National

പബ്ജി കളിക്കുന്നതിനിടെയുണ്ടായ തർക്കത്തിനിടെ മുംബൈ താനെയിൽ യുവാവ് കൊല്ലപ്പെട്ടു. മൂന്ന് സുഹൃത്തുക്കൾ ചേർന്നാണ് ഇയാളെ കൊലപ്പെടുത്തിയത്. വർധക് നഗർ നിവാസി സാഹിൽ ആണ് കൊല്ലപ്പെട്ടത്. സുഹൃത്തുക്കളായ പ്രണവ് മാലി, പ്രായപൂർത്തിയാകാത്ത രണ്ട് കുട്ടികൽ എന്നിവരെ പോലീസ് കസ്റ്റഡിയിലെടുത്തു പബ്ജി കളിക്കുന്നതിനിടെ വഴക്കുണ്ടാകുകയും മദ്യലഹരിയിലായിരുന്ന പ്രതികൾ സാഹിലിനെ പിടിച്ചുവെച്ച് കുത്തി വീഴ്ത്തുകയുമായിരുന്നു. സാഹിലിന്റെ ദേഹത്ത് പത്തിലേറെ കുത്തുകൾ ഏറ്റിട്ടുണ്ട്. ഇയാൾ സംഭവ സ്ഥലത്ത് വെച്ച് തന്നെ മരിച്ചു. മൂന്ന് പ്രതികളും കൊല്ലപ്പെട്ട സാഹിലും സ്‌കൂൾ വിദ്യാഭ്യാസം ഉപേക്ഷിച്ചവരാണ്.  …

ടൂത്ത് പേസ്റ്റിന് പകരം അബദ്ധത്തിൽ എലിവിഷം ബ്രഷിൽ പുരട്ടി പല്ലുതേച്ച 17കാരിക്ക് ദാരുണാന്ത്യം. മംഗലാപുരം സുള്ള്യയിലെ മർകഞ്ച ഗ്രാമത്തിലെ ശ്രവ്യയാണ് മരിച്ചത്. അബദ്ധം മനസ്സിലാക്കി അപ്പോൾ തന്നെ വെള്ളം ഉപയോഗിച്ച് ശ്രവ്യ വായ കഴുകിയിരുന്നു. എന്നാൽ മൂന്ന് ദിവസത്തിന് ശേഷം വയറുവേദന അനുഭവപ്പെടുകയും മംഗലാപുരത്തെ സ്വകാര്യ ആശുപത്രിയിൽ പ്രവേശിപ്പിക്കുകയുമായിരുന്നു. ചികിത്സക്കിടെയാണ് മരണം സംഭവിച്ചത് കുളിമുറിക്ക് സമീപത്തെ ജനാലക്കടുത്തായിരുന്നു ടൂത്ത് പേസ്റ്റ് സൂക്ഷിച്ചിരുന്നത്. ഇവിടെ തന്നെ എലിവിഷത്തിന്റെ പേസ്റ്റും വെച്ചിരുന്നു. ഇതാണ് ശ്രവ്യക്ക് പെട്ടെന്ന് മാറിപോയത്. പുത്തൂർ പ്രീ…

യുദ്ധം രൂക്ഷമായ യുക്രൈനിൽ നിന്ന് ആയിരത്തിലധികം പേരെ ഇന്ന് ഡൽഹിയിൽ എത്തിക്കുമെന്ന് കേന്ദ്രസർക്കാർ. ഇന്നലെ ഖാർകീവിൽ ഇന്ത്യൻ വിദ്യാർഥി കൊല്ലപ്പെട്ടതിന് പിന്നാലെ രക്ഷാ ദൗത്യത്തിന്റെ വേഗത കേന്ദ്രസർക്കാർ വർധിപ്പിച്ചിരിക്കുകയാണ്. ഇന്ന് ഉച്ചയാകുമ്പോഴേക്കും മൂന്ന് വിമാനങ്ങൾ യുക്രൈൻ അതിർത്തി രാജ്യങ്ങളിൽ നിന്നായി ഡൽഹിയിൽ എത്തിയിട്ടുണ്ട് രാവിലെ പോളണ്ടിൽ നിന്നുള്ള വിമാനമാണ് ആദ്യമെത്തിയത്. ഹംഗറി, ബുഡാപെസ്റ്റ് എന്നിവിടങ്ങളിൽ നിന്നുള്ള വിമാനങ്ങളും പിന്നാലെ എത്തി. ബുക്കാറസ്റ്റിൽ നിന്നുള്ള വിമാനം ഉച്ചയോടെ ഡൽഹിയിൽ എത്തുമെന്നും കേന്ദ്രം അറിയിച്ചു. രാത്രിയിൽ റൊമാനിയ, ഹംഗറി, പോളണ്ട്,…

  യുക്രൈനിൽ നിന്ന് കഴിഞ്ഞ 24 മണിക്കൂറിനിടെ 1377 ഇന്ത്യക്കാരെ ഒഴിപ്പിച്ചതായി കേന്ദ്ര വിദേശകാര്യ മന്ത്രി എസ് ജയശങ്കർ. ആറ് വിമാനങ്ങൾ ഇന്ത്യൻ പൗരൻമാരെയും കൊണ്ട് ഇന്ത്യയിലേക്ക് പുറപ്പെട്ടുവെന്നും മന്ത്രി അറിയിച്ചു. ആറ് വിമാനങ്ങൾ കഴിഞ്ഞ 24 മണിക്കൂറിനിടെ ഇന്ത്യയിലേക്ക് തിരിച്ചു. യുക്രൈനിലെ 1377 പൗരൻമാരാണ് ഇതിലുള്ളത് എന്ന് ജയശങ്കർ ട്വീറ്റ് ചെയ്തു അടുത്ത മൂന്ന് ദിവസത്തിനുള്ളിൽ 26 വിമാനങ്ങൾ കൂടി സർവീസ് നടത്തുമെന്ന് കേന്ദ്രസർക്കാർ പറയുന്നു. യുക്രൈനിലെ വ്യോമപാത അടച്ച പശ്ചാത്തലത്തിൽ റൊമാനിയ, ഹംഗറി, പോളണ്ട്,…

  ലഹരിമരുന്ന് കേസിൽ ഷാരൂഖ് ഖാൻ മകൻ ആര്യൻ ഖാനെതിരെ തെളിവില്ലെന്ന് നാർകോട്ടിക് കൺട്രോൾ ബ്യൂറോയുടെ പ്രത്യേക അന്വേഷണ സംഘം. സമീർ വാങ്കഡെയുടെ നേതൃത്വത്തിൽ നടന്ന റെയ്ഡ് ക്രമവിരുദ്ധമാണെന്നും അന്വേഷണസംഘത്തിന്റെ റിപ്പോർട്ടിലുണ്ട്. റെയ്ഡ് നടപടികൾ ചിത്രീകരിച്ചില്ലെന്നതാണ് എൻ സി ബി വലിയ പിഴവായി ചൂണ്ടിക്കാട്ടുന്നത് ആര്യൻ ഖാനിൽ നിന്ന് ലഹരിമരുന്ന് പിടിച്ചിട്ടില്ല. മൊബൈൽ ഫോൺ പിടിച്ചെടുക്കാൻ പാടില്ലായിരുന്നു. ചാറ്റുകൾ പരിശോധിച്ചതിൽ ലഹരി മാഫിയയുമായി ബന്ധം തെളിയിക്കുന്നതൊന്നുമില്ലെന്നും ഗൂഢാലോചന വാദം നിലനിൽക്കില്ലെന്നും എൻ സി ബി കണ്ടെത്തി ഒക്ടോബർ…

  ജന്മദിനാശംസകൾ നേർന്ന മുഖ്യമന്ത്രി പിണറായി വിജയന് നന്ദി പറഞ്ഞ് തമിഴ്‌നാട് മുഖ്യമന്ത്രി എം കെ സ്റ്റാലിൻ. തമിഴിലാണ് സ്റ്റാലിന് ട്വിറ്ററിൽ പിണറായി വിജയൻ ജന്മദിനാശംസകൾ നേർന്നത്. ഇതിന് മലയാളത്തിൽ നന്ദി സഖാവേ എന്നായിരുന്നു സ്റ്റാലിന്റെ നന്ദിപ്രകടനം ഫേസ്ബുക്ക് വഴിയും പിണറായി സ്റ്റാലിന് ജന്മദിനാശംസകൾ നേർന്നിരുന്നു. ഇന്ത്യ ഭരണഘടന ഉയർത്തിപ്പിടിക്കുന്ന ഫെഡറലിസം, മതേതരത്വം, ബഹുസ്വരത, സാമൂഹിക നീതി തുടങ്ങിയ ഉന്നതമായ ആശയങ്ങൾക്ക് വേണ്ടി തുടർന്നും പോരാടാനും നമ്മുടെ ജനാധിപത്യത്തെ ശക്തിപ്പെടുത്താനും സ്റ്റാലിന് സാധിക്കട്ടെ എന്നായിരുന്നു പിണറായിയുടെ തമിഴിലുള്ള…

യുക്രൈനിൽ കൊല്ലപ്പെട്ട നവീൻ്റെ കുടുംബവുമായി പ്രധാനമന്ത്രി നരേന്ദ്രമോദി സംസാരിച്ചു. നവീൻ്റെ പിതാവുമായി സംസാരിച്ച പ്രധാനമന്ത്രി നവീന്റെ വേർപാടിൽ ദുഃഖം അറിയിച്ചു. കർണാടക സ്വദേശിയായ നാലാം വർഷ മെഡിക്കൽ വിദ്യാർത്ഥി നവീൻ എസ് ജ്ഞാനഗൗഡറാണ് ഇന്ന് ഖാ‍ർകീവിൽ റഷ്യൻ സൈന്യം നടത്തിയ ഷെല്ലാക്രമണത്തിൽ കൊല്ലപ്പെട്ടത്. അവശ്യസാധനങ്ങൾ വാങ്ങാനായി സൂപ്പർമാർക്കറ്റിൽ ക്യൂ നിൽക്കുമ്പോഴായിരുന്നു ഷെല്ലാക്രമണം. തൊട്ടുസമീപത്തുള്ള ഗവർണർ ഹൗസ് ലക്ഷ്യമിട്ടായിരുന്നു ഷെല്ലാക്രമണം. യുക്രൈനിൽ സുരക്ഷിതനാണെന്നും ഇന്ന് തന്നെ അതിർത്തിയിലേക്ക് തിരിക്കുമെന്നും രാവിലെ വീട്ടുകാരുമായി ഫോണിൽ സംസാരിക്കുമ്പോൾ നവീൻ പറഞ്ഞിരുന്നു. മകൻറെ…

യുക്രൈനിൽ കുടുങ്ങിയ ഇന്ത്യക്കാരെ തിരികെ എത്തിക്കാനുള്ള കേന്ദ്രസർക്കാരിന്റെ ഓപറേഷൻ ഗംഗ തുടരുന്നു. രണ്ട് വിമാനങ്ങൾ കൂടി ബുഡാപെസ്റ്റിൽ നിന്നും ബുക്കാറെസ്റ്റിൽ നിന്നുമായി ഡൽഹിയിലെത്തി. രണ്ട് ഇൻഡിഗോ വിമാനങ്ങളിലാണ് 434 പേർ ഡൽഹിയിലെത്തിയത്. ഇതിനോടകം 9 വിമാനങ്ങളിലായി 2212 ഇന്ത്യക്കാരെയാണ് യുക്രൈനിൽ നിന്ന് തിരികെ എത്തിച്ചത്. അതേസമയം രക്ഷാദൗത്യത്തിന്റെ വേഗത വർധിപ്പിക്കാൻ കേന്ദ്രസർക്കാർ നിർദേശം നൽകിയിട്ടുണ്ട്. വ്യോമസേനയും രക്ഷാ ദൗത്യത്തിന്റെ ഭാഗമാകും. വ്യോമസേനയുടെ നാല് സി 17 വിമാനങ്ങളാണ് രക്ഷാപ്രവർത്തനത്തിന്റെ ഭാഗമാകുന്നത്. അതേസമയം യുക്രൈനിൽ ഇന്ത്യൻ വിദ്യാർഥി റഷ്യൻ…

  രാജ്യത്ത് കൊവിഡ് വ്യാപനത്തിന് അറുതിയാകുന്നു. കഴിഞ്ഞ 24 മണിക്കൂറിനിടെ 6915 പേർക്ക് മാത്രമാണ് രാജ്യത്ത് കൊവിഡ് സ്ഥിരീകരിച്ചത്. തിങ്കളാഴ്ച റിപ്പോർട്ട് ചെയ്തതിനേക്കാൾ 14 ശതമാനം കുറവ് കേസുകളാണ് ഇന്ന് റിപ്പോർട്ട് ചെയ്തത് കഴിഞ്ഞ 23 ദിവസമായി കൊവിഡ് പ്രതിദിന കേസുകൾ ഒരു ലക്ഷത്തിൽ താഴെയാണ്. ഇതിൽ കഴിഞ്ഞ മൂന്ന് ദിവസമായി പതിനായിരത്തിൽ താഴെമാത്രമാണ് കേസുകൾ റിപ്പോർട്ട് ചെയ്യുന്നത്. രാജ്യത്ത് ഇതിനോടകം 4,29,24,130 പേർക്കാണ് കൊവിഡ് സ്ഥിരീകരിച്ചത്. അതിൽ 4.24 കോടി പേർ രോഗമുക്തി നേടിയിട്ടുണ്ട്. കഴിഞ്ഞ…

  രാജ്യത്ത് പാചക വാതക വിലയിൽ വൻ വർധനവ്. വാണിജ്യ ആവശ്യങ്ങൾക്കുള്ള സിലിണ്ടറിന് 106.50 രൂപ വർധിപ്പിച്ചു. കൊച്ചിയിൽ സിലിണ്ടറിന്റെ പുതുക്കിയ വില 2009 രൂപയായി. അതേസമയം ഗാർഹിക ആവശ്യങ്ങൾക്കുള്ള സിലിണ്ടർ വിലയിൽ ഇന്ന് മാറ്റം വരുത്തിയിട്ടില്ല. വരും ദിവസങ്ങളിൽ ഇതും വർധിപ്പിക്കുമെന്നാണ് സൂചന യുക്രൈനിൽ യുദ്ധം തുടരുന്ന സാഹചര്യത്തിൽ ക്രൂഡ് ഓയിൽ വില ഉയർന്നിരുന്നു. എന്നാൽ യുപി അടക്കമുള്ള സംസ്ഥാനങ്ങളിൽ തെരഞ്ഞെടുപ്പ് നടക്കുന്നതിൽ ഇന്ധനവില ഉയരാതെ കേന്ദ്രസർക്കാർ പിടിച്ചുനിർത്തുന്നുണ്ട്. എന്നാൽ തെരഞ്ഞെടുപ്പ് കഴിയാൻ കാത്തുനിൽക്കാതെ വാണിജ്യ…