ആലപ്പുഴയിൽ വയോധികയുടെ മൃതദേഹം വീട്ടിനുള്ളിൽ അഴുകിയ നിലയിൽ കണ്ടെത്തി. പുന്നപ്ര പവർ ഹൗസിന് സമീപം ആഞ്ഞിലിപറമ്പിൽ വൽസല(62)ആണ് മരിച്ചത്. മൃതദേഹത്തിന് അഞ്ച് ദിവസത്തെ പഴക്കം തോന്നിക്കുന്നതായി പോലീസ് അറിയിച്ചു. സഹോദരി സുനിതക്കൊപ്പമാണ് വൽസല താമസിച്ചിരുന്നത്. തിരുവനന്തപുരത്ത് ജോലി ചെയ്യുന്ന സഹോദരൻ എത്തിയപ്പോഴാണ് മൃതദേഹം കണ്ടത്.
തൃശ്ശൂർ പുതുക്കാട് ഗുഡ്‌സ് ട്രെയിൻ പാളം തെറ്റിയതിനെ തുടർന്ന് തടസ്സപ്പെട്ട ട്രെയിൻ ഗതാഗതം പൂർണനിലയിൽ പുനസ്ഥാപിക്കാനായില്ല. ചാലക്കുടിക്കും ഒല്ലൂരിനുമിടയിൽ ഒറ്റവരിയിലൂടെയാണ് ട്രെയിൻ ഓടുന്നത്. ഒമ്പത് ട്രെയിനുകൾ പൂർണമായും അഞ്ച് ട്രെയിനുകൾ ഭാഗികമായും റദ്ദാക്കിയിട്ടുണ്ട്. തിരുവനന്തപുരം-ഷൊർണൂർ വേണാട് എക്‌സ്പ്രസ് ഷൊർണൂർ-എറണാകുളം മെമു കോട്ടയം-നിലമ്പൂർ എക്‌സ്പ്രസ് എറണാകുളം-പാലക്കാട് മെമു എറണാകുളം-കണ്ണൂർ ഇന്റർസിറ്റി ഗുരുവായൂർ-എറണാകുളം എക്‌സ്പ്രസ് എറണാകുളം-തിരുവനന്തപുരം വഞ്ചിനാട് എക്‌സ്പ്രസ് തിരുവനന്തപുരം-എറണാകുളം വഞ്ചിനാട് എക്‌സ്പ്രസ് എറണാകുളം-ആലപ്പുഴ എക്‌സ്പ്രസ് ഭാഗികമായി റദ്ദാക്കിയ ട്രെയിനുകൾ കണ്ണൂർ-ആലപ്പുഴ ഇന്റർസിറ്റി ഷൊർണൂരിൽ യാത്ര അവസാനിപ്പിക്കും ഗുരുവായൂർ-തിരുവനന്തപുരം…
സർക്കാർ ഓർഡിനൻസ് ഇറക്കിയാലും സെക്ഷൻ 14 പ്രകാരം റിപ്പോർട്ട് നൽകാൻ ഇപ്പോഴും തങ്ങൾക്ക് അധികാരമുണ്ടെന്ന് ലോകായുക്ത ജസ്റ്റിസ് സിറിയക് ജോസഫ്. അത് പരിഗണിക്കണോ വേണ്ടയോ എന്നത് സർക്കാരാണ് തീരുമാനിക്കേണ്ടത്. ദുരിതാശ്വാസ നിധിയിൽ നിന്ന് അനർഹർക്ക് സഹായം നൽകിയെന്ന ഹർജിയിൽ വാദം നടക്കുമ്പോഴാണ് ലോകായുക്തയുടെ പരാമർശം അതേസമയം മന്ത്രിസഭാ തീരുമാനം ലോകായുക്തക്ക് ചോദ്യം ചെയ്യാനാകില്ലെന്ന് സർക്കാർ നിലപാടെടുത്തു. മന്ത്രിസഭ സർക്കാർ ജീവനക്കാർ അല്ല. അതുകൊണ്ട് തന്നെ സർക്കാർ ജീവനക്കാർ ആണെങ്കിൽ മാത്രമേ ലോകായുക്തക്ക് പരിഗണിക്കാനാകൂവെന്നായിരുന്നു സർക്കാരിന്റെ വാദം….
ട്രെയിനിംഗ് ലഭിച്ചാൽ എവറസ്റ്റ് കയറാൻ പോകുമെന്ന് ബാബു. ആരോഗ്യ പ്രശ്‌നങ്ങളില്ല. ഇനിയും യാത്രകൾ പോകും. എന്നാൽ അനുമതിയില്ലാതെ ആരും ഇത്തരം കാര്യങ്ങൾക്ക് ഇറങ്ങരുതെന്നും ബാബു പറഞ്ഞു. ഇന്ന് രാവിലെ പത്തേ മുക്കാലോടെ ആശുപത്രിയിൽ നിന്നും ഡിസ്ചാർജ് ആയി വീട്ടിലെത്തിയ ശേഷം പ്രതികരിക്കുകയായിരുന്നു ബാബു ജില്ലാ കലക്ടർ മൃൺമയി ജോഷി അടക്കമുള്ളവർ ബാബുവിനെ സ്വീകരിക്കാനായി ആശുപത്രിയിൽ എത്തിയിരുന്നു. കാൽ തെറ്റിയാണ് മലയിടുക്കിൽ വീണതെന്നും ഭയമുണ്ടായിരുന്നില്ലെന്നും ബാബു പറഞ്ഞു. സൈന്യത്തോടും ആശുപത്രി അധികൃതരോടും കടപ്പാടുണ്ടെന്ന് ബാബുവിന്റെ മാതാവും പ്രതികരിച്ചു.
കോട്ടയം അയർകുന്നത്ത് പോക്‌സോ കേസ് പ്രതിയായ യുവാവ് വീടിനുള്ളിൽ തൂങ്ങിമരിച്ച നിലയിൽ. മാലം ചെറുകരയിൽ അനന്തുവിനെയാണ് മരിച്ച നിലയിൽ കണ്ടത്. സോഷ്യൽ മീഡിയ വഴി പരിചയത്തിലായ പ്രായപൂർത്തിയാകാത്ത പെൺകുട്ടിയെ പീഡിപ്പിക്കുകയും ദൃശ്യങ്ങൾ പകർത്തുകയും ചെയ്ത കേസിലാണ് ഡിസംബറിൽ ഇയാൾ അറസ്റ്റിലായത്. ഈ ദൃശ്യങ്ങൾ ഇയാൾ കുട്ടിയുടെ പിതാവിന് അയച്ചുകൊടുത്തതോടെയാണ് സംഭവം പുറത്താകുന്നത്. ദിവസങ്ങൾക്ക് മുമ്പാണ് ഇയാൾ ജാമ്യത്തിലിറങ്ങിയത്.
തിരുവനന്തപുരം എ ആർ ക്യാമ്പിലെ പോലീസുകാരനായ ബേർട്ടിയുടെ മരണത്തിൽ ദുരൂഹത. കൊട്ടാരക്കര സ്വദേശിയായ ബേർട്ടിയുടെ തലയ്ക്ക് പരുക്കേറ്റിട്ടുണ്ട്. മദ്യപിച്ച് എ ആർ ക്യാമ്പിലുണ്ടായ സംഘർഷത്തിലാണ് ബേർട്ടിക്ക് പരുക്കേറ്റതെന്ന് ബന്ധുക്കൾ പറയുന്നു മദ്യപിച്ച് അവശനിലയിൽ കണ്ടെത്തിയ പോലീസുകാരനെ ബന്ധുക്കളെത്തിയാണ് ആശുപത്രിയിലേക്ക് മാറ്റിയത്. ഇന്നലെ രാത്രിയോടെ തന്നെ ബേർട്ടി അന്തരിച്ചു. സംഭവത്തിൽ മ്യൂസിയം പോലീസ് കേസെടുത്ത് അന്വേഷണം ആരംഭിച്ചു
തൃശ്ശൂർ ഇരിങ്ങാലക്കുടയിൽ വിദ്യാർഥിനിയെ വീട്ടുവളപ്പിലെ കിണറ്റിൽ മരിച്ച നിലയിൽ കണ്ടെത്തി. കിഴുത്താണി സ്വദേശി ജ്യോതിപ്രകാശിന്റെയും രജിതയുടെയും മകളായ സാന്ത്വനയാണ്(19) മരിച്ചത്. കൊടുങ്ങല്ലൂർ കെകെടിഎം കോളജിലെ രണ്ടാം വർഷ ബിരുദ വിദ്യാർഥിനിയാണ്സ മീപവാസികളാണ് വിവരം പോലീസിനെ അറിയിച്ചത്. ഇൻക്വസ്റ്റ് നടപടികൾക്ക് ശേഷം മൃതദേഹം മെഡിക്കൽ കോളജിലേക്ക് മാറ്റി. പോലീസ് കേസെടുത്ത് അന്വേഷണം ആരംഭിച്ചു
മലമ്പുഴ കൂർമ്പാച്ചി മലയിൽ 45 മണിക്കൂറോളം കുടുങ്ങിക്കിടന്നതിന് പിന്നാലെ സൈന്യം രക്ഷപ്പെടുത്തിയ ബാബു ആശുപത്രി വിട്ടു. രണ്ട് ദിവസത്തെ ചികിത്സക്ക് ശേഷമാണ് ബാബുവിനെ ഡിസ്ചാർജ് ചെയ്തത്. ബാബുവിന്റെ ആരോഗ്യനില തൃപ്തികരമാണെന്ന് ആശുപത്രി അധികൃതർ നേരത്തെ വ്യക്തമാക്കിയിരുന്നു നോ പ്രോബ്ലം എന്നായിരുന്നു ഡിസ്ചാർജ് ആയതിന് ശേഷമുള്ള ബാബുവിന്റെ ആദ്യ പ്രതികരണം. വീഴ്ചയുടെയും രണ്ട് പകലും രണ്ട് രാത്രിയും വെള്ളമോ ഭക്ഷണമോ ഇല്ലാതെ മലയിടുക്കിൽ കഴിയേണ്ടി വന്നതിന്റെയും ആരോഗ്യ പ്രശ്‌നങ്ങളാണ് ബാബുവിന് ഉണ്ടായിരുന്നത്. തിങ്കളാഴ്ച ഉച്ചയോടെയാണ് കുർമ്പാച്ചി മലമുകളിൽ…
കുതിരവട്ടം മാനസികാരോഗ്യ കേന്ദ്രത്തിൽ യുവതി കൊല്ലപ്പെട്ട സംഭവത്തിൽ ദുരൂഹത. മഹാരാഷ്ട്ര സ്വദേശിയായ ജിയാറാം ജിലോട്ടാണ് കൊല്ലപ്പെട്ടത്. യുവതിയുടെ ശരീരം മുഴുവൻ മർദനമേറ്റ പാടുകൾ കണ്ടെത്തി. കഴുത്തിന് പിൻവശത്തായി അടിയേറ്റ നീരും കാണാം. ചെവിയിൽ നിന്നും മൂക്കിൽ നിന്നും രക്തം വാർന്നിട്ടുണ്ട് മരണദിവസം സെല്ലിൽ അന്തേവാസികൾ തമ്മിൽ അടിപിടിയുണ്ടായിരുന്നതായി അധികൃതർ പറഞ്ഞിരുന്നു. എന്നാൽ അടിപിടി നടന്ന സമയത്ത് യുവതിക്ക് പരുക്കേറ്റിട്ടില്ലെന്നായിരുന്നു ആശുപത്രി അധികൃതരുടെ വിശദീകരണം. ജിയറാമിന്റെ ഭർത്താവ് ഉപേക്ഷിച്ച് പോയതാണ്. ഭർത്താവിനെ തേടി തലശ്ശേരിയിൽ എത്തിയ യുവതി…
തിരുവനന്തപുരം വെള്ളായണിയിൽ യുവതി തീ കൊളുത്തി ആത്മഹത്യ ചെയ്ത സംഭവത്തിൽ ഭർത്താവ് അറസ്റ്റിൽ. നേമം പോലീസ് ക്വാർട്ടേഴ്‌സ് റോഡിൽ താമസിക്കുന്ന ദിവ്യ(38)യാണ് ഡിസംബർ 9ന് ഭർതൃവീട്ടിൽ മരിച്ചത്. ദിവ്യയുടെ ഭർത്താവ് പ്ലാങ്കാലമുക്ക് നന്ദാവനത്തിൽ എസ് ബിജുവിനെയാണ് പ്രേരണാക്കുറ്റം ചുമത്തി അറസ്റ്റ് ചെയ്ത്. മകളുടെ മൊഴിയാണ് ഇയാളുടെ അറസ്റ്റിലേക്ക് നയിച്ചത്. ഡിസംബർ 9നായിരുന്നു സംഭവം. വഴക്കിനിടെ മരിക്കുമെന്ന് പറഞ്ഞ് ദിവ്യ ശരീരത്തിൽ മണ്ണെണ്ണ ഒഴിച്ചു. ഭാര്യയെ പിന്തിരിപ്പിക്കുന്നതിന് പകരം ബിജു ഇവരെ മർദിക്കുകയും തീപ്പെട്ടി എടുത്ത് നൽകുകയുമായിരുന്നു….