Kerala

കൽപ്പറ്റ :വ്യാജ എന്‍ജിനീയറിംഗ് സർട്ടിഫിക്കറ്റ് കാണിച്ച് പഞ്ചായത്തിന്‍റെ തൊഴിലുറപ്പ് പദ്ധതിയില്‍ യുവാവ് എൻജിനീയറായി ജോലി ചെയ്തത് നാല് വർഷം. വയനാട് കണിയാമ്പറ്റ പഞ്ചായത്താണ് യോഗ്യത ഇല്ലാത്ത ആളെ നിയമിച്ചത്. പരാതികൾ ഉയർന്നതിനെ തുടർന്ന് രാജിവെച്ചെങ്കിലും യുവാവിനെതിരെ കേസ് നൽകാൻ പഞ്ചായത്ത് തയ്യാറായിട്ടില്ല. 2015 മുതൽ 2019 വരെയാണ് കമ്പളക്കാട് സ്വദേശി ഹർഷൽ പി കെ കണിയാമ്പറ്റ പഞ്ചായത്തിൽ തൊഴിലുറപ്പ് പദ്ധതി എൻജീനിയറായി ജോലി നോക്കിയത്. ഭരണസമിതിയാണ് ഇയാളുടെ നിയമനം നടത്തിയത്. 4 വർഷം 17 കോടി വരുന്ന…

കൊയിലാണ്ടിയിൽ നിന്ന് മത്സ്യവുമായി എത്തിയ ആൾക്ക് കൊവിഡ് സ്ഥിരീകരിച്ചതോടെ മലപ്പുറം കൊണ്ടോട്ടിയിലെ മത്സ്യ മൊത്ത വിതരണ കേന്ദ്രം അടച്ചു. കഴിഞ്ഞ ദിവസമാണ് കൊയിലാണ്ടി സ്വദേശിയായ മത്സ്യ വിൽപ്പനക്കാരന് കൊവിഡ് സ്ഥിരീകരിച്ചത്. ഇയാളുടെ റൂട്ട് മാപ്പിൽ മത്സ്യ മൊത്ത വിതരണ കേന്ദ്രവും ഉൾപ്പെട്ടിരുന്നു. തുടർന്നാണ് ഇത് അടച്ചിടാൻ നിർദേശം നൽകിയത്. കേന്ദ്രത്തിലെ ചുമട്ടു തൊഴിലാളികളോടും മത്സ്യ കച്ചവടക്കാരോടും നിരീക്ഷണത്തിൽ പോകാൻ ആരോഗ്യ വകുപ്പ് നിർദേശം നൽകിയിട്ടുണ്ട്. ഒരു മത്സ്യക്കച്ചവടക്കാരനും ചുമട്ടു തൊഴിലാളിക്കും കൊവിഡ് ബാധിച്ചതായും സ്ഥിരീകരിക്കാത്ത റിപ്പോർട്ടുകളുണ്ട്.

സ്വർണക്കടത്ത് കേസിലെ പ്രതികളായ സ്വപ്‌ന സുരേഷും സരിത്തും എൻ ഐ എ കസ്റ്റഡിയിൽ തുടരും. ഈ മാസം 24 വരെയാണ് പ്രതികളെ കസ്റ്റഡിയിൽ വിട്ടിരിക്കുന്നത്. അഞ്ച് ദിവസത്തെ കസ്റ്റഡി കൂടിയാണ് എൻ ഐ എ നീട്ടി ചോദിച്ചത്. കോടതി നാല് ദിവസം അനുവദിക്കുകയായിരുന്നു അതേസമയം പ്രതികൾ കോടതിയിൽ ജാമ്യാപേക്ഷ സമർപ്പിച്ചു. യുഎപിഎ ചുമത്തിയ നടപടി പിൻവലിക്കണമെന്ന് ജാമ്യാപേക്ഷയിൽ പറയുന്നു. കസ്റ്റഡി കാലാവധി അവസാനിക്കുന്ന 24ന് പ്രതികളുടെ ജാമ്യാപേക്ഷയും പരിഗണിക്കും. പ്രതികളുടെ സാമ്പത്തിക ഇടപാടുകളും എൻ ഐ എ…

ബാലഭാസ്‌കറിന്റെ മരണത്തിന് ഇടയാക്കിയ അപകടം നടക്കുന്ന സമയത്ത് കാർ ഓടിച്ചിരുന്നത് താനല്ലെന്നും ബാലഭാസ്‌കറാണെന്നും ഡ്രൈവർ അർജുൻ. ബാലഭാസ്‌കറിന്റെ അലക്ഷ്യമായ ഡ്രൈവിംഗാണ് അപകടത്തിന് കാരണമായത്. ഇതിനാൽ തനിക്ക് ഒരു കോടി രൂപ നഷ്ടപരിഹാരം തരണമെന്ന് ആവശ്യപ്പെട്ട് അർജുൻ കോടതിയെ സമീപിച്ചു ബാലഭാസ്‌കറിൻരെ കുടുംബത്തെ എതിർകക്ഷിയാക്കിയാണ് അർജുന്റെ ഹർജി. അതേസമയം അപകടസമയത്ത് കാറോടിച്ചിരുന്നത് അർജുനാണെന്ന് ഫോറൻസിക് പരിശോധനയിൽ കണ്ടെത്തിയിരുന്നു. അർജുന് തലക്ക് പരുക്കേറ്റത് മുന്നിലെ സീറ്റിൽ ഇരുന്നതിനാലാണെന്നും ഫോറൻസിക് പരിശോധനയിൽ കണ്ടെത്തി കാറിന്റെ പിൻസീറ്റിലാണ് അപകടസമയത്ത് ബാലഭാസ്‌കറുണ്ടായിരുന്നത്. ഭാര്യ ലക്ഷ്മി…

സംസ്ഥാനത്ത് വീണ്ടും കൊവിഡ് മരണം. ഇടുക്കി അയ്യപ്പൻ കോവിൽ സ്വദേശി നാരായണനാണ് മരിച്ചത്. 75 വയസ്സായിരുന്നു. ഇന്നലെയാണ് നാരായണന് കൊവിഡ് സ്ഥിരീകരിച്ചത്. കോട്ടയം മെഡിക്കൽ കോളജ് ആശുപത്രിയിൽ ചികിത്സയിലായിരുന്നു 16ാം തീയതി തേനിയിൽ നിന്ന് ഊടുവഴികളിലൂടെയാണ് നാരായണനും മകനും ഇടുക്കിയിലെത്തിയത്. തുടർന്ന് ഏലത്തോട്ടത്തിന് നടുവിലെ വീട്ടിൽ ആരുമറിയാതെ താമസിക്കുകായയിരുന്നു. സ്‌പെഷ്യൽ ബ്രാഞ്ച് വിവരത്തെ തുടർന്നാണ് ആരോഗ്യ വകുപ്പ് ഇവരുടെ അടുത്ത്് എത്തിയത്. എന്നാൽ പരിശോധനക്ക് തയ്യാറായില്ല. തുടർന്ന് നിർബന്ധപൂർവമാണ് സ്രവമെടുത്ത് പരിശോധനക്ക് അയച്ചത്‌

കാസർകോട് നീലേശ്വരത്ത് 16കാരിയെ മദ്രസ അധ്യാപകനായ പിതാവ് അടക്കം ഏഴ് പേർ പീഡിപ്പിച്ച കേസിൽ കൂടുതൽ അസ്റ്റ് ഇന്നുണ്ടാകും. കുട്ടിയുടെ ഉപ്പയടക്കം നാല് പേരാണ് ഇതുവരെ അറസ്റ്റിലായത്. പ്രതികളായ കുട്ടിയുടെ അമ്മ അടക്കമുള്ളവരെ ഇന്ന് അറസ്റ്റ് ചെയ്യും. മൂന്ന് പ്രതികൾ ഒളിവിലാണ്. കുട്ടിയുടെ മൊഴിയിൽ ഇവരുടെ പേര് പറഞ്ഞിരുന്നു. ഇവർക്കായി അന്വേഷണം ഊർജിതമായി നടക്കുന്നുണ്ട്. കുട്ടിയുടെ ഗർഭച്ഛിദ്രം നടത്തുകയും ഇക്കാര്യം പോലീസിനെ അറിയിക്കാതിരിക്കുകയും ചെയ്ത സ്വകാര്യ ആശുപത്രിയിലെ ഡോക്ടർക്കെതിരെയും പോക്‌സോ കേസ് എടുക്കുമെന്ന് പോലീസ് അറിയിച്ചു മദ്രസ…

തിരുവനന്തപുരം സ്വര്‍ണ്ണക്കടത്ത് കേസിലെ പ്രതിയായ ഫൈസല്‍ ഫരീദ് ചില മലയാള സിനിമകള്‍ക്ക് വേണ്ടി പണം മുടക്കിയതായുളള സൂചനകള്‍ പുറത്ത് വന്നിരുന്നു. ഇതിന് പിറകെ ചില മലയാള സിനിമാ പ്രവര്‍ത്തകര്‍ക്കെതിരെ ഗുരുതര ആരോപണം ഉന്നയിച്ച് രംഗത്ത് വന്നിരിക്കുകയാണ് ബിജെപി നേതാവ് എംടി രമേശ്. മലയാളത്തിലെ സിനിമാക്കാരായ ദമ്പതിമാര്‍ക്ക് ഫൈസല്‍ ഫരീദുമായി ബന്ധമുണ്ട് എന്നാണ് എംടി രമേശിന്റെ ആരോപണം. ഇടത് സഹയാത്രികരായ കൊച്ചിയിലെ സിനിമാ ദമ്പതിമാര്‍ക്കാന്‍ ഫൈസല്‍ ഫരീദുമായി ബന്ധം എന്ന് എംടി രമേശ് കോഴിക്കോട് മാധ്യമപ്രവര്‍ത്തകരോട് പറഞ്ഞു. ഇക്കാര്യത്തില്‍…