National

  മുൻവൈരാഗ്യം: മുംബൈയിൽ യുവാവിനെ കൊലപ്പെടുത്തിയ കേസിൽ രണ്ട് യുവതികൾ അറസ്റ്റിൽ മുംബൈയിൽ യുവാവിനെ കൊലപ്പെടുത്തിയ കേസിൽ രണ്ട് യുവതികൾ അറസ്റ്റിൽ. ചെമ്പൂർ സ്വദേശി സുനിൽ ജാംബുൽക്കറെന്ന 33കാരനാണ് കൊല്ലപ്പെട്ടത്. ഉഷാ മാനെ(22), കരുണ മാനെ(25) എന്നീ യുവതികളാണ് പിടിയിലായത്. മുൻ വൈരാഗ്യത്തെ തുടർന്നായിരുന്നു കൊലപാതകം. കഴിഞ്ഞ ദിവസം ഇരുവരും ചേർന്ന് യുവാവിനെ വിളിച്ചു വരുത്തുകയും വടിയുപയോഗിച്ച് മർദിക്കുകയുമായിരുന്നു. മർദനമേറ്റ യുവാവ് ബോധരഹിതനായതോടെ കഴുത്തുഞെരിച്ച് കൊലപ്പെടുത്തി.

ഡൽഹി അന്താരാഷ്ട്ര വിമാനത്താവളത്തിൽ ബോംബ് ഭീഷണി. അൽ-ഖ്വയിദ സംഘടനയുടെ പേരിൽ ഇന്നലെ ഭീഷണിക്കത്ത് ലഭിച്ചതായി ഡൽഹി പൊലീസ് അറിയിച്ചു. സിംഗപ്പൂരിൽ നിന്ന് രണ്ട് ഭീകരർ ഇന്ത്യയിലേക്ക് വരുമെന്നും മൂന്ന് ദിവസത്തിനുള്ളിൽ ഡൽഹി വിമാനത്താവളത്തിൽ ബോംബ് വയ്ക്കുമെന്നും കത്തിലുണ്ട്. വിമാനത്താവളത്തിന്റെ സുരക്ഷ കർശനമാക്കി. സ്വാതന്ത്ര്യദിനം ആഘോഷിക്കാനിരിക്കുന്ന ഘട്ടത്തിലാണ് ബോംബ് ഭീഷണി. കത്തിന്റെ പശ്ചാത്തലത്തിൽ എയർപോർട്ട് ഓപ്പറേഷൻ കൺട്രോൾ സെല്ലിന് ഡൽഹി പൊലീസ് അറിയിപ്പ് നൽകിയിട്ടുണ്ട്.

കൊവിഡ് വാക്‌സിനുകളായ കൊവാക്‌സിനും കൊവിഷീൽഡും മിക്‌സ് ചെയ്തുള്ള പരീക്ഷണം മികച്ച ഫലമാണ് കാഴ്ചവെച്ചതെന്ന് ഐസിഎംആർ. ഉത്തർപ്രദേശിൽ അബദ്ധത്തിൽ രണ്ട് വാക്‌സിനുകൾ ലഭിച്ച 18 വ്യക്തികളിൽ നടത്തിയ പഠനത്തിലാണ് ഈ കണ്ടെത്തൽ. വാക്‌സിൻ മിശ്രിതം സുരക്ഷിതമാണെന്നും പ്രതിരോധ ശേഷി വർധിപ്പിക്കുമെന്നും പഠനത്തിൽ പറയുന്നു. നിലവിൽ ഒരേ വാക്‌സിന്റെ തന്നെ രണ്ട് ഡോസുകൾ നൽകുന്ന രീതിയാണ് ഇന്ത്യ പിന്തുടരുന്നത്. എന്നാൽ യുപിയിൽ അബദ്ധത്തിൽ 18 പേർക്ക് ആദ്യ ഡോസ് കൊവിഷീൽഡും രണ്ടാം ഡോസ് കൊവാക്‌സിനുമാണ് നൽകിയത്. എന്നാൽ ഇവരിൽ പ്രതിരോധ…

ഉത്തരാഖണ്ഡിൽ മണ്ണിടിച്ചിലിൽ ഹോട്ടൽ കെട്ടിടം തകർന്നുവീണു. എൻടിപിസി തുരങ്കത്തിന് മുകളിൽ നിർമ്മിച്ച ഹോട്ടൽ കെട്ടിടമാണ് തകർന്നുവീണത്. ഉത്തരാഖണ്ഡിലെ ജോഷിമാത് ഗ്രാമത്തിലാണ് സംഭവം. രണ്ടാഴ്ച മുമ്പാണ് ഇവിടെ തുടർച്ചയായി പല ഭാഗങ്ങളിലും മണ്ണിടിച്ചിലുണ്ടായത്. മണ്ണിടിച്ചിലിന് പിന്നാലെ കെട്ടിടത്തിൽ വിള്ളലുകൾ വീണിരുന്നു. അപകടസാധ്യത മുന്നിൽ കണ്ട് പൊലീസും എസ്ഡിആർഎഫും ചേർന്ന് ഹോട്ടലിലുണ്ടായിരുന്നവരെ ഒഴിപ്പിച്ചതിനാൽ വലിയ അപകടം ഒഴിവായി.

അഫ്ഗാനിസ്ഥാനിൽ യു എസ് വ്യോമസേന നടത്തിയ ആക്രമണത്തിൽ താലിബാന് കനത്ത ആൾനഷ്ടം. ഷെബർഗാൻ നഗരത്തിലെ താലിബാന്റെ ഒളിത്താവളങ്ങൾ ലക്ഷ്യമിട്ട് നടത്തിയ ആക്രമണത്തിൽ 200ലധികം ഭീകരർ കൊല്ലപ്പെട്ടതായി അഫ്ഗാൻ പ്രതിരോധ മന്ത്രാലയം അറിയിച്ചു ഷബർഗാൻ നഗരത്തിൽ വ്യോമസേന നടത്തിയ ആക്രമണത്തിൽ 200ലധികം തീവ്രവാദികൾ കൊല്ലപ്പെട്ടു. വ്യോമാക്രമണത്തിൽ താലിബാന്റെ വലിയ ആയുധശേഖരവും വെടിക്കോപ്പുകളും നൂറിലധികം വാഹനങ്ങളും തകർക്കപ്പെട്ടുവെന്ന് മന്ത്രാലയം ഉദ്യോഗസ്ഥൻ ഫവദ് അമൻ ട്വീറ്റ് ചെയ്തു. ഇന്നലെ വൈകുന്നേരം ആറരയോടെയാണ് ആക്രമണം നടന്നത്. കഴിഞ്ഞ ദിവസം ഷബർഗാൻ നഗരം താലിബാൻ…

കാമുകി വിവാഹം കഴിക്കാന്‍ വിസമ്മതിച്ചതിനെ തുടര്‍ന്ന് യുവാവ് ഫേസ്ബുക്കില്‍ ലൈവിട്ട ശേഷം ആത്മഹത്യ ചെയ്തു. മഹാരാഷ്ട്ര താനെ ജില്ലയിലെ കല്യാണ്‍ സ്വദേശിയായ യുവാവാണ് തൂങ്ങിമരിച്ചതെന്ന് പി.ടി.ഐ റിപ്പോര്‍ട്ട് ചെയ്യുന്നു. പെണ്‍കുട്ടിയുമായി കഴിഞ്ഞ മൂന്നു വര്‍ഷമായി പ്രണയത്തിലായിരുന്നുവെന്നും സാമ്പത്തിക സഹായം പോലും നല്‍കിയിട്ടുണ്ടെന്നും യുവാവ് വീഡിയോയില്‍ പറയുന്നു. കഴിഞ്ഞ ആഴ്ച ഇരുവരും തമ്മില്‍ വഴക്കുണ്ടായതായും പ്രാഥമിക അന്വേഷണത്തില്‍ തെളിഞ്ഞിട്ടുണ്ട്. വഴക്കിനൊടുവില്‍ യുവാവിനോട് യുവതി പോയി മരിക്കാന്‍ ആവശ്യപ്പെട്ടുവെന്നും തുടര്‍ന്നാണ് യുവാവ് ജീവനൊടുക്കിയതെന്നും പൊലീസ് പറഞ്ഞു. സംഭവത്തില്‍ പൊലീസ് അപകടമരണത്തിന്…

ഡൽഹി: ഒറ്റ ഡോസ് കാവിഡ് വാക്സിന് ഇന്ത്യയിൽ അ നുമതി. അമേരിക്കൻ കമ്പനിയായ ജോൺസൺ ആൻ ഡ് ജോൺസൺ വാക്സിൻ ആണ് രാജ്യത്ത് അടിയന്തര ഉപയോഗത്തിന് അനുമതി നൽകിയത്. ഇതോടെ ഇന്ത്യ യിൽ അടിയന്തര ഉപയോഗത്തിന് അനുമതി ലഭിച്ച അ ഞ്ചാമത്തെ വാക്സിനാണിതെന്ന് കേന്ദ്ര ആരോഗ്യമന്ത്രി മൻസൂഖ് മാണ്ഡവ്യ അറിയിച്ചു. അടിയന്തര ഉപയോഗത്തി ലുള്ള അനുമതിക്കായി വ്യാഴാഴ്ചയാണ് ജോൺസൺ ജോൺസൺ അപേക്ഷ നൽകിയത്. ഹൈദരാബാദ് ആ സ്ഥാനമായ ബയോളജിക്കൽ ഇ കമ്പനിയുമാണ് ഇന്ത്യ യിൽ വിതരണക്കരാർ.  

രാജസ്ഥാനിലെ ജയ്പൂരിൽ ബ്ലൂ ടൂത്ത് ഹെഡ് ഫോൺ പൊട്ടിത്തെറിച്ച് യുവാവ് മരിച്ചു. ഉദയപുര ഗ്രാമത്തിലെ രാകേഷ് കുമാർ എന്ന 28കാരനാണ് മരിച്ചത്. ഒരു മത്സര പരീക്ഷക്കായി തയ്യാറെടുക്കുന്നതിനിടെയാണ് ഹെഡ് ഫോൺ പൊട്ടിത്തെറിച്ചത് ഹെഡ്‌ഫോൺ ചാർജ് ചെയ്തു കൊണ്ട് തന്നെ ഉപയോഗിക്കുകയായിരുന്നു യുവാവ്. ഇതിനിടെയാണ് സ്‌ഫോടനമുണ്ടായത്. പൊട്ടിത്തെറി നടന്നതിന് പിന്നാലെ യുവാവ് ബോധരഹിതനായി. ആശുപത്രിയിൽ എത്തിച്ചെങ്കിലും ചികിത്സക്കിടെ മരിച്ചു.

  രാജസ്ഥാനിലെ ജയ്പൂരിൽ ബ്ലൂ ടൂത്ത് ഹെഡ് ഫോൺ പൊട്ടിത്തെറിച്ച് യുവാവ് മരിച്ചു. ഉദയപുര ഗ്രാമത്തിലെ രാകേഷ് കുമാർ എന്ന 28കാരനാണ് മരിച്ചത്. ഒരു മത്സര പരീക്ഷക്കായി തയ്യാറെടുക്കുന്നതിനിടെയാണ് ഹെഡ് ഫോൺ പൊട്ടിത്തെറിച്ചത് ഹെഡ്‌ഫോൺ ചാർജ് ചെയ്തു കൊണ്ട് തന്നെ ഉപയോഗിക്കുകയായിരുന്നു യുവാവ്. ഇതിനിടെയാണ് സ്‌ഫോടനമുണ്ടായത്. പൊട്ടിത്തെറി നടന്നതിന് പിന്നാലെ യുവാവ് ബോധരഹിതനായി. ആശുപത്രിയിൽ എത്തിച്ചെങ്കിലും ചികിത്സക്കിടെ മരിച്ചു.

അമിതാഭ് ബച്ചന്റെ വീട്ടിലും മുംബൈയിലെ മൂന്ന് റെയിൽവേ സ്റ്റേഷനുകളിലും ബോംബ് വച്ചതായി ഭീഷണി സന്ദേശം. മുംബൈയിലെ ഛത്രപതി ശിവാജി മഹാരാജ് ടെർമിനസ്, ബൈക്കുള, ദാദർ റെയിൽവേ സ്റ്റേഷനുകളിലും ജുഹുവിലുള്ള അമിതാഭ് ബച്ചന്റെ വീട്ടിലും ബോംബ് വച്ചതായായിരുന്നു സന്ദേശം. മുംബൈ പൊലീസിന്റെ പ്രധാന കൺട്രോൾ റൂമിൽ ഇന്നലെ രാത്രിയിലാണ് ഭീഷണി സന്ദേശം എത്തിയത്. ഫോൺ കോൾ ലഭിച്ചതോടെ പൊലീസും ആർപിഎഫും ബോംബ് സ്‌ക്വാഡും ഡോഗ് സ്‌ക്വാഡും ഉടൻ തന്നെ പരിശോധന നടത്തി. എന്നാൽ സംശയാസ്പദമായി ഒന്നും കണ്ടെത്താൻ സാധിച്ചില്ല….