National

  രാജ്യത്ത് കൊവിഡ് പ്രതിദിന കേസുകൾ രണ്ടര ലക്ഷം പിന്നിട്ടു. കഴിഞ്ഞ 24 മണിക്കൂറിനിടെ 2,64,202 പേർക്കാണ് കൊവിഡ് സ്ഥിരീകരിച്ചത്. തുടർച്ചയായ രണ്ടാം ദിവസമാണ് കൊവിഡ് പ്രതിദിന കേസുകൾ രണ്ട് ലക്ഷം കടക്കുന്നത്. കേസുകളുടെ എണ്ണത്തിൽ കഴിഞ്ഞ ദിവസത്തേക്കാൾ 4.83 ശതമാനം വർധനവുണ്ടായി. ടെസ്റ്റ് പോസിറ്റിവിറ്റി നിരക്ക് 14.78 ശതമാനമായി ഉയർന്നു. പ്രതിവാര ടെസ്റ്റ് പോസിറ്റിവിറ്റി നിരക്ക് 11.83 ശതമാനമായി 24 മണിക്കൂറിനിടെ 315 പേർ കൊവിഡ് ബാധിച്ച് മരിച്ചതായും കേന്ദ്ര ആരോഗ്യമന്ത്രാലയം അറിയിച്ചു. രാജ്യത്തെ ആകെ…

  ഒമിക്രോണ്‍ വ്യാപനത്തിന്റെ പശ്ചാത്തലത്തിൽ കൊച്ചുകുട്ടികളില്‍ അണുബാധ വര്‍ധിക്കാന്‍ സാധ്യതയുണ്ടെന്ന് ഡോക്ടര്‍മാരുടെ മുന്നറിയിപ്പ്. വാക്‌സിന്‍ എടുക്കാത്ത കുട്ടികളെയാണ് ഒമിക്രോണ്‍ കൂടുതലായി ബാധിക്കുക. വരും മാസങ്ങളില്‍ ഈ വ്യാപനം കൂടാന്‍ സാധ്യതയുണ്ടെന്നും സൂചിപ്പിച്ചു. ഇതുമുന്നില്‍കണ്ട് രാജ്യങ്ങളെല്ലാം തന്നെ കുട്ടികള്‍ക്കുള്ള വാക്‌സിന്‍ ക്യാംപെയ്ന്‍ ഊര്‍ജിതമാക്കിയിരിക്കുകയാണ്. യു.എ.ഇയില്‍ മൂന്ന് വയസ്സിനു മുകളിലുള്ളവര്‍ക്കു സിനോഫാം നല്‍കുന്നുണ്ട്. 5-11 വയസ്സുകാര്‍ക്ക് ഫൈസര്‍ അംഗീകരിച്ചെങ്കിലും ഇതുവരെ നല്‍കിത്തുടങ്ങിയിട്ടില്ല. 12 വയസ്സിനു മുകളിലുള്ളവര്‍ക്ക് ഫൈസര്‍ ലഭ്യമാണ്. മുതിര്‍ന്നവരില്‍ ഡെല്‍റ്റ വകഭേദത്തെക്കാള്‍ അത്ര മാരകമല്ല ഒമിക്രോണ്‍ എങ്കിലും കുട്ടികളെ…

  ബിക്കാനീർ-ഗുവാഹത്തി എക്സ്പ്രസ് പാളംതെറ്റി മൂന്ന് മരണം. നിരവധി​ പേർക്ക് പരിക്കേറ്റു. പശ്ചിമബംഗാളിലെ മോയൻഗുരിയിലെ വ്യാഴാഴ്ച വൈകീട്ട് അഞ്ച് മണിയോടെയായിരുന്നു സംഭവം. നിരവധി യാത്രക്കാർക്ക് പരിക്കുകൾ സംഭവിച്ചതായാണ് സൂചന. ട്രെയിനിന്റെ 12 ബോഗികൾ അപകടത്തിൽപ്പെട്ടതായി റെയിൽവേ വ്യക്തമാക്കി. പട്നയിൽ നിന്നും വരുന്ന ട്രെയിനാണ് അപകടത്തിൽപ്പെട്ടത്. ബോഗികൾ തമ്മിൽ കൂട്ടിയിടിച്ചതിന് ശേഷം മറിയുകയായിരുന്നുവെന്ന് ദൃക്സാക്ഷികൾ ഒരാൾ പറഞ്ഞു. ബംഗാളിലെ വടക്കൻ പ്രദേശമായ മൈനാഗുരിയിലാണ് അപകടം സംഭവിച്ച ഡോമോഹാനി സ്ഥിതി ചെയ്യുന്നത്.

  ന്യൂഡൽഹി: രാജ്യത്ത് കഴിഞ്ഞ ഏഴു വർഷത്തിനിടെ ഉണ്ടായ വികസന പ്രവർത്തനങ്ങൾ ചൂണ്ടിക്കാണിച്ച് പ്രധാനമന്ത്രി നരേന്ദ്രമോദി. 2014 ൽ രാജ്യത്ത് 387 മെഡിക്കൽ കോളേജുകളാണ് ഉണ്ടായിരുന്നതെന്നും, ഏഴ് വർഷത്തിനുള്ളിൽ അത് 596 ആയി വർദ്ധിച്ചുവെന്നും അദ്ദേഹം വ്യക്തമാക്കി. 11 മെഡിക്കൽ കോളേജുകൾ തമിഴ്‌നാടിന് സമ്മാനിച്ചു കൊണ്ട് സംസാരിക്കവേയാണ് അദ്ദേഹം ഇക്കാര്യം വ്യക്തമാക്കിയിരിക്കുന്നത്. 2014ൽ രാജ്യത്ത് 82,000 മെഡിക്കൽ ബിരുദ-ബിരുദാനന്തര ബിരുദ സീറ്റുകളാണുണ്ടായിരുന്നത്. എന്നാൽ, കഴിഞ്ഞ ഏഴ് വർഷത്തിനുള്ളിൽ സീറ്റുകളുടെ എണ്ണം 1,48,000 ആയി വർദ്ധിച്ചുവെന്ന് പ്രധാനമന്ത്രി വ്യക്തമാക്കി….

  രാജ്യത്ത് ഒമിക്രോൺ വ്യാപനം അതിരൂക്ഷം, ജാഗ്രത വേണമെന്ന് പ്രധാനമന്ത്രി നരേന്ദ്ര മോദി. കൊവിഡിനെതിരായ എറ്റവും മികച്ച ആയുധം വാക്സിനേഷനാണ്. പഴയ സ്ഥിതി ഇനിയുണ്ടാവാതിരിക്കാൻ പ്രത്യേക ശ്രദ്ധ വേണമെന്നും മോദി മുന്നറിയിപ്പ് നൽകി. കൊവിഡ് അവലോകന യോഗത്തിന് ശേഷം രാജ്യത്തെ അഭിസംബോധന ചെയ്യുകയായിരുന്നു പ്രധാനമന്ത്രി. വാക്‌സിൻ തന്നെയാണ് എറ്റവും വല്യ ആയുധം. വാക്സിനെക്കുറിച്ചുള്ള വ്യാജ പ്രചാരണങ്ങൾ തടയണം. രോഗ പ്രതിരോധ പ്രവർത്തനങ്ങൾക്ക് ചുക്കാൻ പിടിക്കുന്ന ആരോഗ്യപ്രവർത്തകർക്കും ആശാ വർക്കർമാർക്കും പ്രധാനമന്ത്രി നന്ദി പറഞ്ഞു. ആഘോഷങ്ങൾ വരുന്ന സാഹചര്യത്തിൽ…

  യുപി തെരഞ്ഞെടുപ്പിൽ ആദ്യ ഘട്ട സ്ഥാനാർഥി പട്ടിക കോൺഗ്രസ് പ്രഖ്യാപിച്ചു. യുപിയുടെ ചുമതലയുള്ള പാർട്ടി ജനറൽ സെക്രട്ടറി പ്രിയങ്ക ഗാന്ധിയാണ് സ്ഥാനാർഥി പട്ടിക പ്രഖ്യാപിച്ചത്. പട്ടികയിൽ ഏറ്റവും ശ്രദ്ധ നേടുന്നത് ഉന്നാവിലെ സ്ഥാനാർഥിയാണ്. ഉന്നാവിൽ കുൽദീപ് സിംഗ് സെംഗാർ എന്ന ബിജെപി എംഎൽഎ ബലാത്സംഗത്തിന് ഇരയാക്കിയ പെൺകുട്ടികളുടെ അമ്മയാണ് കോൺഗ്രസിന്റെ സ്ഥാനാർഥി 125 പേരുടെ പട്ടികയാണ് പുറത്തിറക്കിയത്. സ്ഥാനാർഥികളിൽ 50 പേരും സ്ത്രീകളാണ്. സ്ത്രീകൾക്കും യുവാക്കൾക്കും പ്രാധാന്യം നൽകിയാണ് സ്ഥാനാർഥി പട്ടിക തയ്യാറാക്കിയതെന്ന് പ്രിയങ്ക ഗാന്ധി…

  രാജ്യത്ത് കൊവിഡിന്റെ മൂന്നാം വ്യാപനം അതിരൂക്ഷമാകുന്നു. പ്രതിദിന കൊവിഡ് വർധനവ് രണ്ട് ലക്ഷം പിന്നിട്ടു. കഴിഞ്ഞ 24 മണിക്കൂറിനിടെ 2,47,417 പേർക്കാണഅ കൊവിഡ് സ്ഥിരീകരിച്ചത്. ഇന്നലത്തേക്കാൾ 27 ശതമാനം വർധനവാണ് കേസുകളിലുണ്ടായിരിക്കുന്നത് ഇന്നലെ 1.97 ലക്ഷം പേർക്കായിരുന്നു കൊവിഡ് സ്ഥിരീകരിച്ചത്. ഒരു ദിവസത്തിനിടെ രണ്ടര ലക്ഷത്തിലേക്കാണ് കേസുകൾ കുതിക്കുന്നത്. 24 മണിക്കൂറിനിടെ 380 പേർ കൊവിഡ് ബാധിച്ച് മരിച്ചു. 13.11 ശതമാനമാണ് രാജ്യത്തെ ടെസ്റ്റ് പോസിറ്റിവിറ്റി നിരക്ക്. നിലവിൽ 11,17,531 പേരാണ് ചികിത്സയിൽ കഴിയുന്നത്. അതേസമയം…

  കേന്ദ്ര വാർത്താ വിനിമയ മന്ത്രാലയത്തിന്റെ ട്വിറ്റർ അക്കൗണ്ട് ഹാക്ക് ചെയ്യപ്പെട്ടു. ഹാക്കർ അക്കൗണ്ടിൻരെ പേര് ഇലൺ മസ്‌ക് എന്നാക്കുകയും ഗ്രേറ്റ് ജോബ് എന്ന് ട്വീറ്റ് ചെയ്യുകയും ചെയ്തു. അതേസമയം കുറച്ചു സമയങ്ങൾക്കുള്ളിൽ തന്നെ ട്വിറ്റർ അക്കൗണ്ട് തിരിച്ചെടുത്തു. ഹാക്കറുടെ ട്വീറ്റുകൾ ഡിലീറ്റ് ചെയ്യുകയും പ്രൊഫൈൽ പിക്ചർ വീണ്ടെടുക്കുകയും ചെയ്തു. ഹാക്കറെ കണ്ടെത്താനായിട്ടില്ല.ചില ലിങ്കുകളും ഹാക്കർ അക്കൗണ്ടിൽ നിന്ന് പങ്കു വെച്ചിരുന്നു. പ്രധാനമന്ത്രി നരേന്ദ്ര മോദിയുടെ ട്വിറ്റർ അക്കൗണ്ട് ഹാക്ക് ചെയ്ത് ഒരു മാസം പിന്നിടവെയാണ് കേന്ദ്ര…

  കർഷകരെ പേടിച്ച് പഞ്ചാബിലെ മേൽപ്പാലത്തിൽ പ്രധാനമന്ത്രി നരേന്ദ്രമോദിയുടെ വാഹനവ്യൂഹം 20 മിനിറ്റോളം കുടുങ്ങിക്കിടന്ന സംഭവം ജസ്റ്റിസ് ഇന്ദു മൽഹോത്രയുടെ മേൽനോട്ടത്തിലുള്ള പ്രത്യേക സമിതി അന്വേഷിക്കും. സുപ്രീം കോടതിയാണ് ഇക്കാര്യം അറിയിച്ചത്. ദേശീയ അന്വേഷണ ഏജൻസി ഉദ്യോഗസ്ഥരും പഞ്ചാബ് പോലീസ് ഉദ്യോഗസ്ഥരും അന്വേഷണ സമിതിയിലുണ്ടാകും ചോദ്യങ്ങൾ ഏതെങ്കിലും ഒരു വശത്തുള്ള അന്വേഷണത്തിൽ അവശേഷിക്കുന്നില്ലെന്നും സ്വതന്ത്ര അന്വേഷണമാണ് ആവശ്യമെന്നും സുപ്രീം കോടതി വ്യക്തമാക്കി. സുരക്ഷാ വീഴ്ചയുടെ കാരണം, ഉത്തരവാദികൾ, ഭാവിയിൽ ഇത്തരം സംഭവങ്ങൾ ആവർത്തിക്കാതിരിക്കാനുള്ള നടപടികൾ എന്നിവയൊക്കെ സമിതിയുടെ…

  ആന്ധ്രാപ്രദേശിലെ നൽഗൊണ്ടയിൽ കാളിക്ഷേത്രത്തിലെ വിഗ്രഹത്തിന് മുന്നിൽ മനുഷ്യന്റെ വെട്ടിയെടുത്ത തല കണ്ടെത്തി. വിഗ്രഹത്തിന്റെ കാൽചുവട്ടിൽ ഏകദേശം 30 വയസ്സ് പ്രായം തോന്നിക്കുന്ന പുരുഷന്റെ തലയാണ് കണ്ടത്. നരബലിയാണെന്നാണ് സംശയം പ്രദേശത്ത് താമസിക്കുന്ന ആരുടേതുമല്ല ശിരസ്സെന്ന് പോലീസ് പറയുന്നു. ഹൈദരാബാദിനും നാഗാർജുന സാഗറിനും ഇടയിലുള്ള ദേശീയപാതക്ക് സമീപത്താണ് ചിന്തപ്പള്ളി കാളി ക്ഷേത്രം സ്ഥിതി ചെയ്യുന്നത്. വേറെയെവിടെയെങ്കിലും കൊല നടത്തി തല ഇവിടെ കൊണ്ടുവന്ന് ഉപേക്ഷിച്ചതാകാമെന്ന സംശയത്തിലാണ് പോലീസ്.