National

  ജമ്മു കശ്മീരിലെ പുൽവാമ ജില്ലയിൽ ഏറ്റുമുട്ടൽ. രണ്ട് ഭീകരരെ സൈന്യം വധിച്ചു. സംഭവസ്ഥലത്ത് നിന്നും വലിയ ആയുധ ശേഖരം കണ്ടെത്തി. വെള്ളിയാഴ്ച മുതൽ ജില്ലയിൽ ‘ഓപ്പറേഷൻ തോഷ് കലൻ’ എന്ന പേരിൽ സുരക്ഷാ സേനയുടെ സംയുക്ത പരിശോധന ആരംഭിച്ചിരുന്നു. ഓപ്പറേഷന്റെ അടിസ്ഥാനത്തിൽ പ്രദേശം വളയുകയും വ്യാപകമായി ഭീകര വിരുദ്ധ പ്രവത്തനം നടത്തുകയുമാണ് ഇന്ത്യൻ സൈന്യം. സുരക്ഷാ സേനയുമായുള്ള മൂന്ന് വ്യത്യസ്ത ഏറ്റുമുട്ടലുകളിൽ ജെയ്ഷെ മുഹമ്മദിന്റെ (ജെഎം) പാക്കിസ്താൻ കമാൻഡർ ഉൾപ്പെടെ നാല് ഭീകരർ കൊല്ലപ്പെടുകയും മറ്റൊരാളെ…

  ബംഗാളി നടി രൂപ ദത്ത പോക്കറ്റടി കേസിൽ അറസ്റ്റിൽ. കൊൽക്കത്ത ഇന്റർനാഷണൽ പുസ്തകോത്സവത്തിനിടെയാണ് സംഭവം. ഡ്യൂട്ടിയിലുണ്ടായിരുന്ന പോലീസുകാർ ടെലിവിഷൻ താരമായ രൂപയെ പിടികൂടുകയായിരുന്നു. ചടങ്ങ് നടക്കുന്നിടത്തെ വെസ്റ്റ് ബാസ്‌കറ്റിൽ നടി ഒരു പേഴ്‌സ് ഉപേക്ഷിക്കുന്നത് കണ്ട് പോലീസുകാർ ചോദ്യം ചെയ്യുകയായിരുന്നു. ബാഗ് പരിശോധിച്ചപ്പോൾ നടിയുടെ പക്കൽ നിന്ന് നിരവധി പഴ്‌സുകൾ കണ്ടെടുത്തു. 75000 രൂപയാണ് ഇതിലൊക്കെയായി ഉണ്ടായിരുന്നത്. പണമെടുത്ത ശേഷം പേഴ്‌സുകൾ ഉപേക്ഷിച്ച് പോകാനായിരുന്നു നടിയുടെ ശ്രമം. നേരത്തെ സംവിധായകൻ അനുരാഗ് കാശ്യപിനെതിരെ രൂപ ദത്ത…

  രാഹുൽ ഗാന്ധി തന്നെ കോൺഗ്രസ് അധ്യക്ഷനാകണമെന്ന് മുതിർന്ന നേതാവും രാജസ്ഥാൻ മുഖ്യമന്ത്രിയുമായ അശോക് ഗെഹ്ലോട്ട്. കോൺഗ്രസിന്റെ ഐക്യത്തിൽ ഗാന്ധി കുടുംബത്തിന് വലിയ പങ്ക് വഹിക്കാനുണ്ടെന്നും പഞ്ചാബിലെ തെരഞ്ഞെടുപ്പ് തോൽവിക്ക് കാരണം ആഭ്യന്തര കലഹമാണെന്നും അദ്ദേഹം പറഞ്ഞു. മതം പറഞ്ഞാണ് തെരഞ്ഞെടുപ്പിൽ ബിജെപി വോട്ട് ചോദിച്ചതെന്നും ഗെഹ്ലോട്ട് കുറ്റപ്പെടുത്തി. അതേസമയം, സോണിയ ഗാന്ധിക്ക് പിന്തുണയുമായി നൂറുകണക്കിന് കോൺഗ്രസ് പ്രവർത്തകർ പാർട്ടി ആസ്ഥാനത്ത് തടിച്ചു കൂടുകയാണ്. ഇതോടെ എഐസിസി ആസ്ഥാനത്ത് സുരക്ഷ ശക്തമാക്കി. രാജിവെക്കാാൻ സോണിയ സന്നദ്ധത അറിയിച്ചതായി…

  അസമിൽ യുവാവിനെ ആൾക്കൂട്ടം മർദിച്ച് അവശനാക്കിയ ശേഷം തീയിട്ട് കത്തിച്ചു കൊന്നു. ദീബ്രുഗഢിലെ റോമോരിയയിലാണ് സംഭവം. സുനിൽ തന്തിയെന്ന 35കാരനാണ് കൊല്ലപ്പെട്ടത്. ഇയാളുടെ കുത്തേറ്റ് ധലാജൻ ടീ എസ്റ്റേറ്റിലെ അഞ്ച് വയസ്സുള്ള കുട്ടി മരിച്ചെന്നാണ് നാട്ടുകാർ ആരോപിക്കുന്നത്കു ട്ടിയുടെ മൃതദേഹം കണ്ടതിന് പിന്നാലെ തടിച്ചുകൂടിയ നാട്ടുകാർ യുവാവിനെ പിടികൂടി മർദിക്കുകയായിരുന്നു. അവശനായ യുവാവിന്റെ ദേഹത്ത് പെട്രോൾ ഒഴിച്ച് കത്തിക്കുകയും ചെയ്തു. സ്ഥലത്ത് സിആർപിഎഫിനെ വിന്യസിച്ചാണ് സ്ഥിതിഗതികൾ സർക്കാർ നിയന്ത്രണ വിധേയമാക്കിയത്.  

  കോൺഗ്രസ് അധ്യക്ഷ സ്ഥാനത്തേക്ക് മുകുൾ വാസ്നികിന്റെ പേര് നിർദേശിച്ച് ജി 23 നേതാക്കൾ. കോൺഗ്രസ് പ്രവർത്തക സമിതി ചേരാനിരിക്കെയാണ് ജി 23 നേതാക്കൾ ഈ നിർദേശവുമായി രംഗത്തെത്തിയത്. നിലവിൽ കോൺഗ്രസ് ജനറൽ സെക്രട്ടറിയാണ് മുകുൾ വാസ്നിക്. എൻഎസ്യു, യൂത്ത് കോൺഗ്രസ് എന്നിവയുടെ ദേശീയ അധ്യക്ഷനായും പ്രവർത്തിച്ചിട്ടുണ്ട്. 2009-14 വരെ മഹാരാഷ്ട്രയിലെ രാംടെക് മണ്ഡലത്തെ പ്രതിനിധീകരിച്ചു. കേന്ദ്രമന്ത്രിയായും പ്രവർത്തിച്ചിട്ടുണ്ട്. തെരഞ്ഞെടുപ്പുകളിലെ പരാജയം ചർച്ച ചെയ്യുന്നതിനായി ഇന്ന് വൈകുന്നേരം പ്രവർത്തക സമിതി യോഗം ചേരുന്നുണ്ട്. ഇതിന് മുന്നോടിയായാണ് ജി…

  യുക്രൈൻ സൈന്യത്തിനൊപ്പം ചേർന്ന് റഷ്യക്കെതിരെ യുദ്ധത്തിനിറങ്ങിയ തമിഴ്‌നാട് സ്വദേശി സായ് നികേഷ് നാട്ടിലേക്ക് മടങ്ങാൻ ആഗ്രഹിക്കുന്നതായി റിപ്പോർട്ട്. ഇന്ത്യയിലേക്ക് മടങ്ങണമെന്നാവശ്യപ്പെട്ട് ബന്ധുക്കളെ സായി നികേഷ് ബന്ധപ്പെട്ടു. കഴിഞ്ഞ എട്ടിനാണ് സായ് നികേഷ് യുക്രൈൻ സൈന്യത്തിനൊപ്പം ചേർന്നതായി സ്ഥിരീകരിച്ചത് ഇന്ത്യയിലേക്ക് മടങ്ങാൻ താത്പര്യപ്പെടുന്ന വിവരം സായ് നികേഷ് ശനിയാഴ്ച കുടുംബാംഗങ്ങളെ അറിയിച്ചതായാണ് വിവരം. തുടർന്ന് പിതാവ് ഇന്ത്യൻ എംബസിയുമായി ബന്ധപ്പെട്ട് സായ് നികേഷിനെ തിരികെ കൊണ്ടുവരാനുള്ള ശ്രമങ്ങൾ ആരംഭിച്ചു. ജോർജിയൻ നാഷണൽ ലെജിയൻ എന്ന യുക്രൈന്റെ അർധ…

  കോൺഗ്രസ് പ്രവർത്തക സമിതി യോഗം ഇന്ന് ചേരും. വൈകുന്നേരം നാല് മണിക്ക് എഐസിസി ആസ്ഥാനത്താണ് യോഗം. ഇടക്കാല അധ്യക്ഷ സ്ഥാനം രാജിവെക്കാൻ സോണിയ ഗാന്ധി സമ്മതം അറിയിച്ചെന്ന വാർത്തകൾക്കിടെയാണ് യോഗം ചേരുന്നത്. രാഹുൽ ഗാന്ധിയും പ്രിയങ്ക ഗാന്ധിയും രാജിസന്നദ്ധത അറിയിച്ചെന്നും റിപ്പോർട്ടുകളുണ്ട് ഗാന്ധി കുടുംബം കോൺഗ്രസിന്റെ നേതൃസ്ഥാനത്ത് നിന്ന് മാറണമെന്ന് ജി 23 നേതാക്കൾ ആവശ്യം ശക്തമാക്കുന്ന പശ്ചാത്തലത്തിൽ കൂടിയാണ് ഇന്ന് യോഗം ചേരുന്നത്. പ്രിയങ്ക യുപിയുടെ ചുമതലയുള്ള ജനറൽ സെക്രട്ടറി സ്ഥാനം രാജിവെച്ചേക്കും. രാഹുൽ…

ന്യൂഡൽഹി: പാര്‍ട്ടിക്ക് ഗുണം ആകുമെങ്കില്‍ രാജിക്ക് തയാറാണെന്ന് സോണിയാഗാന്ധി വ്യക്തമാക്കിയതായാണ് പുറത്ത് വരുന്ന വിവരങ്ങള്‍. ജി 23 വിമര്‍ശനം ശക്തമാക്കിയ സാഹചര്യത്തിലാണ് സോണിയ ഗാന്ധിയുടെ നിലപാട്.സോണിയാ ഗാന്ധി മുതിര്‍ന്ന നേതാക്കളെ കണ്ടിരുന്നു. ഉത്തര്‍ പ്രദേശ്, പഞ്ചാബ് ഉള്‍പ്പെടെയുള്ള നിയമസഭാ തെരഞ്ഞെടുപ്പിലെ തോല്‍വിക്ക് കാരണം ഗാന്ധി കുടുംബമാണെന്ന പ്രചരണത്തില്‍ അസ്വസ്ഥത പ്രകടിപ്പിച്ചിരുന്നു. നേരത്തെ ഉത്തര്‍ പ്രദേശിന്റെ സംഘടനാ ചുമതലയില്‍ നിന്ന് പ്രിയങ്കാ ഗാന്ധി ഒഴിയാനുള്ള സന്നധത അറിയിച്ചിരുന്നു. ഇക്കാര്യം സോണിയാ ഗാന്ധിയെ അറിയിച്ചതായാണ് സൂചന. സംഘടനാ തെരഞ്ഞെടുപ്പ് പൂര്‍ത്തിയാകും…

  യുക്രൈനിൽ നിന്ന് മടങ്ങിയെത്തിയ മെഡിക്കൽ വിദ്യാർഥികൾക്ക് ഇന്ത്യയിൽ പഠനം ഉറപ്പാക്കണമെന്നാവശ്യപ്പെട്ട് ഡൽഹി ഹൈക്കോടതിയിൽ ഹർജി. പ്രവാസി ലീഗൽ സെൽ എന്ന സംഘടനയാണ് ഹർജി ഫയൽ ചെയ്തത്. ഇരുപതിനായിരത്തിൽ അധികം വിദ്യാർഥികളാണ് യുദ്ധം രൂക്ഷമായ യുക്രൈനിൽ നിന്ന് മടങ്ങിയെത്തിയത് മടങ്ങിയെത്തിയ വിദ്യാർഥികൾക്ക് പഠനം തുടരാനുള്ള നടപടികൾ സ്വീകരിക്കാൻ കേന്ദ്രസർക്കാരിനോടും ദേശീയ മെഡിക്കൽ കമ്മീഷനോടും നിർദേശിക്കണമെന്ന് ഹർജിയിൽ പറയുന്നു. ഭരണഘടനയുടെ 21ാം അനുച്ഛേദപ്രകാരം വിദ്യാർഥികൾക്ക് ഇന്ത്യയിൽ പഠനം പൂർത്തിയാക്കാനുള്ള അവകാശമുണ്ടെന്നും ഹർജിയിൽ ചൂണ്ടിക്കാട്ടുന്നു യുദ്ധമുഖത്ത് നിന്ന് വരുന്നതിനാൽ വിദ്യാർഥികൾക്ക്…

  ഡൽഹിയിലെ ഗോകുൽപുരി ചേരിയിലുണ്ടായ തീപിടിത്തത്തിൽ ഏഴ് പേർ മരിച്ചു. ശനിയാഴ്ച പുലർച്ചെ ഒരു മണിയോടെയാണ് തീപിടിത്തമുണ്ടായത്. മൂന്ന് മണിക്കൂറുകളെടുത്താണ് അഗ്നിശമന സേന തീ നിയന്ത്രണവിധേയമാക്കിയത്. അപകടത്തിൽ 60ഓളം കുടിലുകൾക്ക് തീ പടർന്നു. ഇതിൽ 30 കുടിലുകൾ പൂർണമായി കത്തിനശിച്ചു. ഏഴ് പേർക്ക് ജീവൻ നഷ്ടമായതായും വടക്കുകിഴക്കൻ ഡൽഹി അഡീഷണൽ എസ് പി അറിയിച്ചു.