Kerala

മലപ്പുറം കോട്ടയ്ക്കലിൽ വിവാഹ ബന്ധം വേർപെടുത്താൻ വിസമ്മതിച്ചതിന് നവവരനെ ഭാര്യവീട്ടുകാർ തട്ടിക്കൊണ്ടുപോയി മർദിച്ചെന്ന പരാതിയിൽ ആറ് പേർ കസ്റ്റഡിയിൽ. ചങ്കുവെട്ടി എടക്കണ്ടൻ അബ്ദുൽ അസീബിനാണ്(30) പരുക്കേറ്റത്. ഇയാളുടെ വാരിയെല്ലിനും ജനനേന്ദ്രിയത്തിനും സാരമായ പരുക്കുണ്ട്. ഒന്നര മാസം മുമ്പാണ് അസീബ് വിവാഹിതനായത്. ഇയാളുമായുള്ള വഴക്കിനെ തുടർന്ന് ഭാര്യ സ്വന്തം വീട്ടിലേക്ക് തിരികെ പോയിരുന്നു. ഇതിന് പിന്നാലെയാണ് വിവാഹ മോചനം ആവശ്യപ്പെട്ട് ബന്ധുക്കൾ അസീബിനെ കണ്ടത്. ഇത് സമ്മതിക്കാത്തിനെ തുടർന്ന് ക്രൂരമായി മർദിക്കുകയും കത്തി കഴുത്തിൽവെച്ച് ഭീഷണിപ്പെടുത്തുകയും ചെയ്തുവെന്നാണ് ഇയാളുടെ…

പ്രശസ്ത മാപ്പിളപ്പാട്ട് കലാകാരൻ പീർ മുഹമ്മദ് അന്തരിച്ചു. 75 വയസ്സായിരുന്നു. വാർധക്യസഹജമായ അസുഖങ്ങളെ തുടർന്ന് കണ്ണൂർ മുഴുപ്പിലങ്ങാട്ടെ വസതിയിലായിരുന്നു അന്ത്യം. 1976ൽ ഇന്ത്യൻ ടെലിവിഷൻ ചരിത്രത്തിൽ ആദ്യമായി ദൂരദർശനിൽ മാപ്പിളപ്പാട്ട് അവതരിപ്പിച്ച കലാകാരനാണ് ഒട്ടകങ്ങൾ വരിവരി വരിയായ്, കാഫ് മല കണ്ട പൂങ്കാറ്റേ തുടങ്ങിയ സൂപ്പർ ഹിറ്റ് ഗാനങ്ങൾ അദ്ദേഹം ആലപിച്ചതാണ്. ഏതാനും സിനിമകളിലും പാട്ടുകൾ ആലപിച്ചിട്ടുണ്ട്. തിഴ്‌നാട്ടിലെ തെങ്കാശിയിലാണ് ജനനം. ചെറുപ്പത്തിലെ കുടുംബം തലശ്ശേരിയിലേക്ക് വരികയായിരുന്നു. തമിഴിൽ മുരുക ഭക്തി ഗാനങ്ങളും പീർ മുഹമ്മദിന്റേതായുണ്ട്.

സംസ്ഥാനത്ത് ശക്തമായ മഴ തുടരുന്നു. വിവിധ ഇടങ്ങളിലായി വ്യാപക നാശനഷ്ടങ്ങൾ റിപ്പോർട്ട് ചെയ്തിട്ടുണ്ട്. ആലപ്പുഴ, കൊല്ലം, തിരുവനന്തപുരം ജില്ലകളിലാണ് കൂടുതൽ നാശനഷ്ടങ്ങളും. തിരുവനന്തപുരത്ത് മൂന്ന് മരണം റിപ്പോർട്ട് ചെയ്തു. മഴ ഇന്നും തുടരാനാണ് സാധ്യത. മൂന്ന് ജില്ലകളിലെ വിദ്യാഭ്യാസ സ്ഥാപനങ്ങൾക്ക് ജില്ലാ കലക്ടർമാർ അവധി പ്രഖ്യാപിച്ചു. പത്തനംതിട്ട, കോട്ടയം, കൊല്ലം ജില്ലകളിലെ വിദ്യാഭ്യാസ സ്ഥാപനങ്ങൾക്കാണ് അവധിി പത്തനംതിട്ടയിലെ പ്രൊഫഷണൽ കോളജുകൾ അടക്കമുള്ള എല്ലാ വിദ്യാഭ്യാസ സ്ഥാപനങ്ങൾക്കും ഇന്ന് അവധിയായിരിക്കും. കോട്ടയത്തും പ്രൊഫഷണൽ കോളജുകൾ അടക്കമുള്ള വിദ്യാഭ്യാസ സ്ഥാപനങ്ങൾക്ക്…

തിരുവനന്തപുരം: കേരളത്തില്‍ ചരിത്രം തിരുത്തി തുലാവര്‍ഷ മഴ. സര്‍വകാല റെക്കോര്‍ഡ് മറികടന്നാണ് തുലാവര്‍ഷം ആദ്യ 45 ദിവസം പിന്നിടുന്നത്. ഒക്ടോബര്‍ ഒന്ന് മുതല്‍ നവംബര്‍ 15 വരെ കേരളത്തില്‍ ലഭിച്ചത് 833.8 മില്ലിമീറ്റര്‍ മഴയാണ്. 2010 ല്‍ ലഭിച്ച 822.9 മില്ലിമീറ്റര്‍ മഴയുടെ റെക്കോര്‍ഡാണു മറികടന്നത്. 45 ദിവസം കൊണ്ടുതന്നെ ഇത്തവണ സര്‍വ്വകാല റെക്കോര്‍ഡ് മറികടന്നു. ഒക്ടോബര്‍ ഒന്ന് മുതല്‍ ഡിസംബര്‍ 31 വരെ 92 ദിവസം നീണ്ടു നില്‍ക്കുന്ന തുലാവര്‍ഷത്തില്‍ ആദ്യ 45 ദിവസത്തിനുള്ളിലാണ് ഇത്തവണ…

കുറ്റിപ്പുറം ഐങ്കലത്ത് സ്ത്രീയും കുട്ടിയെയും തീ കൊളുത്തി മരിച്ച നിലയിൽ കണ്ടെത്തി.സുഹൈല നസ്‌റിൻ(19) , എട്ടു മാസം പ്രായമായ ഫാത്തിമ ഷഹ്‌റ എന്നിവരെയാണ് മരിച്ച നിലയിൽ കണ്ടെത്തിയത്.

പത്തനംതിട്ട, ആലപ്പുഴ, കോട്ടയം ജില്ലകളിലെ വിദ്യാഭ്യാസ സ്ഥാപനങ്ങൾക്ക് കലക്ടർമാർ നാളെ അവധി പ്രഖ്യാപിച്ചു. ശക്തമായ മഴ തുടരുന്ന സാഹചര്യത്തിലാണ് മൂന്ന് ജില്ലയിലെ പ്രൊഫഷണൽ കോളജുകൾ ഉൾപ്പെടെയുള്ള വിദ്യാഭ്യാസ സ്ഥാപനങ്ങൾക്ക് അവധി പ്രഖ്യാപിച്ചത്. എല്ലാ വിദ്യാഭ്യാസ സ്ഥാപനങ്ങളും ഓൺലൈൻ ക്ലാസുകൾ ക്രമീകരിക്കണം. അതേസമയം, സർക്കാർ ശമ്പളം നൽകുന്ന എല്ലാ സ്ഥാപനങ്ങളിലെയും അധ്യാപക, അനധ്യാപക ജീവനക്കാരുടെ സേവനം ജില്ലാ ദുരന്തനിവാരണ അതോറിറ്റി ചുമതലപ്പെടുത്തുന്ന ഉദ്യോഗസ്ഥർ ആവശ്യപ്പെടുന്ന പക്ഷം അതാതിടങ്ങളിൽ ലഭ്യമാക്കണം. നാളെ നടത്താനിരുന്ന എല്ലാ പരീക്ഷകളും മാറ്റിയതായി കേരള, എംജി…

പട്ടിയുടെ കടിയേറ്റ യുവതിയെ രക്ഷിക്കാൻ ശ്രമിച്ചവർക്കെതിരെ കേസ്. കോഴിക്കോട് അമ്പായത്തോട് പട്ടികടിയേറ്റ യുവതിയെ രക്ഷിക്കാന് ശ്രമിച്ച നാട്ടുകാർക്കെതിരെയാണ് പൊലീസ് കേസെടുത്തത്. പട്ടിയുടെ ഉടമയെ അക്രമിച്ചുവെന്നാരോപിച്ചാണ് പൊലീസ് നാട്ടുകാർക്കെതിരെ കേസെടുത്തത്. കണ്ടാലറിയുന്ന ഇരുപതോളം പേർക്കെതിരെയാണ് താമരശ്ശേരി പൊലീസ് കേസെടുത്തത്. അതേസമയം, പട്ടിയുടെ ഉടമയായ റോഷൻ വടിവാളും തോക്കുമായി നിൽക്കുന്ന ദൃശ്യങ്ങൾ പുറത്തുവന്നിരുന്നു. സംഭവത്തിന് ശേഷം പൊലീസ് റോഷനെതിരെ കേസെടുത്തിരുന്നെങ്കിലും നിസാരവകുപ്പ് മാത്രമാണ് പൊലീസ് ചുമത്തിയതെന്ന് നാട്ടുകാർ ആരോപിക്കുന്നു.

കോഴിക്കോട് നഗരത്തിലെ ഓട്ടോ തൊഴിലാളികൾ പണിമുടക്കുന്നു. ഇന്ന് അർധരാത്രി മുതൽ നാളെ രാത്രി 12 വരെയാണ് പണിമുടക്ക്. എഫ് ഐ ടി യു ,എസ് ഡി ടി യു , ഐ എൻ എൽ സി, തൊഴിൽ സംരക്ഷണ സമിതി എന്നിവരുടെ നേതൃത്വത്തിലാണ് സി സി ഓട്ടോ സംയുക്ത സമരമുന്നണി പണിമുടക്ക് നടത്തുന്നത്. തൊഴിൽ മേഖല നേരിടുന്ന പ്രശ്‌നങ്ങൾ പരിഹരിക്കണമെന്നാവശ്യപ്പെട്ടാണ് സമരം.

സംസ്ഥാനത്ത് ഇന്ന് 4547 പേര്‍ക്ക് കോവിഡ്-19 സ്ഥിരീകരിച്ചു. തിരുവനന്തപുരം 709, എറണാകുളം 616, കോഴിക്കോട് 568, തൃശൂര്‍ 484, കൊല്ലം 474, കണ്ണൂര്‍ 371, കോട്ടയം 226, ഇടുക്കി 203, പാലക്കാട് 176, പത്തനംതിട്ട 175, ആലപ്പുഴ 172, വയനാട് 168, മലപ്പുറം 159, കാസര്‍ഗോഡ് 46 എന്നിങ്ങനേയാണ് ജില്ലകളില്‍ ഇന്ന് രോഗ ബാധ സ്ഥിരീകരിച്ചത്. കഴിഞ്ഞ 24 മണിക്കൂറിനിടെ 50,638 സാമ്പിളുകളാണ് പരിശോധിച്ചത്. പ്രതിവാര ഇന്‍ഫെക്ഷന്‍ പോപ്പുലേഷന്‍ റേഷ്യോ (WIPR) പത്തിന് മുകളിലുള്ള 39 തദ്ദേശ…

  കോഴിക്കോട്ട് ഭാര്യയാണെന്ന് കരുതി യുവാവ് ബാങ്ക് ജീവനക്കാരിയെ വെട്ടിപ്പരിക്കേൽപ്പിച്ചു. നന്മണ്ട സഹകരണബാങ്കിലാണ് സംഭവം. ഇന്ന് ഉച്ചയ്ക്ക് രണ്ടുമണിയോടെയാണ് നന്മണ്ട സ്വദേശിയായ മാക്കാടമ്പാത്ത് ബിജു ബാങ്കിലെത്തി ഒരു ജീവനക്കാരിയെ വെട്ടിപ്പരിക്കേൽപ്പിക്കുകയായിരുന്നു. ഇതേ ബാങ്കിലെ ജീവനക്കാരിയാണ് ബിജുവിന്റെ ഭാര്യ. ദീർഘനാളായി ബിജുവും ഭാര്യയും അകന്നുകഴിയുകയാണ്. ഭാര്യയോടുള്ള വിദ്വേഷം തീർക്കാനായി ബാങ്കിലെത്തിയതായിരുന്നു ഇയാൾ. എന്നാല്‍, ആളുമാറി വെട്ടിയത് ബാങ്കിലെ തന്നെ മറ്റൊരു ജീവനക്കാരിയായ മണ്ണാമ്പൊയിൽ സ്വദേശിയായ ശ്രീഷ്മയെയാണ്. യുവതിയെ ഉടൻ കോഴിക്കോട് മെഡിക്കൽ കോളജ് ആശുപത്രിയിലെത്തിച്ചിട്ടുണ്ട്. യുവതിക്ക് സാരമായി പരിക്കേറ്റിട്ടുണ്ട്….