പാലക്കാട് നെല്ലിയാമ്പതിയിൽ കടുവയുടെ ജഡം കിണറ്റിൽ കണ്ടെത്തി. മൂന്ന് ദിവസം പഴക്കം തോന്നിക്കുന്ന മൂന്ന് വയസ്സ് പ്രായമുള്ള പെൺകടുവയുടെ മൃതദേഹമാണ് ലഭിച്ചത്. പരിശോധനയിൽ കടുവയുടെ വായിൽ മുള്ളൻ പന്നിയുടെ മുള്ളുകൾ തറച്ചതായി കണ്ടെത്തി. കടുവയുടെ ജഡം പോസ്റ്റുമോർട്ടം ചെയ്ത് ആന്തരികാവയവങ്ങൾ കാക്കനാട്ടെ റീജിയണൽ കെമിക്കൽ എക്സാമിനേഷൻ ലാബിലേക്ക് പരിശോധനക്ക് അയച്ചു. ഇരയെ പിടികൂടുന്നതിനിടെ കിണറ്റിൽ വീണതാകാമെന്നാണ് നിഗമനം.
നെടുമ്പാശ്ശേരി അന്താരാഷ്ട്ര വിമാനത്താവളം വഴി കടത്താൻ ശ്രമിച്ച സ്വർണവുമായി രണ്ട് യാത്രക്കാർ പിടിയിൽ. രണ്ട് പേരിൽ നിന്നായി 1320 ഗ്രാം സ്വർണമാണ് പിടികൂടിയത്. ഇതിന് 65 ലക്ഷം രൂപ വിലമതിക്കുമെന്ന് എയർ കസ്റ്റംസ് ഇന്റലിജൻസ് വിഭാഗം പറയുന്നു. ഷാർജയിൽ നിന്നെത്തിയ മലപ്പുറം സ്വദേശിയിൽ നിന്ന് 750 ഗ്രാം സ്വർണമാണ് പിടികൂടിയത്. സ്വർണമിശ്രിതമാക്കി മൂന്ന് ക്യാപ്സൂൾ രൂപത്തിലാക്കി ശരീരത്തിൽ ഒളിപ്പിച്ചാണ് ഇയാൾ സ്വർണം കടത്തിക്കൊണ്ടുവന്നത്. ഷാർജയിൽ നിന്ന് കുടുംബസമേതം എത്തിയ യാത്രക്കാരനിൽ നിന്ന് 570 ഗ്രാം സ്വർണം…
എസ് എൻ ഡി പി യോഗം ജനറൽ സെക്രട്ടറിയും മുഖ്യമന്ത്രി പിണറായി വിജയനും കൂടിക്കാഴ്ച നടത്തി. കണിച്ചുകുളങ്ങരയിലെ ഹോട്ടലിലാണ് കൂടിക്കാഴ്ച നടന്നത്. സിപിഎം ജില്ലാ സമ്മേളനത്തിൽ പങ്കെടുക്കുന്നതിനായാണ് മുഖ്യമന്ത്രി ആലപ്പുഴയിൽ എത്തിയത്. സഹൃദ സന്ദർശനം മാത്രമാണ് നടത്തിയതെന്നും വരുന്ന എസ് എൻ ഡി പി യോഗം തെരഞ്ഞെടുപ്പിൽ താൻ തന്നെ വിജയിക്കുമെന്നും വെള്ളാപ്പള്ളി നടേശൻ പറഞ്ഞു യോഗം തെരഞ്ഞെടുപ്പുമായി ബന്ധപ്പെട്ട കേസുകളും കോടതി വിധികളും നിലനിൽക്കുന്ന സാഹചര്യത്തിൽ സംസ്ഥാന സർക്കാരാണ് തെരഞ്ഞെടുപ്പ് സംബന്ധിച്ച തീരുമാനമെടുക്കേണ്ടത്. ഇതേ തുടർന്നാണ്…
ബലാത്സംഗ കേസിൽ ഒളിവിലായിരുന്ന വ്ളോഗർ ശ്രീകാന്ത് വെട്ടിയാർ പോലീസിൽ കീഴടങ്ങി. അഭിഭാഷകനോടൊപ്പമെത്തി എറണാകുളം സെൻട്രൽ പോലീസ് സ്റ്റേഷനിലാണ് കീഴടങ്ങിയത്. ഹൈക്കോടതി നിർദേശപ്രകാരമാണ് ശ്രീകാന്ത് വെട്ടിയാർ സ്റ്റേഷനിൽ ഹാജരായത്. കേസിൽ ഹൈക്കോടതി ശ്രീകാന്തിന് മുൻകൂർ ജാമ്യം നൽകിയിരുന്നു ശ്രീകാന്തിന്റെ അറസ്റ്റ് രേഖപ്പെടുത്തുകയാണെങ്കിൽ ഇന്ന് തന്നെ കോടതിയിൽ ഹാജരാക്കി ജാമ്യം നൽകും. കൊച്ചിയിലെ ഫ്ളാറ്റിൽ വെച്ചും ഹോട്ടലിൽ വെച്ചും ശ്രീകാന്ത് വെട്ടിയാർ പീഡിപ്പിച്ചതായാണ് യുവതിയുടെ പരാതി. എന്നാൽ ബലാത്സംഗ ആരോപണം നിലനിൽക്കില്ലെന്നും യുവതി തന്റെ അടുത്ത സുഹൃത്തായിരുന്നുവെന്നും ഹർജിക്കാരൻ…
പത്തനംതിട്ടയിൽ പ്ലസ് ടു വിദ്യാർഥി ഹോട്ടലിന് മുകളിൽ തൂങ്ങിമരിച്ച നിലയിൽ. തൃശ്ശൂർ വരന്തരപ്പിള്ളി ചുക്കേരി വീട്ടിൽ അലോൻസോ ജോജി(18)യെയാണ് മരിച്ച നിലയിൽ കണ്ടെത്തിയത്. റാന്നി സിറ്റാഡൽ സ്കൂളിൽ പ്ലസ് ടു വിദ്യാർഥിയാണ് രണ്ട് മാസമായി പത്തനംതിട്ട നഗരത്തിലെ ഹോട്ടലിലായിരുന്നു താമസം. കോളജ് റോഡിൽ പ്രവർത്തിക്കുന്ന ഹോട്ടലിൽ കഴിഞ്ഞ മാസം മൂന്നിനാണ് അലോൻസോ മുറിയെടുത്തത്. ചൊവ്വാഴ്ച രാത്രി 11.30ഓടെയാണ് ഇയാളെ തൂങ്ങിമരിച്ച നിലയിൽ കണ്ടെത്തിയത്. ആത്മഹത്യയെന്നാണ് പ്രാഥമിക നിഗമനം
വിവിധ കേസുകളിൽ പിടികിട്ടാപ്പുള്ളിയായ പ്രതിയെ നാല് വർഷത്തിന് ശേഷം കുറ്റിപ്പുറം പോലീസ് പിടികൂടി. തിരുവനന്തപുരം വള്ളക്കടവ് സ്വദേശി മാഹിനാണ്(42) അറസ്റ്റിലായത്. നാല് വർഷം മുമ്പ് കുറ്റിപ്പുറത്ത് കുഴൽപ്പണം തട്ടിയ കേസിൽ അറസ്റ്റിലായ ഇയാൾ ജാമ്യത്തിലിറങ്ങി മുങ്ങുകയായിരുന്നു. 2018ലാണ് ഇയാളും കൂട്ടുപ്രതികളും കുഴൽപ്പണം തട്ടിയെടുത്തത്. മാഹിനെതിരെ തിരുവനന്തപുരത്തെ വിവിധ പോലീസ് സ്റ്റേഷനുകളിലായി കൊലപാതകം, കൊലപാതക ശ്രമം എന്നിവക്ക് കേസുകളുണ്ട്. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു
ഒറ്റപ്പാലത്ത് ആഷിഖ് എന്ന യുവാവിനെ കൊലപ്പെടുത്താൻ കാരണം പ്രതി ഫിറോസ് വിദേശത്തേക്ക് പോകുന്നതുമായി ബന്ധപ്പെട്ട തർക്കമെന്ന് പോലീസ്. നിരവധി കഞ്ചാവ് കേസുകളിൽ പ്രതികളായിരുന്നു ആഷിഖും ഫിറോസും. ഒരുമിച്ചുള്ള കേസുകൾ ഒറ്റയ്ക്ക് നടത്താനാകില്ലെന്ന് ആഷിഖ് പറഞ്ഞതാണ് തർക്കത്തിനിടയാക്കിയത്. വാക്കുതർക്കത്തിനിടെ തന്നെ ആക്രമിക്കാൻ ആഷിഖ് ഉപയോഗിച്ച കത്തി വാങ്ങി കഴുത്തിൽ തിരികെ കുത്തുകയായിരുന്നുവെന്ന് ഫിറോസ് മൊഴി നൽകി കൊലയ്ക്ക് ഉപയോഗിച്ച ആയുധം കണ്ടെത്താനായില്ല. രണ്ട് മാസം മുമ്പാണ് കൊലപാതകം നടന്നത്. കഴിഞ്ഞ ദിവസം മോഷണക്കേസിൽ അറസ്റ്റിലായ ഫിറോസിനെ ചോദ്യം…
ബാലുശ്ശേരി എംഎൽഎ കെഎം സച്ചിൻ ദേവും തിരുവനന്തപുരം മേയർ ആര്യാ രാജേന്ദ്രനും വിവാഹിതരാകുന്നു. ഇരു കുടുംബങ്ങളും തമ്മിൽ ഇതുസംബന്ധിച്ച ധാരണയായതായി സച്ചിന്റെ പിതാവ് കെ എം നന്ദകുമാർ അറിയിച്ചു. ഒരു മാസത്തിന് ശേഷമാകും വിവാഹം. ബാലസംഘം, എസ് എഫ് ഐ പ്രവർത്തന കാലത്ത് തന്നെ ഇരുവരും സുഹൃത്തുക്കളായിരുന്നു. എസ് എഫ് ഐ സംസ്ഥാന സെക്രട്ടറിയായിരുന്ന സച്ചിൻ കഴിഞ്ഞ നിയമസഭാ തെരഞ്ഞെടുപ്പിലാണ് ബാലുശ്ശേരിയിൽ നിന്ന് വിജയിച്ചത്. നിലവിൽ എസ് എഫ് ഐ അഖിലേന്ത്യാ ജോയന്റ് സെക്രട്ടറിയാണ്. 21ാം…
നമ്പർ 18 ഹോട്ടലിൽ വെച്ച് പ്രായപൂർത്തിയാകാത്ത പെൺകുട്ടിയെ പീഡിപ്പിച്ച കേസിൽ ഹോട്ടലുടമ റോയ് വയലാട്ട്, സൈജു തങ്കച്ചൻ, അഞ്ജലി എന്നിവർ നൽകിയ മുൻകൂർ ജാമ്യാപേക്ഷ ഹൈക്കോടതി ഇന്ന് പരിഗണിക്കും. നേരത്തെ മുൻകൂർ ജാമ്യാപേക്ഷ പരിഗണിച്ച കോടതി പ്രതികളുടെ അറസ്റ്റ് തടഞ്ഞിരുന്നു തങ്ങളെ ഭീഷണിപ്പെടുത്തി പണം തട്ടാനാണ് പരാതിക്കാർ ശ്രമിക്കുന്നതെന്ന് ചൂണ്ടിക്കാട്ടിയാണ് പ്രതികൾ മുൻകൂർ ജാമ്യാപേക്ഷ നൽകിയത്. മോഡലുകളുടെ മരണശേഷം തന്നെ പ്രത്യേക ലക്ഷ്യത്തോടെ കേസുകളിൽ കുടുക്കാൻ ശ്രമിക്കുകയാണ്. ഇതിന്റെ ഭാഗമായിട്ടാണ് പുതിയ കേസെന്ന് റോയ് ഹർജിയിൽ…
രാജ്യത്ത് മൊബൈൽ സാങ്കേതിക വിദ്യയുടെ അഞ്ചാം തലമുറയായ 5ജി നെറ്റ്വർക്ക് ലഭ്യമാക്കുന്നതിന്റെ ഭാഗമായി സ്പെക്ട്രം ലേലം മെയിൽ ആരംഭിക്കും. വാർത്ത ഏജൻസിയായ പി ടി ഐ യുടെ റിപ്പോർട്ട് പ്രകാരം മാർച്ചിൽ സ്പെക്ട്രം വിലയുമായി ബന്ധപ്പെട്ട വിവരങ്ങൾ ടെലികോം അതോറിറ്റി ഓഫ് ഇന്ത്യ (ട്രായ് ) കൈമാറിയാൽ മേയിൽ തന്നെ സ്പെക്ട്രം ലേലം ആരംഭിക്കാനാകും. മേയിൽ തന്നെ ലേലം നടത്താൻ സാധിച്ചാൽ ഈ വർഷം അവസാനത്തോടെ 5ജി സേവനങ്ങൾ രാജ്യത്ത് ആരംഭിക്കാനാകും. ദിവസങ്ങൾക്കു മുൻപ് കേന്ദ്ര…