Kerala

  ദുൽഖർ സൽമാൻ നായകനായ കുറുപ്പ് എന്ന ചിത്രത്തിന്റെ പ്രമോഷന് വേണ്ടി വാഹനങ്ങളിൽ ചിത്രത്തിന്റെ പോസ്റ്റർ സ്റ്റിക്കർ ഒട്ടിച്ചതിനെതിരെ ഇ ബുൾജെറ്റ് സഹോദരൻമാർ. സിനിമാക്കാരോടും തങ്ങളോടും മോട്ടോർ വാഹന വകുപ്പ് ഇരട്ടത്താപ്പാണ് കാണിച്ചതെന്ന് ഇവർ പറയുന്നു ഞങ്ങൾ ചെയ്തത് തെറ്റ്, കുറുപ്പിന്റെ പ്രമോഷൻ ചെയ്ത വണ്ടി ശരി. കേരളത്തിന്റെ അങ്ങേയറ്റം മുതൽ ഇങ്ങേയറ്റം വരെ ഓടിയ വണ്ടി ഒരു ഉദ്യോഗസ്ഥൻ പോലും പരിശോധിച്ചിട്ടില്ല. ഇതിനെതിരെ ചൊവ്വാഴ്ച രാത്രി ഒമ്പത് മണിക്ക് പ്രതികരിക്കുമെന്നും പേസ്ബുക്ക് പേജിലൂടെ ഇ ബുൾജെറ്റ്…

  കേരളത്തിൽ ഇന്ന് 4972 പേർക്ക് കോവിഡ്-19 സ്ഥിരീകരിച്ചു. തിരുവനന്തപുരം 917, തൃശൂർ 619 കോഴിക്കോട് 527, കോട്ടയം 476, എറണാകുളം 469, കൊല്ലം 383, കണ്ണൂർ 291, പത്തനംതിട്ട 270, പാലക്കാട് 238, വയനാട് 212, ഇടുക്കി 206, ആലപ്പുഴ 169, മലപ്പുറം 135, കാസർഗോഡ് 60 എന്നിങ്ങനേയാണ് ജില്ലകളിൽ ഇന്ന് രോഗ ബാധ സ്ഥിരീകരിച്ചത്. കഴിഞ്ഞ 24 മണിക്കൂറിനിടെ 60,265 സാമ്പിളുകളാണ് പരിശോധിച്ചത്. പ്രതിവാര ഇൻഫെക്ഷൻ പോപ്പുലേഷൻ റേഷ്യോ (WIPR) പത്തിന് മുകളിലുള്ള 39…

  അവശ്യസാധനങ്ങളുടെ വില ഉയരാൻ കാരണം ഇന്ധനവില വർധനവെന്ന് സിപിഎം സംസ്ഥാന സെക്രട്ടറി എ വിജയരാഘവൻ. സാധാരണ ജനങ്ങൾക്ക് താങ്ങാനാകുന്നതല്ല വിലക്കയറ്റം. കേന്ദ്രസർക്കാർ അധിക ലാഭമുണ്ടാക്കുന്ന കോർപറേറ്റുകൾക്ക് നികുതി കൂട്ടുന്നില്ല. എന്നാൽ അതി സാധാരണക്കാരുടെ നികുതി വർധിപ്പിക്കുകയാണ്. ഇന്ധനത്തിൽ ചുമത്തുന്ന സ്‌പെഷ്യൽ എക്‌സൈസ് തീരുവ പൂർണമായും പിൻവലിക്കുകയാണ് വേണ്ടെന്നും അദ്ദേഹം ആവശ്യപ്പെട്ടു കോർപറേറ്റ് നികുതി വെട്ടിക്കുറച്ച് ഇന്ധനനികുതി വർധിപ്പിച്ചതാണ് ഇപ്പോഴത്തെ വിലക്കയറ്റത്തിന് കാരണമെന്ന് ധനമന്ത്രി കെ എൻ ബാലഗോപാലനും വിമർശിച്ചു. ഇന്ധന, പാചക വാതക വിലവർധനവിനെതിരെ സംസ്ഥാനവ്യാപകമായി…

  നോക്കൂകൂലി അവസാനിപ്പിക്കണമെന്ന് ഹൈക്കോടതി.  ഈ ചൂഷണം അവസാനിപ്പിക്കാൻ ചുമട്ടു തൊഴിലാളി നിയമം ഭേദഗതി ചെയ്യണമെന്നും കോടതി നിർദേശിച്ചു. നിയമ ഭേദഗതിയിൽ നിലപാട് അറിയിക്കാൻ സർക്കാരിന് ഹൈക്കോടതി നിർദേശം നൽകി നോക്കുകൂലി സംബന്ധിച്ച പല കേസുകളിലും ഇടപെടൽ നടത്തിയിട്ടും പരിഹാരമാകാത്തതിനാലാണ് നിയമഭേദഗതിയെന്ന നിർദേശം ഹൈക്കോടതി മുന്നോട്ടുവെച്ചത്. അടുത്ത മാസം എട്ടിന് മുമ്പായി വിഷയത്തിൽ നിലപാട് വ്യക്തമാക്കാനാണ് നിർദേശം. പോലീസ് വിഷയത്തിൽ കാര്യക്ഷമമായി ഇടപെടാനും ഹൈക്കോടതി നിർദേശം നൽകി.

  സംസ്ഥാനത്ത് വരും ദിവസങ്ങളിൽ ശക്തമായ മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പിന്റെ മുന്നറിയിപ്പ്. ഇന്ന് തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, എറണാകുളം, ഇടുക്കി എന്നിവിടങ്ങളിൽ യെല്ലോ അലർട്ടാണ്. ശനിയാഴ്ച വരെ കാലാവസ്ഥ പ്രതികൂലമായി തന്നെ തുടർന്നേക്കും. അടുത്ത മൂന്ന് മണിക്കൂറിൽ തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം എന്നീ ജില്ലകളിൽ ഇടിയോട് കൂടിയ മഴയ്ക്കും മണിക്കൂറിൽ 40 കിലോമീറ്റർ വരെ വേഗതയിൽ വീശിയടിച്ചേക്കാവുന്ന കാറ്റിനും സാധ്യതയുണ്ട്. യെല്ലോ അലർട്ട് പ്രഖ്യാപിച്ചിരിക്കുന്ന ജില്ലകൾ…

  ആലുവയിൽ ഭർതൃവീട്ടുകാർക്കെതിരെ പോലീസിൽ പരാതി നൽകിയ ശേഷം യുവതി ആത്മഹത്യ ചെയ്ത സംഭവത്തിൽ ആലുവ സിഐക്കെതിരെ നടപടി. സിഐയെ സ്റ്റേഷൻ ചുമതലകളിൽ നിന്ന് നീക്കി. യുവതിയുടെ ആത്മഹത്യാക്കുറിപ്പിൽ സിഐക്കെതിരെ പരാമർശമുണ്ടായിരുന്നു എടയപ്പുറത്ത് മൊഫിയ പർവീൺ എന്ന 23കാരിയാണ് ആത്മഹത്യ ചെയ്തത്. മൊഫിയയുടെ ആത്മഹത്യ കേസ് ആലുവ ഡിവൈഎസ്പി അറിയിക്കും. മൊഫിയയുടെ ആത്മഹത്യയിൽ ഭർത്താവിനെതിരെ പോലീസ് കേസെടുക്കും. ഒരു മാസം മുമ്പാണ് ഭർതൃവീട്ടുകാർക്കെതിരെ യുവതി പരാതി നൽകിയത്. പരാതിയിൽ ഇന്നലെ യുവതിയെയും പിതാവിനെയും സ്റ്റേഷനിലേക്ക് വിളിപ്പിച്ചു. പരാതി…

  ദത്ത് വിവാദത്തിൽ കുഞ്ഞ് അനുപമയുടേത് തന്നെയെന്ന് ഡിഎൻഎ പരിശോധനാ ഫലം. രാജീവ് ഗാന്ധി സെന്റർ ഫോർ ബയോ ടെക്‌നോളജിയിൽ നടത്തിയ പരിശോധനയിലാണ് കുഞ്ഞ് അനുപമയുടെയും അജിത്തിന്റെയും തന്നെയാണെന്ന് തെളിഞ്ഞത്. മൂന്ന് തവണ സാമ്പിൾ ക്രോസ് മാച്ച് ചെയ്തപ്പോഴും മാതാവ് അനുപമയും പിതാവ് അജിത്തുമാണെന്ന് ഫലം ലഭിച്ചു. പരിശോധനാ ഫലം ഔദ്യോഗികമായി ഇവരെ അറിയിച്ചിട്ടില്ല. ഇത് സിഡബ്ല്യുസിക്ക് കൈമാറിയിട്ടുണ്ട്. സിഡബ്ല്യുസി റിപ്പോർട്ട് കോടതിയിൽ സമർപ്പിക്കും

തിരുവനന്തപുരം: സംസ്ഥാനത്ത് അടുത്ത അഞ്ച് ദിവസം മഴ തുടരാന്‍ സാധ്യതയെന്ന് കേന്ദ്ര കാലാവസ്ഥാ വകുപ്പ്. നവംബര്‍ 25, 26 തീയതികളില്‍ ഒറ്റപ്പെട്ട ശക്തമായ മഴയ്ക്കും സാധ്യതയുണ്ടെന്ന് കേന്ദ്ര കാലാവസ്ഥാ വകുപ്പ് അറിയിച്ചു. തെക്ക് കിഴക്കന്‍ ബംഗാള്‍ ഉള്‍ക്കടലില്‍ നിലവില്‍ രൂപം കൊണ്ടിട്ടുള്ള ചക്രവാതചുഴി അടുത്ത 24 മണിക്കൂറിനുള്ളില്‍ തെക്ക് പടിഞ്ഞാറന്‍ ബംഗാള്‍ ഉള്‍ക്കടലില്‍ ന്യൂനമര്‍ദ്ദമായി ശക്തി പ്രാപിച്ചേക്കാം. തുടര്‍ന്ന് പടിഞ്ഞാറ് വടക്ക് പടിഞ്ഞാറ് ദിശയില്‍ സഞ്ചരിച്ച് ശ്രീലങ്ക, തെക്കന്‍ തമിഴ്‌നാട് തീരത്ത് കരയില്‍ പ്രവേശിക്കാനാണ് സാധ്യതയെന്ന് കാലാവസ്ഥ…

കേരളത്തെ നന്ദിഗ്രാമാക്കാൻ പോകുന്ന വിഷയമാണ് കെ റെയിൽ സിൽവർ ലൈൻ പദ്ധതിയെന്ന് പ്രതിപക്ഷനേതാവ് വി.ഡി സതീശൻ. സാമ്പത്തിക ഞെരുക്കത്തിൽ നിന്ന് ജനങ്ങളെ രക്ഷിക്കാനല്ല സർക്കാർ ശ്രമിക്കുന്നത്. ജനങ്ങളുടെ മേൽ കൂടുതൽ ഭാരം അടിച്ചേൽപ്പിക്കുകയാണെന്നും അദ്ദേഹം പറഞ്ഞു. കൊല്ലം കുണ്ടറയിൽ കെ റെയിലിനെതിരെ കോൺഗ്രസ് സംഘടിപ്പിച്ച ഏകദിന ഉപവാസം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. കെ റെയിലിന് എവിടെ നിന്നാണ് സർക്കാർ പണം കണ്ടെത്തുന്നതെന്ന് അദ്ദേഹം ചോദിച്ചു. ഇത്രയും പണം ചെലവാക്കിയാലുള്ള ഗുണമെന്താണെന്ന് സർക്കാർ പറയണം. എത്ര യാത്രക്കാരെ…

  ഓട്ടോ,ടാക്‌സി തൊഴിലാളികളുടെ നിരക്ക് വർധനയെന്ന ആവശ്യം ന്യായമെന്ന് ഗതാഗത മന്ത്രി ആന്റണി രാജു. ഇതു സംബന്ധിച്ച് ട്രേഡ് യൂണിയനുകളുമായി കൂടിയാലോചിക്കുമെന്നും മന്ത്രി അറിയിച്ചു. അതേസമയം കൺസെഷൻ നിരക്ക് മിനിമം ചാർജ് ആറിരട്ടിയായി വർധിപ്പിക്കുന്നത് പ്രായോഗീകമല്ലെന്നും വിദ്യാർഥി സംഘടനകളെ വസ്തുതകൾ ബോധ്യപ്പെടുത്താൻ ശ്രമിക്കുമെന്നും അദ്ദേഹം വ്യക്തമാക്കി. ഇതിനായി ബസ് കൺസെഷൻ വിദ്യാർത്ഥിളുമായി ചർച്ച നടത്തും. പ്രതിസന്ധിക്ക് കാരണം ഇന്ധന വില വർധിപ്പിച്ച കേന്ദ്ര സർക്കാർ നിലപാടാണെന്നും വിമർശിക്കേണ്ടത് കേന്ദ്രസർക്കാരിനെയാണെന്നും മന്ത്രി പറഞ്ഞു. ബസ് നിരക്ക് വർധനവിനെതിരെ പ്രതിപക്ഷ…