്ചു തവണയില്‍ കൂടുതല്‍ ധരിക്കാന്‍ പാടില്ലെന്നാണ് സെന്റേഴ്‌സ് ഫോര്‍ ഡിസീസ് കണ്‍ട്രോള്‍ ആന്റ് പ്രിവന്‍ഷന്‍ ശിപാര്‍ശ…

ടെക്‌സസ്: ഒക്ടോബര്‍ വരെയുള്ള എല്ലാ വ്യക്തിഗത പാഠ്യ പദ്ധതികളും നിര്‍ത്തി വെര്‍ച്യുല്‍ പഠനത്തിലേക്ക് മാറണം എന്ന് ജഡ്ജി ഹിഡാല്‍ഗോ സ്‌കൂള്‍ ജില്ലകളോട് അഭ്യര്‍ത്ഥിച്ചു ഇന്ന്, നമ്മുടെ കമ്മ്യൂണിറ്റി വളരെ കടുത്തതും അനിയന്ത്രിതവുമായ കോവിഡ് -19 ന്റെ മഹാ വ്യാപനത്തിലൂടെയാണ് കടന്നു പോകുന്നത്. എത്രയും വേഗം സ്‌കൂളുകള്‍ സാധാരണ നിലയില്‍ പ്രവര്‍ത്തനരഹിതമാക്കുന്നതിനു നമ്മുടെ കേസുകളുടെ എണ്ണം ഗണ്യമായി കുറയേണ്ടതുണ്ട് അതുപോലെ ആശുപത്രിയില്‍ പ്രവേശിപ്പിക്കുന്നവരുടെ എണ്ണവും കുറയണം. ഹിഡാല്‍ഗോ പറഞ്ഞു. ഹ്യുസ്റ്റണ്‍ സിറ്റിയില്‍ മാത്രം ഇന്നലെ കോവിഡ്-19 ന്റെ 884…

ബീജിങ്: കനത്ത പ്രളയത്തെത്തുടര്‍ന്നുള്ള ജലനിരപ്പ് നിയന്ത്രിക്കാനായി ചൈനയില്‍ ഡാം തകര്‍ത്തതായി റിപ്പോര്‍ട്ട്. കനത്ത മഴയെത്തുടര്‍ന്ന് രാജ്യത്തിന്റെ നിരവധി ഭാഗങ്ങളില്‍ നദികള്‍ കരകവിഞ്ഞ സാഹചര്യത്തിലാണ് ചൈനയുടെ നടപടിയെന്ന് പ്രാദേശിക മാധ്യമങ്ങള്‍ റിപ്പോര്‍ട്ട് ചെയ്യുന്നു. കിഴക്കന്‍ അന്‍ഹുയ് പ്രവിശ്യയിലാണ് അധികൃതര്‍ ഡാമിന്റെ ഒരു ഭാഗം പൊളിച്ചു നീക്കിയത്. അതേസമയം, മധ്യ ചൈനയിലും കിഴക്കന്‍ മേഖലയിലുമായി പ്രളയത്തില്‍ ചുരുങ്ങിയത് 140 പേരെങ്കിലും മരിച്ചിട്ടുണ്ടാകാമെന്നാണ് റിപ്പോര്‍ട്ടുകള്‍. ജൂലൈ ആദ്യം ആരംഭിച്ച പ്രളയം രണ്ടരക്കോടിയോളം ജനങ്ങളെ ബാധിച്ചിട്ടുണ്ടെന്നാണ് ദുരന്ത നിവാരണ മന്ത്രാലയത്തെ ഉദ്ധരിച്ചുള്ള റിപ്പോര്‍ട്ടുകള്‍….