National

കോവിഡി സ്ഥിരീകരിച്ചതിനെ തുടർന്ന് ചികിത്സയിലിരിക്കെ കെട്ടിടത്തിൽ നന്നും ചാടി ആത്മഹത്യക്ക് ശ്രമിച്ച മാധ്യമ പ്രവർത്തകൻ മരിച്ചു.ഹിന്ദി ദിനപത്രമായ ദൈനിക് ഭാസ്‌കറിലെ തരുൺ സിസോദിയയാണ് ഡൽഹിയിലെ എയിംസ് ആശുപത്രിയിൽമരിച്ചത്. തിങ്കളാഴ്ച ഉച്ചയോടെ ആശുപത്രിയിലെ നാലാം നിലയിൽ നിന്ന് ചാടിയ ഇദ്ദേഹം വൈകീട്ടോടെ മരിക്കുകയായിരുന്നു. 37 വയസ്സായിരുന്നു. ജൂൺ 24 ന് രോഗം സ്ഥിരീകരിച്ചത് മുതൽ ഇദ്ദേഹം മാനസിക വിഷമത്തിലായിരുന്നുവെന്നാണ് റിപ്പോർട്ടുകൾ. ഗുരുതര പരിക്കുകളോടെ ഇയാളെ ഐസിയുവിൽ പ്രവേശിപ്പിച്ചെങ്കിലും ജീവൻ രക്ഷിക്കാനായില്ല. രോഗമുക്തി നേടുന്ന ഘട്ടത്തിലായിരുന്നു തരുൺ ഉണ്ടായിരുന്നതെന്നും ആശുപത്രി…

12വയസ്സുകാരിയെ ബലാല്‍സംഗം ചെയ്ത കേസില്‍ 14 കാരനെ പോലിസ് അറസ്റ്റ് ചെയ്തു. ഉത്തര്‍പ്രദേശിലെ ഗ്രേറ്റര്‍ നോയ്ഡയിലാണ് സംഭവം. പരസ്പരം അടുത്തറിയാവുന്നവരാണ് രണ്ടു പേരുമെന്ന് പോലിസ് പറഞ്ഞു. ജൂലൈ നാലിനാണ് സംഭവം നടന്നത്. അതിനു ശേഷം പ്രതി തൊട്ടടുത്ത വനത്തിലേക്ക് ഒളിവില്‍ പോയെന്ന് ഡപ്യൂട്ടി കമ്മീഷണര്‍(വുമണ്‍ സെല്‍) വന്ദന ശുക്ല പറഞ്ഞു. പ്രതിക്കെതിരെ പോലിസ് കേസെടുത്തിട്ടുണ്ട്. നിയമനടപടികള്‍ തുടരുന്നതായും ഡിസിപി പറഞ്ഞു.

തിരുപ്പതിയിൽ ജെ സി ബി ഉപയോഗിച്ച് കൊവിഡ് ബാധിച്ച് മരിച്ചയാളുടെ മൃതദേഹം കുഴിയിലേക്ക് തട്ടിയത് വിവാദമാകുന്നു . മൃതദേഹം പൊക്കിയിടുന്ന വീഡിയോ സോഷ്യല്‍ മീഡിയയില്‍ വൈറലായിരിക്കുകയാണ്. ഒരു പ്രാദേശിക ചാനലാണ് വിവരം പുറത്തുകൊണ്ടുവന്നത്. തിരുപ്പതിയ്ക്കടുത്തുള്ള ഗ്രാമത്തിലെ 50 വയസ്സുകാരനായ ഒരാളാണ് കൊവിഡ് വന്ന് മരിച്ചത്. രോഗബാധയുണ്ടായതിനെ തുടര്‍ന്ന് ശ്രീ വെങ്കിടേശ്വര രാം നാരായണ റൂയി ആശുപത്രിയില്‍ കഴിഞ്ഞ ആഴ്ച അദ്ദേഹത്തെ പ്രവേശിപ്പിച്ചു. തിങ്കളാഴ്ച രോഗം മൂര്‍ച്ഛിച്ച് മരിച്ചു. പിപിഇ കിറ്റും മാസ്‌കും ധരിച്ച മുനിസിപ്പല്‍ ജീവനക്കാരാണ് മൃതദേഹം…

ചലചിത്ര നടിയും എംപിയുമായ സുമലതക്ക് കൊവിഡ് സ്ഥിരീകരിച്ചു. സുമലത തന്നെയാണ് ഇക്കാര്യം ഫേസ്ബുക്ക് വഴി അറിയിച്ചത്. ജുലൈ നാലിന് തലവേദനയും തൊണ്ട വേദനയെയും തുടര്‍ന്ന് ഡോക്ടറെ സമീപിച്ചു. സ്രവം പരിശോധനക്ക് അയച്ചു. ഇന്ന് കൊവിഡ് സ്ഥിരീകരിച്ചുവെന്നും ഇവര്‍ പറയുന്നു മാണ്ഡ്യയില്‍ നിന്നുള്ള ലോക്‌സഭാംഗമാണ് സുമലത. ഒരുകാലത്ത് ദക്ഷിണേന്ത്യന്‍ സിനിമകളിലെ മുന്‍നിര നായികയായിരുന്നു ഇവര്‍. മലയാളത്തില്‍ ഉള്‍പ്പെടെ നിരവധി ചിത്രങ്ങളില്‍ അഭിനയിച്ചിട്ടുണ്ട്.

മകന്‍ മരിച്ചതിനെ തുടര്‍ന്ന് വിധവയായ 22കാരിയായ യുവതിയെ ഭര്‍തൃപിതാവ് വിവാഹം ചെയ്തു. ഛത്തിസ്ഗഢിലെ ബിലാസ്പൂരിലാണ് സംഭവം. കൃഷ്ണസിംഗ് രാജ്പുത് എന്നയാളാണ് മരുമകളായ ആരതിയെ വിവാഹം ചെയ്തത്. രണ്ട് വര്‍ഷം മുമ്പാണ് കൃഷ്ണസിംഗിന്റെ മകന്‍ മരിക്കുന്നത്. ഇതിന് ശേഷം ഭര്‍തൃപിതാവിന്റെ സംരക്ഷണയിലായിരുന്നു യുവതി കഴിഞ്ഞിരുന്നത്. ആരതിയുടെ ജീവിതത്തെയും ഭാവിയെയും ഓര്‍ത്ത് ആശങ്കയുണ്ടായപ്പോഴാണ് സമുദായത്തിന്റെ കൂടി നിര്‍ബന്ധത്തോടെ കൃഷ്ണസിംഗ് വിവാഹം ചെയ്യാന്‍ തീരുമാനിച്ചത്. 2016ലാണ് 18 വയസ്സുകാരിയായ ആരതിയെ കൃഷ്ണസിംഗിന്റെ മകന്‍ ഗൗതം വിവാഹം ചെയ്തത്. 2018ല്‍ ഗൗതം മരിച്ചു….

ചൈനീസ് ആപ്പുകളുടെ കടന്നുകയറ്റത്തെ നിരോധിച്ചു കൊണ്ടുള്ള ഒരു ഡിജിറ്റൽ സർജിക്കൽ സ്ട്രൈക്കായിരുന്നു ഇന്ത്യ ചൈനയ്‌ക്കെതിരെ സ്വീകരിച്ച ആദ്യ നടപടി. വിവരം ചോർത്തുന്നതടക്കമുള്ള മുന്നറിയിപ്പുകളെ മുൻനിർത്തിയാണ് സർക്കാർ ഈ ധീരമായ നടപടി സ്വീകരിച്ചത്. ജനപ്രിയമായ ടിക് ടോക്ക് ഉൾപ്പടെ 59തോളം ചൈനീസ്ആപ്പുകളെയാണ് ഇന്ത്യ നിരോധിച്ചത്. ടിക് ടോക്കിനേറ്റ നിരോധനം ഫലത്തിൽ ഇന്ത്യൻ നിർമ്മിത ആപ്പുകൾക്ക് അനുഗ്രഹം ആയിരിക്കുകയാണ്. അത്തരത്തിൽ കോളടിച്ച ഒരാപ്പാണ് ചിങ്കാരി. ടിക് ടോക്ക് നിരോധിച്ച ശേഷം ഇതുവരെ പത്ത് ലക്ഷത്തോളം ഡൗൺലോഡുകളാണ് ഗൂഗിൾ പ്ളേസ്റ്റോറിൽചിങ്കാരിക്ക് ഉണ്ടായിരിക്കുന്നത്….

കൊവിഡ് രൂക്ഷമായ സാഹചര്യത്തിൽ താജ്മഹൽ ഉൾപ്പെടെയുള്ള സ്മാരകങ്ങൾ തുറക്കേണ്ടതില്ലെന്ന് തീരുമാനം. താജ്മഹലിനൊപ്പം ആഗ്ര കോട്ട, അക്ബർ തോംബ് തുറങ്ങിയവ തുറക്കില്ലെന്ന് ജില്ലാ മജിസ്ട്രേറ്റ് അറിയിച്ചു. ആർക്കിയോളജിക്കൽ സർവേ ഓഫ് ഇന്ത്യയുടെ കീഴിൽ വരുന്ന രാജ്യത്തെ എല്ലാ സ്മാരകങ്ങളും ഇന്ന് മുതൽ തുറക്കാനായിരുന്നു തീരുമാനിച്ചിരുന്നത്. എന്നാൽ ആഗ്രയിൽ സ്ഥിതി രൂക്ഷമാകുന്ന സാഹചര്യത്തിൽ താജ്മഹൽ ഉൾപ്പെടെ തുറന്നു നൽകേണ്ടതില്ലെന്നാണ് തീരുമാനം. അതേസമയം, ഡൽഹി ഉൾപ്പെടെയുള്ള നഗരങ്ങളിലെ സ്മാരങ്ങൾ ഇന്നു മുതൽ പ്രവർത്തിക്കും. സുരക്ഷാ മുൻകരുതലുകളോടെയും നിയന്ത്രണങ്ങളോടെയും ആയിരിക്കും സ്മാരകങ്ങൾ പൊതുജനങ്ങൾക്കായി…

കേന്ദ്രസര്‍ക്കാരില്‍ നിന്നും അറിയിപ്പ് ലഭിക്കുന്നതുവരെ വൈദ്യുതമേഖലയിലേക്ക് ചൈനയില്‍ നിന്നുള്ള ഇറക്കുമതിക്ക് വിലക്കേര്‍പ്പെടുത്തുന്നതായി കേന്ദ്രവൈദ്യുതിമന്ത്രി ആര്‍ കെ സിംഗ്. വൈദ്യുതി ഉല്‍പ്പാദനം, വിതരണം മുതലായവയ്ക്കായി ചൈനയില്‍ നിന്നും ഇറക്കുമതി ചെയ്യുന്ന ഉപകരണങ്ങള്‍ക്കാണ് ഇന്ത്യ താല്‍ക്കാലികമായി വിലക്കേര്‍പ്പെടുത്തിയത്. ഇന്ത്യ- ചൈന സംഘര്‍ഷ പശ്ചാത്തലത്തില്‍ ചൈനയില്‍ നിന്നും ഇറക്കുമതി ചെയ്യുന്ന ഉപകരണങ്ങള്‍ ട്രോജന്‍ കുതിരകള്‍ക്ക് സമാനമായ ഫലമുണ്ടാക്കിയേക്കുമെന്ന സംശയത്താലാണ് നിരോധനമേര്‍പ്പെടുത്തുന്നതെന്ന് മന്ത്രി വ്യക്തമാക്കി. രാജ്യത്തെ വൈദ്യുതമേഖലയെയാകെ പ്രതിസന്ധിയിലാക്കാന്‍ ചൈന നീക്കം നടത്താതിരിക്കാനുള്ള മുന്‍കരുതല്‍ എന്ന നിലയ്ക്കാണ് നിരോധനം. 2018-19 വര്‍ഷത്തില്‍ 71,000…

രാജ്യത്ത് പ്രതിദിന കോവിഡ് കേസുകളില്‍ വന്‍ വര്‍ധന. ഒരു ദിവസത്തിനിടെ കാല്‍ ലക്ഷത്തിനടുത്ത് പുതിയ രോഗികള്‍. 24 മണിക്കൂറിനിടെ രോഗം സ്ഥിരീകരിച്ചത് 24850 പേര്‍ക്കാണ്. പ്രതിദിന മരണ നിരക്കിലും വന്‍ വര്‍ധന. 24 മണിക്കൂറിനിടെ രാജ്യത്ത് കോവിഡ് ബാധിച്ച് 613 പേര്‍ മരിച്ചു. ആകെ 6,73,165 പേര്‍ക്കാണ് രാജ്യത്ത് കോവിഡ് സ്ഥിരീകരിച്ചത്. റഷ്യയിലെ കേസുകളുമായി താരതമ്യം ചെയ്യുമ്പോള്‍ 800 കേസുകള്‍ മാത്രം അകലെ. ഇപ്പോള്‍ കോവിഡ് ഏറ്റവും ബാധിച്ച രാജ്യങ്ങളുടെ പട്ടികയില്‍ നാലാമതാണ് ഇന്ത്യ. മൂന്നാമത് റഷ്യയും….

മകന്‍ കൊവിഡ് ബാധിച്ച് മരിച്ചതില്‍ മനം നൊന്ത് മാതാപിതാക്കള്‍ ആത്മഹത്യ ചെയ്തു. ഒഡീഷയിലെ ഗഞ്ചാം ജില്ലയിലാണ് സംഭവം. നാരായണ്‍പൂര്‍ സസന്‍ ഗ്രാമവാസികളായ രാജ്കിഷോര്‍ സതാപതി, ഭാര്യ സുലോചന സതാപതി എന്നിവരാണ് മരിച്ചത് ഇവരുടെ മകന്‍ സിമാഞ്ചല്‍ സതാപതിയാണ് കൊവിഡ് ബാധിച്ച് മരിച്ചത്. ആരോഗ്യപ്രവര്‍ത്തകനായിരുന്ന സിമാഞ്ചല്‍ ജൂലൈ ഒന്നിനാണ് പനി ബാധിച്ച് ആശുപത്രിയിലെത്തിയത്. ജൂലൈ രണ്ടിന് രോഗം സ്ഥിരീകരിച്ചു. തൊട്ടടുത്ത ദിവസം തന്നെ രോഗം മൂര്‍ച്ഛിക്കുകയും മരിക്കുകയുമായിരുന്നു. മകന്റെ മരണവാര്‍ത്ത കേട്ടയുടനെ രാജ്കിഷോര്‍ വീടിന് സമീപത്ത മരത്തില്‍ തൂങ്ങിമരിച്ചു….