Kerala

  കൊച്ചിയിൽ യുവാവിന് ഗുണ്ടകളുടെ ക്രൂര മർദനം. കൊച്ചി സ്വദേശി ആന്റണി ജോണിനാണ് മർദനമേറ്റത്. ആന്റണി ജോണിനെ തട്ടിക്കൊണ്ടുപോയി നഗ്നനാക്കിയ ശേഷം മർദിക്കുകയായിരുന്നു. നട്ടെല്ലിന് പരുക്കേറ്റ യുവാവ് ചികിത്സയിലാണ് ഗുണ്ടസംഘങ്ങൾ തമ്മിലുള്ള പ്രശ്‌നമാണ് ആക്രമണത്തിന് പിന്നിലെന്ന് പോലീസ് പറയുന്നു. മർദനമേറ്റ ആന്റണിയുടെ കുടുംബത്തെ അക്രമി സംഘം ഭീഷണിപ്പെടുത്തിയതായും ആരോപണമുണ്ട്. യുവാവിനെ മർദിക്കുന്നതിന്റെ ദൃശ്യങ്ങളും പുറത്തുവന്നിട്ടുണ്ട് പതിനൊന്നാം തീയതിയായിരുന്നു സംഭവം. കടവന്ത്രയിലെ ഒരു മരണവീട്ടിൽ നിന്ന് യുവാവിനെ ഒരു സംഘം കാറിൽ പിടിച്ചു കയറ്റി കൊണ്ടുപോകുകയും ആലുവ, അങ്കമാലി…

  കൊല്ലം ചവറയിൽ യൂത്ത് കോൺഗ്രസ് പ്രവർത്തകർക്ക് വെട്ടേറ്റു. ചേന്നങ്കര മുക്കിലാണ് സംഭവം. ബ്ലോക്ക് വൈസ് പ്രസിഡന്റ് ജോയ് മോൻ, സനൂപ് എന്നിവർക്കാണ് വെട്ടേറ്റത്. ഡിവൈഎഫ്‌ഐ പ്രവർത്തകരാണ് ആക്രമണത്തിന് പിന്നിലെന്ന് യൂത്ത് കോൺഗ്രസ് ആരോപിച്ചു എന്നാൽ സംഭവവുമായി സംഘടനക്ക് പങ്കില്ലെന്ന് ഡിവൈഎഫ്‌ഐ ജില്ലാ നേതൃത്വം അറിയിച്ചു. ക്ഷേത്രോത്സവവുമായി ബന്ധപ്പെട്ട തർക്കമാണ് അക്രമത്തിൽ കലാശിച്ചതെന്നും ഡിവൈഎഫ്‌ഐ നേതാക്കൾ പറയുന്നു.

  ആർ എസ് എസ് പ്രവർത്തകൻ സഞ്ജിത്തിനെ കൊലപ്പെടുത്തിയ കേസിൽ അറസ്റ്റിലായ പോപുലർ ഫ്രണ്ട് നേതാവിനെ ഇന്ന് കോടതിയിൽ ഹാജരാക്കും. ഇന്നലെ രാത്രി പ്രതിയുടെ അറസ്റ്റ് രേഖപ്പെടുത്തിയിരുന്നു. ഇയാളുടെ പേരുവിവരങ്ങൾ പുറത്തുവിട്ടിട്ടില്ല. കേസിൽ കൂടുതൽ അറസ്റ്റ് ഉടനുണ്ടാകുമെന്നും പോലീസ് വ്യക്തമാക്കി പ്രതിയെ അറസ്റ്റ് ചെയ്യുന്നതിന് മുമ്പായി മൂന്ന് പേരെ പോലീസ് പോലീസ് കസ്റ്റഡിയിലെടുത്തിരുന്നു. മുണ്ടക്കയത്ത് നിന്നും സുബൈർ, സലാം, ഇസഹാക്ക് എന്നിവരെയാണ് കസ്റ്റഡിയിലെടുത്തത്. ഇതിൽ സുബൈർ മുണ്ടക്കയത്തെ ബേക്കറി തൊഴിലാളിയാണ്. ഇയാളുടെ റൂമിൽ താമസിക്കുകയായിരുന്നു മറ്റ് രണ്ട്…

  ദത്ത് വിവാദത്തിൽ കുഞ്ഞിന്റെ ഡിഎൻഎ പരിശോധനാ ഫലം ഇന്നോ നാളെയോ ലഭിക്കും. സാമ്പിളുകൾ തിങ്കളാഴ്ച ശേഖരിച്ചിരുന്നു. കുട്ടിയുടെ മാതാപിതാക്കളെന്ന് പറയപ്പെടുന്ന അനുപമയും അജിത്തും രാജീവ് ഗാന്ധി സെന്റർ ഫോർ ബയോ ടെക്‌നോളജിയിൽ നേരിട്ടെത്തി രക്തസാമ്പിളുകൾ നൽകിയിരുന്നു. ഡി എൻ എ പരിശോധനാ ഫലം പോസിറ്റീവായാൽ കുഞ്ഞിനെ തിരികെ നൽകാനുള്ള നടപടികൾ സി ഡബ്ല്യു സി സ്വീകരിക്കും. നിയമോപദേശത്തിന്റെ അടിസ്ഥാനത്തിലാകും തുടർ നടപടികൾ. 30ന് പരിശോധനാഫലം അടക്കമുള്ള റിപ്പോർട്ട് നൽകാൻ തിരുവനന്തപുരം കുടുംബകോടതിയും നിർദേശിച്ചിട്ടുണ്ട് ആന്ധ്രയിലെ ദമ്പതികളിൽ…

  തിരുവനന്തപുരം: കോവളത്തെ സ്വകാര്യ ഹോട്ടലില്‍ അമേരിക്കന്‍ പൗരനെ പുഴുവരിച്ച നിലയില്‍ കണ്ടെത്തി. ഹോട്ടലിലെ മുറിയില്‍ ഇയാളെ പൂട്ടിയിട്ട നിലയില്‍ കണ്ടെത്തുകയായിരുന്നു. ഇയാളെ പോലീസ് ആശുപത്രിയലേക്ക് മാറ്റി. ഒരു വര്‍ഷം മുമ്പാണ് ഇയാള്‍ കോവളത്ത് എത്തിയത്. വീഴ്ചയില്‍ പരുക്കേറ്റ് കിടപ്പിലാവുകയായിരുന്നു. ഇയാള്‍ക്ക് 77 വയസുണ്ട്. ഫോക്‌സിന്റെ സഹായി പാസ്‌പോര്‍ട്ട് ഉള്‍പ്പെടെയുള്ള രേഖകളുമായി നേരത്തേ രാജ്യം വിട്ടിരുന്നു. ഭക്ഷണമോ പരിചരണമോ ഇല്ലാതെ പൂട്ടിയിട്ട നിലയിലായിരുന്നു. കോവളം പോലീസിലെ ബീറ്റ് ഓഫീസര്‍മാര്‍ മുറിയില്‍ നിന്ന് ഞരക്കം കേട്ട് തുറന്ന് നോക്കിയപ്പോഴാണ്…

  മുല്ലപ്പെരിയാർ ഡാമിലെ ജലനിരപ്പ് വീണ്ടുമുയർന്നു. നിലവിൽ 141.40 അടിയാണ് ജലനിരപ്പ്. ഈ വർഷത്തെ ഏറ്റവുമുയർന്ന ജലനിരപ്പാണ് ഇന്ന് രേഖപ്പെടുത്തിയത്. സെക്കൻഡിൽ 1876 ഘനയടി വെള്ളമാണ് ഡാമിൽ നിന്നും തമിഴ്‌നാട് നിലവിൽ കൊണ്ടുപോകുന്നത്. സുപ്രീം കോടതിയുടെ ഇടക്കാല ഉത്തരവ് പ്രകാരം ഡാമിലെ ജലനിരപ്പ് നവംബർ 30ഓടെ 142 അടിയിലേക്ക് ഉയർത്താൻ തമിഴ്‌നാടിന് സാധിക്കും. മുല്ലപ്പെരിയാർ കേസിലെ ഹർജികൾ ഡിസംബർ പത്തിനാണ് ഇനി പരിഗണിക്കുക.

പപ്പായ പറിച്ചതിന് മരുമകൾ ഭർതൃ മാതാവിനെ കത്തി ഉപയോഗിച്ച് വെട്ടി പരിക്കേൽപ്പിച്ചു. കണ്ണൂർ കണ്ണപുരം പള്ളിച്ചാലിൽ ആണ് സംഭവം.സിന്ധു നട്ട പപ്പായയിൽ നിന്നും ഭർതൃ മാതാവായ സരോജിനി കായ പറിച്ചതാണ് പ്രകോപനത്തിന് കാരണം. മരുമകൾ സിന്ധുവിനെതിരെ പൊലീസ് കേസെടുത്തിട്ടുണ്ട്. ഐപിസി 341,324,308 വകുപ്പുകൾ ചുമത്തിയാണ് പൊലീസ് കേസെടുത്തിരിക്കുന്നത്.

വയനാട് ലക്കിടിയിൽ പ്രണയാഭ്യർഥന നിരസിച്ചതിന് കോളജ് വിദ്യാർഥിനിയെ കുത്തിപ്പരിക്കേൽപ്പിച്ച പ്രതിയെ ഇന്ന് തെളിവെടുപ്പിനെത്തിക്കും. പാലക്കാട് മണ്ണാർക്കാട് സ്വദേശിയായ ദീപുവിനെ ലക്കിടി ഓറിയന്‍റൽ കോളജ് പരിസരത്താണെത്തിക്കുക. തെളിവെടുപ്പ് പൂർത്തിയാക്കി പ്രതിയെ കോടതിയിൽ ഹാജരാക്കും. ദീപുവിന്‍റെ കൂടെയുണ്ടായിരുന്ന ബന്ധു ജിഷ്ണുവിനെയും പൊലീസ് കസ്റ്റഡിയിലെടുത്തിട്ടുണ്ട്. ദീപു പെൺകുട്ടിയെ ആക്രമിക്കാൻ ലക്ഷ്യമിട്ട് വന്നതാണെന്ന് അറിയില്ലായിരുന്നുവെന്നാണ് ജിഷ്ണുവിന്‍റെ മൊഴി. ഇയാളെ കൂടുതൽ ചോദ്യം ചെയ്തതിന് ശേഷമായിരിക്കും അറസ്റ്റ് രേഖപ്പെടുത്തുക. ആക്രമണത്തിന് ഇരയായ പുൽപ്പള്ളി സ്വദേശിയായ വിദ്യാർ‍ഥിനി വയനാട്ടിലെ സ്വകാര്യ ആശുപത്രിയിൽ ചികിത്സയിൽ തുടരുകയാണ്. മുഖത്ത്…

  വഖഫ് ബോർഡ് നിയമനം പി.എസ്.സിക്ക് വിടാനുള്ള സംസ്ഥാന സർക്കാർ തീരുമാനം പിൻവലിക്കണമെന്ന് മുസ്‌ലിം സംഘടനകൾ. തീരുമാനത്തിൽ സർക്കാർ ഉറച്ച് നിന്നാൽ പ്രത്യക്ഷ സമരവും നിയമപരമായ നടപടികളും സ്വീകരിക്കാനാണ് നീക്കം. കാന്തപുരം എപി അബൂബക്കർ മുസ്‌ലിയാർ നേതൃത്വം നൽകുന്ന കേരള മുസ്ലിം ജമാഅത്ത് ഒഴികയുള്ള പ്രധാനപ്പെട്ട സംഘടനകളെല്ലാം യോഗത്തിൽ പങ്കെടുത്തു. കടുത്ത വിമർശനമാണ് സംസ്ഥാന സർക്കാരിനെതിരെ മുസ്‌ലിം നേതൃസമിതി യോഗത്തിലുണ്ടായത്. മത വിശ്വാസികൾ അല്ലാത്തവർ മതത്തിന്റെ പേരിൽ ഉദ്യോഗസ്ഥരായി എത്തുന്നത് വഖഫ് ബോർഡിനെ ഇല്ലാതാക്കുമെന്നാണ് സംഘടനകളുടെ നിലപാട്….

വയനാട് ലക്കിടി ഓറിയന്റൽ കോളജിൽ വിദ്യാർഥിനിക്ക് കുത്തേറ്റു. രണ്ടാം വർഷ ഫാഷൻ ഡിസൈനിങ് വിദ്യാർഥിനിക്കാണ് കുത്തേറ്റത്. പാലക്കാട് മണ്ണാർക്കാട് സ്വദേശിയായ യുവാവിനെ പൊലീസ് കസ്റ്റഡിയിലെടുത്തു. പ്രണയ നൈരാശ്യമാണ് ആക്രമണത്തിന് പിന്നിലെന്നാണ് റിപ്പോര്‍ട്ട്. ഇന്ന് വൈകുന്നേരം നാലരയോടെ ലക്കിടി കോളജിന് സമീപത്ത് വെച്ചായിരുന്നു ആക്രമണം. കുട്ടിയുടെ കണ്ണിനും മുഖത്തും സാരമായി പരിക്കേറ്റുവെന്നാണ് പ്രാഥമിക വിവരം. കുട്ടിയെ കോഴിക്കോട് മെഡിക്കൽ കോളജിലേക്ക് മാറ്റും. വയനാട് പുൽപ്പള്ളി സ്വദേശിയായ പെൺകുട്ടി രണ്ടാം വർഷ ഫാഷൻ ഡിസൈനിങ് വിദ്യാർത്ഥിയാണ്. ഫേസ്ബുക്കിലൂടെ പരിചയപ്പെട്ട യുവാവാണ്…