കോഴിക്കോട്: വെസ്റ്റ്ഹിൽ ഭട്ട് റോഡ് ബീച്ചിൽ പാർക്കിന് സമീപം യുവാവ് കടലിൽ മുങ്ങി മരിച്ചു. തുമ്പിരുമ്പ് പറമ്പിൽ ശോഭിനാഥിന്റെ മകൻ സായൂജ് (23) ആണ് മരിച്ചത്. ഞായറാഴ്ച രാവിലെ എട്ടരയോടെയായിരുന്നു അപകടം. മത്സ്യബന്ധനത്തിനിറങ്ങിയതായിരുന്നു. സായൂജ് മുങ്ങിത്താഴുന്നത് കണ്ട പരിസരവാസിയായ ധനേഷ് കടലിലിറങ്ങിയെങ്കിലും രക്ഷിക്കാനായില്ല. പിന്നീട് ഫയർഫോഴ്സും കോസ്റ്റൽ പൊലീസും മത്സ്യതൊഴിലാളികളും നടത്തിയ തിരച്ചിലിൽ വൈകീട്ട് 3.15ഓടെയാണ് മൃതദേഹം കണ്ടെത്തിയത്.
ഇരട്ട കൊലപാതകം നടന്ന ആലപ്പുഴയില് സമാധാനാന്തരീക്ഷം വീണ്ടെടുക്കാന് കളക്ടര് സര്വ്വകക്ഷി യോഗം വിളിച്ചു. വൈകിട്ട് മൂന്നു മണിക്കാണ് സമാധാന യോഗം. കളക്ടറേറ്റില് നടക്കുന്ന യോഗത്തില് മന്ത്രിമാര് പങ്കെടുക്കും. കൊലപാതകങ്ങളുടെ പശ്ചാത്തലത്തില് ജില്ലയില് നിരോധനാജ്ഞ തുടരുകയാണ്. സംസ്ഥാനത്തുടനീളം ജാഗ്രതാ നിര്ദേശമുണ്ട്. 12 മണിക്കൂറിനിടെയാണ് ആലപ്പുഴയെ നടുക്കിയ രണ്ട് കൊലപാതകങ്ങള് നടന്നത്. ശനിയാഴ്ച രാത്രി എസ്ഡിപിഐ സംസ്ഥാന സെക്രട്ടറി കെ.എസ്. ഷാനാണ് ആദ്യ കൊല്ലപ്പെട്ടത്. ഇന്നു രാവിലെ ഒബിസി മോര്ച്ച സംസ്ഥാന സെക്രട്ടറി രഞ്ജിത്ത് ശ്രീനിവാസനും കൊല്ലപ്പെട്ടു. സംഘര്ഷ സാധ്യത…
ആലപ്പുഴ കൊലപാതകങ്ങളില് സംസ്ഥാനത്തോട് കേന്ദ്ര സര്ക്കാര് റിപ്പോര്ട്ട് തേടും. പ്രാഥമിക റിപ്പോര്ട്ട് ഗവര്ണ്ണറോട് അടിയന്തരമായി ആവശ്യപ്പെടുമെന്നാണ് വിവരം. കേരളത്തില് ഗുരുതര ക്രമസമാധാന പ്രശ്നമുണ്ടെന്നാണ് കേന്ദ്ര ആഭ്യന്തരവകുപ്പിന്റെ വിലയിരുത്തല്. പിണറായി സര്ക്കാരിന് കീഴില് കേരളത്തില് ക്രമസമാധാനം തകര്ന്നെന്ന് ബിജെപി ദേശീയ അധ്യക്ഷന് ജെ.പി. നദ്ദ ആരോപിച്ചു. ഒന്നരമാസത്തിനിടെ മൂന്ന് കൊലപാതകങ്ങളാണ് സംസ്ഥാനത്ത് നടന്നത്. പാലക്കാട് സംഭവത്തിനുശേഷം ജാഗ്രതാ നിര്ദേശമുണ്ടായെങ്കിലും മുന് കരുതല് സ്വീകരിച്ചില്ല. അക്രമങ്ങള് തടയുന്നതില് പോലീസിന്റെ ഭാഗത്ത് ഗുരുതര വീഴ്ചയെന്ന വ്യാപക വിമര്ശനം ഉയരുന്നുണ്ട്. ഇതിനു പിന്നാലെയാണ്…
സമുദ്രാതിർത്തി ലംഘിച്ചെന്ന് ആരോപിച്ച് ശ്രീലങ്കൻ തീരത്ത് നിന്ന് 29 മത്സ്യത്തൊഴിലാളികളെ ശ്രീലങ്കൻ നാവിക സേന അറസ്റ്റ് ചെയ്തു. പിടിയിലായവരെല്ലാം തമിഴ്നാട് സ്വദേശികളാണെന്നാണ് വിവരം. ആറ് ബോട്ടുകളും കസ്റ്റഡിയിലെടുത്തു. ഇന്നലെ രാവിലെ രാമേശ്വരത്ത് നിന്ന് മത്സ്യബന്ധനത്തിന് പോയ തൊഴിലാളികളാണ് ശ്രീലങ്കൻ സേനയുടെ പിടിയിലായത്. കൂടുതൽ അന്വേഷണത്തിനായി ഇവരെ നാവിക ബേസിലേക്ക് കൊണ്ടുപോയി.
ആലപ്പുഴയില് കൊല ചെയ്യപ്പെട്ട എസ്ഡിപിഐ സംസ്ഥാന സെക്രട്ടറി കെഎസ് ഷാനിന്റെ പോസ്റ്റ്മോര്ട്ടം നടപടികള് പൂര്ത്തിയായി. ഷാനിന്റെ ശരീരത്തില് നാല്പ്പതിലോറെ മുറിവുകള് ഉണ്ടായിരുന്നു. കഴുത്തിലേറ്റ ആഴത്തിലുള്ള മുറിവാണ് മരണകാരണം എന്നാണ് റിപ്പോര്ട്ടില് വ്യക്തമാക്കുന്നതെന്ന് മാതൃഭൂമി റിപ്പോര്ട്ട് ചെയ്തു. ഇന്ന് കാലത്താണ് ഷാനിന്റെ മൃതദേഹം പോസ്റ്റമോര്ട്ടത്തിനായി കളമശ്ശേരി മെഡിക്കല് കോളജില് എത്തിച്ചത്. കഴുത്തിലും, കാലിലും, ശരീരത്തിന്റെ പിന്ഭാഗത്തുമായി നിരവധി മുറിവുകളാണ് ഉണ്ടായിരുന്നത്. ആക്രമണം നടന്ന ഉടനെ ഷാനെ കൊച്ചിയലെ സ്വകാര്യ ആശുപത്രിയില് എത്തിച്ച് ശസ്ത്രക്രിയ നടത്തിയെങ്കിലും ജീവന് രക്ഷിക്കാനായിരുന്നില്ല. തുടര്ന്നാണ്…
കേരളത്തിൽ ഇന്ന് 2995 പേർക്ക് കോവിഡ്-19 സ്ഥിരീകരിച്ചു. തിരുവനന്തപുരം 613, എറണാകുളം 522, കോഴിക്കോട് 263, കോട്ടയം 232, കൊല്ലം 207, തൃശൂർ 203, കണ്ണൂർ 185, ഇടുക്കി 160, പത്തനംതിട്ട 147, മലപ്പുറം 131, ആലപ്പുഴ 119, പാലക്കാട് 76, കാസർഗോഡ് 69, വയനാട് 68 എന്നിങ്ങനേയാണ് ജില്ലകളിൽ ഇന്ന് രോഗ ബാധ സ്ഥിരീകരിച്ചത്. സംസ്ഥാനത്തെ വിവിധ ജില്ലകളിലായി 1,40,333 പേരാണ് ഇപ്പോൾ നിരീക്ഷണത്തിലുള്ളത്. ഇവരിൽ 1,36,127 പേർ വീട്/ഇൻസ്റ്റിറ്റിയൂഷണൽ ക്വാറന്റൈനിലും 4206 പേർ ആശുപത്രികളിലും…
സംസ്ഥാനത്ത് നാളെ മുതല് കെഎസ്ആര്ടിസിയില് ശമ്പള വിതരണം തുടങ്ങുമെന്ന് സിഎംഡി. കോവിഡിന് ശേഷമുള്ള റിക്കാർഡ് വരുമാനമായിരുന്നു കഴിഞ്ഞ തിങ്കളാഴ്ച കെഎസ്ആർടിസിക്ക് ലഭിച്ചത്. ഏകദേശം 5.79 കോടി രൂപ. ക്രിസ്മസ് അവധി ഉൾപ്പെടെയുള്ളവ പരിഗണിച്ച് തിങ്കളാഴ്ച വളരെയധികം യാത്രക്കാർ കെഎസ്ആർടിസിയെ ആശ്രയിക്കുന്നതിനാൽ ജീവനക്കാർ ജോലി ബഹിഷ്കരിച്ച് സർവ്വീസ് മുടക്കരുതെന്നും സിഎംഡി അഭ്യർത്ഥിച്ചു. സർവ്വീസ് മുടങ്ങുന്നത് കൊണ്ട് കെഎസ്ആർടിസിയെ ജനങ്ങളിൽ നിന്നും അകറ്റുകയാണ് ചെയ്യുന്നതെന്ന് സിഎംഡി പറഞ്ഞു. അത് കൊണ്ട് തിങ്കളാഴ്ച ശമ്പളം വിതരണം ചെയ്യുമെന്നുള്ള ഉറപ്പിൽ മേൽ നിലവിൽ…
കണ്ണൂർ വി സി നിയമനവുമായി ബന്ധപ്പെട്ട് ഗവർണർക്ക് അയച്ച കത്തിനെ ന്യായീകരിച്ച് ഉന്നത വിദ്യാഭ്യാസ വകുപ്പ് മന്ത്രി ആർ ബിന്ദു. കണ്ണൂർ വൈസ് ചാൻസലറുടെ നിയമനം നടത്തിയത് പൂർണമായും ഗവർണറുടെ ഉത്തരവാദിത്വത്തിലാണ്. നടന്നത് സ്വാഭാവികമായ ആശയവിനിമയാണ്. സർവകലശാലയുടെ ചാൻസലർ ഗവർണറും പ്രോ ചാൻസലർ ഉന്നത വിദ്യാഭ്യാസ മന്ത്രിയുമാണ്. നിയമപരമായി സ്ഥാപിതമായ പദവികളാണിവ. ഈ രണ്ട് പദവികളിൽ ഇരിക്കുന്നവർ തമ്മിൽ ആശയ വിനിമയം നടത്തൽ സ്വാഭാവികമാണെന്നും മന്ത്രി പറഞ്ഞു. പ്രോ ചാൻസലർ എന്തെങ്കിലും നിർദേശം സമർപ്പിച്ചാൽ അത് സ്വീകരിക്കാനോ…
ആലപ്പുഴയിലെ കൊലപാതക സംഭവങ്ങൾ ദുഃഖകരവും നാണക്കേടുളവാക്കുന്നതുമെന്ന് സംസ്ഥാന ഗവർണർ ആരിഫ് മുഹമ്മദ് ഖാൻ. രാഷ്ട്രീയം ആരുടെയും മരണത്തിന് കാരണമാകരുതെന്ന് ഗവർണർ പറഞ്ഞു. ആരും നിയമം കൈയിലെടുക്കരുത്. സംഭവം അന്വേഷിക്കുന്നതിന് പോലീസിന് സമയം നൽകണമെന്നും ആരും അനാവശ്യ നിഗമനങ്ങളിലേക്ക് പോകരുതെന്നും ഗവർണർ ആവശ്യപ്പെട്ടു. എസ് ഡി പി ഐ സംസ്ഥാന സെക്രട്ടറി കെ എസ് ഷാനാണ് ആദ്യം കൊല്ലപ്പെട്ടത്. ഇന്നലെ രാത്രിയാണ് ഒരു സംഘം ഷാനെ വെട്ടിക്കൊന്നത്. ഇന്ന് പുലർച്ചെ ഒബിസി മോർച്ച സംസ്ഥാന സെക്രട്ടറിയും ബിജെപി…
ആലപ്പുഴയിലെ കൊലപാതകങ്ങളിൽ സർക്കാരിനെ വിമർശിച്ച് പ്രതിപക്ഷ നേതാവ് വി ഡി സതീശൻ. കഴിഞ്ഞ കുറേ നാളുകളായി സോഷ്യൽ എൻജിനീയറിംഗ് എന്ന ഓമനപ്പേര് നൽകി കേരളത്തിന്റെ മുഖ്യമന്ത്രി നടത്തുന്ന വർഗീയ പ്രീണനങ്ങളുടെ ബാക്കിപത്രമാണ് ഈ കൊലപാതകങ്ങളെന്ന് പ്രതിപക്ഷ നേതാവ് പറഞ്ഞു. കേരളത്തെ ഞെട്ടിക്കുന്ന ദൗർഭാഗ്യകരമായ രണ്ട് കൊലപാതകങ്ങളാണ് നടന്നത്. വർഗീയമായ ചേരിതിരിവുണ്ടാക്കാനായി ശത്രുക്കളാണെങ്കിലും പരസ്പരം പാലൂട്ടി വളർത്തുന്ന രണ്ട് ശത്രുക്കൾ തമ്മിളുള്ള കൊലപാതകമാണ് നടന്നതെന്നും സതീശൻ പറഞ്ഞു രമ്യ ഹരിദാസ് എംപിക്ക് ഭീഷണികളുണ്ടായിട്ട് പോലും പോലീസ് പ്രൊട്ടക്ഷൻ…