സംസ്ഥാനത്ത് ശക്തമായ മഴയ്ക്ക് സാധ്യതയെന്ന് കാലാവസ്ഥാ നിരീക്ഷണ വകുപ്പ്. ഇടുക്കി, വയനാട് ജില്ലകളിൽ യെല്ലോ അലർട്ട് പുറപ്പെടുവിച്ചു. തിങ്കളാഴ്ച ഇടുക്കി ജില്ലയിലും ബുധനാഴ്ച ഇടുക്കി, വയനാട് ജില്ലകളിലുമാണ് യെല്ലോ അലർട്ട് ഒറ്റപ്പെട്ടയിടങ്ങളിൽ 24 മണിക്കൂറിൽ 64.5 മില്ലി മീറ്റർ മുതൽ 115.5 മില്ലി മീറ്റർ വരെ ലഭിക്കുന്ന ശക്തമായ മഴയാണ് പ്രവചിക്കപ്പെട്ടിരിക്കുന്നത്.
ഡോളർ കടത്ത് കേസിൽ കസ്റ്റംസ് വിശദീകരണം തേടിയെന്ന് സ്ഥിരീകരിച്ച് സ്പീക്കർ പി ശ്രീരാമകൃഷ്ണൻ. തന്റെ സൗകര്യം ചോദിച്ചറിഞ്ഞാണ് കസ്റ്റംസ് ഔദ്യോഗിക വസതിയിൽ എത്തിയത്. ആവശ്യമായ എല്ലാ വിവാദങ്ങൾക്കും വിശദീകരണം നൽകാൻ തയ്യാറാണെന്ന് നേരത്തെ അറിയിച്ചതാണെന്നും സ്പീക്കർ പറഞ്ഞു തിരുവനന്തപുരത്തെ വസതിയിലെത്തിയാണ് കസ്റ്റംസ് ഉദ്യോഗസ്ഥ സംഘം സ്പീക്കറെ ചോദ്യം ചെയ്തത്. കസ്റ്റംസ് സൂപ്രണ്ട് സലീലിന്റെ നേതൃത്വത്തിലായിരുന്നു ചോദ്യം ചെയ്യൽ. അഞ്ച് മണിക്കൂറിലേറെ സമയം സ്പീക്കറിൽ നിന്ന് മൊഴിയെടുത്തതായാണ് സൂചന നേരത്തെ രണ്ട് തവണ നോട്ടീസ് നൽകിയെങ്കിലും ശ്രീരാമകൃഷ്ണൻ…
മുസ്ലിം ലീഗ് പ്രവർത്തകൻ മൻസൂറിന്റെ കൊലപാതകവുമായി ബന്ധപ്പെട്ട് രണ്ട് പേർ കൂടി കസ്റ്റഡിയിൽ. കൃത്യത്തിൽ പങ്കെടുത്തവരാണ് രണ്ട് പേരും. ഇതോടെ കേസിൽ പിടിയിലായവരുടെ എണ്ണം നാലായി ആദ്യം പിടിയിലായ ഷിനോസാണ് കേസിലെ ഒന്നാം പ്രതി. രണ്ടാം പ്രതി രതീഷ് കൂലോത്തിനെ ഇന്നലെ തൂങ്ങിമരിച്ച നിലയിൽ കണ്ടെത്തിയിരുന്നു. ഷിനോസിന്റെ ഫോണിൽ നിന്ന് നിർണായക വിവരങ്ങൾ ലഭിച്ചതായി പോലീസ് സ്ഥിരീകരിച്ചിരുന്നു കൊല്ലപ്പെട്ട മൻസൂറിന്റെ സഹോദരൻ മുഹ്‌സിനെയാണ് അക്രമിസംഘം ലക്ഷ്യം വെച്ചിരുന്നത്. ഇതുസംബന്ധിച്ച വാട്‌സാപ്പ് സന്ദേശങ്ങളും ഫോണിൽ നിന്ന് ലഭിച്ചു. മുഹ്‌സിന്റെ…
ലോകയുക്ത റിപ്പോർട്ടിന്റെ അടിസ്ഥാനത്തിൽ മന്ത്രി കെ ടി ജലീൽ ഇപ്പോൾ രാജിവെക്കേണ്ടതില്ലെന്ന് മന്ത്രി എ കെ ബാലൻ. ഡെപ്യൂട്ടേഷനിൽ ബന്ധുവിനെ നിയമിക്കാൻ പാടില്ലെന്ന് എവിടെയും പറയുന്നില്ല. ഏതെങ്കിലും കീഴ്‌ക്കോടതി വിധിയുടെ അടിസ്ഥാനത്തിൽ അപ്പോൾ തന്നെ രാജിവെക്കുന്ന സാഹചര്യം കേരളത്തിലില്ല ഒക്ടോബറിലാണ് ജലീലിന്റെ ബന്ധുവായ അദീബിനെ ഡെപ്യൂട്ടേഷനിൽ നിയമിക്കുന്നത്. ബന്ധു നിയമപരമായി അർഹനാണോയെന്നതേ പരിശോധിക്കേണ്ടതുള്ളു. ഡെപ്യൂട്ടേഷനിൽ ബന്ധു പറ്റില്ലെന്ന് നിയമത്തിൽ എവിടെയും പറയുന്നില്ല. അങ്ങനെയാണെങ്കിൽ ഒരു സ്ഥലത്തും ബന്ധുവിനെ നിയമിക്കാൻ പറ്റില്ലെന്ന സ്ഥിതിയലേക്ക് എത്തേണ്ടി വരും അദീബ്…
കോഴിക്കോട്: ജില്ലയില്‍ കോവിഡ് ബാധിതരുടെ എണ്ണം ക്രമാതീതമായി വര്‍ദ്ധിച്ചുവരുന്നതിനാല്‍ കോഴിക്കോട് ബീച്ചുകളില്‍ നിയന്ത്രണം ഏര്‍പ്പെടുത്താന്‍ ജില്ലാ കളക്ടറുടെ നിര്‍ദേശം. യാതൊരു പരിശോധനയുമില്ലാതെ ആളുകള്‍ കൂട്ടം കൂടുന്നത് ഒഴിവാക്കാനാണ് പോലീസിനോട് ആവശ്യപ്പെട്ടിരിക്കുന്നത്. തദ്ദേശ ഭരണ സ്ഥാപനങ്ങള്‍ നടപ്പാക്കുന്ന നിയന്ത്രണങ്ങള്‍ ജില്ലാഭരണകൂടം ദിവസേന വിലയിരുത്തും. കോഴിക്കോട്, കാപ്പാട് ബീച്ചുകളില്‍ തദ്ദേശീയര്‍ക്ക് പുറമെ മലപ്പുറം, വയനാട് ജില്ലകളിലെ നിരവധി സഞ്ചാരികളാണ് ദിവസേനയെത്തുന്നത്. ആദ്യഘട്ടത്തില്‍ കൃത്യമായ നിയന്ത്രണവും നിരീക്ഷണവും ഏര്‍പ്പെടുത്തിയിരുന്നെങ്കിലും പലയിടത്തും പിന്‍വലിക്കുകയായിരുന്നു. കലക്ടര്‍ നിര്‍ദേശിച്ചിട്ടുള്ളത്. തീരത്തെ വ്യാപാരികളുള്‍പ്പെടെ കോവിഡ് പരിശോധന പൂര്‍ത്തിയാക്കിയിട്ടുണ്ടോ…
കൊവിഡ് ബാധിച്ച് ചികിത്സയിൽ കഴിയുന്ന മുഖ്യമന്ത്രി പിണറായി വിജയന്റെ ആരോഗ്യനില തൃപ്തികരമെന്ന് മെഡിക്കൽ റിപ്പോർട്ട്. കോഴിക്കോട് മെഡിക്കൽ കോളജ് ആശുപത്രിയിലാണ് മുഖ്യമന്ത്രി ചികിത്സയിൽ കഴിയുന്നത്. സ്‌കാനിംഗ് അടക്കമുള്ള പരിശോധനകൾക്ക് മുഖ്യമന്ത്രിയെ വിധേയനാക്കിയിരുന്നു മുതിർന്ന ഡോക്ടർമാരാണ് മുഖ്യമന്ത്രിയുടെയും കുടുംബത്തിന്റെയും ചികിത്സക്ക് നേതൃത്വം വഹിക്കുന്നത്. സൂപ്രണ്ടിന്റെ നേതൃത്വത്തിലുള്ള ഏഴംഗ മെഡിക്കൽ സംഘത്തെ ചികിത്സക്കായി നിയോഗിച്ചിട്ടുണ്ട്. മുഖ്യമന്ത്രിയുടെ പേരമകൻ ഇഷാനും പരിശോധനയിൽ കൊവിഡ് സ്ഥിരീകരിച്ചിട്ടുണ്ട്. ഭാര്യ കമല മെഡിക്കൽ കോളജിൽ ക്വാറന്റൈനിലാണ്.
തിരുവനന്തപുരം: എസ്‌എസ്‌എല്‍സി പരീക്ഷാ ഫലം ജൂണ്‍ ആദ്യവാരം പ്രസിദ്ധീകരിക്കാന്‍ വിദ്യാഭ്യാസ വകുപ്പ് തീരുമാനിച്ചു. മൂല്യ നിര്‍ണയം മെയ് 14 മുതല്‍ 29 വരെ നടക്കും. പ്ലസ് ടു ഫലം ജൂണ്‍ 20 ന് അകം പ്രസിദ്ധീകരിക്കും. മൂല്യനിര്‍ണയം മെയ് 5 മുതല്‍ ജൂണ്‍ 10 വരെയാണ്. പ്രാക്ടിക്കല്‍ പരീക്ഷകള്‍ ഈ മാസം 28 മുതല്‍ മെയ് 15 വരെ നടക്കും.
വട്ടിയൂർക്കാവിലെ യുഡിഎഫ് സ്ഥാനാർഥി വീണ എസ് നായരുടെ പോസ്റ്ററുകൾ ആക്രി കടയിൽ കൊണ്ടുപോയി തൂക്കിവിറ്റ കോൺഗ്രസ് പ്രവർത്തകനെതിരെ നടപടി. കുറവൻകോണം മണ്ഡലം കോൺഗ്രസ് ട്രഷറർ വി ബാലുവിനെയാണ് കുറ്റക്കാരനെന്ന് കണ്ടെത്തിയത്. ഇയാളെ പാർട്ടിയുടെ പ്രാഥമിക അംഗത്വത്തിൽ നിന്ന് പുറത്താക്കി സംഭവം അന്വേഷിക്കാൻ ഡിസിസി നിയോഗിച്ച സമിതി ഇയാൾ കുറ്റക്കാരനെന്ന് കണ്ടെത്തുകയായിരുന്നു. സംഭവത്തെ കുറിച്ച് കൂടുതൽ അന്വേഷണം നടത്തുമെന്നും ബൂത്ത്, വാർഡ് കമ്മിറ്റികളോട് വിശദമായ റിപ്പോർട്ട് ആവശ്യപ്പെട്ടിട്ടുണ്ടെന്നും ഡിസിസി പ്രസിഡന്റ് നെയ്യാറ്റിൻകര സനൽ അറിയിച്ചു.
ബന്ധുനിയമന വിവാദത്തിൽ മന്ത്രിസ്ഥാനത്ത് നിന്ന് നീക്കണമെന്ന ലോകായുക്തയുടെ റിപ്പോർട്ടിനെതിരെ കെ ടി ജലീൽ ഹൈക്കോടതിയെ സമീപിച്ചേക്കും. ഇതിനായി അദ്ദേഹം നിയമവിദഗ്ധരുമായി ആലോചന തുടങ്ങി. അവധിക്കാല ബഞ്ചിന് മുന്നിൽ ഹർജി എത്തിക്കുന്നതിനുള്ള ശ്രമമാണ് നടത്തുന്നത്. അടിയന്തര പ്രാധാന്യത്തോടെ ഹർജി പരിഗണിക്കണമെന്ന് ആവശ്യപ്പെട്ടേക്കും. അതേസമയം ലോകായുക്ത റിപ്പോർട്ട് അതീവ ഗൗരവതരമാണ്. അഴിമതി നിരോധനത്തിനായി നിയമപരമായി സ്ഥാപിക്കപ്പെട്ട അതോറ്റിയുടെതാണ് റിപ്പോർട്ട്. മന്ത്രിസ്ഥാനത്ത് തുടരാൻ യോഗ്യതയില്ലെന്ന റിപ്പോർട്ട് അപൂർവമാണെന്ന് വിദഗ്ധർ ചൂണ്ടിക്കാട്ടുന്നു.
ആത്മഹത്യക്ക് ശ്രമിച്ചെന്ന പ്രചാരണം നിഷേധിച്ച് സ്പീക്കർ പി ശ്രീരാമകൃഷ്ണൻ. ആത്മഹത്യയിൽ അഭയം പ്രാപിക്കുന്ന ഭീരുവല്ല താനെന്ന് ഫേസ്ബുക്കിൽ പോസ്റ്റ് ചെയ്ത വീഡിയോയിൽ അദ്ദേഹം പറഞ്ഞു. ഒരു ആത്മഹത്യയുടെ മുമ്പിലും അഭയം പ്രാപിക്കുന്ന ഒരാളല്ല ഞാൻ. അത്ര ഭീരുവല്ല, ഏത് അന്വേഷണ ഏജൻസികൾക്ക് മുന്നിലും ആവശ്യമായ വിവരങ്ങൾ നൽകാമെന്ന് നേരത്തെ വ്യക്തമാക്കിയതാണ്. രക്തം കുടിക്കുന്ന ഡ്രാക്കുളയുടെ മനോഭാവത്തോടു കൂടി എന്റെ മരണം പോലും ആഗ്രഹിക്കുന്ന തരത്തിലാണ് പ്രചാരണം കൊണ്ടുവരുന്നത്. വ്യാജപ്രചാരണം നടത്തുന്നവർ പരാജയപ്പെടും. എന്റെ പ്രസ്ഥാനത്തിന്റെ കരുത്തിലും…