Kerala

  ആലപ്പുഴ ഇരട്ടക്കൊലപാതകം: ഇന്ന് കൂടുതൽ അറസ്റ്റിന് സാധ്യത; അഞ്ച് പ്രതികളെ കോടതിയിൽ ഹാജരാക്കും ആലപ്പുഴ ഇരട്ട കൊലപാതക കേസുകളിൽ ഇന്ന് കൂടുതൽ അറസ്റ്റുണ്ടായേക്കും. ഇന്നലെ രാത്രി വൈകിയും പ്രതികൾക്കായി പോലീസ് വ്യാപക തെരച്ചിൽ നടത്തിയിരുന്നു. ആർ എസ് എസ്, എസ്ഡിപിഐ പ്രവർത്തകരുടെ വീടുകളിലായിരുന്നു പരിശോധന. ബിജെപി നേതാവ് രഞ്ജിത്തിനെ കൊലപ്പെടുത്തിയ കേസിൽ അഞ്ച് പ്രതികൾ അറസ്റ്റിലായിരുന്നു. എസ് ഡി പി ഐ പ്രവർത്തകരായ നിഷാദ്, ആസിഫ്, സുധീർ, അർഷാദ്, അലി എന്നിവരാണ് അറസ്റ്റിലായത്. ആലപ്പുഴ മണ്ണഞ്ചേരി…

  ശബരിമലയിൽ മണ്ഡല പൂജ ദിവസം അയ്യപ്പ വിഗ്രഹത്തിൽ ചാർത്താനുള്ള തങ്ക അങ്കിയും വഹിച്ചു കൊണ്ടുള്ള രഥഘോഷയാത്ര പുറപ്പെട്ടു. ആറൻമുള പാർഥസാരഥി ക്ഷേത്രത്തിൽ നിന്ന് പുറപ്പെട്ട രഥം 73 കേന്ദ്രങ്ങളിലെ സ്വീകരണം ഏറ്റുവാങ്ങി സന്നിധാനത്ത് എത്തും. കൊവിഡ് ഇളവുകൾ വന്നതിനാൽ സാധാരണ തീർഥാടന കാലം പോലെയാണ് ഇക്കുറി രഥഘോഷയാത്ര നടക്കുക കഴിഞ്ഞ വർഷം ആൾക്കൂട്ടം പരമാവധി ഒഴിവാക്കിയായിരുന്നു തങ്കയങ്കി രഥഘോഷയാത്ര നടന്നത്. ഇത്തവണ അതിൽ നിന്ന് മാറ്റമുണ്ട്. വിവിധ ക്ഷേത്രത്തിൽ സ്വീകരണമുണ്ടാകും. തങ്ക അങ്കിയെ അനുഗമിക്കാൻ ഭക്തർക്ക്…

  പെരിയ ഇരട്ടക്കൊലപാതക കേസിൽ പ്രതി ചേർക്കപ്പെട്ട സിപിഎം നേതാവ് കെ വി കുഞ്ഞിരാമനടക്കം നാല് പേർ ഇന്ന് എറണാകുളം സിജെഎം കോടതിയിൽ ഹാജരാകും. കഴിഞ്ഞ ദിവസം കേസ് പരിഗണിച്ചപ്പോൾ സാവകാശം വേണമെന്ന് ഇവർ ആവശ്യപ്പെട്ടിരുന്നു. തുടർന്നാണ് ഇന്ന് രാവിലെ 11 മണിക്ക് എത്താൻ നിർദേശം നൽകിയത് സിപിഎം കാസർകോട് ജില്ലാ സെക്രട്ടേറിയറ്റ് അംഗവും മഞ്ചേശ്വരം ഏരിയാ സെക്രട്ടറിയും മുൻ എംഎൽഎയുമാണ് കെ വി കുഞ്ഞിരാമൻ. സിപിഎം നേതാവ് കെ വി ഭാസ്‌കരൻ, 23ാം പ്രതി ഗോപൻ…

  ശബരിമല തീർഥാടകർ സഞ്ചരിച്ച വാൻ അപകടത്തിൽപ്പെട്ട് നിരവധി പേർക്ക് പരുക്ക്. ഇടപ്പള്ളി-വൈറ്റി ബൈപ്പാസിലെ ചക്കരപ്പറമ്പ് ജംഗ്ഷനിൽ വെച്ചാണ് തമിഴ്‌നാട്ടിൽ നിന്നുള്ള സംഘം സഞ്ചരിച്ച വാൻ അപകടത്തിൽപ്പെട്ടത്. റിവേഴ്‌സ് എടുക്കുകയായിരുന്നു ഒരു ലോറിയിലേക്ക് വാൻ ഇടിച്ചുകയറുകയായിരുന്നു പരുക്കേറ്റവരിൽ ഡ്രൈവർ അടക്കം മൂന്ന് പേരുടെ നില ഗുരുതരമാണ്. സേലത്ത് നിന്നുള്ള 15 അംഗ സംഘവും ആന്ധ്ര രജിസ്‌ട്രേഷൻ വാഹനത്തിലെ ഡ്രൈവറുമാണ് വണ്ടിയിലുണ്ടായിരുന്നത്. പരുക്കേറ്റവരെ ആസ്റ്റർ മെഡിസിറ്റി ആശുപത്രിയിൽ പ്രവേശിപ്പിച്ചു.

  കൊല്ലം: കെഎസ്ആര്‍ടിസിയില്‍ ശമ്പളമില്ല. ശമ്പളം നല്‍കാത്തതിനാല്‍ കൂലിപ്പണിക്ക് പോകാന്‍ ലീവ് ആവശ്യപ്പെട്ട് ജീവനക്കാര്‍. പുനലൂര്‍ ഡിപ്പോയിലെ ജീവനക്കാരാണ് ശമ്പളം കിട്ടാത്തതിനാല്‍ കൂലിപ്പണിക്ക് പോകുന്നതിന് അവധി ആവശ്യപ്പെട്ടു എടിഒയ്ക്ക് കത്തുനല്‍കിയത് . നിത്യച്ചെലവ് പോലും വഹിക്കാനാകാത്ത സ്ഥിതിയാണുള്ളത് . കുടുംബം മുന്നോട്ടു കൊണ്ടുപോകാനാകുന്നില്ല. അതിനാല്‍ കുടുംബം പുലര്‍ത്താനാണ് കൂലിപ്പണിക്ക് പോകാന്‍ തീരുമാനിച്ചതെന്ന് ജീവനക്കാര്‍ പറഞ്ഞു. നവംബര്‍ 30ന് ലഭിക്കേണ്ട ശമ്പളം രണ്ടര ആഴ്ചയായിട്ടും ലഭിക്കാഞ്ഞതോടെയാണ് ജീവനക്കാര്‍ പരസ്യ പ്രതിഷേധവുമായി രംഗത്തെത്തിയിരിക്കുന്നത്. ബിഎംഎസ് യൂണിയനില്‍പ്പെട്ട കെഎസ്ആര്‍ടിസി ജീവനക്കാര്‍ ഇന്നലെ…

  ഇരട്ട കൊലപാതകങ്ങളുടെ പശ്ചാത്തലത്തിൽ ആലപ്പുഴയിൽ സർവകക്ഷി യോഗം ചേർന്നു. ജില്ലയിൽ പരിപൂർണമായ സമാധാനവും ശാന്തിയും നിലനിർത്താൻ യോഗം ആഹ്വാനം ചെയ്തു. മന്ത്രിമാരായ സജി ചെറിയാൻ, പി പ്രസാദ് എന്നിവർ സർവകക്ഷി യോഗത്തിന് നേതൃത്വം നൽകി. ഇരട്ടക്കൊലപാതകങ്ങളുടെ തുടർച്ചയായി ഒരു അനിഷ്ട സംഭവങ്ങളും ജില്ലയിൽ ഉണ്ടാകരുതെന്ന് സർവകക്ഷി യോഗം ആഹ്വാനം ചെയ്തതായി മന്ത്രി സജി ചെറിയാൻ പറഞ്ഞു. കൊലപാതകങ്ങളിൽ പങ്കാളികളായവരെയും ഗൂഢാലോചനയിൽ പങ്കെടുത്തവരെയും നിയമത്തിന് മുന്നിൽ കൊണ്ടുവരും. എല്ലാ രാഷ്ട്രീയ പാർട്ടികളും അവരുടെ തലങ്ങളിൽ സമാധാനത്തിനായുള്ള പ്രചാരണങ്ങൾ…

  കാസർകോട്: കേരളം വിദ്യാഭ്യാസത്തിലും സ്ത്രീശാക്തീകരണത്തിലും ഏറെ മുന്നിലാണെന്ന് രാഷ്ട്രപതി രാംനാഥ് കോവിന്ദ്. സ്‌കൂളുകളും കോളജുകളും രാജ്യത്തിന്റെ ഭാഗധേയം രൂപപ്പെടുത്തുന്ന ശില്‍പശാലകളാണെന്നും വിദ്യകൊണ്ട് പ്രബുദ്ധരാവുക എന്ന ശ്രീനാരായണഗുരുവിന്റെ വാക്കുകൾ ഏവർക്കും പ്രചോദനമാണെന്നും അദ്ദേഹം പറഞ്ഞു. സാക്ഷരതയിലും സ്ത്രീ വിദ്യാഭ്യാസത്തിലും രാഷ്ട്രപതി കേരളത്തെ പ്രശംസിച്ചു. കേരളം പഠനമേഖലയില്‍ മറ്റു സംസ്ഥാനങ്ങളെക്കാള്‍ ഏറെ മുന്നിലാണെ ന്നും ഐക്യരാഷ്ട്ര സഭയ്ക്കു കീഴിലുള്ള യുനെസ്കോയുടെ ആഗോള പഠന നഗര ശൃംഖലയിൽ കേരളത്തില്‍നിന്ന് തൃശൂരും നിലമ്പൂരും ഉള്‍പ്പെട്ടിട്ടുണ്ടെന്നും കേരളീയരുടെ സാക്ഷരത വര്‍ധിപ്പിക്കാന്‍ പിഎന്‍ പണിക്കര്‍…

  ഗുരുവായൂർ: പ്രശസ്ത സിനിമ സ്റ്റില്‍ ഫോട്ടോഗ്രാഫര്‍ സുനില്‍ ഗുരുവായൂര്‍ അന്തരിച്ചു. ഹൃദയാഘാതത്തെ തുടര്‍ന്ന് ഗുരുവായൂരിലെ സ്വവസതിയിലായിരുന്നു അന്ത്യം. ഭാര്യ അംബിക. മക്കള്‍ അനിത, അനില്‍. ഭരതന്‍ സംവിധാനം ചെയ്ത വൈശാലിയിലൂടെയാണ് സിനിമയിലെത്തുന്നത്. പിന്നീട് നിരവധി മലയാള സിനിമകള്‍ക്ക് നിശ്ചല ഛായാഗ്രഹണം നിര്‍വഹിച്ചിട്ടുണ്ട്.

  തൃശ്ശൂരിൽ എംഎൽഎ റോഡിൽ പുഴയ്ക്കൽ പാടത്തിന് അടുത്ത കനാലിൽ നവജാത ശിശുവിന്റെ മൃതദേഹം കണ്ടെത്തി. ചൊവ്വാഴ്ച രാവിലെയാണ് വലിയ കവറിൽ പൊതിഞ്ഞ നിലയിൽ കുട്ടിയുടെ മൃതദേഹം കണ്ടത്. ശാന്തിഘട്ടിൽ ബലിയിടാനെത്തിയവരാണ് മൃതദേഹം ആദ്യം കണ്ടത്. തുടർന്ന് പോലീസിൽ വിവരം അറിയിക്കുകയായിരുന്നു മൃതദേഹത്തിന് മൂന്ന് ദിവസത്തെ പഴക്കമുണ്ടെന്നാണ് വിവരം. പോലീസ് സ്ഥലത്തെത്തി അന്വേഷണം ആരംഭിച്ചു.

ഗുരുവായൂരപ്പന് കാണിക്കയായി ലഭിച്ച മഹീന്ദ്ര ഥാർ ലേലത്തിൽ പിടിച്ച അമൽ മുഹമ്മദിന് തന്നെ നൽകാൻ ദേവസ്വം ബോർഡ് തീരുമാനിച്ചു. ഇടപ്പള്ളി സ്വദേശിയായ അമൽ മുഹമ്മദ് 15.10 ലക്ഷം രൂപക്കാണ് ഥാർ ലേലത്തിൽ പിടിച്ചത്. നേരത്തെ ലേല നടപടികൾ വിവാദമായ സാഹചര്യത്തിലാണ് ദേവസ്വം ബോർഡ് യോഗം ചേർന്നതും അമലിന് തന്നെ വണ്ടി നൽകാൻ തീരുമാനിച്ചതും ലേലത്തിൽ ഒരാൾ മാത്രമാണ് പങ്കെടുത്തത്. ഗൾഫിലുള്ള അമലിന് വേണ്ടി തൃശ്ശൂർ സ്വദേശിയായ സുഭാഷ് പണിക്കരാണ് ലേലം വിളിച്ചത്. എന്നാൽ ഭരണസമിതി യോഗത്തിൽ അന്തിമ…