Kerala

  സിൽവർ ലൈൻ പദ്ധതിയെക്കുറിച്ച് പ്രതിപക്ഷം ഉന്നയിച്ച ചോദ്യങ്ങൾക്ക് ഉത്തരം നൽകാത്ത സർക്കാർ നിലപാട് ദുരൂഹമാണെന്ന് പ്രതിപക്ഷ നേതാവ് വി ഡി സതീശൻ. അൻവർ സാദത്ത് നിയമസഭയിൽ ഒക്ടോബർ 27ന് ഡിപിആർ ആവശ്യപ്പെട്ട് നൽകിയ ചോദ്യത്തിനുള്ള മറുപടി പോലും പൂഴ്ത്തിവെക്കാനാണ് സർക്കാർ ശ്രമിച്ചത്. മറുപടി നൽകാത്തത് അവകാശലംഘനമാണെന്ന് ചൂണ്ടിക്കാട്ടി സ്പീക്കർക്ക് കത്ത് നൽകിയതോടെയാണ് സർക്കാരിന് ഡിപിആർ പ്രസിദ്ധീകരിക്കേണ്ടി വന്നത്. എന്നാൽ നിയമസഭാ ചോദ്യത്തിനുള്ള മറുപടിയായി നൽകിയ ഡിപിആർ രേഖകൾ അപൂർണവും തെറ്റിദ്ധരിപ്പിക്കുന്ന തരത്തിലുള്ളതുമാണ്. പൂർണ ഡിപിആർ പുറത്തുവിടാൻ…

തിരുവനന്തപുരം കാരക്കോണം കുളത്തിൽ അജ്ഞാത മൃതദേഹം കണ്ടെത്തി. പുരുഷന്റെ മൃതദേഹമാണ് ലഭിച്ചത്. പ്രദേശവാസികളാണ് മൃതദേഹം രാവിലെ കുളത്തിൽ കണ്ടത്. ഷർട്ട് മാത്രം ധരിച്ച നിലയിലുള്ള മൃതദേഹത്തിന് അഞ്ച് ദിവസത്തെ പഴക്കമുണ്ട്. വെള്ളറട പോലീസ് സ്ഥലത്തെത്തി മൃതദേഹം മെഡിക്കൽ കോളജ് മോർച്ചറിയിലേക്ക് മാറ്റി. പോലീസ് കേസെടുത്ത് അന്വേഷണം ആരംഭിച്ചിട്ടുണ്ട്.  

  ആലുവ മുട്ടം തൈക്കാവിന് സമീപം നിയന്ത്രണം വിട്ട കാർ ചായക്കടയിലേക്ക് പാഞ്ഞുകയറി ഒരാൾ മരിച്ചു. ആലുവ നൊച്ചിമ സ്വദേശി ബക്കറാണ് മരിച്ചത്. അപകടത്തിൽ മൂന്ന് പേർക്ക് പരുക്കേറ്റു. ചായ കുടിച്ചു കൊണ്ടിരിക്കുന്നവരെ കാർ ഇടിച്ചുതെറിപ്പിക്കുകയായിരുന്നു. പ്രായപൂർത്തിയാകാത്ത നാല് ആൺകുട്ടികളടക്കം അഞ്ച് പേരാണ് കാറിലുണ്ടായിരുന്നത്. ഇവരെ പോലീസ് കസ്റ്റഡിയിലെടുത്തു.

കാസർകോട് കുഡ്‌ലുവിൽ ബിജെപി പ്രവർത്തകർ തമ്മിലുണ്ടായ സംഘർഷത്തിൽ ഒരാൾക്ക് കുത്തേറ്റു. ബിജെപി പ്രവർത്തകർ ചേർന്ന് മദ്യപിക്കുന്നതിനിടെ വാക്കുതർക്കമുണ്ടാകുകയും പരസ്പരം ചേരിതിരിഞ്ഞ് അടികൂടുകയുമായിരുന്നു. പ്രശാന്ത് എന്ന ബിജെപി പ്രവർത്തകനാണ് കുത്തേറ്റത്. ബിജെപി പ്രവർത്തകനായ മഹേഷാണ് ഇയാളെ കുത്തിയത്. പ്രശാന്തും മഹേഷും എസ് ഡി പി ഐ പ്രവർത്തകനെ കൊലപ്പെടുത്തിയ കേസിലെ പ്രതികളാണ്. ഗുരുതരമായി പരുക്കേറ്റ പ്രശാന്തിനെ മംഗലാപുരത്തെ ആശുപത്രിയിൽ പ്രവേശിപ്പിച്ചു.  

  സംസ്ഥാനത്ത് ഇന്ന് ഏഴ് ജില്ലകളിൽ മഴ മുന്നറിയിപ്പ്. കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം ജില്ലകളിലാണ് മഴ മുന്നറിയിപ്പ് നൽകിയത്. ഈ ജില്ലകളിൽ ഒറ്റപ്പെട്ട ശക്തമായ മഴയ്ക്ക് സാധ്യതയെന്നാണ് പ്രവചനം. അതേസമയം ജാഗ്രതാ നിർദേശമൊന്നും നൽകിയിട്ടില്ല. കേരളാ തീരത്ത് മത്സ്യബന്ധനത്തിനും വിലക്കില്ല ഇന്നലെ തിരുവനന്തപുരം ജില്ലയിൽ ശക്തമായ മഴ ലഭിച്ചിരുന്നു. ഉച്ചയോടുകൂടി ആരംഭിച്ച മഴ മണിക്കൂറുകളോളം നേരം നീണ്ടു. മലയോര മേഖലയിലും നഗര പ്രദേശത്തുമാണ് വഴ ലഭിച്ചത്.

  മലമ്പുഴ കൂർമ്പാച്ചി മലയിടുക്കിൽ കുടുങ്ങിയ ബാബുവിനെ രക്ഷിക്കാനായി ചെലവ് വന്നത് മുക്കാൽ കോടിയോളം രൂപ. ദുരന്തനിവാരണ അതോറിറ്റിയുടേതാണ് പ്രാഥമിക കണക്ക്. കോസ്റ്റ് ഗാർഡ് ഹെലികോപ്റ്റർ, വ്യോമസേനാ ഹെലികോപ്റ്റർ, കരസേനാ, മറ്റ് രക്ഷാപ്രവർത്തകർ എന്നിവർക്ക് മാത്രം നൽകിയത് അരക്കോടി രൂപയാണ്. തിങ്കളാഴ്ച തുടങ്ങിയ രക്ഷാപ്രവർത്തനം ബുധനാഴ്ചയാണ് അവസാനിച്ചത്. രണ്ട് ദിവസത്തെ ആശുപത്രി വാസവും കഴിഞ്ഞ് ബാബു വീട്ടിലെത്തിയപ്പോഴേക്കും സംസ്ഥാന ഖജനാവിൽ നിന്ന് ചെലവായത് മുക്കാൽ കോടിയോളം രൂപയാണ്. ചില ബില്ലുകൾ ഇനിയും കിട്ടാനുണ്ടെന്നതിനാൽ തുക കൂടാനാണ് സാധ്യത….

  ഒന്നു മുതൽ ഒമ്പത് വരെയുള്ള ക്ലാസുകൾ തിങ്കളാഴ്ച മുതൽ ആരംഭിക്കുമെന്നും ഇതിനുള്ള ഒരുക്കങ്ങൾ പൂർത്തിയായതായും വിദ്യാഭ്യാസ മന്ത്രി വി ശിവൻകുട്ടി. ആദ്യ ആഴ്ച  ഉച്ചവരെ മാത്രമായിരിക്കും ക്ലാസുകൾ. പകുതി കുട്ടികൾക്ക് വീതമായിരിക്കും ക്ലാസുകൾ. ശനിയാഴ്ചയും പ്രവർത്തി ദിവസമായിരിക്കും. എന്നാൽ ഈ മാസം 21 മുതൽ എല്ലാ ക്ലാസുകളും വൈകിട്ടുവരെ ഉണ്ടാകുമെന്നും മന്ത്രി വ്യക്തമാക്കി. വിദ്യാർഥികളെല്ലാം ക്ലാസിൽ എത്തണം. എസ്എസ്എൽസി, പ്ലസ് ടു, വിഎച്ച്എസ്ഇ മോഡൽ പരീക്ഷകൾ മാർച്ച് 16ന് ആരംഭിക്കുമെന്നും മന്ത്രി വ്യക്തമാക്കി. പ്ലസ് ടുവിലും…

  ആലപ്പുഴയിൽ രണ്ട് പേർ ലോറിയിടിച്ച് മരിച്ചു. പിക്കപ് വാനിന്റെ പഞ്ചറായ ടയർ മാറ്റിക്കൊണ്ടിരിക്കെയാണ് ആലപ്പുഴ പൊന്നാംവെളിയിൽ അപകടം നടന്നത്. പിക്കപ് വാൻ ഡ്രൈവർ ചൊവ്വര സ്വദേശി ബിജു, ടയർ മാറ്റാൻ സഹായിക്കാനെത്തിയ വാസുദേവൻ എന്നിവരാണ് മരിച്ചത്. രാവിലെ ആറ് മണിയോടെയായിരുന്നു അപകടം കുപ്പിവെള്ള ലോഡുമായി എറണാകുളത്തേക്ക് പോകുകയായിരുന്നു പിക്കപ് വാൻ. ഇതിനിടെ ടയർ പഞ്ചറായി. വണ്ടി റോഡരികിലേക്ക് മാറ്റിയിട്ട് ടയർ മാറ്റാൻ ശ്രമിക്കുന്നതിനിടെ സൈക്കിളിലെത്തിയ വാസുദേവനും സഹായിക്കാൻ കൂടി. ഇവർ ടയർ മാറ്റിക്കൊണ്ടിരിക്കെ എതിർദിശയിൽ എത്തിയ…

  തൃശ്ശൂർ വേലൂരിൽ തീപിടിത്തം. ചുങ്കത്ത് പ്രവർത്തിക്കുന്ന കിടക്ക നിർമാണ കമ്പനിയിലാണ് തിപിടിത്തമുണ്ടായത്. ഇന്ന് പുലർച്ചെയാണ് അഗ്‌നി ബാധ ഉണ്ടായത്. ഫയർ ഫോഴ്സ് എത്തി തീ അണച്ചു. നാല് ഇതരസംസ്ഥാന തൊഴിലാളികൾക്ക് പൊള്ളലേറ്റിട്ടുണ്ട്. ഇവരെ ആശുപത്രിയിൽ പ്രവേശിപ്പിച്ചു. ആരുടെയും പരിക്ക് സാരമുള്ളതല്ല. ഷോർട്ട് സർക്യൂട്ട് ആണ് അഗ്‌നിബാധയ്ക്ക് കാരണമെന്നാണ് പ്രാഥമിക നിഗമനം.

  അന്വേഷണ ഉദ്യോഗസ്ഥരെ അപായപ്പെടുത്താൻ ഗൂഢാലോചന നടത്തിയെന്ന കേസ് റദ്ദാക്കണമെന്നാവശ്യപ്പെട്ട് ദിലീപും  കൂട്ടുപ്രതികളും നാളെ ഹൈക്കോടതിയെ സമീപിക്കും. കേസ് ക്രൈംബ്രാഞ്ച് കെട്ടിച്ചമച്ചതാണെന്നും എഫ് ഐ ആർ നിലനിൽക്കില്ലെന്നും പ്രതികൾ പറയുന്നു ഗൂഢാലോചന തെളിയിക്കാൻ പര്യാപ്തമായ തെളിവില്ലെന്ന് ഹൈക്കോടതി നിരീക്ഷിച്ചത് തങ്ങളുടെ പരാതി ശരിവെക്കുന്നതാണെന്നും പ്രതികൾ അറിയിക്കും അതേസമയം പ്രതികളുടെ നീക്കം തടയുന്നതിനായി പരമാവധി തെളിവ് ശേഖരിക്കാൻ ക്രൈംബ്രാഞ്ചും നീക്കമാരംഭിച്ചു. ദിലീപ് അടക്കമുള്ളവരുടെ ഫോണുകളിലെ ഫോറൻസിക് പരിശോധനാ ഫലം ലഭിക്കുന്നതോടെ ഗൂഢാലോചനക്ക് കൂടുതൽ തെളിവ് കിട്ടുമെന്നാണ് അന്വേഷണ സംഘം…