സംസ്ഥാനത്ത് ലോക്ക് ഡൗൺ വീണ്ടും നീട്ടി. ഈ മാസം പതിനാറാം തീയതി വരെയാണ് ലോക്ക് ഡൗൺ നീട്ടിയത്. നേരത്തെ ജൂൺ 9 വരെയായിരുന്നു ലോക്ക് ഡൗൺ പ്രഖ്യാപിച്ചിരുന്നത്. ടെസ്റ്റ് പോസിറ്റിവിറ്റി നിരക്ക് കുറയ്ക്കുന്നതിന്റെ ഭാഗമായിട്ടാണ് ലോക്ക് ഡൗൺ വീണ്ടും നീട്ടിയത്.
കൊടകര കുഴൽപ്പണ കേസ് ഒതുക്കുമോയെന്ന് സംശയമുണ്ടെന്ന പ്രതിപക്ഷ നേതാവ് വി ഡി സതീശന്റെ ആരോപണത്തിന് മറുപടി നൽകി മുഖ്യമന്ത്രി പിണറായി വിജയൻ. സംസ്ഥാന സർക്കാരിന് എതിരായ കേന്ദ്ര ഏജൻസി അന്വേഷണത്തെ പിന്തുണച്ചത് യുഡിഎഫാണ്. ഒത്തുതീർപ്പ് വിദഗ്ധർ ആരാണെന്ന് എല്ലാവർക്കുമറിയാമെന്ന് മുഖ്യമന്ത്രി പറഞ്ഞു തൊഗാഡിയ കേസ് ആരാണ് ഒത്തു തീർപ്പാക്കിയത്. എം ജി കോളജ് അക്രമ കേസ് ആരാണ് ഒത്തു തീർപ്പാക്കിയത്. ഒത്തു തീർപ്പിന്റെ പട്ടം നിങ്ങൾക്ക് തന്നെയാണ് ചേരുന്നത്. നിയമ വിജ്ഞാനം ബിജെപിയെ രക്ഷിക്കാനാണ് ഉപയോഗിക്കുന്നത്….
പരിസ്ഥിതി ദിനമായിരുന്നു ജൂൺ അഞ്ചിന്. വ്യക്തികളും സംഘടനകളും കുട്ടികളും പുതിയ മരത്തൈകൾ വെച്ചുപിടിപ്പിച്ച് പ്രകൃതിയോടുള്ള സ്നേഹം പുതുക്കി. എന്നാൽ കുറച്ച് വേറിട്ട സ്നേഹമായിരുന്നു കൊല്ലത്ത് ചില യുവാക്കളുടേത്. പരിസ്ഥിതി ദിനത്തിൽ ഇവർ നട്ടത് കഞ്ചാവ് ചെടിയായിരുന്നുവെന്ന് മാത്രം സംഭവം ശ്രദ്ധയിൽപ്പെട്ടതോടെ പ്രകൃതി സ്നേഹികളെ തേടി പോലീസും എക്സൈസും അന്വേഷണം ആരംഭിച്ചിട്ടുണ്ട്. യുവാക്കൾ ചെടി നടുന്നതും ഇതിന്റെ ഫോട്ടോ എടുക്കുന്നതും അയൽക്കാരൻ കണ്ടിരുന്നു. കഞ്ചാവ് ചെടിയാണെന്ന് മനസ്സിലായതോടെ ഇയാൾ എക്സൈസിൽ വിവരം അറിയിക്കുകയായിരുന്നു. എന്നാൽ എക്സൈസ് സംഘം…
കൊടകര കുഴൽപ്പണ കേസിൽ സർക്കാരിനെതിരെ വിമർശനവുമായി പ്രതിപക്ഷ നേതാവ് വി ഡി സതീശൻ. സ്വർണക്കടത്ത് അന്വേഷിച്ച എൻഫോഴ്സ്മെന്റ് തെരഞ്ഞെടുപ്പിന് മുമ്പ് അന്വേഷണം അവസാനിപ്പിച്ചു. അതുപോലെ കൊടകര കേസും അവസാനിപ്പിക്കുമോ നിങ്ങൾക്ക് അങ്ങോട്ടും ഇങ്ങോട്ടും കേസുണ്ട്. രണ്ട് കൂട്ടരും തമ്മിൽ ധാരണയിലെത്തി കേസ് അവസാനിപ്പിക്കുമോയെന്നാണ് കേരളം സംശയിക്കുന്നതെന്നും സതീശൻ പറഞ്ഞു. ഷാഫി പറമ്പിൽ അവതരിപ്പിച്ച അടിയന്തര പ്രമേയ നോട്ടീസിനെ പിന്തുണച്ച് സംസാരിക്കുകയായിരുന്നു വി ഡി സതീശൻ. ഒമ്പതര കോടി കൊണ്ടുവന്നുവെന്നാണ് വാർത്ത. ആറ് കോടി മറ്റ് ജില്ലയിൽ…
ഭക്ഷ്യക്കിറ്റുകൾ പൂർണമായും സംസ്ഥാന സർക്കാർ തന്നെ നൽകുന്നതാണെന്നും ഇതിനായി കേന്ദ്രത്തിൽ നിന്ന് ഒരു പൈസ പോലും ലഭിക്കുന്നില്ലെന്നും ഭക്ഷ്യ വകുപ്പ് മന്ത്രി ജി ആർ അനിൽ. നിയമസഭയിൽ ചോദ്യോത്തര വേളയിൽ സംസാരിക്കുകയായിരുന്നു അദ്ദേഹം സംസ്ഥാന സർക്കാർ ജനങ്ങളോട് കാണിക്കുന്ന സ്നേഹത്തിന്റെയും അനുകമ്പയുടെയും പ്രതിഫലനമാണ് ഭക്ഷ്യക്കിറ്റുകൾ. അതിനാൽ കേന്ദ്രം പണം നൽകുന്നില്ല. ഭക്ഷ്യക്കിറ്റിലുള്ള സാധനങ്ങൾ പൂർണമായും വാങ്ങുന്നത് സംസ്ഥാന സർക്കാർ തന്നെയാണെന്നും മന്ത്രി പറഞ്ഞു കൊവിഡ് വ്യാപന പശ്ചാത്തലത്തിൽ റേഷൻ കടകളിലെ തിരക്ക് നിയന്ത്രിക്കുന്നതിനായി അടിയന്തര നടപടികൾ സ്വീകരിക്കുമെന്നും…
ചോദ്യോത്തരവേളയിൽ ഭരണപക്ഷം ആക്ഷേപിച്ചുവെന്ന് ആരോപിച്ച് പ്രതിപക്ഷാംഗങ്ങൾ സഭയിൽ നിന്നിറങ്ങിപ്പോയി. കൊവിഡ് പ്രതിസന്ധി ഘട്ടത്തിൽ സർക്കാർ സ്വീകരിച്ച നടപടികളെ പ്രതിപക്ഷം ദുർബലപ്പെടുത്തുന്നുവെന്ന പരാമർശം ആലത്തൂർ എംഎൽഎ കെ ഡി പ്രസേനന്റെ ചോദ്യത്തിൽ വന്നതാണ് പ്രശ്നമായത്. ഈ ചോദ്യം അനുവദിക്കരുതെന്ന് പ്രതിപക്ഷ നേതാവ് വി ഡി സതീശൻ ആവശ്യപ്പെട്ടു. എന്നാൽ സ്പീക്കർ സമ്മതിച്ചില്ല. ചോദ്യം അനുവദിച്ചത് ലെജിസ്ലേറ്റീവ് സെക്രട്ടേറിയറ്റിന്റെ വീഴ്ചയാണെന്നും ചട്ടലംഘനമാണെന്നും സതീശൻ ആരോപിച്ചു സംസ്ഥാനത്ത് ഓഖി, നിപ, പ്രളയം, കൊവിഡ് തുടങ്ങിയ ദുരന്തങ്ങളെ നേരിടുന്നതിന് സർക്കാർ സ്വീകരിച്ച…
ചോദ്യോത്തര വേളയിൽ ഭരണപക്ഷം അവഹേളിച്ചെന്ന് ആരോപിച്ച് പ്രതിപക്ഷം സഭ ബഹിഷ്കരിച്ചു. ‘സംസ്ഥാനത്ത് ഓഖി, നിപ, പ്രളയം, കൊവിഡ് തുടങ്ങിയ ദുരന്തങ്ങളെ നേരിടുന്നതിൽ സർക്കാർ സ്വീകരിച്ച നടപടികളെ ദുർബലപ്പെടുത്താനുള്ള പ്രതിപക്ഷ പാർട്ടികളുടെ നീക്കങ്ങൾക്കിടയിലും ക്ഷേമ പ്രവർത്തനങ്ങളും വികസന പദ്ധതികളും കാര്യക്ഷമമാക്കുന്നതിന് സ്വീകരിക്കാൻ ഉദ്ദേശിക്കുന്ന നടപടികൾ അറിയിക്കാമോ’ എന്നതായിരുന്നു പ്രതിപക്ഷത്തോടുള്ള ചോദ്യം. ആലത്തൂർ എംഎൽഎ കെ ഡി പ്രസേനൻ ആണ് ചോദ്യം ഉന്നയിച്ചത്. ചോദ്യം അനുവദിച്ചത് ലെജിസ്ലേറ്റീവ് സെക്രട്ടറിയേറ്റിന്റെ വീഴ്ചയാണെന്നും റൂൾസ് ഓഫ് പ്രൊസീജ്യറിന്റെ ലംഘനമാണെന്നും പ്രതിപക്ഷ നേതാവ്…
ഓപറേഷൻ പി ഹണ്ടിന്റെ ഭാഗമായി സംസ്ഥാനത്ത് വ്യാപകമായി പോലീസിന്റെ മിന്നൽ പരിശോധന. കണ്ണൂർ, മലപ്പുറം, തൃശ്ശൂർ, ഇടുക്കി ജില്ലകളിലെ വിവിധ പോലീസ് സ്റ്റേഷൻ പരിധികളിലായി ഒട്ടേറെ കേസുകൾ രജിസ്റ്റർ ചെയ്തു. നിരവധി മൊബൈൽ ഫോണുകളും പിടിച്ചെടുത്തിട്ടുണ്ട്. കണ്ണൂരിൽ കുട്ടികളുടെ അശ്ലീല ദൃശ്യങ്ങൾ ഓൺലൈനിൽ സ്ഥിരമായി കാണുന്നവരെ സൈബർ സെല്ലിന്റെ സഹായത്തോടെ തിരിച്ചറിഞ്ഞ് പോലീസ് നടത്തിയ തിരച്ചിലിൽ 25 പേർക്കെതിരെ കേസെടുത്തു. ഇവരുടെ മൊബൈലുകളും അനുബന്ധ ഉപകരണങ്ങളും പിടിച്ചെടുത്തു. പരിയാരം, പയ്യന്നൂർ, കണ്ണൂർ ടൗൺ സ്റ്റേഷൻ പരിധികളിൽ…
കൊടകര കുഴൽപ്പണ കേസിന്റെ അന്വേഷണം പുരോഗമിക്കുകയാണെന്ന് മുഖ്യമന്ത്രി പിണറായി വിജയൻ നിയമസഭയിൽ അറിയിച്ചു. കുഴൽപ്പണ കേസുമായി ബന്ധപ്പെട്ട് പ്രതിപക്ഷം നൽകിയ നോട്ടീസിന് മറുപടി പറയുകയായിരുന്നു മുഖ്യമന്ത്രി. സഭ നിർത്തിവെച്ച് വിഷയം ചർച്ച ചെയ്യണമെന്ന പ്രതിപക്ഷത്തിന്റെ ആവശ്യം മുഖ്യമന്ത്രി തള്ളി തൃശ്ശൂർ റേഞ്ച് ഡിഐജിയുടെ നേതൃത്വത്തിൽ പ്രത്യേക സംഘമാണ് കേസ് അന്വേഷിക്കുന്നത്. ഇതിനോടകം 20 പ്രതികളെ അറസ്റ്റ് ചെയ്തു. 1.12 കോടി രൂപയും സ്വർണവും ഇതിനോടകം പിടികൂടിയിട്ടുണ്ട്. 96 സാക്ഷികളുടെ മൊഴി രേഖപ്പെടുത്തി. ഇ ഡി പോലീസിനോട് ആവശ്യപ്പെട്ട…
തിരുവനന്തപുരം: തെക്കന് കേരളത്തില് നാളെയും മറ്റന്നാളും ശക്തമായ മഴയ്ക്കു സാധ്യത. കാലാവസ്ഥ നിരീക്ഷണ കേന്ദ്രം ആറ് ജില്ലകളില് നാളെ യെല്ലോ അലര്ട്ടും പ്രഖ്യാപിച്ചിട്ടുണ്ട്.എറണാകുളം, ഇടുക്കി, കോട്ടയം, ആലപ്പുഴ, പത്തനംതിട്ട, കൊല്ലം ജില്ലകളിലാണ് മഴ മുന്നറിയിപ്പ്. അറബിക്കടലില് ശക്തമായ കാറ്റിനു സാധ്യതയുള്ളതിനാല് നാളെ മുതല് വ്യാഴാഴ്ച വരെ കേരള തീരത്തു നിന്നു മത്സ്യബന്ധനത്തിനു പോകരുതെന്നും മുന്നറിയിപ്പുണ്ട്.