Kerala

  കൊല്ലം കല്ലുവാതുക്കലിൽ നവജാത ശിശുവിനെ കരിയില കൂനയിലിട്ട് കൊലപ്പെടുത്തിയ സംഭവത്തിൽ അന്വേഷണ സംഘം കുറ്റപത്രം സമർപ്പിച്ചു. അമ്മ രേഷ്മയെ പ്രതിയാക്കിയാണ് കുറ്റപത്രം. രേഷ്മ മാത്രമാണ് കേസിലെ പ്രതി. രേഷ്മയുടെ ഭർത്താവ് വിഷ്ണു അടക്കം 54 സാക്ഷികളാണ് കേസിലുള്ളത്. 55 പേജുള്ള കുറ്റപത്രത്തിൽ 20 പേജ് അനുബന്ധ രേഖകളാണ്. നവജാത ശിശുവിനെ ഉപേക്ഷിക്കൽ, കരുതിക്കൂട്ടിയുള്ള കൊലപാതകം, തെളിവ് നശിപ്പിക്കൽ എന്നീ കുറ്റങ്ങളാണ് രേഷ്മക്കെതിരെയുള്ളത്. അനന്തുവെന്ന പേരിൽ രേഷ്മയുമായി ചാറ്റ് ചെയ്തിരുന്ന അടുത്ത ബന്ധുക്കളായ ആര്യ, ഗ്രീഷ്മ എന്നിവർ…

  ബംഗാൾ ഉൾക്കടലിലെ ന്യൂനമർദം തീവ്രന്യൂനമർദമായി. ഇതിന്റെ പ്രഭാവത്തിൽ സംസ്ഥാനത്ത് രണ്ട് ദിവസം കൂടി ഒറ്റപ്പെട്ട ശക്തമായ മഴയ്ക്ക് സാധ്യതയുണ്ടെന്ന് കാലാവസ്ഥാ നിരീക്ഷണ കേന്ദ്രം അറിയിച്ചു. ന്യൂനമർദം നാളെയോടെ വടക്കൻ തമിഴ്‌നാട്-തെക്ക് ആന്ധ്രാ പ്രദേശ് തീരത്ത് കരയിൽ പ്രവേശിക്കാനാണ് സാധ്യത അറബിക്കടലിൽ സ്ഥിതി ചെയ്യുന്ന ന്യൂനമർദം അടുത്ത 48 മണിക്കൂറിനുള്ളിൽ ശക്തി പ്രാപിക്കും. കേരളാ തീരത്ത് ഭീഷണിയില്ലെങ്കിലും ഒറ്റപ്പെട്ട മഴയ്ക്ക് സാധ്യതയുണ്ട്. സംസ്ഥാനത്ത് ഇന്ന് ഒമ്പത് ജില്ലകളിൽ യെല്ലോ അലർട്ടാണ്. പത്തനംതിട്ട, കോട്ടയം, തൃശ്ശൂർ, ഇടുക്കി, എറണാകുളം,…

  കൊച്ചിയിൽ മുൻ മിസ് കേരള വിജയികളടക്കം മൂന്ന് പേർ മരിച്ച വാഹനാപകട കേസ് ക്രൈം ബ്രാഞ്ച് അന്വേഷിക്കും. എ സി ബി ബിജി ജോർജിന്റെ നേതൃത്വത്തിലുള്ള പ്രത്യേക സംഘമാണ് കേസ് അന്വേഷിക്കുന്നത്. പോലീസ് അന്വേഷണത്തെ കുറിച്ച് വിമർശനമുയർന്നതോടെയാണ് ക്രൈംബ്രാഞ്ചിന് കൈമാറിയത് മുൻ മിസ് കേരള അൻസി കബീർ, റണ്ണറപ്പായിരുന്ന അഞ്ജന ഷാജൻ, ഇവരുടെ സുഹൃത്ത് ആഷിഖ് എന്നിവരാണ് മരിച്ചത്. കാറിന്റെ ഡ്രൈവർ അബ്ദുൽ റഹ്മാൻ മദ്യലഹരിയിലാണെന്ന് കണ്ടെത്തുകയും ഇയാളെ അറസ്റ്റ് ചെയ്യുകയും ചെയ്തു. എന്നാൽ തങ്ങളുടെ…

മുന്നറിയിപ്പില്ലാതെ ആളിയാർ ഡാം തുറന്ന് തമിഴ്നാട്. ഇതിനെ തുടർന്ന് പാലക്കാട്ടെ പുഴകളിൽ കുത്തൊഴുക്കുണ്ടായി. പാലക്കാടുള്ള ചിറ്റൂർപ്പുഴ, യാക്കരപ്പുഴ എന്നിവയിലാണ് കുത്തൊഴുക്കുണ്ടായത്. ഭാരതപ്പുഴയിലും വെള്ളം ഉയരും. ദിവസങ്ങളായി തമിഴ്നാട്ടിൽ മഴ തുടരുകയാണ്. തുടർന്നാണ് ഡാം തുറന്നുവിട്ടത്. എന്നാൽ മുന്നറിയിപ്പില്ലാതെ ഡാം തുറന്നതാണ് സംസ്ഥാനത്തിന് ബുദ്ധിമുട്ടുണ്ടാക്കിയത്.

കൊച്ചിയിൽ മുൻ മിസ് കേരള വിജയികൾ അടക്കം മൂന്ന് പേരുടെ മരണത്തിന് ഇടയാക്കിയ വാഹനാപകടവുമായി ബന്ധപ്പെട്ട് കൂടുതൽ പേരെ പോലീസ്് ചോദ്യം ചെയ്യുന്നു. ഒക്ടോബർ 31ന് രാത്രി ഫോർട്ട് കൊച്ചിയിലെ നമ്പർ 18 ഹോട്ടലിൽ ഡി ജെ പാർട്ടിയിൽ പങ്കെടുത്ത ആറ് പേരെയാണ് ചോദ്യം ചെയ്യുന്നത്. ഹോട്ടലിലെ രജിസ്റ്ററിൽ നിന്ന് ഇവരെ കുറിച്ചുള്ള വിവരങ്ങൾ ശേഖരിച്ച പോലീസ് ചോദ്യം ചെയ്യലിനായി വിളിച്ചു വരുത്തുകയായിരുന്നു. പാർട്ടിക്കിടെ മുൻ മിസ് കേരള വിജയികളും മറ്റുള്ളവരും തമ്മിൽ വാക്കു തർക്കമുണ്ടായോ എന്നതടക്കമുള്ള…

  ഇടുക്കി ഡാമിൽ ജലനിരപ്പ് ഉയർന്ന സാഹചര്യത്തിൽ ചെറുതോണി അണക്കെട്ടിന്റെ ഒരു ഷട്ടർ വീണ്ടുമുയർത്തി. നാൽപത് സെന്റീമീറ്റർ ഉയർത്തി സെക്കൻഡിൽ 40,000 ലിറ്റർ വെള്ളമാണ് പുറത്തേക്ക് ഒഴുക്കുന്നത്. ഇതാദ്യമായാണ് ഇടുക്കി ഡാമിന്റെ ഷട്ടർ ഒരു വർഷത്തിൽ മൂന്നാം തവണയും ഉയർത്തേണ്ടി വരുന്നത്.  പെരിയാർ തീരത്തും ചെറുതോണിയിലും ജാഗ്രതാ നിർദ്ദേശം നൽകിയിട്ടുണ്ട്. ആശങ്കപ്പെടേണ്ട സാഹചര്യമില്ലെന്ന് മന്ത്രി റോഷി അഗസ്റ്റിൻ അറിയിച്ചു. ഡാം തുറക്കുന്ന സമയം വെള്ളപ്പാച്ചിൽ ഉണ്ടാകുന്ന സ്ഥലങ്ങളിലെ പുഴ മുറിച്ചു കടക്കുന്നതും ഈ സ്ഥലങ്ങളിലെ മീൻപിടുത്തവും നിരോധിച്ചു….

  സംസ്ഥാനത്ത് വൈദ്യുതി നിരക്ക് വർധിപ്പിച്ചേക്കും. വൈദ്യുതി ബോർഡിന്റെ സാമ്പത്തിക ബാധ്യത നികത്തണമെന്നും നിരക്ക് കൂട്ടേണ്ടി വരുമെന്നും മന്ത്രി കെ കൃഷ്ണൻകുട്ടി പറഞ്ഞു. റഗുലേറ്ററി കമ്മീഷനോട് നിരക്ക് വർധന ആവശ്യപ്പെടും. എത്ര രൂപ വർധിപ്പിക്കണമെന്ന് ബോർഡ് തീരുമാനിക്കും. നയപരമായ തീരുമാനം മുഖ്യമന്ത്രിയുമായി ആലോചിച്ച് സ്വീകരിക്കുമെന്നും മന്ത്രി പറഞ്ഞു. പത്ത് ശതമാനം വരെ വർധന ബോർഡ് ആവശ്യപ്പെട്ടേക്കുമെന്നാണ് സൂചന നിരക്ക് വർധന എത്ര വേണമെന്ന് വ്യക്തമാക്കിയുള്ള താരിഫ് പെറ്റീഷൻ ഡിസംബർ 31ന് മുമ്പ് നൽകാൻ ബോർഡിന് നിർദേശം കിട്ടിയിട്ടുണ്ട്….

  കോഴിക്കോട് മദ്യലഹരിയിൽ ഓട്ടോ ഡ്രൈവറെ മർദിച്ച കേസിൽ ആരോഗ്യവകുപ്പ് ഉദ്യോഗസ്ഥർ കസ്റ്റഡിയിൽ. ബീച്ച് ആശുപത്രിയിലെ സെക്രട്ടറി അഗസ്റ്റിൻ, ക്ലർക്ക് അരുൺ എന്നിവർക്കെതിരെ ഓട്ടോ ഡ്രൈവർ നൽകിയ പരാതിയിലാണ് നടപടി. പോലീസാണെന്ന് പറഞ്ഞാണ് ഇവർ തല്ലിയതെന്ന് പരാതിക്കാരൻ പറയുന്നു കോട്ടപറമ്പ ആശുപത്രിക്ക് മുന്നിൽ ബുധനാഴ്ച രാത്രിയാണ് സംഭവം. അജ്മൽ നാസിയുടെ ഓട്ടോയിൽ കയറിയ ഇരുവരും യാത്രക്കിടെ അസഭ്യം പറയുകയും വഴിയിലിട്ട് മർദിക്കുകയുമായിരുന്നു. നാട്ടുകാരാണ് ആരോഗ്യ വകുപ്പ് ഉദ്യോഗസ്ഥരെ തടഞ്ഞുവെച്ച് പോലീസിൽ ഏൽപ്പിച്ചത്.

  അനുപമയുടെ കുഞ്ഞിനെ അഞ്ച് ദിവസത്തിനുള്ളിൽ തിരിച്ചെത്തിക്കണമെന്ന് ഡിബ്ല്യുസി ശിശുക്ഷേമ വകുപ്പിന് നിർദേശം നൽകി. ഇന്നലെ രാത്രിയാണ് ഉത്തരവ് പുറത്തുവന്നത്. ആന്ധ്രയിലെ ദമ്പതിമാർക്കൊപ്പമാണ് കുട്ടിയുള്ളത്. കേസ് അടുത്ത ദിവസം കുടുംബ കോടതി പരിഗണിക്കുന്നുണ്ട്. ഇന്ന് 11 മണിക്ക് ചൈൽഡ് വെൽഫെയർ കമ്മിറ്റിക്ക് മുന്നിലെത്താൻ അനുപമക്ക് നിർദേശം നൽകിയിട്ടുണ്ട്. കുട്ടിയെ തിരികെ കിട്ടണമെന്നാവശ്യപ്പെട്ട് അനുപമ നടത്തുന്ന സത്യാഗ്രഹം ഏഴാം ദിവസത്തിലേക്ക് കടക്കുകയാണ്.

  മുല്ലപ്പെരിയാർ ബേബി ഡാമിലെ വിവാദ മരം മുറി ഉത്തരവിന്റെ പശ്ചാത്തലത്തിൽ വനം മന്ത്രി എ കെ ശശീന്ദ്രൻ ഐഎഫ്എസ് ഉദ്യോഗസ്ഥരുടെ യോഗം വിളിച്ചു. വ്യാഴാഴ്ച ഉച്ചയ്ക്ക് രണ്ട് മണിക്കാണ് യോഗം. സിസിഎഫ് മുതൽ മുകളിലുള്ള ഉന്നതോദ്യോഗസ്ഥരുടെ യോഗമാണ് വിളിച്ചു ചേർത്തത്. അണ്ടർ സെക്രട്ടറി മുതലുള്ള ഉദ്യോഗസ്ഥർ യോഗത്തിൽ പങ്കെടുക്കും സസ്‌പെൻഷനിലായ ചീഫ് ലൈഫ് വാർഡൻ ബെന്നിച്ചൻ തോമസിനെതിരായ നടപടി പിൻവലിക്കണമെന്നാവശ്യപ്പെട്ട് ഐ എഫ് എസ് ഉദ്യോഗസ്ഥർ ചീഫ് സെക്രട്ടറിയെ കണ്ടിരുന്നു. അസോസിയേഷൻ ഭാരവാഹികളും ഇതേ ആവശ്യമുന്നയിച്ച്…