National

ബംഗളൂരുവിൽ കഴിഞ്ഞ അഞ്ച് ദിവസത്തിനിടെ കൊവിഡ് സ്ഥിരീകരിച്ചത് 242 കുട്ടികൾക്ക്. ഇതോടെ മൂന്നാം തരംഗത്തിന്റെ സാധ്യത പരിശോധിക്കുകയാണ് വിദഗ്ധർ. മൂന്നാം തരംഗം കൂടുതലും കുട്ടികളെ ബാധിക്കുമെന്നായിരുന്നു വിലയിരുത്തൽ നഗരത്തിൽ കൊവിഡിന്റെ മൂന്നാം തരംഗം ആരംഭിച്ചതായി ആരോഗ്യവിദഗ്ധർ മുന്നറിയിപ്പ് നൽകുന്നു. 9 വയസ്സിൽ താഴെയുള്ള 106 കുട്ടികൾക്കും 9നും 19നും ഇടയിൽ പ്രായമുള്ള 136 കുട്ടികൾക്കുമാണ് കൊവിഡ് സ്ഥിരീകരിച്ചത്. അടുത്ത ദിവസങ്ങളിൽ കൊവിഡ് ബാധിക്കുന്ന കുട്ടികളുടെ എണ്ണം മൂന്നിരട്ടി വരെ ഉയരാമെന്നും മുന്നറിയിപ്പുണ്ട്.

ഹിമാചൽപ്രദേശിലെ കിനൗറിൽ മണ്ണിടിച്ചിലിൽ മരിച്ചവരുടെ എണ്ണം 11 ആയി. പത്ത് പേരെ രക്ഷപ്പെടുത്തി. 30ഓളം പേർ മണ്ണിനടിയിൽ കുടുങ്ങിക്കിടക്കുന്നതായാണ് വിവരം. റെക്കോങ്-ഷിംല ഹൈവേയിൽ ഉച്ചയ്ക്ക് 12.45ഓടെയാണ് മണ്ണിടിച്ചിലുണ്ടായത്. ട്രാൻസ്‌പോർട്ട് ബസ്, ഒരു ട്രക്ക്, കാറുകൾ തുടങ്ങിയ വാഹനങ്ങളാണ് മണ്ണിനടിയിലായത്. ബസിൽ മാത്രം 40 യാത്രക്കാരുണ്ടായിരുന്നു. ഐടിബിപി സേനാംഗങ്ങളും ദേശീയ ദുരന്തനിവാരണ സേനയും പോലീസും സംയുക്തമായി സംഭവസ്ഥലത്ത് തെരച്ചിൽ നടത്തുകയാണ്.

  ന്യൂഡൽഹി: സഭയുടെ മര്യാദ പാലിക്കാന്‍ ശക്തമായ നടപടികള്‍ ആലോചിക്കേണ്ടി വരുമെന്ന് ലോക്സഭ സ്പീക്കര്‍ ഓം ബിര്‍ള. എംപിമാര്‍ക്ക് എതിരെ സസ്പെഷനോ പുറത്താക്കല്‍ നടപടികളോ ക്രിമിനൽ നടപടിയോ എടുക്കാന്‍ ആഗ്രഹിക്കുന്നില്ല. അത്തരം സാഹചര്യം ഉണ്ടാകില്ലെന്ന് പ്രതീക്ഷിക്കുന്നതായും ഓം ബിര്‍ള പറഞ്ഞു. സഭയുടെ മര്യാദ പാലിക്കാൻ ആവശ്യമെങ്കിൽ ശക്തമായ നടപടികൾ ആലോചിക്കേണ്ടി വരും. സഭയുടെ മര്യാദ ലംഘിച്ചതിലുള്ള ദുഃഖമാണ് വെങ്കയ്യ നായിഡു രേഖപ്പെടുത്തിയതെന്നും ഓം ബിര്‍ള പറഞ്ഞു. പാര്‍ലമെന്‍റ് സമ്മേളനം കഴിഞ്ഞ തവണത്തെ പോലെ മുന്നോട്ട് പോകാനാണ് ഇത്തവണയും…

ഹരിയാനയിൽ സഹോദരിമാരായ രണ്ട് പെൺകുട്ടികളെ കൂട്ടബലാത്സംഗം ചെയ്ത ശേഷം കീടനാശിനി കുടിപ്പിച്ച് കൊലപ്പെടുത്തി. സോനിപത് ജില്ലയിലെ കുണ്ട്‌ലി പോലീസ് സ്‌റ്റേഷൻ പരിധിയിലാണ് സംഭവം. 14, 16 വയസ്സുള്ള പെൺകുട്ടികളെയാണ് നാലംഗ സംഘം കൂട്ടബലാത്സംഗം ചെയ്തതും നിർബന്ധിപ്പിച്ച് കീടനാശിനി കുടിപ്പിച്ച് കൊലപ്പെടുത്തിയതുംം ഇവരുടെ വീടിന് സമീപം താമസിക്കുന്ന ഇതര സംസ്ഥാന തൊഴിലാളികളാണ് കൃത്യം നടത്തിയത്. നാല് പേരെയും പോലീസ് അറസ്റ്റ് ചെയ്തിട്ടുണ്ട്. പെൺകുട്ടികളും അമ്മയും മാത്രമാണ് വീട്ടിലുണ്ടായിരുന്നത്. രാത്രിയിൽ അതിക്രമിച്ചു കയറി സംഘം അമ്മയെ ഭീഷണിപ്പെടുത്തിയ ശേഷം കുട്ടികളെ…

  ഹിമാചൽ പ്രദേശിലെ കിനൗറിൽ മണ്ണിടിച്ചിലിൽ 40ൽ അധികം പേരെ കാണാതായി. ബസടക്കമുള്ള വാഹനങ്ങൾക്ക് മുകളിലാണ് മണ്ണിടിഞ്ഞുവീണത്. നാൽപതോളം പേർ മണ്ണിനടിയിൽപ്പെട്ടതായാണ് വിവരം. ദേശീയപാത വഴി ഹരിദ്വാറിലേക്ക് പോകുകയായിരുന്ന ട്രാൻസ്‌പോർട്ട് ബസാണ് അപകടത്തിൽപ്പെട്ടത് ബസ് ഡ്രൈവറെ മാത്രമാണ് ഇതുവരെ കണ്ടെത്താനായത്. ഉയരത്തിൽ നിന്ന് ഉരുളൻ കല്ലുകൾ അടക്കമുള്ള മണ്ണ് താഴേക്ക് പതിക്കുയായിരുന്നു. ബസ് കൂടാതെ മറ്റ് വാഹനങ്ങളും മണ്ണിനടിയിൽപ്പെട്ടതായാണ് റിപ്പോർട്ട്.

കൊവിഡ് വാക്‌സിനുകളായ കൊവിഷീൽഡും കൊവാക്‌സിനും ഇടകലർത്തി പഠനം നടത്തുന്നതിന് ഡിസിജിഐയുടെ അംഗീകാരം. വെല്ലൂർ ക്രിസ്ത്യൻ മെഡിക്കൽ കോളജിലാകും ഇതിന്റെ പഠനവും ക്ലിനിക്കൽ പരീക്ഷണവും നടത്തുക. വെല്ലൂരിൽ 300 സന്നദ്ധ പ്രവർത്തകരിലാണ് പഠനം നടത്തുന്നത്. ഒരാൾക്ക് രണ്ട് വ്യത്യസ്ത ഡോസുകൾ നൽകുന്നത് ഫലപ്രാപ്തിയുണ്ടാക്കുമോയെന്നതാണ് ലക്ഷ്യമിടുന്നത്. ഒരു ഡോസ് കൊവിഷീൽഡും അടുത്ത ഡോസ് കൊവാക്‌സിനുമാണ് കുത്തിവെക്കുക. കൊവിഡിനെതിരെ വെവ്വേറെ വാക്‌സിനുകളുടെ ഓരോ ഡോസ് വീതം സ്വീകരിക്കുന്നത് പ്രതിരോധ ശേഷി കൂട്ടുമെന്ന് ഐസിഎംആർ പഠനം വ്യക്തമാക്കിയിരുന്നു.

  രാജ്യത്ത് കഴിഞ്ഞ 24 മണിക്കൂറിനിടെ 38,353 പേർക്ക് കൂടി കൊവിഡ് സ്ഥിരീകരിച്ചു. കഴിഞ്ഞ ദിവസത്തെ അപേക്ഷിച്ച് പതിനായിരത്തോളം രോഗികളുടെ വർധനവ് ഇന്നുണ്ടായിട്ടുണ്ട്. ചൊവ്വാഴ്ച 28,204 പേർക്കായിരുന്നു രോഗബാധ ഇന്നലെ സ്ഥിരീകരിച്ചതിൽ പകുതിയിലേറെയും കേരളത്തിൽ നിന്നുള്ള കേസുകളാണ്. 497 പേരാണ് ഒരു ദിവസത്തിനിടെ രാജ്യത്ത് കൊവിഡ് ബാധിച്ച് മരിച്ചത്. ടിപിആർ 2.16 ശതമാനമാണ്. കഴിഞ്ഞ 16 ദിവസമായി ടിപിആർ മൂന്ന് ശതമാനത്തിൽ താഴെയാണ്. രാജ്യത്ത് ഇതുവരെ 3,20,36,511 പേർക്കാണ് കൊവിഡ് സ്ഥിരീകരിച്ചത്. 4,29,179 പേർ കൊവിഡ് ബാധിച്ച്…

  53 കോടി രൂപയുടെ ഹെറോയിനുമായി ഡൽഹി വിമാനത്താവളത്തിൽ രണ്ട് അഫ്ഗാൻ സ്വദേശികൾ പിടിയിൽ. ഷാംപൂ കുപ്പികളിലാക്കി കടത്താൻ ശ്രമിച്ച 8 കിലോ ഹെറോയിനാണ് പിടികൂടിയത്. ടെഹ്‌റാനിൽ നിന്ന് ദുബൈ വഴി ഇന്ത്യയിലേക്ക് എത്തിയതാണ് ഇവർ ഹെയർ കളറിന്റെ 30 കുപ്പികളിലും ഷാംപുവിന്റെ രണ്ട് കുപ്പികളിലുമായിട്ടാണ് ഹെറോയിൻ കടത്താൻ ശ്രമിച്ചത്. ഡൽഹി വിമാനത്താവളം വഴി അടുത്തിടെ മയക്കുമരുന്ന് കടത്തൽ പതിവാണ്. 2020 ഡിസംബറിനും 2021 ജൂണിനും ഇടയിൽ മാത്രം 600 കോടി രൂപയുടെ ഹെറോയിനാണ് ഡൽഹിയിൽ പിടിച്ചെടുത്തത്….

കുട്ടികൾക്ക് എന്ന് വാക്‌സിൻ നൽകാനാകുമെന്ന കാര്യത്തിൽ ഇന്ത്യയിൽ ഇതുവരെ തീരുമാനമായിട്ടില്ല. ലോകത്തെ പല രാജ്യങ്ങളിലും 18 വയസ്സിൽ താഴെയുള്ളവർക്ക് വാക്‌സിനേഷൻ ആരംഭിച്ചിട്ടും ഇന്ത്യയിൽ ഇതിന് തീരുമാനം പോലുമാകാതെ നീളുകയാണ്. ഫ്രാൻസിൽ നിലിവിൽ 12 വയസ്സിന് മുകളിലുള്ള കുട്ടികളിലാണ് വാക്‌സിൻ നൽകുന്നത്. 12നും 17നും ഇടയിൽ പ്രായമുള്ള 40 ശതമാനം കുട്ടികളും വാക്‌സിൻ സ്വീകരിച്ചു കഴിഞ്ഞു. ഇതിനാൽ തന്നെ സ്‌കൂളുകളും ഫ്രാൻസിൽ പ്രവർത്തിച്ചു തുടങ്ങി. സ്‌പെയിനിലും 12 വയസ്സിന് മുകളിലുള്ള കുട്ടികളിൽ 40 ശതമാനം പേരും വാക്‌സിൻ സ്വീകരിച്ചു….