ന്യൂഡല്‍ഹി: സി ബി എസ് ഇ 10, 12 ക്ലാസുകളിലേക്കുള്ള രണ്ടാം ഘട്ട പരീക്ഷാ തീയതികള്‍ പ്രഖ്യാപിച്ചു. ഏപ്രില്‍ 26 മുതല്‍ പരീക്ഷ തുടങ്ങും. രാവിലെ പത്തര മുതല്‍ ഒറ്റ ഷിഫ്റ്റായിട്ടായിരിക്കും പരീക്ഷ നടത്തുക. പത്താം ക്ലാസ് പരീക്ഷ മെയ് 24 നും പന്ത്രണ്ടാം ക്ലാസ് പരീക്ഷ ജൂണ്‍ 15 നും അവസാനിക്കും. പരീക്ഷ സംബന്ധിച്ച കൂടുതല്‍ വിവരങ്ങള്‍ സി ബി എസ് ഇ വെബ്സൈറ്റില്‍ ലഭിക്കും. എന്നാല്‍, സി ബി എസ് ഇ 10,…
അഞ്ച് സംസ്ഥാനങ്ങളിലെ നിയമസഭാ തെരഞ്ഞെടുപ്പിലേറ്റ തിരിച്ചടിക്ക് പിന്നാലെ ജി 23 നേതാക്കൾ യോഗം ചേരാൻ ഒരുങ്ങുന്നു. നേതൃമാറ്റവുമായി ബന്ധപ്പെട്ട് നേരത്തെ സോണിയ ഗാന്ധിക്ക് കത്ത് നൽകിയ നേതാക്കളാണ് ഞായറാഴ്ചയോ ശനിയാഴ്ചയോ യോഗം ചേരാനിരിക്കുന്നത്. ആത്മപരിശോധനയുടെ സമയം കഴിഞ്ഞുവെന്നും ഇനി തീരുമാനമെടുക്കാനുള്ള സമയമാണെന്നും കോൺഗ്രസ് നേതാവ് പൃഥ്വിരാജ് ചൗഹാൻ പറഞ്ഞു. മുതിർന്ന കോൺഗ്രസ് നേതാവ് ഗുലാം നബി ആസാദിന്റെ വീട്ടിൽ വെച്ചായിരിക്കും യോഗം ചേരുക. ഈ തെരഞ്ഞെടുപ്പ് ഫലം വളരെയധികം അസ്വസ്ഥതപ്പെടുത്തുന്നു. എന്നാൽ ഫലം അപ്രതീക്ഷിതമായിരുന്നില്ല. ഞങ്ങളെടുത്ത തീരുമാനങ്ങൾക്ക്…
ശ്രീനഗര്‍: ജമ്മുകശ്മീരിൽ സൈനിക ഹെലികോപ്റ്റർ തകർന്ന് വീണു . ഗുറേസ് സെക്ടറിലാണ് അപകടമുണ്ടായത്. പൈലെറ്റും കോ പൈലെറ്റും സുരക്ഷിതരാണെന്നാണ് പ്രാഥമിക വിവരം. എന്നാല്‍ ഇതുസംബന്ധിച്ച് ഔദ്യോഗിക സ്ഥിരീകരണം ഇതുവരെ ഉണ്ടായിട്ടില്ല. പൈലറ്റിനും കോ പൈലറ്റിനും വേണ്ടിയുള്ള രക്ഷാപ്രവര്‍ത്തനം പുരോഗമിക്കുകയാണ്. കൂടുതല്‍ വിവരങ്ങള്‍ ലഭ്യമല്ല.
യുദ്ധം രൂക്ഷമായ യുക്രൈനിൽ നിന്നും ഇന്ത്യൻ വിദ്യാർഥികളെയെല്ലാം തിരികെ എത്തിച്ചു. സുമിയിൽ കുടുങ്ങിയ വിദ്യാർഥികളെയാണ് അവസാന ഘട്ടത്തിൽ തിരികെ എത്തിച്ചത്. ഇതോടെ യുക്രൈൻ രക്ഷാ ദൗത്യമായ ഓപറേഷൻ ഗംഗ പൂർത്തിയായി. വിവിധ നഗരങ്ങളിലായി കുടുങ്ങിക്കിടന്ന പതിനെട്ടായിരത്തോളം ഇന്ത്യൻ വിദ്യാർഥികളെയാണ് ഓപറേഷൻ ഗംഗ വഴി നാട്ടിലെത്തിച്ചത്. യുദ്ധം രൂക്ഷമായതോടെ ഭക്ഷണമോ വെള്ളമോ ഇല്ലാതെ ഇതിൽ പലരും ബങ്കറുകളിലും മറ്റുമാണ് കഴിഞ്ഞിരുന്നത്. കിലോമീറ്ററുകൾ നടന്നുമൊക്കെയാണ് മലയാളികൾ അടക്കമുള്ള വിദ്യാർഥികൾ അതിർത്തി കടന്നത്
അഞ്ച് സംസ്ഥാനങ്ങളിലെ നിയമസഭ തെരഞ്ഞെടുപ്പിലെ തോൽവിക്ക് പിന്നാലെ കോൺഗ്രസ് ദേശീയ നേതൃത്വനെതിരെ രൂക്ഷ വിമർശനവുമായി ശശി തരൂർ എംപി. ഇന്ത്യൻ നാഷണൽ കോൺഗ്രസിൽ വിശ്വസിക്കുന്ന നമ്മളെല്ലാം ഇക്കഴിഞ്ഞ നിയമസഭാ തെരഞ്ഞെടുപ്പു ഫലങ്ങളിൽ വേദനിക്കുന്നുണ്ട്- അദ്ദേഹം പറഞ്ഞു. കോൺഗ്രസ് നിലകൊള്ളുന്ന ഇന്ത്യയുടെ ആശയവും അത് രാഷ്ട്രത്തിന് നൽകുന്ന പോസിറ്റീവ് അജണ്ടയും വീണ്ടും ഉറപ്പിക്കുകയും ആ ആശയങ്ങളെ വീണ്ടും ജ്വലിപ്പിക്കുകയും ജനങ്ങളെ പ്രചോദിപ്പിക്കുകയും ചെയ്യുന്ന രീതിയിൽ നമ്മുടെ സംഘടനാ നേതൃത്വത്തെ നവീകരിക്കേണ്ട സമയമാണിതെന്ന്’ അദ്ദേഹം ചൂണ്ടിക്കാട്ടി. ഇനി കോൺഗ്രസ്…
ഒരു രാജ്യം ഒരു തെരഞ്ഞെടുപ്പ് എന്നത് നല്ല നിർദേശമാണെന്നും അത് നടപ്പാക്കാൻ പൂർണ സജ്ജമാണെന്നും മുഖ്യ തെരഞ്ഞെടുപ്പ് കമ്മീഷണർ സുശീൽ ചന്ദ്ര. വാർത്താ ഏജൻസിയായ എൻ ഐ എക്ക് നൽകിയ അഭിമുഖത്തിലാണ് ഇക്കാര്യം അദ്ദേഹം പറഞ്ഞത്. എന്നാൽ ഭരണഘടനാ സംബന്ധമായ മാറ്റങ്ങൾ ആവശ്യമുള്ള വിഷയമായതിനാൽ ഇക്കാര്യത്തിൽ പാർലമെന്റാണ് തീരുമാനമെടുക്കേണ്ടതെന്നും മുഖ്യ തെരഞ്ഞെടുപ്പ് കമ്മീഷണർ പറഞ്ഞു ഭരണഘടനാപ്രകാരം എല്ലാ തെരഞ്ഞെടുപ്പുകളും ഒരുമിച്ചാണ് നടത്തേണ്ടത്. സ്വാതന്ത്ര ലബ്ധിക്ക് ശേഷമുള്ള പാർലമെന്റ് തെരഞ്ഞെടുപ്പുകൾ അത്തരത്തിലാണ് നടന്നിരുന്നത്. മൂന്ന് തെരഞ്ഞെടുപ്പുകൾ ഇങ്ങനെ ഒരുമിച്ച്…
അഞ്ച് സംസ്ഥാനങ്ങളിലേക്ക് നടന്ന നിയമസഭാ തെരഞ്ഞെടുപ്പിലേറ്റ തോൽവിയിൽ പ്രതികരിച്ച് കോൺഗ്രസ് നേതാവ് രാഹുൽ ഗാന്ധി. തോൽവിയിൽ നിന്ന് പഠിക്കും. ജനവിധി അംഗീകരിക്കുന്നുവെന്നും രാഹുൽ ഗാന്ധി ട്വീറ്റ് ചെയ്തു. ജനവിധി വിനയപൂർവം സ്വീകരിക്കുക, ജനവിധി തേടിയവർക്ക് ആശംസകൾ. കഠിനധ്വാനത്തോടെയും അർപ്പണ ബോധത്തോടെയും പ്രവർത്തിച്ച കോൺഗ്രസ് പ്രവർത്തകർക്ക് നന്ദി. ഇതിൽ നിന്ന് പാഠം ഉൾക്കൊള്ളുകയും ജനങ്ങളുടെ താത്പര്യത്തിനായി പ്രവർത്തിക്കുകയും ചെയ്യുമെന്ന് രാഹുൽ ട്വീറ്റ് ചെയ്തു തെരഞ്ഞെടുപ്പ് ഫലം വന്നപ്പോൾ പഞ്ചാബിലെ ഭരണം കോൺഗ്രസിന് നഷ്ടമായിരുന്നു. കൂടാതെ ഉത്തർപ്രദേശിൽ പാർട്ടി…
പഞ്ചാബിലെ തിളക്കമാർന്ന വിജയത്തിൽ ആഹ്ലാദം പങ്കിട്ട് ആം ആദ്മി പാർട്ടി കൺവീനറും ഡൽഹി മുഖ്യമന്ത്രിയുമായ അരവിന്ദ് കെജ്രിവാൾ. പഞ്ചാബിലേത് വിപ്ലവ വിജയമാണെന്ന് കെജ്രിവാൾ പറഞ്ഞു. ഇങ്ക്വിലാബ് മുദ്രവാക്യം മുഴക്കിയാണ് ജനങ്ങളെ അദ്ദേഹം സംബോധന ചെയ്തത് ആം ആദ്മി പാർട്ടി ഒരു പാർട്ടിയല്ല. അത് വിപ്ലവമാണ്. രാജ്യം മുഴുവൻ വിപ്ലവത്തിന് ആഹ്വാനം ചെയ്യുകയാണ്. രാജ്യമെങ്ങും ആം ആദ്മി പാർട്ടി അധികാരത്തിലെത്തും. ഭഗത് സിംഗിന്റെ സ്വപ്‌നം പൂർത്തീകരിക്കുകയാണ് ലക്ഷ്യം. ആം ആദ്മിയെ പോലെ മറ്റൊരു പാർട്ടി ഇന്ന് രാജ്യത്തില്ലെന്നും കെജ്രിവാൾ…
ഗോവ നിയമസഭാ തെരഞ്ഞെടുപ്പിൽ മുഖ്യമന്ത്രിയും ബിജെപി നേതാവുമായ പ്രമോദ് സാവന്ത് വിജയിച്ചു. 650 വോട്ടുകളുടെ ഭൂരിപക്ഷത്തിലാണ് സാവന്തിന്റെ വിജയം. ഇടക്ക് പരാജയപ്പെടുമെന്ന പ്രതീതിയുണ്ടാക്കിയെങ്കിലും അവസാന ലാപ്പിൽ അദ്ദേഹം വിജയം പിടിച്ചെടുക്കുകയായിരുന്നു വോട്ടെണ്ണൽ പുരോഗമിക്കുമ്പോൾ ഗോവയിൽ ബിജെപിയുടെ ഭരണത്തുടർച്ചയാണ് പ്രകടമാകുന്നത്. 19 സീറ്റുകളിൽ ബിജെപി മുന്നിട്ട് നിൽക്കുകയാണ്. കോൺഗ്രസ് 12 ഇടങ്ങളിലും ടിഎംസി മൂന്നിടങ്ങളിലും മറ്റ് പാർട്ടികളെല്ലാം ചേർന്ന് ആറിടത്തും മുന്നിട്ട് നിൽക്കുകയാണ്. ഗോവയിൽ ബിജെപി തന്നെ സർക്കാരുണ്ടാക്കുമെന്ന് പ്രമോദ് സാവന്ത് പ്രതികരിച്ചു. എംജിപിയും സ്വതന്ത്രരും തങ്ങൾക്കൊപ്പം…
ലോകപ്രശസ്ത മാർക്‌സിസ്റ്റ് ചിന്തകൻ ഐജാസ് അഹമ്മദ്(86) അന്തരിച്ചു. കാലിഫോർണിയയിൽ വെച്ചാണ് അന്ത്യം. അമേരിക്ക, കാനഡ എന്നിവിടങ്ങളിലെ നിരവധി സർവകലാശാലകളിൽ വിസിറ്റിംഗ് പ്രൊഫസറായി സേവനം അനുഷ്ഠിച്ചിട്ടുണ്ട്. 2017 മുതൽ ഇർവിനിലെ കാലിഫോർണിയ സർവകലാശാലയിൽ പ്രവർത്തിച്ചു വരികയായിരുന്നു. ഇന്ത്യൻ വെബ്‌സൈറ്റ് ന്യൂസ് ക്ലിക്കിന്റെ സീനിയർ ന്യൂസ് അനലിസ്റ്റായും ഫ്രണ്ട് ലൈൻ മാഗസിന്റെ എഡിറ്റോറിയൽ കൺസൾട്ടന്റായും പ്രവർത്തിച്ചിട്ടുണ്ട്. യുപിയിലാണ് ഐജാസ് അഹമ്മദിന്റെ ജനനം. ഇന്ത്യ-പാക് വിഭജനത്തെ തുടർന്ന് മാതാപിതാക്കൾക്കൊപ്പം പാക്കിസ്ഥാനിലേക്ക് കുടിയേറുകയായിരുന്നു. ഇൻ തിയറി, ക്ലാസസ്, നേഷൻസ്, മുസ്ലീം ഇൻ…