Kerala

  കോട്ടയം നഗരസഭ ഭരണം യു.ഡി.എഫിന്. ഒറ്റ വോട്ടിന്റെ വ്യത്യാസത്തിലാണ് യു.ഡി.എഫ് ഭരണം നിലനിര്‍ത്തിയത്. 21 നെതിരെ 22 വോട്ടുകള്‍ നേടിയാണ് ബിന്‍സി സെബാസ്റ്റ്യന്‍ വീണ്ടും നഗരസഭാ അദ്ധ്യക്ഷയായി തിരഞ്ഞെടുക്കപ്പെട്ടത്. ആരോഗ്യ പ്രശ്‌നങ്ങള്‍ മൂലം ഒരു സി.പി.എം അംഗം തിരഞ്ഞെടുപ്പില്‍ നിന്ന് വിട്ടു നിന്നതാണ് യു.ഡി.എഫിന് ഗുണം ചെയ്തത്. തുടക്കത്തില്‍ യുഡിഎഫ് 21, എല്‍ഡിഎഫ് 22, ബിജെപി 8 എന്നിങ്ങനെയായിരുന്നു നഗരസഭയിലെ അംഗബലം. അദ്ധ്യക്ഷ സ്ഥാനം വാഗ്ദാനം നല്‍കിയാണ് കോണ്‍ഗ്രസ് വിമതയായി ജയിച്ച ബിന്‍സി സെബാസ്റ്റ്യനെ കൂടെകൂട്ടിയത്….

തിരുവനന്തപുരം: വെഞ്ഞാറമൂട് നാലു വയസുകാരിയെ കിണറ്റില്‍ വീണ് മരിച്ച നിലയില്‍. കമുകിന്‍കുഴി പ്രിയങ്കയുടെ മകള്‍ കൃഷ്ണപ്രിയയെയാണ് മരിച്ച നിലയില്‍ കണ്ടെത്തിയത്. വീടിന് സമീപത്തെ കിണറ്റിലാണ് കുട്ടിയെ കണ്ടെത്തിയത്. അമ്മ പ്രിയങ്ക ഗോകുലം മെഡിക്കല്‍ കോളേജ് ആശുപത്രിയിലെ ജീവനക്കാരിയാണ്. പ്രിയങ്ക നൈറ്റ് ഡ്യൂട്ടി കഴിഞ്ഞ് വീട്ടില്‍ എത്തിയ ശേഷം ഉറങ്ങുമ്പോഴായിരുന്നു സംഭവം. അമ്മൂമ്മയാണ് കൃഷ്ണപ്രിയയെ നോക്കിയിരുന്നത്. ഓടികൂടിയ നാട്ടുകാര്‍ കിണറ്റില്‍ നിന്ന് കുട്ടിയെ പുറത്തെടുത്ത് ആശുപത്രിയില്‍ എത്തിച്ചെങ്കിലും രക്ഷിക്കാനായില്ല. കുട്ടി കാല്‍വഴുതി കിണറ്റില്‍ വീണതാകാമെന്നാണ് പ്രാഥമിക നിഗമനം. മൃതദേഹം…

കോഴിക്കോട് ചെറുകുളത്തൂരില്‍ വീട് തകര്‍ന്നു വീണു. വീടിനുള്ളില്‍ കുടുങ്ങിയ എല്ലാ ആളുകളെയും രക്ഷപ്പെടുത്തി. വെൺമാറയിൽ അരുണിന്റെ വീടാണ് തകർന്നത്. ഫയര്‍ഫോഴ്സിന്‍റെ രക്ഷാപ്രവര്‍ത്തനത്തിനൊടുവിലാണ് കുടുങ്ങിക്കിടന്നവരെ രക്ഷിക്കാനായത്. ഉച്ചക്ക് 1:30ഓടെയാണ് സംഭവം നടന്നത്. ഒമ്പതുപേരെ സംഭവസ്ഥലത്തുനിന്നും രക്ഷപ്പെടുത്തി. കോണ്‍ക്രീറ്റ് കട്ടര്‍ ഉപയോഗിച്ച് ഒരു ഭാഗം വെട്ടിപ്പൊളിച്ചാണ് പലരെയും രക്ഷപ്പെടുത്തിയത്. രക്ഷാപ്രവര്‍ത്തനം പുരോഗമിക്കുകയാണ്. വെള്ളിമാട്‍കുന്ന്, മുക്കം എന്നിവടങ്ങളില്‍ നിന്നുള്ള ഫയര്‍ഫോഴ്സാണ് സംഭവസ്ഥലത്ത് രക്ഷാപ്രവര്‍ത്തനത്തിനായി എത്തിയത്.  

  നമ്പി നാരായണന് മുന്‍ സിബിഐ അന്വേഷണ ഉദ്യോഗസ്ഥരുമായുള്ള ഭൂമിയിടപാട് അന്വേഷിക്കണമെന്നാവശ്യപ്പെട്ട് ഐഎസ്ആര്‍ഒ ചാരക്കേസ് പ്രതികള്‍ നല്‍കിയ ഹര്‍ജി ഹൈക്കോടതി തള്ളി. എസ് വിജയന്‍ അടക്കമുള്ള പ്രതികള്‍ നല്‍കിയ മുന്‍കൂര്‍ ജാമ്യാപേക്ഷയിലുന്നു ഈ ആവശ്യം ഉന്നയിച്ചിരുന്നത്. നേരത്തെ തിരുവനന്തപുരം സിബിഐ കോടതിയും ഹര്‍ജി തള്ളിയിരുന്നു. ഭൂമിയിടപാട് നടന്നതിന് രേഖകള്‍ ഉണ്ടെങ്കില്‍ വിചാരണ കോടതിയെ സമീപിക്കാമെന്നും കോടതി പറഞ്ഞു. നമ്പി നാരായണന് സിബിഐ ഡിഐജിയായിരുന്ന രാജേന്ദ്രനാഥ് കൗളും, മുന്‍ ഡിജിപി രമണ്‍ ശ്രീ വാസ്തവയുടെ ഭാര്യ അഞ്ജലി ശ്രീവാസ്തവയുമായി…

  കോഴിക്കോട്: വഖ്ഫ് ബോര്‍ഡ് നിമനങ്ങള്‍ പി എസ് സിക്ക് വിട്ട സര്‍ക്കാര്‍ നടപടിയെ മുസ്ലിം ലീഗ് വര്‍ഗീയവത്ക്കരിക്കുകയാണെന്ന് ഐ എന്‍ എല്‍. അപടകരമായ രാഷ്ട്രീയ കളിയാണ് ലീഗ് നടത്തുന്നതെന്ന് ഐ എന്‍ എല്‍ സംസ്ഥാന പ്രസിഡന്റ് എ പി അബ്ദുല്‍ വഹാബ് പറഞ്ഞു. വിശ്വാസികളെ തെറ്റിദ്ധരിപ്പിച്ച്, വര്‍ഗീയ ചേരിതിരിവ് സൃഷ്ടിച്ച് രാഷ്ട്രീയ മുതലെടുപ്പാണ് ലീഗിന്റെ ലക്ഷ്യം. അനാവശ്യ പ്രചാരണമാണ് ലീഗ് നടത്തുന്നത്. ലീഗിന്റെ വര്‍ഗീയ നീക്കങ്ങളെ ഐ എന്‍ എല്‍ പ്രതിരോധിക്കുകുയും ചെറുത്ത്‌തോല്‍പ്പിക്കുകയും ചെയ്യുമെന്ന് ഐ…

  കൊച്ചി: ഓടിക്കൊണ്ടിരുന്ന വാഹനത്തില്‍ നടിയെ ആക്രമിച്ച കേസിലെ പ്രതിക്ക് കോടതി ജാമ്യം അനുവദിച്ചു. മൂന്നാം പ്രതി മണികണ്ഠനാണ് ഹൈക്കോടതി ജാമ്യം അനുവദിച്ചത്. 2017 മുതല്‍ ഇയാള്‍ റിമാന്‍ഡിലാണ്.നേരത്തെ പല തവണ മണികണ്ഠന്റെ ജാമ്യാപേക്ഷ കോടതി നിരസിച്ചിരുന്നു. എന്നാല്‍ വിചാരണ നീണ്ടുപോകുന്ന സാഹചര്യത്തിലാണ് ഇപ്പോള്‍ മണികണ്ഠന് കോടതി ജാമ്യം അനുവദിച്ചത്. കേസിലെ പ്രതികളായ പള്‍സര്‍ സുനി, വിജേഷ്, മാര്‍ട്ടിന്‍ എന്നിവര്‍ ഇപ്പോഴും വിചാരണത്തടവുകാരായി റിമാന്‍ഡില്‍ തന്നെയാണുള്ളത്. 2017 ലാണ് നടി ആക്രമിക്കപ്പെട്ടത്. ഇതിന് തൊട്ടുപിന്നാലെ മണികണ്ഠന്‍ അടക്കമുള്ള…

  എറണാകുളം: കൊച്ചിയില്‍ ബ്രേക്ക് നഷ്ടമായി നിയന്ത്രണം വിട്ട ബസ് നിരവധി വാഹനങ്ങളില്‍ ഇടിച്ചു. പതിമൂന്ന് വാഹനങ്ങളാണ് അപകടത്തില്‍ പെട്ടത്. കാറുകളില്‍ ഉണ്ടായിരുന്നവര്‍ക്ക് പരുക്കേറ്റിട്ടുണ്ട്. പരുക്കേറ്റവരെ ആശുപത്രിയിലേക്ക് മാറ്റി . ഇടക്കൊച്ചിയില്‍ നിന്ന് കാക്കനാടേക്ക് പോയ ബസാണ് അപകടം വരുത്തിയത്. ഫൈന്‍ആര്‍ട്‌സ് ഹാളിന് സമീപം ഫോര്‍ ഷോര്‍ റോഡില്‍ ആണ് അപകടം ഉണ്ടായത്. 11മണിയോടെ ആയിരുന്നു സംഭവം .പോലീസെത്തി വാഹനങ്ങള്‍ മാറ്റിയശേഷമാണ് ഗതാഗതം പുനസ്ഥാപിച്ചത്.

  അസൂയയ്ക്കും കഷണ്ടിക്കും മരുന്നില്ല എന്ന ചൊല്ല് അപ്രസക്തമായേക്കാം. കാരണം കഷണ്ടി അകറ്റി മുടി വീണ്ടും കിളിർത്തുവരാൻ സഹായിക്കുന്ന ഒരു പ്രോട്ടീൻ ഗവേഷകർ കണ്ടെത്തിയിരിക്കുന്നു. മുടി കൊഴിയുന്നത് തടയുകയും പുതിയ തലമുടി കിളിർത്തു വരാൻ സഹായിക്കുകയും ചെയ്യുന്ന GAS6 എന്ന പ്രോട്ടീൻ ഹാർവഡ് സർവകലാശാല ഗവേഷകരാണ് കണ്ടെത്തിയത്. സ്‌ട്രെസ് ആണ് മുടികൊഴിച്ചിലിന് ഒരു കാരണം. ദേഷ്യം, വിഷമം, ഉത്കണ്ഠ ഇതെല്ലാം കഷണ്ടിയുമായി ബന്ധപ്പെട്ടിരിക്കുന്നു. കോവിഡ്– 19 ബാധിച്ചവർക്കും മുടികൊഴിച്ചിൽ ഉണ്ടാകുന്നുണ്ട്. സ്ത്രീകളിലും പുരുഷന്മാരിലും കഷണ്ടി വരാൻ സ്‌ട്രെസ്…

മുല്ലപ്പെരിയാർ മരംമുറി വിഷയത്തിൽ അവ്യക്തത തുടരുന്നു. മരം മുറിയുമായി ബന്ധപ്പെട്ട് ഫയലുകൾ വനം മന്ത്രിക്ക് കൈമാറിയട്ടില്ലെന്ന് വനം സെക്രട്ടറി രാജേഷ് സിൻഹ പറഞ്ഞു. തമിഴ്‌നാടും കേരളവുമായി നടന്ന സെക്രട്ടറി തല യോഗങ്ങളിൽ മരം മുറിക്കാൻ അനുമതി നൽകിക്കൊണ്ടുള്ള തീരുമാനങ്ങൾ എടുത്തിട്ടില്ല. ഇതു സംബന്ധിച്ച് വനം മന്ത്രിക്ക് വിശദീകരണം നൽകി. മന്ത്രിമാർ അറിഞ്ഞുകൊണ്ടാണ് മരംമുറി ഉത്തരവ് നൽകിയതെന്ന് ആരോപണം ഉയരുന്നതിനിടെയാണ് വനം സെക്രട്ടറിയുടെ വിശദീകരണം. മന്ത്രിയുടെ അനുമതിയില്ലാതെ കേന്ദ്ര വനം പരിസ്ഥിതി മന്ത്രാലയത്തിന്റെ അനുമതി നേടാൻ കഴിയില്ല. എന്നാൽ…

നെയ്യാറ്റിൻകരയിൽ മദ്യപിച്ചുണ്ടായ തർക്കത്തിനിടെ അച്ഛൻ മകനെ കുത്തിക്കൊന്നു. പാതിരിശ്ശേരിയിൽ കുട്ടു എന്ന് വിളിക്കുന്ന എസ് എസ് അരുണാണ്(32) കൊല്ലപ്പെട്ടത്. സംഭവത്തിന് ശേഷം ഒളിവിൽ പോയ അച്ഛൻ ശശിധരൻ നായരെ പോലീസ് കസ്റ്റഡിയിലെടുത്തു. ശശിധരൻ നായരും അരുണും ഒന്നിച്ചിരുന്ന് മദ്യപിക്കുന്നതും ഇതിന് ശേഷം വഴക്കിടുന്നതും പതിവാണ്. സംഭവദിവസം വാക്കു തർക്കം മൂർച്ഛിക്കുകയും വീട്ടിലുണ്ടായിരുന്ന കത്തിയെടുത്ത് ശശിധരൻ നായർ അരുണിനെ കുത്തുകയുമായിരുന്നു. കുത്തിയതിന് പിന്നാലെ ശശിധരൻ നായർ വീട്ടിൽ നിന്ന് രക്ഷപ്പെട്ടു. അരുണിന്റെ അമ്മയാണ് യുവാവിന്റെ സുഹൃത്തുക്കളെ വിളിച്ച് കാര്യം…