World

കാബൂള്‍: അഫ്ഗാനിസ്ഥാന്റെ സൈനിക വിമാനം ഉസ്ബക്കിസ്ഥാന്‍ അതിര്‍ത്തിയില്‍ തകര്‍ന്നു വീണതായി റിപ്പോര്‍ട്ട്. പൈലറ്റ് രക്ഷപ്പെട്ടതായാണ് വിവരം. വിമാനം വെടിവെച്ച് വീഴ്ത്തിയതാണെന്ന് ഉസ്ബക്കിസ്ഥാന്‍ സ്ഥിരീകരിച്ചു. അഫ്ഗാന്റെ സൈനിക വിമാനം രാജ്യത്തിന്റെ വ്യോമാതിര്‍ത്തി അനുവാദമില്ലാതെ കടന്നുവെന്നും അന്വേഷണം പ്രഖ്യാപിച്ചിട്ടുണ്ടെന്നും ഉസ്ബക്കിസ്ഥാന്‍ സര്‍ക്കാര്‍ വക്താവ് ബഖ്റൂം സുല്‍ഫിക്കറോവ് പറഞ്ഞു. അഫ്ഗാനിസ്ഥാനോട് ചേര്‍ന്ന ഉസ്ബക്കിസ്ഥാനിലെ തെക്കേ അറ്റത്തുള്ള സര്‍ക്സോണ്ടാരിയോ പ്രവിശ്യയില്‍ ഞായറാഴ്ച വൈകീട്ടാണ് ജെറ്റ് തകര്‍ന്നത്. ഞായറാഴ്ച, ഉസ്ബക്കിസ്ഥാന്‍ അതിര്‍ത്തി കടന്ന 84 അഫ്ഗാന്‍ സൈനികരെ സുരക്ഷാ സേന കസ്റ്റഡിയിലെടുത്തിരുന്നു

താലിബാൻ അധികാരം പിടിച്ച അഫ്ഗാനിസ്ഥാനിൽ നിന്ന് രക്ഷപ്പെടാനുള്ള ജനങ്ങളുടെ ശ്രമം വലിയ ദുരന്തങ്ങളിൽ കലാശിക്കുന്നു. വിമാനത്തിന്റെ ചിറുകളിലും ടയറുകളിലുമൊക്കെ പിടിച്ചുതൂങ്ങി രക്ഷപ്പെടാൻ ശ്രമിച്ച മൂന്ന് പേർ ടേക്ക് ഓഫിന് പിന്നാലെ താഴേക്ക് വീണ് ദാരുണമായി കൊല്ലപ്പെട്ടു. ഇതിന്റെ ദൃശ്യങ്ങൾ പുറത്തുവന്നിട്ടുണ്ട് ടയറിനോട് ചേർന്നുള്ള ഭാഗത്ത് ശരീരം കയർ കൊണ്ട് ബന്ധിപ്പിച്ചാണ് ഇവർ രക്ഷപ്പെടാൻ ശ്രമിച്ചത്. എന്നാൽ ശ്രമം വിഫലമാകുകയായിരുന്നു. നൂറുകണക്കിനാളുകളാണ് വിമാനങ്ങളിൽ ഇടം നേടാനായി കാബൂൾ വിമാനത്താവളത്തിൽ തിക്കിത്തിരക്കുന്നത്. തിരക്കിൽപ്പെട്ട് അഞ്ച് പേർ നേരത്തെ മരിച്ചിരുന്നു.

താലിബാൻ അധികാരം പിടിച്ചതിന് പിന്നാലെ രാജ്യം വിട്ട അഫ്ഗാനിസ്ഥാൻ പ്രസിഡന്റ് അഷ്‌റഫ് ഗാനിക്ക് താജിക്കിസ്ഥാൻ പ്രവേശനാനുമതി നിഷേധിച്ചു. ഇതോടെ ഗാനി ഒമാനിൽ ഇറങ്ങി. അദ്ദേഹം അമേരിക്കയിലേക്ക് പോയേക്കുമെന്നാണ് റിപ്പോർട്ടുകൾ. കാബൂളിലേക്ക് താലിബാൻ പ്രവേശിച്ചതിന് പിന്നാലെയാണ് അധികാരമൊഴിയാൻ തയ്യാറാണെന്ന് ഗാനി അറിയിച്ചതും പിന്നാലെ രാജ്യം വിട്ടതും. രാജ്യത്ത് രക്തച്ചൊരിച്ചിൽ ഒഴിവാക്കാനാണ് താൻ പലായനം ചെയ്യുന്നതെന്ന് ഗാനി പറഞ്ഞിരുന്നു.

  അഫ്ഗാനിസ്ഥാനിൽ നിന്നുള്ള ജനങ്ങളുടെ കൂട്ടപ്പലായത്തിനിടെ കാബൂൾ വിമാനത്താവളത്തിൽ അഞ്ച് പേർ മരിച്ചു. വിമാനങ്ങളിൽ കയറിപ്പറ്റാനായി ജനക്കൂട്ടം തിക്കിത്തിരക്കുകയും സുരക്ഷാ ഉദ്യോഗസ്ഥർ വെടിയുതിർക്കുകയും ചെയ്തു. തിക്കിൽപ്പെട്ടാണോ അതോ വെടിയേറ്റാണോ ആളുകൾ മരിച്ചതെന്ന കാര്യത്തിൽ വ്യക്തതയില്ല വിമാനത്താവളത്തിലെ ജനക്കൂട്ടം നിയന്ത്രണാതീതമായതോടെയാണ് സുരക്ഷാ ഉദ്യോഗസ്ഥർ വെടിയുതിർത്തത്. നൂറുകണക്കിനാളുകളാണ് വിമാനത്താവളത്തിലേക്ക് ഇരച്ചെത്തിയത്. വിമാനങ്ങളിൽ കയറിപ്പറ്റാനുള്ള ആളുകളുടെ ശ്രമിക്കുന്നതിന്റെ വീഡിയോ ദൃശ്യങ്ങളും നേരത്തെ പുറത്തുവന്നിരുന്നു ജനക്കൂട്ടത്തെ നിയന്ത്രിക്കാൻ പറ്റാതെ വന്നതോടെ കാബൂൾ വിമാനത്താവളം അടച്ചു. സർവീസുകൾ നിർത്തിവെക്കുകയും ചെയ്തു. അഫ്ഗാന്റെ വ്യോമമാർഗം അന്താരാഷ്ട്ര…

കാബൂൾ വിമാനത്താവളത്തിൽ നിന്നുള്ള എല്ലാ സർവീസുകളും നിർത്തിവെച്ചു. അന്താരാഷ്ട്ര വിമാന സർവീസുകൾ അഫ്ഗാനിസ്ഥാന്റെ വ്യോമമേഖല ഒഴിവാക്കിയാണ് ഗതാഗതം നടത്തുന്നത്. വ്യോമമേഖല പൂർണമായി അടച്ചതോടെ അറുപതോളം രാജ്യങ്ങളിലെ പൗരൻമാർ കാബൂളിൽ കുടുങ്ങിയിരിക്കുകയാണ് താലിബാനിൽ നിന്ന് രക്ഷപെടാനായി ആയിരക്കണക്കിന് അഫ്ഗാനിസ്ഥാനികൾ വിമാനങ്ങളിലേക്ക് ഇരച്ചുകയറിയതോടെ സുരക്ഷാ ഉദ്യോഗസ്ഥർക്ക് വെടിയുതിർക്കേണ്ടതായി വന്നു. വെടിവെപ്പിൽ രണ്ട് പേർ കൊല്ലപ്പെട്ടു. ചിലയിടങ്ങളിൽ താലിബാനും ജനക്കൂട്ടത്തിന് നേർക്ക് വെടിയുതിർത്തു റൺവേയിൽ ജനം തമ്പടിച്ചതോടെയാണ് വിമാനത്താവളം പൂർണമായി അടച്ചത്. അമേരിക്കയും ബ്രിട്ടനും മാത്രമാണ് തങ്ങളുടെ പൗരൻമാരെ സുരക്ഷിതമായി അഫ്ഗാനിൽ…

  അഫ്ഗാനിസ്ഥാൻ താലിബാൻ കീഴടക്കിയതിന് പിന്നാലെ ഡൽഹിയിലേക്ക് എത്തിയ അഫ്ഗാൻ വനിത പ്രതികരിച്ചത് പൊട്ടിക്കരഞ്ഞു കൊണ്ടാണ്. അവർ ഞങ്ങളുടെ സുഹൃത്തുക്കളെ കൊല്ലം, എനിക്ക് പേടിയാകുന്നു എന്നായിരുന്നു അഫ്ഗാനി യുവതി കരഞ്ഞു കൊണ്ട് മാധ്യമങ്ങളോട് പ്രതികരിച്ചത്. ഞായറാഴ്ച രാത്രി കാബൂളിൽ നിന്നുള്ള എയർ ഇന്ത്യ വിമാനത്തിലാണ് ഇവർ ഡൽഹിയിലെത്തിയത്. എന്റെ രാജ്യത്തെ ലോകം ഒറ്റപ്പെടുത്തിയെന്ന് വിശ്വസിക്കാൻ കഴിയുന്നില്ല. അവർ ഞങ്ങളുടെ സുഹൃത്തുക്കളെ കൊല്ലും. ഞങ്ങളെയും കൊല്ലും. ഞങ്ങളുടെ സ്ത്രീകൾക്ക് ഒരവകാശവും ഇനിയാ രാജ്യത്തുണ്ടാകില്ലെന്നും ഇവർ പറഞ്ഞു.

  താലിബാൻ ഭരണം പിടിച്ച അഫ്ഗാനിസ്ഥാനിലേക്ക് ഇന്ത്യ അടിയന്തരമായി വിമാനം അയക്കും. ഉച്ചയ്ക്ക് 12.30നാണ് എയർ ഇന്ത്യ വിമാനം കാബൂളിലേക്ക് പുറപ്പെടുക. കാബൂൾ-ഡൽഹി അടിയന്തര യാത്രക്ക് തയ്യാറെടുക്കാൻ ജീവനക്കാർ എയർ ഇന്ത്യ നിർദേശം നൽകി രാജ്യം വിടാനായി എത്തുന്നവരുടെ തിക്കും തിരക്കുമാണ് കാബൂൾ വിമാനത്താവളത്തിൽ അനുഭവപ്പെടുന്നത്. വിമാനത്താവളത്തിൽ വെടിവെപ്പുണ്ടായതായും നിരവധി പേർക്ക് പരുക്കേറ്റതായും വിവരമുണ്ട്. ഇന്നലെ രാത്രിയോടെയാണ് കാബൂൾ താലിബാൻ കീഴടക്കിയത്. പിന്നാലെ അഫ്ഗാൻ പ്രസിഡന്റ് അഷ്‌റഫ് ഗാനി രാജ്യം വിടുകയും ചെയ്തിരുന്നു.

  ഹെയ്തിയിൽ ഭൂകമ്പത്തിൽ മരിച്ചവരുടെ എണ്ണം 1200 കടന്നു; പതിനായിരത്തോളം കെട്ടിടങ്ങൾ തകർന്നു കരീബിയൻ രാജ്യമായ ഹെയ്തിയിൽ ഭൂചലനത്തിൽ മരിച്ചവരുടെ എണ്ണം 1200 കടന്നു. 1297 പേരാണ് ഭൂചലനത്തിൽ മരിച്ചതെന്ന് സിവിൽ പ്രൊട്ടക്ഷൻ ഏജൻസി അറയിിച്ചു. 5700ലധികം പേർക്ക് പരുക്കേറ്റു. അതേസമയം മരണസംഖ്യ ഇനിയുമുയർന്നേക്കുമെന്നാണ് സൂചന ആശുപത്രികളും സ്‌കൂളുകളും വീടുകളും ഭൂകമ്പത്തിൽ തകർന്നു. 13,600 കെട്ടിടങ്ങൾ പൂർണമായും തകർന്നുവീണു. 13,700 കെട്ടിടങ്ങൾക്ക് സാരമായ കേടുപാടുകൾ സംഭവിച്ചു. ജെറമി നഗരത്തിലേക്കുള്ള പ്രധാന പാത മണ്ണിടിച്ചിലിൽ തകർന്നു. രാജ്യത്ത് ഹെയ്തി…

  അഫ്ഗാനിസ്ഥാനിൽ സർക്കാരിനെ അട്ടിമറിച്ച് രക്തരൂക്ഷിത യുദ്ധത്തിലൂടെ അധികാരത്തിലെത്തിയ താലിബാൻ ഭീകരർ ദൈവത്തിന് നന്ദി പറഞ്ഞ് രംഗത്ത്. ദൈവത്തിന് നന്ദി. ഞങ്ങൾ നേടിയത് കണ്ടെത്തി. അഫ്ഗാനിസ്ഥാനിലെ യുദ്ധം അവസാനിച്ചിരിക്കുന്നു എന്നായിരുന്നു താലിബാൻ വക്താവ് മുഹമ്മദ് നയീം പ്രതികരിച്ചത് രാജ്യത്തിന്റെ സ്വാതന്ത്ര്യവും ജനങ്ങളുടെ സ്വാതന്ത്ര്യവുമാണ് ഞങ്ങൾ ആഗ്രഹിച്ചത്. ഈ രാജ്യത്തെ മറ്റുള്ളവരുടെ ലക്ഷ്യങ്ങൾക്ക് വേണ്ടി ഉപയോഗിക്കാൻ അനുവദിക്കില്ല. ജനങ്ങളെ ഉപദ്രവിക്കില്ലെന്നും താലിബാൻ അറിയിച്ചു. അന്താരാഷ്ട്ര സമൂഹവുമായി സമാധാനപരമായ ബന്ധമാണ് ആഗ്രഹിക്കുന്നത്. മുജാഹിദ്ദിനുകൾക്ക് മഹാത്തായ ദിനമാണിതെന്നും മുഹമ്മദ് നയീം പറഞ്ഞു